CSC-SY

أنا و لمى حاليا بمصر الإيفاد اللي حكيت عنه قبل ...
اليوم أول يوم دوام بالكلية .. أصبنا ببعض خيبة الأمل .. بس الحمد لله ..
كليتهم جديدة و لسا سنة تخرج ما في .. و كل شي ممكن يفيدونا فيه منعرفه و آخدينه سنة أولى و تانية ...رح ندور على شي تاني ممكن نستفيد منه.
شوب و حر كتير و الجو ما بينطاق .. و تحجيز كامل على كل تحركاتنا ..قال خايفين علينا ..
ناطرين أيام العطل و الأسبوع السياحي .. على الإسكندرية و القاهرة ..

طلعلنا إيفاد ...

بس هالمرة شكلها مزبوطة ..و مو متل بمدونة Rami "ياي طلعلنا بعثة"

على مصر لمدة شهر ..أنا و كمان lama .. و الإيفاد على جامعة المنية بس لسا ما حددنا مجال التدريب اللي حابين نتدرب فيه ..لأن لسا ما زبطنا شي من الأوراق ... بس هون ما في كاني ماني و فحص لغة و تعالوا و روحوا ..بس منزبط أوراقنا و منطلع و بس ..إلا إذا اللهم عملوا فينا متل بعض الطلاب السنة الماضية وقت طلع لهم إيفاد على ألمانيا و زبطوا كل الأوراق و الأوضاع ..بس ما قبلوا يعطوهم الفيزا ... فبيجوز إذا كانوا ما حابين يستغنوا عننا أبدا يطلعولنا شي مشكلة بآخر لحظة ..من هون أو من هون

3 فصول دراسية و منخلص و بيمنحونا اللقب العظيم .."مهندس معلوماتية" .. طبعا أنا بصير" مهندسة " مو" مهندس" ..

بيطلع الواحد لورا شوي على 7 فصول قضاهم بها الكلية العتيدة بيلاقي .... مدري يمكن ما بيلاقي شي ..

كنا نصعد و أصدقائي درج الكلية ..للانتقال إلى محاضرات العملي .. لفت انتباهنا إعلان بحجم كبير و ألوان فرحة أحرف كبيرة لم نلتقط منها على عجلتنا إلا csc ...على إحدى لوحات الإعلان في طابق المكاتب الإدارية ... لم يكن لدينا الوقت الكافي لنتوقف لبعض الوقت و نقرأ ما هو الجديد .... سنقوم بذلك عند انتهاء محاضرة العملي ...
كان الإعلان لموقع csc-net.sy .. لم نكن قد سمعنا به من قبل ..فكرة جميلة و ممتعة أن نجتمع كلنا من الجامعات الأربعة بهمومنا و مشاكلنا و آمالنا و طموحاتنا .. في موقع واحد ..قررنا جميعنا أن نتصفح المنتدى على الأقل ..و قمنا بذلك من تونا .. قمنا بالاشتراك في الموقع ...و استمرينا في تصفح الموقع ليومين أو ثلاثة ..بعدها ..مل الأصدقاء و تركوا الموقع .. باتوا يدخلون إليه مرة أو مرتين في الأسبوع و كزوار فقط ..أما أنا فلم أستطع إلا أن أستمر ..هناك شيء شدني إليه ... ربما هي الصحبة الجميلة مع زملاء يتشاركون بأجمل أيام الشباب ..أيام الكلية المقيتة و المفرحة و الجميلة و اليائسة و المتفائلة ..و التناقضات الكثيرة التي تجمعها .. ... ربما هو الشعور بالأمان بأن هناك دائما من يساندك و سيساعدك في حال واجهتك أي مشكلة ..و أن هناك شيئا جديدا تتعلمه هنا في كل يوم ..