الجامعة الافتراضية السورية

ما هي الجامعة الإفتراضيّة؟

هي مؤسسة تعليميّة سوريّة حكوميّة معتمدة. مقرّها الأساسي في دمشق. تمنح الجمعة الإفتراضيّة السوريّة عددا من الشهادات في عدد من الإختصاصات المتنوعة. تتم الدراسة في الجامعة الإفتراضيّة عن طريق الإنترنت, و هي أوّل مؤسسة تعليميّة إفتراضيّة في منطقة الشرق الأوسط, و لا تزال الرائدة في هذا المجال.

هل الجامعة الإفتراضيّة معتمدة؟

نعم. الجامعة معتمدة من قبل وزارة التعليم العالي في سوريا, و مقرها هو في وزارة التعليم العالي السوريّة, لهذا فاعتماديتّها المحليّة قائمة بامتياز. يمكن لخريجي برنامج الهندسة المعلوماتيةّ فيها التسجيل في نقابة المهندسين السوريّة, و يمكن لطلّابها السوريين تأجيل الخدمة العسكريّة عن طريقها.

ما هي الشهادات التي تمنحها الجامعة الإفتراضيّة؟

دبلوم

الدبلوم الوطني العالي في تقنيات المعلومات

بكالوريوس

بكالوريوس في تقنيّات المعلومات, بكالوريوس في هندسة النظم المعلوماتيّة (عدد من الإختصاصات), بكالوريوس في الإقتصاد (عدد من الإختصاصات)

ماجستير

ماجستير في إدارة الأعمال

ما هو نظام الدراسة؟

بالنسبة لأغلب الإختصاصات فصلي, و هنالك فصلان في السنة. يمكن للطالب أن يأخذ عند بداية كل فصل عدد من المواد أقله 3 و أكثره 7. بالنسبة للماجستير النظام سنوي. يحق للطلّاب الإعتذار عن التسجيل عند بداية الفصل, لكن يجيب مراعاة أن لا تتجاوز مدّة الدراسة الكليّة المدّة القصوى و إلا طرد الطالب.

ما هي مدّة الدراسة القصوى؟

يجب مراجعة الجامعة للتأكد, لكنها في غالب الإختصاصات (ضعف المدّة العاديّة - سنة), أي مثلا المدّة القصوى هي 7 سنوات للبكالوريوس, حيث مدته العاديّة 4 سنوات.

هل يمكنني إنهاء الدراسة في فترة أقصر من المدّة العاديّة؟

لا, للأسف. رغم أنّ هذا ممكن نظريّا إذا أخذت الحد الأقصى من المواد في كل فصل, لكن تعليمات وزارة التعليم العالي تمنعه.

أين يمكنني الحصول على مزيد من المعلومات؟

هنالك الكثير من المواقع المفيدة. الموقع الرسمي للجامعة الإفتراضيّة متوفر بثلاث لغات و فيه المعلومات الحديثة عن الإختصاصات المتوفرة و طرق التسجيل بالإضافة إلى أرقام هواتف و عناوين بريد إلكتروني قد تفيد. موقع طلّاب الجامعة الإفتراضية هو موقع غير رسمي لكن يمكنك فيه الحصول على إجابات لأسئلتك من الطلّاب الذين يدرسون الآن في الجامعة. موقع المحاضرات يمكنك من تحميل المحاضرات المسجلة إذا أردت مشاهدتها للتعرف على طبيعة الدراسة و المواد في كل إختصاص في الجامعة الإقتراضيّة. أيضا موقع الهندسة المعلوماتية في سوريا هو ملتقى غير رسمي لطلّاب المعلوماتيّة في جميع الجامعات السوريّة.

ماذا أحتاج للقبول؟

يرجى مراجعة الجامعة للتأكد. للقبول في برنامج الدبلوم الوطني العالي تحتاج إلى ثانويّة عامّة (أي فرع). للقبول في برنامج الـBIT (بكالوريوس في تقنيّات المعلومات) تحتاج إلى ثانويّة عامّة (علمي). للقبول في برنامج ISE (بكالوريوس في هندسة نظم المعلومات) تحتاج إلى ثانويّة عامّة (علمي). للقبول في برنامج BSE (بكالوريوس في الإقتصاد) تحتاج إلى ثانويّة عامّة (أي فرع). للقبول في برنامج الـMBA تحتاج إلى درجة جامعيّة (أي إختصاص). إضافة إلى ذلك, يمكن لخرّيجي المعاهد المعلوماتيّة أو الدبلوم الوطني العالي الإكمال في السنة الثالثة من BIT.

هل هناك مفاضلة؟

لا. الجامعة تتبع سياسة الباب المفتوح, ما يعني أن كثيرا من الطلّاب يدخلون لكن القليل منهم ينجحون إلى ما بعد السنة الأولى.

هل هناك طلّاب من خارج سوريا؟

نعم, لكنّ عددهم قليل. أغلبهم في السعوديّة و الإمارات.

ماذا عن التكلفة الماديّة؟

التكلفة ضئيلة بالمقارنة مع الجامعات الاخرى. تقريبا تكلّف السنة في أي من الإختصاصات بين 50 إلى 70 ألف ليرة سوريّة (1000 إلى 1500 دولار).

ماذا أحتاج لحضور الدروس؟

حاسب مجهّز بنظام تشغيل ويندوز 9x أو XP (نظام Vista لن يعمل). لحضور المحاضرات تفاعليّا تحتاج إلى إتصال ذي تلبّث ضئيل (ISDN أو ADSL), لكن ليس بالضرورة ذي عرض حزمة عالي. لتحميل المحاضرات و الكتب الإلكترونيّة يكفي إتصال المودم العادي. بالنسبة للبرامج تحتاج إلى Office (يفضّل 2003) و عدد من البرامج الخدميّة (Microsoft JVM و Java JVM و Adobe Reader). إتصال المودم العادي يكفي لتحميل المحاضرات مسجّلة, لكن ليس لحضورها مباشرة. يمكن أيضا حضور المحاضرات من أحد مراكز النفاذ التي أقامتها الجامعة في عدد من المناطق السوريّة و في المنطقة الحرّة في دبي. مركز النفاذ يسمح بتحميل المحاضرات المسجلّة بسرعة عاليّة من الشبكة الداخليّة و حضور المحاضرات مباشرة, و ستلتقي هناك بالطلّاب الآخرين من منطقتك.

