CSC-SY

الي فترة عم لاحظ ظاهرة غريبة، وهي العدد الكبير لمختصي الذكاء الصنعي بموقعنا، العدد زاد كتير عن انو يكون طبيعي، حاولت كتير اكتشف سبب اختيار عدد كبير من المسجلين ضمن الموقع هالاختصاص بالذات، علما انو الحقل اختياري و مانون مضطرين يختارو شي، بالقسم الاكبر من المسجلين واضح من خلال باقي المعلومات او المشاركات انو ما ممكن يكون مختص ذكاء صنعي...

عم فكر وفقا لاقتراحات من Kinan و derarief:

1) نلغي المنتدى العام.
2) نخلي مشاركات التسلية للمدونات و منتدى الأعضاء الفعالين.
3) نحدث قواعد المنتدى وفقا لهالشي، أي مشاركة غير جدية بالمنتدى تحذف، و الأعضاء الفعالين بس إلون حق ارسال مشاركات تسلية.
4) تحديث شروط الانضمام لمجموعة الأعضاء الفعالين بحيث يكون على العضو إضافة عدد معين من المواضيع العلمية للويكي أو المنتدى و المتابعة بشكل دوري (دورو طويل شوي).

مليت من Hotmail إلي ما بيعرض الرسائل بترميز UTF-8، و مستخدمينو إلي ما بيعرفو يغيرو الترميز و ما بيعرفو يفحصو الرسالة شوي قبل ما يركضو لصفحة راسلنا و يتهمونا بأنو رسائلنا بلغة غريبة و الرجاء إرسال الرسالة بالعربي!

علما أنو الأسطر الخاصة باسم المستخدم و كلمة المرور مكتوبة بالانكليزي ضمن رسالة الترحيب، و في بالرسالة ملاحظة بالانكليزي عن ضرورة تغيير الترميز، بس ما في فائدة.

http://www.patmedia.net/marklevinson/cool/cool_illusion.html

بالكام يوم الأخيرين كنت غايب عن الموقع، مشغول كتير هالكام يوم بين الكلية و الشغل... الغريب بالموضوع أنو ما عجبا المواضيع الخارجة عن قواعد المشاركة تكتر غير بهالفترة

حذفت و عدلت، اضطريت عدل تقريبا كل مشاركة جديدة من آخر زيارة إلي، ما معقول! عنوان غير واضح أو منتدى غير مناسب أو موضوع سخيف، في اسا تعديلات لازم تصير بس ما عندي وقت إلا حاليا.

خلال الأيام القليلة الماضية عملت عدة تحديثات على الموقع، رح حاول اتذكرا:

* التواقيع صارت بتشتغل متل الموقع القديم.
* صار في ويكي على الموقع، تقريبا جاهزة، بس في مشكلة بسيطة بين الـCSS و IE بدا تزبيط.
* فعلت المدونات للأعضاء الفعالين.
* نشرت الاعلانات الي انبعتت و حطيت تصويت لاختيار الاعلان الافضل.

اه و في ميزة جديدة ظريفة، صار ممكن انشاء لينك لأي موضوع منتدى او خبر او اي صفحة تانية، من خلال وضع عنوانا بين قوسين من الشكل ]] و [[ (بس بالعكس طبعا).