بعد تشجيع من بعض الأعضاء حبيت أحكي تجربتي بعد مرور سنة من الرسوب في السنة التانية (حتى تعم الفائدة)
ما رح أحكي عن كيف رسبت أو ليش أو شو السبب (يلعن المذكور 
) .. اللي صار صار
رح أحكي عن مرحلة ما بعد الرسوب (بعد ما وقع الفاس بالراس)
وقتها كنا بالمعسكر وقت إجى خبر علامات التحليل العددي ووقتها كانت مادتي الخامسة المحمولة
بصراحة وقتها الخبر أثر كتير عليي (مو سهلة)
ولو مو الشباب اللي آزروني وقتها كانت صارت حالتي بالحضيض
ملاحظة: وقت رسبت كان في كتير عالم شمتانين (للأسف الشمتانين أكتر من المواسين) (أكيد مو بوشي رح يقولوها بس بتبين) (وبعضهم للأسف كان كتير قريب مني "أقرب مما بتتخيلو" )
بس هون بيبين الرفيق "الحقيقي"
والحمدلله بمعية الشباب احسنت أتجاوز فكرة "هول الرسوب"
وبما أنو المعسكر وقتها كان فاقس بآخرو فوقتها صحلي أصفن كتير وفكر بشو ممكن ساوي.. (فقررت أتجاوز الحالة وكمل حياتي متل ما كانت واقبل باللي كتبو رب العالمين (غصبا عني بدي إقبل 
))
خلص المعسكر وخلصت الصيفية دون ما اتعلم شي جديد (ما عدا الـ Open Gl اللي ما بيستفيد منها غير اللي اترفعو)
وقتها كنت مقضي الصيفية على كرة قدم وأفلام (كالعادة)
خلصت الصيفية وصار كل واحد ملتهي بدراستو .. شو بدي سوي؟؟ ما عاد في حدا ألعب معو طابة أو يلعب معي شي لعبة عالكمبيوتر ودراسة ما عندي
فالتجأت للمخدرات للأفلام 
صرت شوف فلمين باليوم عالأقل
وضليت على هالحالة لمدة شهرين .. شفت شي 90 فلم
بعدها سألت حالي: وبعدين؟؟
رح كمل هيك؟؟ أفلام أفلام !! وبعدين؟ (ما عاد لحقتلي هوليوود )
فقررت اتعلم شي جديد (وقتها كنت بعرف HTML وشوية CSS وجيد بالـ JavaScript) (وكان عندي موقع بسيط على Jeeran)
فقررت كمل بمجال الويب واتعلم PHP
(بصراحة اللي شجعني وقتها "إيمان ميداني" قالتلي:
"تعلم PHP لأنو بالشركة عنا في مشروع جديد وبدهم كودرجية")
وبالفعل ما كذبت خبر
حطيت راسي براس الإيخو
3 أيام * 14 ساعة\ يوم = 42 ساعة كانت الـ PHP خالصة
(طبعا هاد الوقت كافي للي بيعرف C++ )
وكانت وقتها إيمان (الله يجزيها الخير) تعطيني وظايف
أي أي وظايف
بعد ما خلصت صار وقت الشغل بالشركة ... بس !
المشروع (اللي على أساس اشتغل فيه) لساتو قيد الدراسة!
طب أديه بدو؟؟
ما حدا بيعرف
وضليت عم انتظر فترة طويلة بدون نتيجة
(بالمناسبة لهلأ ما جهز المشروع )
هيك لحتى صحلي 3 فرص عمل ويب (التلاتة إجو سوا !! )
المهم كنت محقق المتطلبات المشروطة ولكن للأسف انرفضت بالـ3 فرص !!!
ليش يحزركم؟؟
كانت كل مقابلة تمشي تمام التمام هييييك لحتى يسألني : "فرجيني شو شاغل تطبيقات ويب من قبل"
فبيكون ردي: ما عندي شي!
