مرحبا من جديد 
يوم الخميس أول مبارح, كان يوم لا ينسى, عنجد يوم صعب كتير, شوفو شو صار معي:
الخميس كان عنا مقابلة مشروع البيانيات, وكمان كان عنا تسليم تقرير الأتومات.
الأتومات كانت شبه خالصة, التقرير كان مو مكتوب طبعا ً, بس يفترض أنو قواعد اللغة كنت مصممها والكود جاهز, كنت عامل PDA و CYK, القواعد كنت كاتبها ومظبطها عالـ PDA من زمان, بعدين ساويت الـ CYK وكان صفيان ننقل القواعد بشكل ظابط للـ CYK وبعدين ندمج الكود الجديد مع القديم.
وكمان كان عنا تسليم تقرير آلة تيورينغ يوم الأربعاء, فكنا مقسمين الشغل بيناتنا نحن الـ 3, وأنا كان علي التقرير و en.karam1989 استلم دمج الكود وتظبيط القواعد, و pirate عليه آلة تيورينغ وقدمناها منيح.
هاد بالنسبة للأتومات, أما بالنسبة للبيانيات فكان المشروع مو خالص الخميس الصبح! وحتى مو شغال منيح, وكان لسا صفيان دمج كود كمان.
يلي صار, رحت من الصبح عالساعة 8 على بيت شريكي بالبيانيات وشريكنا التالت بالأتومات pirate, قعدت أنا وياه اشتغلنا بالبيانيات, وقعدنا نصلح أخطاء, بعدين أنا خلصت القسم يلي استلمتو وبلشت بقى بالأتومات, فتحت إيميلي وجبت القسم يلي بعتلي ياه en.karam1989, فتحت هالكود وعينك ما تشوف إلا النور يا معلم, طلع en.karam1989 مدري فهمان علي غلط مدري أنا مفهمو غلط مو المهم على مين الحق بس المهم أنو الكود والقواعد كانوا مساويين بالعكس تماما ً!!!!
كان على أساس ينقل القواعد من صيغة يلي شغالة على خوارزمية الـ PDA للصيغة يلي شغالة على خوارزمية الـ CYK وبعدين يدمج هالكود بالكود القديم, يلي صار أنو القواعد انكتبت شغالة عالـ PDA واندمجت مع الكود القديم, يعني ما تقدمنا ولا خطوة!
بلشت رتي من هون ورقع من هون وإيم من هون وحط من هون, وبعدين ما عاد اشتغل الكود, ويا معلم شو فورة! خليها لربك, وإذ بتطلع الساعة 11, ومقابلتنا تبع البيانيات إيمتى؟ 11:40, ولحق يا معلم, سكرت هالأتومات وفتحت البيانيات وقعدت أدمج وأشتغل, وما اشتغل المشروع منيح! صار وقت الروحة عالكلية والمشروع ما شغال.
وصلنا عالكلية, قعدنا اشتغلنا شوي عليه, واتأخرنا عالمقابلة, بعدين قلنالهم أنو المشروع ما شغال وبدنا نظبطو, قالولنا ما في مشكلة منعمل المقابلة بس نخلص ويكونو فاضيين.
رحنا قعدنا نشتغل بالمشروع, وطبعا ً كالعادة الـ Windows والجهاز تبعي خذلوني, صار كل Compile بدو 5 دقايق إذا مو أكتر, والمشروع ما عميشتغل على جهاز pirate لسبب مجهول, فكان الشغل أكيد عندي, وقف pirate جنبي وكان الجو متوتر, المشروع عميتحسن من مكان ينتزع من مية مكان تانيات, وهكذا يا معلم, على هالحالة حتى لقينا الساعة 1:30 وتسليم الأتومات عالساعة 2, قررنا نقدم البيانيات بما فيها منشان نفضى للأتومات, وقفنا نستنى دورنا, وبعدين واحد قللي "ليش ما تروح تساوي الأتومات دغري هلأ, والبيانيات معكم للـ 6؟" الله وكيلكم ما كان خاطر على بالي هالشي من كتر التعصيب.
ما كذبنا خبر, رحنا نشتغل بالأتومات أنا و pirate, المشكلة يلي كانت عمتواجهنا أنو القسم الجديد من المشروع ما شغال منو غير الـ Data Structure تبع القواعد!!!
