CSC-SY

الحمد لله أخيراً تخرجنا من الكلية وشفنا هاليوم يلي إن شاء الله الكل بيوصله.
و متل عادتي دائماً بعمل إحصائيات عن علامات الطلاب والمنافسين وهيك أشياء. هالمرة قلت لحالي أكتب مدونة فيها إحصائيات بسيطة عن مسيرتي بهالكلية كأرقام:

دخلت الكلية في عام 2002
تخرجت في عام 2007
معدل التخرج 79.28
الترتيب على قسم هندسة البرمجيات ونظم المعلومات بفضل الله هو الأول

حبيت احكي عن تغير طبيعة المادة بتغير الدكتور
هي الظاهرة كتير موجودة عنا بالكلية يعني بتلاقي بسنة معينة المادة من أحلى ما يكون وفجأة بيتغير الدكتور فبتتغير طريقة إعطاء هالمادة وبتنقلب المفاهيم رأساً على عقب
والمشكلة الأكبر لما بتصير المادة كلها ما إلها علاقة باسمها
لما كنت سنة أولى كنت اتفرج على البرنامج الأسبوعي لحتى شوف أسماء المواد الموجودة عنا بالكلية فكنت قول لحالي ماني مصدق إيمتى صير سنة رابعة وكنت شوف أسماء مواد كتير حلوة فكنت قول لحالي ياسلام بدنا نتعلم شغلات كتير حلوة بس للأسف بعد ماصرت سنة رابعة اكتشفت إنو في عنا كتير مواد عبارة عن أسماء فقط وليس لها علاقة باسمها