بتلاقي رجلو لحالها ارتفعت وانحطت بضهري
فقررت أعمل موقع شخصي لإلي بالـ PHP
(منو بتدرب فيه .. ومنو بيصير بإيدي في شي شاغلو ... ومنو بقضي شوية وقت بشي مفيد 
)
لعمى شو هاد !! الدراسة شي والتطبيق شي تاني!! تاري مو شي سهل تسوي موقع "متكامل" بإيدك
كنت متعود أنجز مهمة .. كلاس ... بس موقع كامل لقيتها أصعب بحكم الربط بين المهمات
المهم:
قعدت يومين خطط شو النقاط الأساسية اللي بدي إمشي فيها واللي بدي سويها بالموقع
وأهم شغلة قررتها أنو بدي سوي الموقع بإيدي بدون أي شي جاهز (كلو عالـ NotePad ++ )
لك أي عالـ NotePad
وبالفعل بلشت دء كود لمدة شهرين ونص متواصلين (لحتى طلعت الكلاسات والكوكيز من عيوني) (وقتها ساعدني Nightwolf بس انشغل بالمشريع والكلية (مشكورا طبعا ) )
لعمى لو عم نسوي موقع غوغل كان خلص
المهم .. ما في Error موجود إلا وطلع بوشي (بقوم ببحث عنو وبلاقي الحل)
لك صرت من عدد أحرف الـ Error أعرف شو هو وكيف بينحل
وأخيرا خلص الموقع .. www.karam89.com
(يلعن عرضو شو أكل شغل)
وضليت بدون شغل لحد ما إجى Phiras وحط إعلان عالـ CSC أنو بدون شغيل HTML + CSS
فاتصلت فيه وظبطنا موعد واجتمعنا (مع أنو كان أملي شغل PHP مو CSS)
واستبينا على الشغل (ساعة - ساعتين) باليوم
وقتها كان الموقع عم ينشغل على الـ CakePHP وأنا ما كنت بعرف عنها شي فعطاني فراس كم كتاب ودرست منون وبالفعل بلشنا شغل
وصدفت وقتها أنو بلشت الشغلة تبعنا مع قرب الامتحانات الانتصافية (الحمدلله كان فراس ورضا متفهمين لوضعي وعذروني بكتير حالات (هي فرصة لأشكرهم ) )
(بصراحة أنا استفدت من المشروع أكتر ما فيد غيري ... لأنو شفت كيف الكود منظم وكيف الكلاسات مربوطة ببعضها ... وكانت الخبرة اللي اكتسبتها من المشروع أهم من الراتب اللي أخدتو)
بعد ما خلص المشروع بخير
بيتصل فيني شخص لا بعرفو ولا بيعرفني (دلو عليي شخص بيقربني قربة بعيدة) قال بدو Web Programmer يعملو موقع
اجتمعت معو وبالفعل أنجزت الموقع
www.chinesearab.com
(بالمناسبة: التصميم والكتابات المفشكلة من عندو .. والله ما دخلني .. شغلتي البرمجة وبس)
بعد بفترة بيتصل فيني نفس الشخص وبيقلي بدو موقع تاني لشغلة مخترعها وآخد فيها براءة اختراع
www.oscop.com
(الموقع خالص بس لساتو locally لسا ما نشرو الزلمة)
آخر مشروع كان من شي فترة شهر ونص
بعد بفترة بيتصل فيني The Tornado (الله يجزيه الخير) وبيقلي أنو في شغل Web .. قلتلو جاهز .. (كنت على أساس اشتغل مع نفس الشخص قبل بشهرين بس وقتها فقست .. بس سبحان الله مكتبلي اشتغل معو)
وبالفعل هلأ المشروع شارف عالانتهاء
(المشروع ضخم جدا واكتسبت منو خبرة وفائدة كبيرة كتير .. المشروع بعنوان Strategic Management Toolkit )
ملاحظة: المشروع الأخير أكل معي وقت أسبوعين فقط (مع أني لساتني عم اشتغل عالـ NotePad ++) مع أنو أضخم من موقعي (اللي أكل شهرين ونص) خير الله .. (ما في مقارنة منوب)
وهيك بتكون خلصت السنة اللي أنا بعتبرها الأنجح بحياتي !! (مع أنو رسبت)
وبعتبرها بداية الطريق الصحيح بإذن الله
فوائد:
1- متل ما مكتوب بالعنوان: الرسوب ليس نهاية العالم
2- ما بتعرف وين الخير مكتبلك .. متل ما قلت فوق .. أنا رسبت السنة الماضية بس بعتبرها الأنجح بحياتي!