أين تقام الإمتحانات و المذاكرات؟

في مراكز النفاذ إذا كنت داخل سوريا أو في الإمارات, أو من بيتك بالمراقية عن طريق الإنترنت إذا كنت خارجها, و عندها ستحتاج إلى أتصال سريع. هنالك 5 مراكز نفاذ في دمشق, و تقريبا مركز في كل محافظة اخرى عدا بعض المحافظات التي ليس فيها الكثير من الطلّاب.

لمن مراكز النفاذ هذة؟

هي غالبا مؤجّرة. عقود الإيجار تستمر لبضع سنوات اخرى, حيث تأمل الجامعة عندها أن تكون بنية الإنترنت في سوريا قد تحسّنت.

ماذا عن المدرسين؟

هم من المقيمين في دمشق, حيث يتم إعطاء الدروس من مركز الجامعة الأساسي. غالباّ هم من المدرّسين في جامعة دمشق. تدفع الجامعة 1200 ليرة لكل ساعة تدريس. مستوى المدرسين ممتاز عموما, لكن مستوى التدريس يتأثّر كثيرا بخبرة المدرس بالتعليم الإفتراضي.

المعلوماتية في الجامعات السورية

informatics_in_syrian_universities

الصفحة غير مكتملة.

لا نتحمّل أيّ مسؤوليّة عن دقة المعلومات الواردة هنا. ربما (على الأغلب) هناك أخطاء. راجع و تأكد بنفسك من الجهات المعنيّة.الصفحة قد لا تعكس النظم الحديثة. راجع الجهة المعنيّة قبل إتّخاذ القرار.

ستحتوي الصفحة إن شاء الله : معلومات عن الجامعات بشكل عام, و المناهج تبعها, يكتبها طلاب من هي الجامعات أو ناس مهتمين. النقاط المقترحة : الموقع (المكان), الأساتذة, المنهاج, التسجيل, التكلفة, الإعتماديّة من قبل الدولة, الموقع (على الانترنت), أي نقاط اخرى مهمّة.

الصفحة الهدف منها مساعدة طلاب البكالوريا, أو اللي بدن يسجلوا معلوماتية, على اتخاد القرار, لهذا المعلومات لازم تكون موضوعية و حيادية.

1.0 ما هي المعلوماتيّة؟

1.1 مفاهيم خاطئة

المعلوماتيّة ليست "طقطقة أزرار على الكمبيوتر".
المعلوماتيّة ليست البرمجة فحسب.
المعلوماتيّة فرع واحد.
المعلوماتيّة صعبة و معقّدة.

1.2 التعريف العام

1.3 المصطلحات

هنالك عدد من المصطلحات المستخدمة.

المصطلحات الإنجليزيّة:

في بداية عصر المعلوماتيّة (في الخمسينات) كان المصطلح المستخدم هو Computer Science و ذلك يعكس الإعتقاد القديم إن التحدي هو في بناء الحاسب نفسه, و أن ما يتلو ذلك سهل. فيما بعد, عندما أصبح بناء العتاد أمرا هيّنا و ميسورا, و تبين حجم العمل المطلوب لبناء البرمجيّات و التفكير في الخوارزميّات, أصبح المصطلح المفضّل هو Computing Science للتدليل على أن الفرع يتعامل مع الحسابات باستخدام الحاسب و ليس بالضرورة مع تصنبع الحاسب نفسه, لكن المصطلح القديم Computer Science هو الشائع الإستخدام

هنالك الكثير ممن يعتبرون إسم Computer Science خاطئا و مضللا للطلاب الجدد, لكن الإسم قيد الإستعمال و قد شاع و انتشر. يرى معارضوا هذة التسميّة أن القسم الثاني منها خاطئ حيث أن المعلوماتيّة ليست علما على الإطلاق, بل هي قريبة جدّا من الرياضيات التي ليست علما هي الاخرى بطبيعة الحال (لكن ليس معنى ذلك أنّها غير مفيدة ..). أيضا الكثيرون من المعلوماتيين البارزين يرون أن القسم الأوّل من الإسم خاطئ أيضا : المعلوماتية ليست بالضرورة مرتبطة بالحواسب, و يقول Edsger Dijkstra أن علاقة المعلوماتية بالحواسب شبيهة جدّا بعلاقة علم الفلك بالتلسكوبات. المعلوماتيون يستخدمون الحواسب للتوصل إلى نتائج معيّنة و لدراسة الخوارزميّات و تصرفاتها, تماما كما يدرس الفلكيّون الكواكب و النجوم باستخدام التلسكوبات.

هنالك عدة أقسام للمعلوماتيّة, كلها مترابطة معا و تعتمد على بعضها. يمكن غالبا لخريجي المعلوماتية التخصص في أحد هذة الأقسام : العتاديّّات (بناء الحواسب), البرمجيات (و هنالك أقسام عديدة متضمّنة هنا, منها الذكاء الصنعي و تصميم لغات البرمجة و نظم المعلومات). كل فروع المعلوماتيّة مترابطة سويّا.

المصطلحات العربيّة:

يسمى الفرع بشكل عام في اللغة العربية بـ المعلوماتية, و يسمى أحيانا بـ المعلوميّات للدلالة على أساسيّة التعامل مع المعلومات.

1.4 المتطلّبات

هنالك عدّة فروع من المعرفةيحتاجها طالب المعلوماتيّة.