المشكلة التانية أنو pirate ما فايت بالكود أبدا ً وبالتالي أنا يلي بدي صلح الكود وأدمجو (en.karam1989 عندو شغل ما أجى عالكلية).
بلشت أدمج وعلى أخطاء يا معلم, وبتطلع القواعد غلط, وبتفوت الدنية بالحيط, بعتت pirate يشفلي إيمت آخر موعد للتسليم, ما لقينا السكرتيرة! يعني المشروع بح 
كملت شغل بالأتومات, وبعدين أجى واحد والله من التعصيب والضغط نسيت مين هو وقللي أنو الأستاذ أجل التسليم لأحد الأشخاص ليوم الأحد, سألت الشباب على رقم الأستاذ وطلع Murhaf معو ياه, حكيت مع الاستاذ فسمحلي سلم الأحد.
هون كانت أول شغلة منيحة بكل النهار.
وقتها ضبيت الأتومات وفتحت البيانيات وبلشنا نصلح, وبلش الشغل يظبط الحمد لله, طبعا ً ما بيصير ننسى أنو الضغط كان علي أنو بدي ساوي كل شي, والجهاز بطيء, و pirate مضغوط من ناحية أنو ما عميطلع بإيدو يعمل شي.
بنص الشغل تألعنا من القاعة لأنو فيها مقابلات, ولاقي مكان إذا بتلاقي!!! قعدت محل أيهم مشرف القاعة 5 وبشلت أشتغل.
في خطأ ما كان يتصلح فقررنا نلغي الميزة
بعدين آخر شي اشتغل كل شي إلا هالميزة يلي لغيناها, وبعدين قعدنا نجمل المشروع (ما تنسو أنو المشروع الصبح كان ما في شي), وآخر شي صارت الساعة شي 5 والله ماني متذكر قديش بالضبط وكنا خالصين كل شي, وفتنا عالمقابلة, الحمد لله الشباب روقو عالمقابلة بعد ما شافوا البيت المرعب 
مشروعنا كان عبارة عن بيت عادي, بس ما كانت تظبط الإضاءة بشكل حلو معنا, قام مسكنا ولغيناها وساويناه بالليل, وبلشت الأفكار تفقس, ساوينا البيت بالأخير بيت Dracula وفيه أشباح, وسور مشوك, وأصوات رائعة مرعبة, والإضاءة خليناها متل بيل مع الكاميرا منشان ما يبين كل شي 
, وتحول المشروع لبيت مرعب مع مؤثرات صوتية رائعة. البيت كان فاضي (لا كنبايات, لا مطبخ, ولا شي, حيطان وشبابيك وبواب بس) طبعا ً بدكم تقولو أنو على شو قدمناه لكن؟ قدمناه على فكرة كتير حلوة, تحويل مشروع البيانيات لمشروع قريب من الهندسة أكتر, وأقرب للبرمجيات منه للذكاء الصنعي, كان البيت عنا موصف بملف XML وكان مشروعنا بيقرا الملف وبيرسم البيت منو, وبالتالي ما كنا مضطرين نعدل الكود لنصمم البيت, كان تعديل الكود لإضافة ميزات إضافية وتظبيط إضاءة وكم شغلة صغار, عمليا ً كان فرش البيت بيعتاز بس إضافة كم سطر عالملف وبينفرش البيت, فهي الفكرة يلي فتنا فيها عالمشروع, طبعا ً بالإضافة للأشباح الحبابة 
والأصوات المرعبة.
بعد المقابلة حسينا جبل وانزاح عن راسنا.
خلص اليوم بسلام, لكن ضغط ما لا يقل عن 9 ساعات باليوم نفسو, ناهيك عن أنو صرلنا أسبوع ما نمنا أكتر من 3 ساعات باليوم!
مبارح خلصت الأتومات بعد ما اكتشفت أنو في كتير أخطاء, بس الحمد لله اتصلحت.
------
المعنى من القصة, أوعك تنهار وقت الضغط, لو انهرنا من الأول كانو المشروعين بح, هلأ الحمد لله متطمنين أنو المشروعين مشي حالهم.
منيح والله طلع
منيح والله طلع في حدا غيرنا صارت معو مصايب وأفلام يوم الخميس
عنجد الحمد الله اللي مرق هالنهار ع الكل على خير
شوفو جماعة
شوفو جماعة الكومبايلر
هاد اليوم تبعكم مناكلو شي شهر على الأقل
برابو عليكون
برابو عليكون والله ...