3- اعقلها وتوكل .. لمن تنوي على شغلة بس بلش فيها وما بيصير غير اللي بيريدو رب العالمين ..
4- لكل شي بالدنيا جانب إيجابي وجانب سلبي .. أنت اللي بتختار !
5- العلامات والمعدل مو كل شي بالدراسة!
(بكل فرص العمل اللي مريت فيها ما حدا سألني أديه معدلك الكل كان يسألني شو شاغل من قبل "متل ما ذكرت فوق" )
6- الفائدة الأهم: اشتغل شي عملي (بعيد عن مواد الكلية) لأنو هاد أهم شي ممكن تتوظف أو تشتغل على أساسو
7- الهدف من هي المدونة هو تعميم الفائدة من شان استغلال الوقت بأفضل كيفية ممكنة للي ممكن يعانو من اللي عانيتو
ملاحظة: اللي ما
ملاحظة: اللي ما بيحب يقرأ كل المدونة بس يقرأ الفوائد اللي كتبتون بالأخير
أنا قرأت
أنا قرأت المدونة كاملة و بصراحة يسلمو ايديك يعني استفدت كتير من حكيك من ناحية التفاؤل ...
كمان شغلة يعني كلامك كان كتير واقعي و منطقي و كلشي كتبتو هو فعلاً يلي عم يصير.
و بتمنالك التوفيق و خليك هيك
صديقنا كرم قريت
صديقنا كرم قريت المدونة كلها وما شاء الله فعلا شي حلو وملفت جدا
وبالنسبة للرسوب أنا بعتقد أنو هو اختبار للطالب فأما بيستسلم
وبتنخفض معنوياتو ، وأما أنو بيصير عندو ردة فعل إيجابية فبيتوجه
لطريق تاني مشابه لطريقك ...
ما بدي احكيلكون قصة أديسون وفشلو بالمدرسة هلق D:
مدونة رائعة
مدونة رائعة كرم, وفعلا الرسوب ليس نهاية العالم.
أنا في أول فصل لي بالجامعة جرت لي قصة مشابهة نوعا ما لقصتك أدت الى ترسيبي بـ4 مواد (مواد فصل كامل, رغم نجاحي فيهم!!), ما رح أفتح الماضي ولا أذكر شو صار بالضبط حفاظا على مشاعر أحد الأعضاء (اﻷصدقاء), بس هالرسوب أدى الى رد فعل انعكاسي عندي, قدرت أتجاوز المحنة والحمد لله, وحاليا أنا فخور بما حققته لحد الآن, وأوافقك الرأي بكل كلمة قلتها.
مو ضروري أكون اﻷول على دفعتي ﻷكون متميز, مو ضروري يكون عندي ذلك المعدل وأنا نظام صغير ما بعرف أبني!.
أخطاءنا والمطبات اللي وقعنا فيها بحياتنا لازم تزيد عزيمتنا واصرارنا وما تكون طريق الى نهايتنا.
دائما: "الخير فيما اختاره الله".
موفق.