1) اللغة الإنجليزيّة. غالبية المراجع باللغة الإنجليزية و اللغة الإنجليزية هي اللغة الام للمعلوماتية : حتى في الأيّام الأولى (الخمسينات) كانت جميع الأبحاث تنشر بالإنجليزيّة, و كانت هي اللغة المستخدمة في جميع المؤتمرات حتّى عندما كان جميع الحاضرين من متحدثي لغة اخرى. من الأسباب الإضافية التي تحثّك على تعلم الإنجليزيّة نقص المراجع العربيّة (و ردائتها) و نقص المصطلحات العربيّة.^[1]

2) الخوارزميّات و الجوانب ال"نظريّة" الاخرى في المعلوماتيّة هي رياضيّات بحته; في الحقيقة هنالك تقاطعات كثيرة لعمل الرياضيّاتيين و علماء الحاسب.

1.5 الأقسام

 

2.0 ما الأماكن التي تدرّس مناهج مشابهة, و ما الفروق بينها؟

في سوريا, هناك الآن عدد من الخيارات المحليّة للطلاب الراغبين بدراسة المعلوماتيّة. هناك الجامعات الحكومية الأربع لخريجي الشهادة الثانوية الجدد (الحائزين على المعدّل المطلوب بالطبع ) و هناك عدد من الجامعات الخاصّة في أماكن متعددة, و هناك التعليم الإفتراضي. يتعلق اختيارك لجامعة بعدد من المعايير, منها مثلا سنة الحصول على الشهادة الثانوية (FIT و HIAST لا تقبلان إلا الخريجين الجدد), معدلك في الشهادة الثانوية (غالبية الجامعات المذكورة لها مفاضلات), مدى تفرغك للدراسة (الجامعة الإفتراضية مثلا لا تشترط الدوام), قدراتك الماديّة (بعض الجامعات يكلف التسجيل بها الكثير من النقود سنويا, و تتراوح الأقساط),المكان الذي تقطن فيه (دمشق, حلب, غير ذلك ..), اللغة التي تحب أن تدرس فيها (AEU تدرس باللغة الإنجليزيّة حصرا),و غير ذلك.

2.1.0 الجامعات و المعاهد الحكوميّة

كليّات الهندسة المعلوماتيّة FIT

2.1.1 جامعة دمشق

المكان : في منطقة البرامكة في مدينة دمشق.

النظام الدراسي : سنوي, إذا أكمل الطالب كل المواد في سنته ينتقل للسنة التالية. يمكن له أيضا أن ينتقل إذا كان عدد المواد التي رسب فيها أصغر أو يساوي 4, حيث يقدّمها الطالب في السنة التالية. عدد السنوات الدراسيّة خمسة.

التكلفة : التعليم مجّاني للحائزين على المعدّل المطلوب في المفاضلة العامّة, و مدفوع للحائزين على المعدّل المطلوب في مفاضلة التعليم الموازي.

التدريس:تعطى محاضرات في أيّام الأسبوع, و يحضرها الطلاب حيث يمكنهم السؤال عن الأشياء التي لم يفهموها بعد إنهاء المدرّس للشرح. يعتبر التدريس في هذة الكليّة الأفضل بين كليّات القطر (بعد HIAST), و يحصل خريجوها على الكثير من فرص العمل.

تعطى مادّة CS1 (البرمجة 1) باستخدام باسكال. يسبب هذا الأمر بعض الإزعاج للطلّاب, حيث أن باسكال لم تعد اللغ السائدة في تعليم مقرر CS1. صحيح أنّها كانت سائدة في الثمانينات و التسعينات, لكنّ غالبيّة الجامعات الأجنبيّة الآن تستخدم جافا, و الجامعات الراقية منها تستخدم سكيم أو بايثون.

القبول :على الطالب حيازة شهادة ثانوية عامّة صادرة في نفس سنة المفاضلة, و على المطلوب للمفاضلة. هناك مفاضلة التعليم العام, و مفاضلة التعليم الموازي. التعليم العام مجّاني و الموازي مدفوع الثمن. يمكن أيضا للطلاب الأوائل في IICE التسجيل في السنةالثانية في FIT.

الإعتراف العلمي : الجامعة تابعة لوزارة التعليم العالي و معتمدة من قبلها.

المدرّسون : أغلبهم من HIAST. بشكل عام, التدريس جيّد.

الموقع الإلكتروني : (لا يوجد !؟)

2.1.2جامعة حلب

2.1.3 جامعة البعث

2.1.4 جامعة تشرين

2.1.5 المعهد العالي للعلوم التطبيقيّة و التكنولوجيا HIAST

المكان : في مدينة دمشق.

الموقع الإلكتروني : http://www.hiast.edu.sy

التدريس: الحضور إلزامي يوميّا من التاسعة للخامسة مساء. التدريس ممتاز.

القبول:

المعاهد الحكوميّة IICE

2.1.6 المعهد المتوسّط لهندسة الحاسبات IICE

 

التعليم المفتوح في الجامعات الحكوميّة OL

2.1.7 التعليم المفتوح في جامعة تشرين (الهندسة المعلوماتيّة)

المكان : تعليم مفتوح (يوم في الأسبوع حضور) في مدينة اللاذقيّة.

الحالة : تمّ إيقاف هذا البرنامج بشكل دائم.

2.1.8 التعليم المفتوح في جامعة حلب (المعلوماتيّة و التطبيقات الإداريّة)

المكان : تعليم مفتوح (يوم في الأسبوع حضور) في مدينة حلب.

الحالة : تمّ إيقاف هذا البرنامج بشكل مؤقّت.

 

التعليم الإفتراضي Virtual Learning

2.1.9 الجامعة الإفتراضيّة السوريّة SVU

المكان : مقرٌّها في قبو وزارة التعليم العالي.