زكرتني بشغلة اخدناها بالجامعة بمادة أنظم التحكم Control systems بس انا دائماً كنت حب اسقطها على حياتي , يلي هي استقرار أنظمة التحكم stability of Control systems بشكل خاص واستقرار الأنظمة stability of Systems بشكل عام .
على اعتبار كل أنسان هو نظام في ألو مليون دخل و خرج و مليون تابع نقل transfer functions يلي هي المؤثر على العلاقة بين الدخل والخرج ...
مو مهم النظام يكون مستقر بالحالة العادية , يلي مافيها ضغط و مافيها تغير ... النظام المستقر هو النظام يلي بيقدر يحافظ على استقرارو بالضغط و بالحالات العابرة و الأمور المفاجئة ... هاد نظام منسمي نظام مستقر ...
هون بيدخل مفهوم الأستقرار النسبي relative stability يلي هو انو فينا نعتبر كتير انظمة مستقرة وعم تحافظ على الشي المطلوب منها , بس في انظمة عندها هامش استقرار اكبر من غيرها وبتحافظ على الشي المطلوب منها بالحالات العابرة والضغوط بدرجة اكبر من باقي الأنظمة ...
انا بالتجربة يلي مرقت فيها بالفترة الأخيرة - الحادث و أعدتي بالتخت شهر - كتير كنت فكر بهالمفهيم ... وانو شو معنى الانسان المستقر و المتوازن اذا ماقدر يستخدم عقلو بطريقة صحيحة وقت الأزمات ليحافظ على استقرارو .... وكيف انو الأنسان قادر انو يتكيف مع كل شي اذا قدر يستعمل القدرات الهائلة لعقلو ...
ان شاء الله
ان شاء الله بتاخدو علامة منيحة عالوظيفة
ولسا جاييك الفصل التاني بالسنة الرابعة والفصل الأول بالخامسة... رح تترحم على أيام هالفصل
الله يعطيكم
الله يعطيكم العافية
)
يمكن سوء التفاهم هو اللي سوا هالضغط (أنا سويت متل فهمت عليك من شان الدمج
بيطلعلك عنا عزيمة (على شي مباراة طبعا
)
المهم هلأ: شو صار بالـ -8 ؟؟
أي -8؟؟ كتب
أي -8؟؟
زكرتني بشغلة اخدناها بالجامعة بمادة أنظم التحكم Control systems بس انا دائماً كنت حب اسقطها على حياتي , يلي هي استقرار أنظمة التحكم stability of Control systems بشكل خاص واستقرار الأنظمة stability of Systems بشكل عام .
على اعتبار كل أنسان هو نظام في ألو مليون دخل و خرج و مليون تابع نقل transfer functions يلي هي المؤثر على العلاقة بين الدخل والخرج ...
مو مهم النظام يكون مستقر بالحالة العادية , يلي مافيها ضغط و مافيها تغير ... النظام المستقر هو النظام يلي بيقدر يحافظ على استقرارو بالضغط و بالحالات العابرة و الأمور المفاجئة ... هاد نظام منسمي نظام مستقر ...
هون بيدخل مفهوم الأستقرار النسبي relative stability يلي هو انو فينا نعتبر كتير انظمة مستقرة وعم تحافظ على الشي المطلوب منها , بس في انظمة عندها هامش استقرار اكبر من غيرها وبتحافظ على الشي المطلوب منها بالحالات العابرة والضغوط بدرجة اكبر من باقي الأنظمة ...
كلام رائع ووصف ممتاز, إن شاء الله منضل مستقرين, والله يقيمك بالسلامة
شوفو جماعة الكومبايلر
هاد اليوم تبعكم مناكلو شي شهر على الأقل
تمام, هي أول مرة منعصب هيك تعصيب, والأحلى مو طالع بإيدنا شي!