كتب en.karam1989:
- و بضيف من عندي أنو الواحد بهيك حالة يشتغل شغلة سهلة و مفيدة و مثل حالاتي بهالخبصة http://www.csc-sy.net/node/7721?comments_per_page=30 يلي ما بتخلص و ما بتفيد كتير لأنه بدها فريق عمل و ما بتخلص بأقل من هيك
- عطيني رقمك كرم في شغل web بس python
مبروك كروش وانت
مبروك كروش وانت بتعرف رأيي بدون ما اكتب والله يوفقك وبتكمل هالدراسة وما تنشغل بالشغل أكتر من هيك
كتب
أخطاءنا والمطبات اللي وقعنا فيها بحياتنا لازم تزيد عزيمتنا واصرارنا وما تكون طريق الى نهايتنا.
هي الفكرة اللي بدي وصلها
الله بوفئك , قصة
الله بوفئك , قصة ملهمة , الحياة مستمرة شو صار وماحدا بيعرف الخير وين ..
كتب bayrn: - عطيني
- عطيني رقمك كرم في شغل web بس python
كفو
حاكم خرطنا البايثون بمعية عمك عبدالله
الله حيو ... ما
الله حيو ...
ما شاء الله حولك صرت وحش بالوب وهالقصص
وإن شاء الله كل السنين الجايه بكونوا "الأنجح بحياتيك!"
مدونة رائعة
مدونة رائعة بتخلي الواحد يتفاءل و يقتنع تماما انو ما في شي بصير بهالدنيا إلا و إلو حكمة وراه
تحياتي كرم موفق
و مبروك الانجازات الرائعة 
مدونة رائعة...
مدونة رائعة... ونجاحك مميز بأنك قدرت تتخطى المشكلة اللي صارت معك.. موفق
بس في شغلة مهمة بدي علق عليها بحكيك..
وقت رسبت كان في كتير عالم شمتانين (للأسف الشمتانين أكتر من المواسين) (أكيد مو بوشي رح يقولوها بس بتبين) (وبعضهم للأسف كان كتير قريب مني
طبعاً كل ما الواحد صار معو أزمة في مليان عالم شغلتون بس يشمتو!
في ناس بتخبيها بقلبها متل ما قلت، بس في ناس تانيين عندون الجرأة لحتى يقولوها face to face، طبعاً هي الجرأة اللي بعتبرها جرأة غير مفيدة، وبالعكس تعتبر قلة ذوق!
على كل... كل واحد بيشمت بحدا صار معو شي مصيبة يكون متأكد أن رح تصير معو مصيبة كتير مشابهة، ماحدا على راسو خيمة!
بالعادة كانو أهلنا يقولولنا أنو لا تشمت بحدا مشان ما يصير معك شي متلو، مقولة صحيحة 100% وهي قصة شفتها رؤى العين!
لذلك ياريت نبعد عن هالأسلوب هاد، لأنو اللي بكون صاير معو مشكلة "أد ما كان حجمها صغيرة ولا كبيرة" بيستنى حدا يواسيه ويشد أزره، ما مستني حدا يشمت فيه أو يسمعو كلام مالو طعمة..
وموفق مرة تانية
بس سمايلي
بس سمايلي
وفقك الله
وفقك الله بحياتك العلمية والعملية.
كفو كروووش
كفو كروووش ...
شي بشهي الواحد يرسب يا رجل
الله حيو
الله حيو كروووووش.......وإن شاء الله ألف مبروك على النجاحين
كتب Ray:مدونة
الشماتة مو حلوة بس في شي مهم هو ذكر الواقع متل ما هوي, هدا بيدفع الواحد أنو يأبدع.. و بعتقد أنو الفترة الصعبة اللي مر فيها كرم هية اللي خلتو يندفع ليتعلم و يشتغل و ما يرجع لمتل هالحقبة من حياتو مرة تانية.
رحم الله امرئ أهدى إلي عيوبي..