النظام الدراسي : هنالك عدد من البرامج المتعلقة بالمعلوماتية التي يتم تدريسها هنا. منها الدبلوم الوطني العالي في المعلوماتية و التطبيقات الإدراية (تقريبا سنتان) (HND) و هندسة النظم المعلوماتية (ISE) و بكالوريوس تكنولوجيا المعلومات (BIT) و المدة هي تقريبا 4 سنوات لكل منهما. منهاج HND مشابه نوعا ما لمنهاج IICE (المعهد المتوسط لهندسة الحواسب) لكن هناك بعض الإختلافات, منها أن HND يتضمّن بعض المواد المتعلقة بالتجارة الإلكترونية و إدارة الأعمال, و ينقص بعض المواد المتعلقة بالحاسبات. BIT و ISE متشابهان, مع الفرق أن BIT يتضمن عددا من المواد المتعلقة بالتجارة الإلكترونية و إدارة الأعمال و ينقص بعض المواد الاخرى المتعلقة بالحاسب. يذكر أيضا أن منهاج ISE مشابه لمنهاج FIT لكنه ينقص المواد المتعلقة بالفيزياء و القومية و اللغة العربية و يبدأ التخصص فيه في فترة أبكر. لمزيد من المعلومات مراجعة قائمة المواد لكل إختصاص على موقع الجامعة الإفتراضية. ليس هناك فترة محددة لإنهاء BIT أو ISE لكن الحد الأدنى 4 سنوات و الأعلى 8 سنوات تمشيا مع القرارات السارية في الجامعات الاخرى. يمكن لخريجي HND أو IICE الإكمال في BIT أو ISE. يمكن أيضا للمنتقلين من الجامعات الاخرى الإكمال في BIT أو ISE بعد إجراء المعادلة, على إن BIT متوافر حاليّا لحد السنة الثالثة و ISE لحد السنة الأولى, حيث إن بقية المناهج لم يتم إكمالها. يذكر أيضا أن الجامعة تعتمد نظام الفصول و ليس السنوات, و هكذا هناك فصل جديد كل بضعة أشهر للطلاب الجدد.

التكلفة : تزداد تكلفة المادة حسب عدد الوحدات لكل مادة. المواد الأصعب أغلى. غالبا عدد الوحدات في المادة يتراوح بين 3 (للمواد العادية) و 9 (للمشاريع). تكلفة السنة الواحدة في BIT هي حوالي 55 ألف ليرة سورية بفرض أن الطالب لم يرسب في أي مادة. في حال الرسوب يعاد دفع الرسم. تكلفة السنة الواحدة في ISE تقديريّا هي 70 ألف ليرة سورية بفرض أن الطالب لم يرسب في أي مادة. هنالك تكلفة إضافيّة لمادّة اللغة الإنجليزيّة.هنالك حسم خاص لأبناء أعضاء نقابة المعلمين. راجع للمزيد من المعلومات.

التدريس : تعتمد الجامعة الإفتراضيّة على مبدأ التعلّم الذاتي من قبل الطالب. هنالك غالبا حصّة واحدة في الأسبوع لكل مادّة يتم تدريسها. أو حصتان بحسب درجة صعوبة المادة.يناقش الطالب أي أسئلة لديه في هذة الحصص, و ليس على المدرّس أن يشرح الدرس, بل عليه فقط الإجابة على أسئلة الطلاب. جميع الحصص تتم عبر الإنترنت باستخدام برنامج تحاور خاص. جميع الكتب الدراسيّة تسلم على شكل ملفّات pdf يتم تحميلها من الإنترنت. يمكن إرسال الأسئلة و للمدرّس عن طريق البريد الإلكتروني. يحتاج الطالب إلى خط ISDN أو ADSL للحضور التفاعلي و إلى نظام تشغيل Windows (أيّ نسخة حديثة) أو يمكنه لاحقا تحميل الجلسة و حضورها مسجّلة حيث يتم تسجيل جميع الجلسات. إذا أراد الطالب حضور الجلسة و لم يكن لديه خط أنترنت سريع, يمكنه الحضور من أحد مراكز النفاذ, و هي مراكز للدخول على الأنترنت مزودة بخطوط سريعة و مخصصة لطلاب الجامعة الإفتراضية حيث يمكنهم الإستفادة منها مجّانا. هناك 4 مراكز نفاذ في دمشق (أحدها في مبنى وزارة التعليم العالي) و عدد في المحافظات. الإمتحانات تتم في مراكز النفاذ و هي مؤتمتة. يمكن للطلّاب عبر العالم التسجيل في الجامعة. هنالك مركز نفاذ إقليمي في دبي يقدم فيه الطلاب في دولة الإمارات العربيّة المتحدة امتحاناتهم.يمكن للطلاب في الإماكن الاخرى من العالم تقديم الإمتحانات من منازلهم بعد تركيب كاميرا webcam للتحقق من عدم حدوث محاولة غش.

تستخدم البرامج المختلفة لغات برمجة متنوّعة.
تُدرّس جافا في ISE لـCS1 و سي++ لـCS2, و تدرّس Visual Basic في BIT, لمقرر CS1.

القبول : هناك مفاضلة, لكنها كانت شكلية في السنوات الأولى لقلة عدد المتقدمين و على الأغلب ستبقى شكلية لعدة سنوات اخرى. يقبل الطلاب الحائزون على شهادة الثانوية العامّة الفرع العلمي للمفاضلة.

الإعتراف العلمي : الجامعة تابعة لوزارة التعليم العالي و معتمدة من قبلها.

المدرّسون : من FIT جامعة دمشق و HIAST و غير ذلك. لمعرفة قائمة بالأسماء و تحميل المحاضرات المسجّلة لكل منهم, راجع هذة الصفحة.

الموقع الإلكتروني : www.svuonline.org و هو متوفّر باللغات العربيّة و الإنجليزيّة و الفرنسيّة. بعض المعلومات عليه قديمة. راجع في المقر الأساسي أو عبر البريد الإلكتروني أو الهاتف.

 

2.2.0 الجامعات الخاصّة

2.2.1 الجامعة العربيّة الأوربيّة AEU

المكان : أوتوستراد درعا, غباغب على بعد 37 كيلومتر من مدينة دمشق.

النظام الدراسي : لغة الدراسة هي اللغة الإنجليزيّة. هنالك اختصاصان مرتبطان بالمعلوماتيّة هما "المعلوماتيّة" و "هندسة الحاسوب و الإتّصالات".

