CSC-SY

هل هي حقيقة أم من نسخ خيال الطلاب والعامة في الشوارع حيث أنني سمعت من عدة مصادر لا أعتبرها موثوقة أن هنالك دورة امتحانية استثناشية هذا الصيف لجميع الطلاب وليس التكميلية وكانت هده التوصية من توصيات المؤتمر القطري "عل ذمة القائل" فهل من أحد لديه الخبر اليقين؟؟

وأنا سمعت هيك شي كمان بس لسه ما تأكد شي

الإشاعة وصلت لعنا لحلب ..... بس ما في شيء أكيد ... يا ريت من يلي بعرف شيء يقول لنا.......

نفس الاشاعة هون..
بس حمار يللي بيعتمد على هيك حكي من هلق.
يلله بدنا نطالع كل المواد الباقية.. ولا شو؟!

ياشاب هو صح ح م ا ر يلي بيعتمد على هي الإشاعات بس المشكلة أنو إذا كان عندك خوارزميات 1 و2 ومابتعرف شلون بدك تنجح بالخوارزميات 1 و الخوارزميات 2 مابتعرف شلون الدكتورة بتصلح وكمان وكمان مليون شغلة ولاتنسوا البنيان يوم الثلاثاء مابنعرف شو مخبالنا بهل الامتحان وبتقلي ح م ا ر يلي بعتمد على هل الحكي والله ما عدت عرفت شو بدي أعمل بفوت على الفحص بقول يارب هلامة عالية بطلع عم قول يارب انجح ومايكون الدكتور معصب وهو عم يصلح ورقتي أو يكون خطي ماعجبو أو فكرة الحل مونفسها يلي براسو أكيد وقتها حبحمل المادة ..............

والله المستعان

أنا دائماً أدعوا بدعاء وهو فعال بإذن الله:
ياودود ياودود ياودود ياذا العرش المجيد يافعلاً لما تريد يامن أنت تبدئ وتعيد أتوسل إليك بنورك الذي أضاء جميع أركان عرشك لاإله إلاأنت يامغيث أغثني يامغيث أغثني يامغيث أغثني

عدل

ما بدنا حكي من هالنوع عن الدكاترة...
-أيمن

أنا برأيي أنو الواحد يدرس منيح ويحاول يعمل كل جهدوا بالمادة ويفهمها

وشو بصير بعدين فلازم مايهمه يعني طلعت المادة ولا لأ

هو بيكون عمل كل اللي عليه .

واذا كان في دورة استثنائية فشو بدوا الواحد أحسن من هيك .

يا رب تكون هالإشاعة صحيحة لأنو عنجد كتييييييييييييييـــــــــــــــــــــــــــــــــــر بتريح الطلاب

للأسف بالنسبة النا مارح قدم ولا رح تأخر ...

الله لا يجعلني ولا يجعلنا تحت رحمة انتظار و توقع شي دورة استثنائية [-o< [-o<

بالنسبة الي سألت العميد أول ما سمعت الاشاعة
وقال لي ان هالحكي اشاعات وما في قرار يهيك شي

ياشباب أنا من كم يوم سمعت من واحد من أصدقائي بالكلية أنو في دورة استثنائية بأول شهر 8 على قولته أنو الكلام موثوق إلى حد كبير جداً بعدين أنا بعرف ناس بالوزارة "وزارة التعليم العالي" قالوا أنو مافي شي عندن بهذا الشي وقالولي أنو إذا كان في هيك شي فبيكون بفرع الحزب بالكلية أو شي من هيك بس بالوزارة شكلية الأمور يعني بس للتنفيذ بس مابطلعوا قرارات وكمان الطبخة مالازم حدا يدى فيها لأنو بدون يقفشوا الطلاب مو ينجحون شو ولو من من عادتهن يعطوا وش رغيف للطالب على طول حاطين

وإنشاء الله يكون الكلام صحيح لأنو أنا بالذات مخوووووووووووووطر لدرجة كبيرة

قيل لي أن الدكتور رند القوتلي وكيل الكلية للشؤون الإدارية والطلاب أعلن أن ليس شيئ مؤكد ولكن إذا في دورة فهي عدد قليل من الأيام وتبدأ بـ 12/8 .. والكلام من مصدر موثوق ..
ياجماعة الله لا يحيجنا .. ولكن أسلوب كلام الدكتور رند يؤكد أن هذا الأمر ليس إشاعة .. واللي مو متأكد يسأل الدكتور رند شخصياً ..
أنا نقلت الكلام اللي سمعته وبس ..لا حدا يعتمد عليي..
سلام..