صحي شو رأيكم
صحي شو رأيكم تعملو تحديث للبروفايلات تبعكم
كتب Ray: كتب
طبعاً كل ما الواحد صار معو أزمة في مليان عالم شغلتون بس يشمتو! في ناس بتخبيها بقلبها متل ما قلت، بس في ناس تانيين عندون الجرأة لحتى يقولوها face to face، طبعاً هي الجرأة اللي بعتبرها جرأة غير مفيدة، وبالعكس تعتبر قلة ذوق! على كل... كل واحد بيشمت بحدا صار معو شي مصيبة يكون متأكد أن رح تصير معو مصيبة كتير مشابهة، ماحدا على راسو خيمة! بالعادة كانو أهلنا يقولولنا أنو لا تشمت بحدا مشان ما يصير معك شي متلو، مقولة صحيحة 100%
كتير شغلة بشعة لما الواحد يوقع بشي مصيبة ويشوف ناس من يلي حوليه مفكرون بيحبو وبدون مصلحتو عم يشمتو في , حتى لو ما حكا الشغلة face 2 face بتبين عليهون الشماتة , وكتير منهون بيكونو غيرانين من نجاح الواحد بحياتو لذلك لما بيوئع بشي مصيبة بينبسطو وبيفرحو لأن أجا شي يكركبلو حياتو ...
مبروك نجاحك بحياتك العملية و الله يوفئك ومن نجاح لنجاح أن شاءالله .
ومتل ما
" A man is not made for defeat...a man can be destroyed but not defeated"
ان شاء الله
ان شاء الله مبارك النجاح في تجربة الحياة يا كرم و فعلا متل ما قال الشاعر
جزى الله الشدائد كل خير***عرفت بها عدوي من صديقي
بس ما ننسى :
"و كان فضل الله عليك عظيما"
الله يقويك
كتب ThelastCode: "و
"و كان فضل الله عليك عظيما"
وكان فضل الله عليك عظيما
كتب en.karam1989:كتب
"و كان فضل الله عليك عظيما"
"وكان فضل الله عليك عظيما"
"وكان فضل الله عليك عظيما"
بس ملاحظة كتب
بس ملاحظة
(حتى تعم الفائدة)
...
..
.
7- الهدف من هي المدونة هو تعميم الفائدة من شان استغلال الوقت بأفضل كيفية ممكنة للي ممكن يعانو من اللي عانيتو
الله حيو
الله حيو كروش.
الصراحة انا بشهد أنو هالسنة يلي مرقت عليك كانت كتير ناجحة على كل المستويات (بس مو على مستوى الـ FIFA).
وعنجد أنت من الناس يلي إذا حطو شغلة ببالهم ما بيقومو ليخلصوها, وهالشي كتير بحبو فيك
كتب mpcabd:الله
بس نسيت وجهك توجيه هام eng.Karam89
مو تاخدها عادة
في شغلة علمونا
في شغلة علمونا ياها ونحنا صغار أنو إذا فشلنا ما نقول "فشلنا" وإنما نقول "لم ننجح"..بصراحة لفترة معينة اقتنعت بهالفكرة ..على الرغم أنو خاطئة لسبب وحيد أنن بهالطريقةعم بخوفونا من الفشل مع أنو الفشل مو شغلة سيئة وكلنا بنعرف أنو الفشل بداية النجاح وإذا ما دقنا طعم الفشل ما رح نقدر قيمة النجاح..والدليل واضح هو هالمدونة القيمة
إن شاء الله موفقين.
أريت اامدونة
أريت اامدونة كلها و الحقيقة كانت جريئة كتير عن جد بحيي جرأتك و بحب قول إنو اللي عم يشمت يمكن الله يساوي فيه نفس الشي و الرسول ص يقول " لا تظهر الشماتة لأخيك فيرحمه الله و يبتليك "
والله برافو
والله برافو عليك..
والله أوقات بتمنى ارسب مشان لاقي وقت اتعلم شغلات جعبالي اتعلمها لحالي أو سجل دورات او اشتغل !