تستخدم لغة سي++ في تدريس مقرر CS1 و لغة سي# لمقرر CS2.

الإعتماديّة من قبل الدولة : الجامعة معتمدة من قبل وزارة التعليم العالي. و يذكر موقع الجامعة : الجامعة العربيّة الأوربيّة هي جامعة محدثة بموجب المرسوم 193 تاريخ 7/5/2005 وأنظمتها وخططها الدراسية ستكون معتمدة ومصدقة من قبل وزارة التعليم العالي في الجمهورية العربية السورية، كذلك الأمر بالنسبة لشهادات تخرج الطلاب، وبالتالي فاعتمادية AEU المحلية قائمة بامتياز .أما بالنسبة للاعتمادية الدولية فسيكون الاختيار للطالب بالقرار في الاختصاص والجامعة الأوربية الأنسب في مطلع السنة الدراسية الثانية وذلك حسب تفوقه ضمن المعايير التي تضعها الجامعة الأوربية الشريكة في مقررات السنة الأولى.".

الموقع الإلكتروني : http://www.aeu.ac.sy

2.2.2 جامعة المأمون الخاصّة للعلوم و التكنولوجيا MUST

اموقع الإلكتروني : http://www.mustonline.com/index.htm

2.2.3 جامعة القلمون

الموقع الإلكتروني : http://www.uok.edu.sy/uok/index.htm

2.2.4 جامعة الإتّحاد

الموقع الإلكتروني : http://www.uu-sy.com

2.2.5 الجامعة الدوليّة الخاصة للعلوم و الكتنولوجيا IUST

المكان : اوتوستراد درعا, غباغب.

النظام الدراسي : تعتمد الجامعة نظام الساعات. هناك عدة فروع في IUST تتعلق بالمعلوماتيّة. أوّلها هو قسم "هندسة الحاسوب" في كليّة الهندسة و التكنولوجيا (عدد الساعات المعتمدة 162), و هنالك أيضا أقسام "برمجيّات الحاسوب, "علم الحاسوب", و "نظم المعلومات الحاسوبيّة" في كليّة تكنولوجيا المعلومات (جميعها لها عدد الساعات المعتمدة نفسه, 132 ساعة).

التكلفة :

التدريس :

القبول :

الإعتراف العلمي : الجامعة معتمدة من قبل وزارة التعليم العالي.

المدرّسون : من FIT و HIAST و غير ذلك.

الموقع الإلكتروني : http://www.iust.edu.sy

الهواتف : "2094 011 0963+" و "2094 015 0963+" .

 

2.2.5 الجامعة السوريّة الدوليّة الخاصّة للعلوم و التكنولوجيا SIUST

الموقع الإلكتروني :http://www.siust.edu.sy

 

 

 

- ملحق:

 

-- مواضيع متعلقة :

أسئلة طرحها طلبة الثانوية العامة الراغبين بدراسة المعلوماتية في سوريا

الرجاء مراعاة قواعد المشاركة، عند وجود أي أسئلة أخرى طرحها بمواضيع جديدة.

1- أسئلة عن إختصاص المعلوماتية

2- المعلوماتية في معهد البحوث العلمية

3- المعلوماتية في الجامعة الإفتراضية.

4- مميزات أقسام الشبكات والبرمجيات والذكاء الصنعي.

5- الطب أم الهندسة المعلوماتية؟

6- ما هي فرص عمل خريجي كلية المعلوماتية.

7- سوري مقيم في الخليج

8- كيفية دراسة الشهادة الثانوية

9- ما هو عنوان كلية الهندسة المعلوماتية.

10.شو عن المعلوماتيّة بالجامعة الإفتراضيّة؟

دليل طلاب المعلوماتية لجميع السنوات..

هادا دليل لطلاب المعلوماتية لجميع السنوات

وكوني كنت سنة أول حبلش حط معلومات عن المواد يللي بالسنة الاولى وذلك حسب رأي الأعضاء هون يلي بالمنتدى:

المواد:

مبادئ عمل الحاسب:

الدكتور المعطي : الدكتور زهير صندوق .

العملي : الأنسة فرح حمشو

علامة العملي :30

نظام أسئلة النظري : مؤتمتة.

الوصف (من العضو rash88):

الدكتور زهير صندوق والدكتورة ريما شعبان الكتاب بيتألف من فصولة ممتعة وفصولة جامدة

أهم شي القراءة المركزة فيها وربط الأفكار بين الأبحاث كلها, البحث التاني والتالت بدهن متابعة أثناء السنة وبعتقد المادة بدها حضور لأنو بيجي أسئلة من يلي بيحكيه الدكتور
70 نظري و30 عملي بتحكي المادة عن بنية الحاسوب ومبدأ عمله

2)ترميز المعلومات هاد البحث مهم كتير وأكتر من هيك ممتع ، والدراسة لهاد البحث بتكون من الكتاب ومن نوطة بتعطيها المهندسة ريما

3)الفصل التالت مكونات الحاسوب المادية و مبادئ عملها هاد البحث أهم بحث مشان الفحص أما الرابع معلوماتو بسيطة(محيطات الحاسوب) والخامس فيه معلومات بين الأسطر بدو الواحد يستخرجها والسادس عن الشبكات المادة مؤتمتة بتتكرر شغلات بسيطة من أسئلة الدورات بتصور 5 أيام لدراسة المادة قبل الفحص كافيين

وفي نوطة منزلة هون عالموقع كمان ممكن تفيد

هنـــــــــــــــا

التحليل 1 و2:

الدكتور المعطي : الدكتور محمد الخطيب والدكتور عبد الله العمر(التحليل 1) والدكتور محمد الخطيب والدكتورة سلافة العلي (التحليل 2).

العملي : الدكتور محمد الخطيب والدكتور عبد الله العمر(التحليل 1) والمهندسة :هدى حبش (تحليل 2).

علامة العملي :20

نظام أسئلة النظري : نظام فرنسي (غير مؤتمتة).