ولسا جاييك الفصل التاني بالسنة الرابعة والفصل الأول بالخامسة
شو مفكر كل العالم كسلانين متلك
آخخخ فتحتلي
آخخخ فتحتلي جروحاتي
يمكن نسيت يا عبد الله أنو وقت قدمت على مفاضلة كلية المعلوماتية كانوا حاطين شرط :
You must be able to work under pressure
على كل حال أنا مريت بهالحالة الفصل الماض و مرت بسلام، لكن هذا الفصل كان عندي مادة ( تحليل نظم ) تحليل نظام أتمتتة مشفى و توصيف المتطلبات و مخططات
Use cases , Class diagram and complementary Diagrams
و بالحقيقة في موعد التسليم أنضغطت بشكل مو طبيعي و بالنهاية كانت النتيجة ما بتسر بالنسبة لي
لكن تعلمت أمر هام " ما بيحك ايدك الا ايدك "
"ان الله لا يضيع أجر من أحسن عملا" بكل شي
اي بسيطة ... لسا
اي بسيطة ... لسا ماشفتو شيء الخير لقدام كتيييييييييييييييير
شكلو يوم الخميس
شكلو يوم الخميس كان حافل على اللكل:)
مو بس الخميس الماضي كل الأسبوعين الماضيين كانوا قمة السعادة :D، الله يزيدنا من هي السعادة ولا يحرمنا من تراكم الوظايف وأيام التسليم الممتعة، وأخطاء الـC++ اللي مالها حل.
كتب shashi:شكلو
شكلو يوم الخميس كان حافل على اللكل:)
مو بس الخميس الماضي كل الأسبوعين الماضيين كانوا قمة السعادة :D، الله يزيدنا من هي السعادة ولا يحرمنا من تراكم الوظايف وأيام التسليم الممتعة، وأخطاء الـC++ اللي مالها حل.
من قلبك ..
..
انا من جهتي الله يحرمني ياها لأنو اسبوعين تانيات متل اللي مرقو مدري شو بيصير فيني
تعيش و تحكيها
تعيش و تحكيها لولادك هلقصة
و لسامن هون لتتخرج أكيد رح تمر قصص أحلى و أحلى
بس المهم إنو مشي الحال بالأخير و ما راح تعبكم على الفاضي
هي عمبحكيها
هي عمبحكيها لولادي, لكن ليش كتبتها
الحمد لله يلي مشي الحال
كان الخميس و
كان الخميس و الأسبوع الماضي إجمالا صعب عالكل..
الله لايضيع تعب حدا
كتب mpcabd: ------
صح هي أول فائدة من القصة , بس كمان اقتبسنا فائدة تانية من هالقصة
مشكور عالتنتين
الله يجعلا اكبر
الله يجعلا اكبر المصايب بالنسبة ألي كانت الجمعة الماضية أحلا جمعة بجياتي الحمد الله نحنا الأمور بالأخير ظبطت معنى و ما شفنى معاناة كتير باستثناء انو مشروع البانيات يومالأربعا الساعة 11 بليل ما عاد اشتغل و عم يفصل أول ما شغلة مع رسالة بتقول
shut down error
لح تموتنا من الخوف بس طلع اسامة معرف مصفوفة من خمسين عنصر و بالغلط و نتيجة الضغط عم يمشي علا مية عنصر مشان هيك عم يفصل لمى ينفذ بس شو رعبة تمينا شي 3 ساعات هالديباك لحتى اكتشفنا هالخطأ المعت
قوانين مورفي
قوانين مورفي
سيدي بيضل أهون
سيدي بيضل أهون من الكم يلي أكلناه بكتييييير (بدون ذكر القصة
)
إي الحمد لله
إي الحمد لله على السلامة............عند هالمواقف الصعبة بتنكشف معادن الرجال......الله حيو
و عجبتني طريقة الحصول على فكرة مشروع البيانيات......يعني قدرتوا تحصلوا على فكرة غاية في التميز من خطأ بسيط بضبط الإضاءة
هي فائدة من القصة كمان
كتب Obaeda:سيدي
لأ قولها ..
بركي مناخد فائدة منها كمان
على سيرة
على سيرة البيانيات
مشروع البيانيات هلكت وأنا حاول أظهر النار فيه
على أساس إنو بالبيت في مدفأة
ومدري شو يصير لما تنحط هالنار
والأحلى أنو كاتبين بالتقرير في نار وفي دخان
بس التنين بطئو المشروع بقى حذفناهم بعد معاناة طوييييييلة !!
ولما فتنا سألونا عالنار
قلنالهم الصوبية مطفية لأنو الدنيا شوب
الحمد لله كان شوب يوميتها
والله الخميس كان عجبة
إن شاء الله ما بقى نشوف متلو
كتب Rasha.88:كتب
صح هي أول فائدة من القصة , بس كمان اقتبسنا فائدة تانية من هالقصة
مشكور عالتنتين
الفائدة التانية: ضروري تضرب صحبة مع أساتذة العملي...