للأسف بعرف كتير ناس رسبو وضوعو السنة يلي رسبوها بلا طعمة.. عنجد للأسف... لاء وللأسف أكتر من هيك انو بعد ما رسبو السنة يا دوب بيكونو رفعو مادة من موادون الحامليون واترفعو للسنة التالية..يعني أنا لو رسبت شي سنة لا سمح الله بقضي أول فصل عم ادرس المواد يلي حملتون وما بتطلع للفصل التاني الا ومرفعة كل المواد وبنزل مواد من السنة التالية.. في ناس ما بتحب تفكر هيك!!
على كل حال هية سنة من عمر الواحد بدو يعيشها ان قال اي ولا لاء.
بالنهاية "اغتنم فراغك قبل شغلك".
=============================
بس ملاحظة:
لساتك عم تشتغل عالـ notepad++؟؟؟؟؟
والله في محررات للـ php كتير محترمين !!
أي لساتني عالـ
أي لساتني عالـ notepad
)
بس حاجة لهون (اشبعت
المشروع الجاية انشالله عالـ Zend
كتب en.karam1989:أي
بس حاجة لهون (اشبعت
المشروع الجاية انشالله عالـ Zend
أنا بحس أنو الـ php والويب بشكل عام من أروع المجالات...
بس أعلظ مشكلة بالـ php هي الـ Debugging واللي أكيد حتواجهك إذا ضليت عالـ Notepad بس الحمد لله هلأ بوجود المحررات الجديدة انحلت هي المشكلة والفضل طبعاً أولاً وأخيراً هو للـ php ذات نفسها مو للمحررات...
فأنا بنصحك بهالمحرر:
http://www.nusphere.com/
جربو ولح تدعيلي انشا الله...
وموفق...
"عسى أن تكرهو
"عسى أن تكرهو شيئا وهو خير لكم "
صحي رسبت بس استفدت اكتر من استفادة السنة التانية بكتيييير
مدونة كتير حلوة
سبحان الله كتير
سبحان الله
كتير أحيان بيكون رب العالمين راسلمنا طريق غير يللي بدنا ياه
بعدين منكتشف أنو الخير فيه
حياك الله
خلص خلص لا تشرح
خلص خلص لا تشرح أكثر أنا شخصيا اقتنعت انو الرسوب هو الطريق الأمثل مشان الواحد ينجح بحياته
لا عنجد مو الرسوب هو الخير اللي صابك ... الخير هو أنك عرفت تستغل هالشي لصالحك ( وتحضر ال90 فيلم )
ما حدا بيعرف وين الله حاططلو الخير ... عسى ان تكرهو شيئا وهو خير لكم ... بس البني ادم ما بيقتنع بالسهل
أنا واثقة تماما أنو الله اذا ما عطاني الشي اللي بدي اياه فأكيد رح يعطيني الشي اللي أحسن منه
موفق وان شاء الله ما عاد ترسب ولا سنة
هلأ انتو عم
هلأ انتو عم تحكوا عن موضوع الرسوب والشماتة و التحفيز...
أما أنا مشكلتي بالعكس أنا برفع موادي وعلاماتي منيحة كتير..بس بالحياة العملية صفر عالشمال!!!
بعرف إنو في عندي مشكلة بس ما بعرف منين بدي ابدى..
يا ريت في حدا يساعدني
كتب ahmadof:كتب
بس حاجة لهون (اشبعت
المشروع الجاية انشالله عالـ Zend
أنا بحس أنو الـ php والويب بشكل عام من أروع المجالات...
بس أعلظ مشكلة بالـ php هي الـ Debugging واللي أكيد حتواجهك إذا ضليت عالـ Notepad بس الحمد لله هلأ بوجود المحررات الجديدة انحلت هي المشكلة والفضل طبعاً أولاً وأخيراً هو للـ php ذات نفسها مو للمحررات...