الوصف (من العضو rash88):

المادة سهلة ومافيها كمية للدكتور محمد الخطيب ما في داعي للكتاب 80 نظري و20 عملي(النظري أخو العملي يعني منروح مرتين عالفحص مرة منقدم من20 ومرة من80) بتحكي المادة عن تقارب السلاسل وتباعدها واشتقاق واستمرار بس المشكلة الأسئلة بتكون غير متناسبة مع الموجود بالدفتر يعني كل تمرين بدو وقت طويل للتفكير مشان هيك ننصح بتمارين خارجية إن وجِد ويلي بدو مندبرلو وأسئلة الدورات كتير هامين وفي طريقة تصحيح متبعة بالتحليل إذا بتكون الطريقة كلها صح بس الجواب النهائي خطأ العلامة كلها بتروح حتى لوكانت 20 علامة(يعني متل نظام الأتمتة)

(من العضو hanihh) :

كانت التحليل من أحلى المواد عندي لأنو بحب الرياضيات

التحليل واحد كان فيها المنهاج قريب على منهاج الباكالوريا (نهايات واستمرار واشتقاق توابع إضافة إلى متتاليات وسلاسل) والمادة مو صعبة وبدها حل تمارين كتير، التمارين الخارجية كتير مفيدة والمراجع كمان مهمة وممكن تفيد ومن المراجع المقترحة ويللي كان متوافر عندي ودرست منو (calculus)

وهادا الكتاب يعد المرجع الأجنبي الأساسي إضافة إلى أنو كتب كلية العلوم والهندسة المدني ممكن تفيد كمان

والتحليل 2 هي استمرار للتحليل 1 وكانت بشكل أساسي التكامل (سلاسل التابعية في البداية وبعدين بيضل التكامل لحتى آخر السنة وطرق حسابو والتكامل المحدد وحساب مساحات)

وكمان التمارين الخارجية شغلة مهمة كتير ولازم الواحد يجيب تمارين من وين ما بيصحلو لأنو التمارين الموجودة بالمحاضرات مو كافية .

وصلات مفيدة:

كتاب للتكاملات

ملاحظات (تكاملات)

ملاحظات2 (تكاملات)

أسئلة في التكاملات

الجبر العام:

الدكتور المعطي : الدكتور ناصر أبوصالح سابقاً.

العملي : الدكتور ناصر أبوصالح

علامة العملي :20

نظام أسئلة النظري :فرنسي.

الوصف : (ما كتير مهم لأنو الدكتور ترك الكلية)(من العضو rash88)

كان بيعطينا الدكتور ناصر أبو صالح والأسئلة مو كتير غريبة عن الموجود(هي المادة متل مواد البكالوريا بس بدها دراسة) بتحكي عن التطبيقات(متباين غامر....) زمر منتهية وغير منتهية,حلقات وطبعا مو مأتمتة 80 نظري و20 عملي وكمان ما في داعي للكتاب

فيزياء أنصاف النواقل:

الدكتور المعطي : الدكتور نزار شعبان .

العملي : ؟؟؟؟؟

علامة العملي :20

نظام أسئلة النظري : مؤتمتة.

الوصف:(من العضو hanihh)

المادة كانت معتة كتير ومالها أدنى فائدةفي مجال المعلوماتية ويمكن عدها من باب الثقافة العامة

تدور المادة كلها نحو الألكترون ومنغوص جواتو وبأول خمس فصول المعلومات كلها عن الالكترون وعن طبيعتو الكمومية يللي لهلأ ما فهمتها وبالفصل السادس بيكرسو المعلومات هي باستخدامها بالوصلة بين نصفي النواقل ومنشوف شو بيصير لما منساوي هيك وصلة والمحاضرات هامة كتير ومنها بتجي الأسئلة غالباً

الدكتور بيطلب دراسة بحثين من الكتاب والباقي من المحاضرات والفهم يكاد يكون صعب كتييييير

ومتل ما قلت أنو المادة بمجالنا مالها مهمة بس بغير مجالات ممكن تكون مهمة كتير متل هندسة الالكترونيات والاتصالات

بالعملي أخدنا فصلين وكان العملي سهل نسبياً وممكن ينجاب فيه علامة عالية.

الوصف (من العضو ray):

هي المادة أولاً النظري فيها من 80 والعملي من 20 مؤتمتة بس هون بقا الشغلة ، إذا أجتكن الخطأ يلغي الصواب يا عيني بتكون أمكن داعيتلكن على التمام طبعاً هلأ أنتو فايتين على الكلية جديد وما بتعرفو شو هالمصطلح : هاد المصطلح يعني بشكل بسيط أنو مع كل علامة بترحلك معها علامة تانية مجاناً يعني مثلاً إذا كنت طالع من الفحص ومبسوط ( متل ما كنا بالفصل الأول ) وحاسب أنو ما يرحلك إلا 4 علامات بيقوم بيطلعو ( لسعادة الحظ ) 8 ... إن شاء الله ما بيصير معكن هيك شي بس أنا حبيت تعرفو شو هالمصطلح قبل ما تفوتو الجامعة لأنو بتذكر يوم رجعت من فحص الفيزيا كنت كتير مبسوطة وعم قول مراعينا كتير بنظام هالتصحيح أنو كل علامة بتروح هي ورفيقتها سوا ( سيران ) وما كنت أعرف هالنظام اللطيف هاد وأثره الضار بالطلاب !!!!
بالنسبة للمراجع أنا ما قربت عليها لأنو شفت المادة ما دخلها بالكلية تبعنا لا من قريب ولا من بعيد درست المحاضرات ، وفي وقتها الدكتور قلنا على بحث نقراه من الكتاب وقرينا من الكتاب، بقا يعني يستحسن تجيبو الكتاب....
بالنسبة للدراسة بقلب السنة لازم تندرس بقلب السنة لأنو مليانة وممتلية وقبل الفحص ما بيقدر الواحد ينسق هالكم الهائل من المعلومات بعقله وهي مو بس للفيزيا لكل المواد الدراسة جوات السنة أحسن

وصلات مفيدة (موضوع المناقشة)