الفائدة التالتة: ضروري يكون معك رقم مرهف.
الفائدة الرابعة: ضروري تضربها صحبة مع أيهم مشرف القاعة الخامسة.
الفائدة الخامسة: ما نجرب نشارك pirate || en.karam1989
الفائدة السادسة: ما تجرب تشارك mpcabd مشان ما تنشمس بعد تسليم المشروع
ما بعرف إذا في غيرن...؟؟:)
كتب hanihh: ما نجرب
ما نجرب نشارك pirate || en.karam1989
كل الفوائد عجبوني إلا هي, الله يشهد أني مستعد قدم كل المشاريع معهم بدون اي مشكلة, عمر وكرم من أكفأ الشباب يلي اشتغلت معهم, يعني كرم خرط الـ Python بأسبوع وصار معلم فيها, وعمر يا معلم ما في منو, إبن عمي معقول ما نتفق مع بعض؟
أما بالنسبة لـ
ما تجرب تشارك mpcabd مشان ما تنشمس بعد تسليم المشروع
حبيبي, أنت معي بمشروع التالتة فدير بالك على حالك إيوا!
ما بعرف إذا في غيرن...؟؟
في يلي أخدتها رشا
هي الفائدة أحلى
هي الفائدة أحلى وحدة :
و عجبتني طريقة الحصول على فكرة مشروع البيانيات......يعني قدرتوا تحصلوا على فكرة غاية في التميز من خطأ بسيط بضبط الإضاءة
هي فائدة من القصة كمان
كتب hiba.th: ولما
ولما فتنا سألونا عالنار
قلنالهم الصوبية مطفية لأنو الدنيا شوب
الحمد لله كان شوب يوميتها
نحنا سألونا النفق ليش مافي إكساء؟
قام البركة هاني جاوب: إنو لساتو قيد البناء
الفائدة التانية: ضروري تضرب صحبة مع أساتذة العملي...
هي أهم الشي
أما بالنسبة لـ
ما تجرب تشارك mpcabd مشان ما تنشمس بعد تسليم المشروع
حبيبي, أنت معي بمشروع التالتة فدير بالك على حالك إيوا!
ليش ما أكلنا الكم وخلصنا
الفوائد الي
الفوائد الي تعلمتها الخميس
اذا اعدت مكان مشرف القاعة الخامسة لاتنسى تسكر الشباك وراك لأن في ولاد بيلحشو حجار من تحت -مع انو نسبة الاصابة 1 من 13 اذا مو اقل -
لا تعتمد على ولد يشفلك موعد التسليم لأن بعد ما تبعتو بساعة بتحاكي لتكشف انو لسا ما راح
ما تجرب تشارك mpcabd مشان ما تنشمس بعد تسليم المشروع
انا اتعودت عالشمسة من يوم شاركتك بمشروع التالتة واشمس من هيك ما عاد يصير
ما نجرب نشارك pirate || en.karam1989
ما عم استنى رأيك وكرم مافي منو و احسن مني والشب كفو ومع انو كان في سوء تفاهم بس شغلو كان تمام ولا احلى من هيك بس بكل بساطة ما كان يلي بدنا ياه
اما مشاني فشاركتني ولا لأ متل بعضا انا و ابن العم منكفي وقت بدنا حدا كمان ما بتخلا الكلية من الناس الكفو و المحترمين
طولو بالكون
طولو بالكون شباب .... لا تنشرو غسيلنا قدام العالم
هئ هئ قلبناها
هئ هئ
قلبناها مسخرة هيه 
بس الحق يقال, الولاد يلي زتو حجار كانوا ما بيعرفو يصيبو الأهداف أبدا ً, ما بعرف شلون بيقعدوهم حراس بكرة القدم!
بالنسبة إلي
بالنسبة إلي كانت ليلة الخميس ليلة مميزة من نوعها
...
... مع أنو وضعنا كان تحت الأراضي
كان عنا تسليم مشروع Knowledge Based System محرز بسعر 20 علامة
الفكرة أنو العالم كانت عم تشتغل فيه من فترة
أما أنا و شريكي مو بس مو داقين و لا حرف code
ما منعرف من المشروع غير اسمو مع توصيف سطحي سلمناه من حوالي شهر بالـ Project Proposal
المهم بلشنا من الصفر المطلق حوالي 7 مساءً علماً أنو وقت المقابلة يوم الخميس 9 صباحاً...