فأنا بنصحك بهالمحرر:
http://www.nusphere.com/
جربو ولح تدعيلي انشا الله...
وموفق...
السلام عليكم بس إذا في key للبرنامج بكون ممنون
السلام
السلام عليكم
مدونة كتير معبرة و انا تأثرت فيها كتير الله يوفقك و يجزيك الخير معا إن شاء الله
بس في كم استفسار اذا ممكن نجاوبني عليهم وهنن بخصوص الphp
1 انت تعلمت ال php من الصفر بواسطة كتب فممكن نتقولنا أسماء هي الكتب
2 كيف حسنت طبق يلي تعلمتو نظري من الكتب عملي وحسنت تبرمج مواقع
3 كيف نشرت مواقعك و حملتون على الأنترنت
وشكرا
كتب watsonaway: 1 انت
1 انت تعلمت ال php من الصفر بواسطة كتب فممكن نتقولنا أسماء هي الكتب
PHP 5 in practice
2 كيف حسنت طبق يلي تعلمتو نظري من الكتب عملي وحسنت تبرمج مواقع
طبعا غير التطبيق من الكتاب
أنا كتير استفدت من تجربتي مع فراس ورضا
+
مفاهيم البرمجة وحدة
3 كيف نشرت مواقعك و حملتون على الأنترنت
وشكرا
كيف يعني ؟
كتب en.karam1989: PHP 5
PHP 5 in practice
الموقع محجوب!
كتب BEN ADAM:كتب
PHP 5 in practice
الموقع محجوب!
شلون محجوب شغال وعين الله عليه
كتب BEN ADAM:كتب
PHP 5 in practice
الموقع محجوب!
هلق جربته ما فيو شي !!!
كتب BEN ADAM:كتب
PHP 5 in practice
الموقع محجوب!
كتب en.karam1989:كتب
1 انت تعلمت ال php من الصفر بواسطة كتب فممكن نتقولنا أسماء هي الكتب
PHP 5 in practice
Thanks
في عندك كمان
في عندك كمان Apress Beginning PHP كتير ظريف
شكرا على
شكرا على الإجابة
مشان السؤال التالت انو كيف حجزت للموقع على الإنترنت يعني صار
على الإنترنت (والله ما بعرف شو بتقولو بس ان العالم صار تشوف الموقع على الإنترنت)
عن طريق "إيمان
عن طريق "إيمان ميداني" متل ما قايل فوق
يا جماعة ما عم
يا جماعة ما عم إمزح, فعلاً الموقع محجوب! (SCS Proxy)
شكرا انا بلشت
شكرا
انا بلشت اتعلم php من php 5 power programming
شو بتنصحني خلصو وبعدين بلش بال php 5 in practice
شو بتحسن تخلص
شو بتحسن تخلص اخلص
طالما عندك وقت لا تقصر
حتى إذا بتحسن تدرس من مرجع PHP4 بيكون منيح (بس طبعا بعد ما تخلص 5 حتى تعرف الفوارق بيناتون)
بجد شي رائع جدا
بجد شي رائع جدا و مشكور كتير أنك شاركت معنا فترة من حياتك
و هالتجربة رح تكون دافع الي كتير حتا أحب المعلوماتية بعد
ما كنت نازي طب
.
يسلمو هالأيدين يا رب
ما شاء الله
ما شاء الله تبارك الله
موفق أخي الكريم / كرم
أعجبني جداً ما طرحت
وأعطيتني حافز أتابع البرمجة من جديد صار لي تاركتها فترة طويلة
أنا درست الباسكال، السي، السي++
وعندي إطلاع على كذا لغة مثل الجافا والبيسك
وعملت مشروع بـ PHP
لكن أتمنى الآن أحترف لغة وأركز عليها تنصحني بأي لغة؟
لغة أعمل فيها برامج مستقلة
ولغة تخدمني في مواقع الويب
هل الجافا تنفع أو الأوراكل
بارك الله فيك