الانكليزي 1و2

الانكليزي أسهل مادة عنا ( يمكن لقيتو هيك لأني بحب الانكليزي كتير) مناخد من كتاب من OXFORD اسم الكتاب : NEW ENGLISH FILE الكتاب كتير حلو وفي GRAMMARS متل االي كنا ناخدها بالبكاوريا ، طبعاً أخدنا بأول فصل 3 أبحاث من هاد الكتاب وبالفصل الثاني أخدنا 4 فصول الباقيين لأنو الكتاب كلو 7 فصول ،
أسئلة الفحص أجت من برات الكتاب بس منوعة بين الGRAMMAR و المفردات VOCABULARY و ال PHRASAL VERBS ووو....
الأسئلة مو صعبة بالعكس يعني كانت المادة كلها بالنسبة لألي متل الترويح عن النفس بين باقي المواد تبعنا....
بحب قلكن أخيراً بالنسبة للإنكليزي يستحسن أن تجيبو الكتاب .

البرمجة 1و2

الدكتور المعطي : الدكتور باسم قصيبة والدكتور غسان كويتر(البرمجة1) والدكتور محي الدين مراد (البرمجة 2) .

العملي : عدد من المهندسين

علامة العملي :30

نظام أسئلة النظري : فرنسي.

الوصف (من العضو rash88):

أهم شي التركيز مع الدكتور أثناء المحاضرة مليون بالمية وواحد من الدكتورين يلي بيعطوا المادة التركيز الزايد معو بأدي للنوم وبلاقي الحضور كتير مهم مالازم أبدا الإستهتار بهل المادة حتى لو كانت الأفكار يلي عم تتاخد قليلة ومو محرزة تندرس, أهم شي السؤال عن أي شي بيخطر على البال حتى لو يمكن تفكروا سخيف لأنو هي المبادئ الأساسية للبرمجة كلها وما بكفي الدراسة لحالها من الكتاب أو من المحاضرات, استنتجت آخر شي(من بعض الطلاب) المراجع كتير ضرورية أما أسماء المراجع أنا ما بعرفها لأني وقتها ما جبت شي ، وبعتقد الواحد صبح ومسا فطور وغدا وعشا يحل ويفكرحتى يصير يحل بمنامو وإذا انحملت المادة هاد مو يعني عدم فهم لأ بس يمكن يكون عدم تمرس أثناء السنة يعني بهل المادة لازم الواحد يفكر يفكر يفكر يفكر وبالتالي ياكل ياكل ياكل ياكل
30 عملي و70 نظري وأد ما فيكن تحسنوا علامة العملي لا تقصروا ولازم تهتموابالأفكار يلي بالعملي لأنو بالفصل التاني بتكون من سياق الحل بالبرمجة 2وبس10علامات من مية بتقيم شغلك عالكمبيوتر و4 للتقرير و8للحضوروالوظايف و8 مذاكرة نظريةو70 لفحص النظري الأخير لازم تنحل أسئلة الدورات مشان التمرس بس ما بيجي منهن
بالنهاية بقول المادة أكتر من حلوة وأنا ما حسيت بمتعة البرمجة1 حتى درست البرمجة2

الوصف (من العضو ray):

البرمجة 2 :
بداية العملي فيها 30 علامة أما النظري 70 علامة ..
طبعاً كفكرة بسيطة العملي علامته بتنقسم على امتحان عملي يمكن 8 علامات ومذاكرة مدري كم علامة... في وظايف كمان مدري كم علامة ، وفي علامة حضور على ما أعتقد ، إضافة لعلامة التقرير واللي هو وظيفة كبيرة شوي ( مو كتير ) بيحاولو يخلوها تشمل أغلب أبحاث الكتاب وهي عليها 4 علامات
المادة ممتعة كتير بتحتاج متابعة .. ضروري دراستها بقلب السنة وحضور محاضراتها ... يعني المتابعة مع الدكتور والانتباه التام معو بيعطو نتيجة كبيرة أنو الواحد بيطلع من المحاضرة فهمان كل شي... ( طبعاً هي الملاحظة بتطبق على كل المواد مو بس على البرمجة 2 )
هلأ محاضرات الدكتور ممتازة تمام للدراسة ، واضحة ومفهومة ، بيندرس منها بسهولة كمان الكتاب مفيد ومفهوم بس حسيت أنو النظري فيه كتير شوي أكتر من كتابة الطرق ( خوارزميات ) يعني كان كتاب البرمجة 1 أحلى منه لأنو فيه كمية نظري أقل وأكواد برامج أكتر ، بس كمان الكتاب حلو ومافي شي.... طبعاً أنو النظري كتير هذا لا يعني أنو بدو مدة دراسة كتيرة لحتى تنحفظ هالمعلومات..لأ أبداً مو هيك.... النظري فيه هو مجرد شرح ( موسع شوي ) يعني مثلاً بالملفات files and text files( بحث من أبحاث البرمجة 2 )شرحوا منيح عنها وكيفية ربط الملف بالبرنامج وكيف بيتعامل البرنامج مع الملف وهيك قصص ....
أما بالنسبة للمدة اللي لازم تتخصص للبرمجة 2 فهي شغلة شخصية ..يعني أي طالب ما بيقدر يلتزم ببرنامج دراسة طالب تاني أبداً ، هي شغلة ملكات وقدرات ، بس هي مادة بتعتمد على الفهم بدرجة 90% ... أما ال 10 % الباقيين هنن حفظ التعليمات يعني حتى مو حفظ ... شي بيجي من المران.. مثلاً تعليمات ربط الملفات ببرنامج أو فتح ملف للقراءة قبل القراءة هي اللي بتجي من المران
هلأ في بحث من الكتاب اسمو الرسم البياني فيه طلاب كان بدهن يحفظو حفظ ( حتى أنا أول ما سمعت فيه بأول محاضرة لقيت أنو الحفظ هو الطريق الوحيد لحتى حصل كم علامة منه ) بس لقيت أنو مافي مجال للحفظ هون بالمرة.... يعني إذا ما نسيت شي تعليمة من التعليمات أو شي سطر من الكود بتنسى كتابة شي كلمة أو حتى وين بدها تنكتب .... فعملية الحفظ مو فعالة بالمرة.... بالعكس ، يعني مثلاً هاد البحث نفسو في عليه بالكتاب كم مثال... لا تفكر أنو تحفظ هالكم مثال لأنو ممكن يجو نفسهن وتكون كسبت العلامة...بس كمان في احتمال أنو ما يجي نفسهن وإنما على تيهتهن ( شبيههن ) وهون بتكون خسرت علامات إذا كنت قد حفظت الكود عن ظهر قلب !!!! هلأ السؤال الذي يطرح نفسه إذا ما حفظنا شو بدنا نساوي ؟؟؟
الجواب أنو تفهم كل شغلة لشو، وكيف صارت ، ليش انكتبت ، وشو بيصير إذا ما انكتبت.... لحتى تعرف كل كلمة شو الجدوى منها وهيك ما بتعود بتنسى شي...
أسئلة الدورات مفيدين بكل المواد وخاصة بهي المادة لأنو ممكن تاخد فكرة كيف بتجي الأسئلة وشو طريقتها و تقسيم العلامات... يعني بتاخد فكرة عن ورقة الفحص قبل ما تتفاجأ بطلتها البهية يوم الامتحان...
الفائدة ( برأيي ) كتير مفيدة ... يعني بصراحة هي المادة اللي حسستني أني داخلة كلية معلوماتية... بتعتمد على المنطق والتفكير وبظن انو بتفيدنا بكرا بالبرمجة 3 وووو.....
هاد كل شي عندي ..