يعني معنا 14 ساعة فقط قبل المقابلة !!!
الحمد لله ما استسلمنا و ما هانت عزائمنا
الساعة 10:30 صباحاً..و ما زلنا نكود و نكتب التقرير
بالنهاية كانت المشروع جيد (من ناحية الـ Rules الكتيرة يلي طلعت معنا بوقت خيالي و كلها شغالة تمام)
و المقابلة أكثر من جيدة بتقييمي حسب الشغل اللي اشتغلناه
و أعجبت الدكتورة بالمشروع
العبرة :
...
مهما كان الواحد مضغوط و تعبان و مو نايم من كم يوم ...
و سنة رابعة فصل تاني ...
و يوم الأربعا كان عندو مقابلة مشروع بـ 40 علامة و طلعت مو كتير تمام
و عندو يوم الخميس 9 الصبح مقابلة تانية بـ 20 علامة و البداية من الصفر المطلق...
...
لا ييأس ... و يتوكل على الله و يبلش
و ممكن يطلع معو شي أكتر من مقبول
كتب pirate:انا و
يا صاحبي أكيد الكلية ما بتخلى منهن بس نصيحة مني الأهم من هيك
أنو يلتقى ناس كفوين و محترمين يعرفو يحافظو عالناس الكفوين و المحترمين يلي مروا بحياتن و فهمو عليهن و شتغلو مع بعضن شغل مافي غبرة عليه أبدا
كتب mpcabd:هئ هئ
بس الحق يقال, الولاد يلي زتو حجار كانوا ما بيعرفو يصيبو الأهداف أبدا ً, ما بعرف شلون بيقعدوهم حراس بكرة القدم!
شو قصة الولاد؟؟؟!!!
هوه مو ناقص قاعاتنا الكريمة إلا ولاد وكرة قدم وبيكمل الجو
مين قلك أنو
مين قلك أنو ناقصها ولاد وكرة قدم
كتب Obaeda:طولو
ليش تركهن.....طالما الشمسة موجودة فالجو مناسب لنشر الغسيل
كتب Black Rose:كتب
ليش تركهن.....طالما الشمسة موجودة فالجو مناسب لنشر الغسيل
ونعم الغسيل والله !
DAMذكرتني بمشروع
DAM
ذكرتني بمشروع الـ KBS تبعنا كان نفس الشي تماما
ما كنا منعرف غير التوصيف السطحي تبع المشروع وبلشنا 7 المسا قبل بيوم الكود
بس كانت المقابلة الساعة 11 يعني كان معنا ساعتين زيادة
والحمد لله أخدنا علامة تامة لأنو الـ Rules كانوا ظابطين والمشروع اشتغل بقدرة قادر
لا تنسوا إخواني
لا تنسوا إخواني أن الحياة تصنع ببوتقة هذه اللحظات العصيبة التي نمر بها
سبحان الله،
سبحان الله، كأنو المشاريع بيحلالها تعلق قبل التسليم بيوم!
مو مشان شي بس مشان يتححق عامل الأكشن
وخاصة لما بكون في تسليم أكتر من شغلة، الواحد بيعمل من كل بستان زهرة، بشتغل شوية أتومات، بعدين شوية بيانيات، بعدين لما بدو يرجع على الأتومات من أول وجديد بصير بدو restart ويرجع لشي system restore point لحتى يتذكر وين كان آخر مرة عم يشتغل فيها، وشو صار معو آخر شي!
ما عاد اشتغل و عم يفصل أول ما شغلة مع رسالة بتقول
shut down error
شفت متل هاد الخطأ شي 10 مرات، وشفت أفظع منو!
الفائدة التانية: ضروري تضرب صحبة مع أساتذة العملي...
كلام منطقي.
كتب shashi:شكلو
شكلو يوم الخميس كان حافل على اللكل:)
مو بس الخميس الماضي كل الأسبوعين الماضيين كانوا قمة السعادة :D، الله يزيدنا من هي السعادة ولا يحرمنا من تراكم الوظايف وأيام التسليم الممتعة، وأخطاء الـC++ اللي مالها حل.
أهلاً وسهلاً بكم في ربوع الكومبايلر
هنيك بتشوفو الأخاء يللي "مالها حل"
كتير شغلة حلوة يطلعلك bUG يضل معك شي شهر شهر ونص
:)