الجبر الخطي :

الدكتور المعطي : الدكتور عبد الله العمر (نظري + عملي) .

علامة العملي :20

نظام أسئلة النظري : فرنسي.

الوصف:(من العضو hanihh):

المادة تتلخص بكلمة المصفوفات (يعني مادة رياضيات تانية)

بندرس كل شي عن المصفوفات وكل العمليات يللي ممكن تتعلق فيها والمادة مالها كبيرة والدكتور بيجيب من أسئلتو وفيها أبحاث متقدمة بس ما أخدناها متل الفضاء الشعاعي

وعلى هوا قولة الطلاب من السنوات المتقدمة المادة مهمة بس ما بعرف بشو

دراستها حلوة وما بدها دراسة جوات السنة

بيكفيها قراءتها مرة وقت العملي ومرة وقت النظري لأنو النظري نفسو العملي

المحاضرات شغلة أساسية بالمادة والدكتور ما بيطلع عنها بأسئلتو حتى أحياناً بيجيب التمرين متل ما هو يللي بالمحاضرة

وصلات مفيدة (هون)

الأسئلة كانت صعبة نوعاً ما وغالبها إجى بيعتمد على البصم مو على الفهم يعني لازم الواحد يكون حافظ الأسئلة حتى يجيب علامة محرزة

الدارات الكهربائية والالكترونية:

الدكتور المعطي : الدكتور نوار العوا والدكتورة نداء سلمان .

العملي : عدد من المهندسات

علامة العملي :30

نظام أسئلة النظري : مؤتمتة.

الوصف (من العضو hanihh):

الدارات الكهربائية والالكترونية:

المادة كانت عنا متل الهم فتنا عليها بوهم أنو السنة الماضية كانت نسبة النجاح 0%وبلشنا فيها ونحنا خايفين منها

كانت المادة معتة جداً وطريقة التدريس سيئة للغاية والإعطاء أبداً مو منيح وبعد شي أربع محاضرات ما عدنا فهمنا شي ويئسنا من المادة وحسينا بمدى صعوبتها

بس لما حضرنا عند العميد (الدكتور الآخر للمادة)

حسينا أنو المادة ممكن تنفهم وممكن الواحد يحبها

صحي هي كانت صعبة كتر وفيها كتير شغلات صعبة بس الحمد لله إذا الواحد درسها متل العالم وعرف من وين يدرسها ممكن ينجح فيها ويجيب معدل كمان

المادة من أسمها دارات كهربائية والكترونية يعني مناخد فيها كل شي يتعلق بالكهربا

النظري هو عبارة عن معلومات مجردة مو ممكن تتخيلها وقد تكون صعبة في بعض الأحيان وتعجيزية في بعض الأحيان

والعملي كنت مفكرو أننا بدنا نشتغل على دارات حقيقية إدامنا ومكثفات ووشائع وترانزستورات بس ما طلع في شي من هاد

العملي كان كلو عبارة عن برنامج أسمو workbench هادا البرنامج بيسمحلك أنو تساوي دارات وتشوف شلون بتشتغل

الوصف (من العضو ray):

طبعاً برنامج WORKBENCH بالعملي مرة بيشتغل و 10 لأ ليش الله أعلم!!!
بصراحة المادة مو سهلة بس بدها متابعة 100% وقتها ممكن يمشي الحال فيها ، طبعاً غير المعلومات المجردة اللي بتحويها هي عبارة عن مسائل ، عن كل بحث بالكتاب في شي 4 أو 5 مسائل لهلأ ما عرفت حلون ،أحياناً إذا بتركز بدراسة المحاضرة وبتبلش تفهم بترتفع معنوياتك فرد مرة ، بتقوم بتجي شي مسألة لطيفة ظريفة بتعد أدامها شي ساعة زمان وبالاخير كأن شيئاً لم يكن وما بتنحل معك بتقوم معنوياتك بتنـــــــــــــــــــــــــــــزل ، بس أهم شي ما تيأسو مع أنو الكلام اللي انكتب عن هالمادة ما بيأس بنوب بس يمكن إذا بلشتو فيها من أول الفصل و أنتو عم تحلو وتفهموها يمشي حالكن معها ، كمان ممكن تصير من المواد المفضلة عندكن ( مع أني بستبعد هيك شي ) (((إذا حدا عندو إضافة يكتبها ولا يستحي ,يمكن استخدام زر تحرير في صفحة الويكي)))