مابعرف صحيح أنو في كير طلاب رح يستفيدوا

من الدورة الاستثنائية

ولكن الدورة الاستثنائية رح تأثر بالنهاية على مصداقية شهاداتنا .

هلأ صحيح اللي بيتخرجوا بينكتب بأية دورة اتخرج ... حسب مابعرف

بس أنا ماقصدي هيك كان قصدي عالميا يعني مثلا قدام الأمم المتحدة رح يصير اسم الجامعة بالأرض

لأنو الدورات الاستثنائية عالميا معناتها أنو في طلاب بالجامعة علقانين وبدهم يخلصوا منهم

وهيك معناته أنو في تدني بالمستوى العام بالجامعة وبالتالي بتنقص سمعتها ....عالميا .

خيو ....

القصة حسبت ما اسمعت ( مصدر غير موثوق )

في قرار صدر ، ينص هذا القرار انو بعد رسوب سنتين ( 2 سنة ) في الجامعة ، فسوف يستنفذ الشخص الراسب فرصته في متابعة حياته الجامعية. وسوف يطبق هذا القرار اعتباراً من السنة الدراسية 2005/2006

لذلك ، فاذا في اشاعة حول استثنائبة ، فهي للمستنفذين الحاليين ، حتى وقت اللي بدو يطبق القرار ، يكونوا عطوا فرصة للمستنفذين بحق العودة إلى الحياة الجامعية ...

يعني .. اذا في استثائية ... فهي للمستنفذين ولسيت لطلاب المراحل الانتقالية

أتمنى التوفيق للجميع

خليني بس أوضح شغلة ....

الدورة الاستثنائية هي دروة تقام عند حدوث مشكلة كبيرة في البلد !!!
يعني مثلاً : عند حدوث مصيبة طبيعية ( زلزال ، بركان ، عواصف ) ، تمنع هذه المصيبة الطلاب الجامعيين من تقديم فحوصهم في الفترة المعتادة النظامية ..... لذلك تأتي الدورة الاستثنائية حلاً لمشكلة الطلاب ، وحتى ما يروحوا فصل من حياتهم. وهي قصة معروفة عالمياً ... ومقبولة في الامم المتحدة...

اما اللي عم يحكي عنه SG فهو مظبوط .... لأنو اذا ما في شي مثل هذه الحالات ... فسوف يشكك في مصداقية الجامعة تبعاً لهذه الحالة !!!

على كان مابعرف !!! نحن بحلب الجو عنا طبيعي !!! في شي حدا عواصف رعود زلازل براكين انفجارات ثلوج اعاصير بغير محافظات !!!! يمكن !!! مشان هيك !!!!!!!!!!!!!!!!!!

أنا سمعت أنو رح يصير في نظام جديد و هو....
مواد الفصل الأول تقدم في الفصل الأول ... والثاني في الفصل الثاني حصراً ....
يعني ممنوع حمل مادة من فصل لفصل ... و رح يصير في دورة صيفية للمواد المحمولة من الفصلين ...
و بدو يصير الرسوب بالسنة 3 مواد ...
وبما أنو ممكن يطبقو هالنظام سنة الجاية .. ما بدون عالم تطلع ع سنة جديدة و معها 4 مواد محمولة و يصير عليهون عبء كبير ...
رح يعملو دورة استثنائية صيفية ....
هادا طبعاً الحكي المتداول ويللي سمعتو ... وما في شي أكيد

شباب المهم اذا طلع القرار الرسمي تحطولنا ياه هون عالموقع
اذا بتسمحوا
واذا بدك اعتبرو طلب شخصي هاد رأفت اذا بتسمح

القسم الخاص بوزارة التعليم العالي

أكيد رأفت لأنو رأفت هو الكفو هون مافي غيرو جاب العلامات هي أهم شي
الله يبارك فيك يارأفت ويعطيك ليرضيك

كمان القرار إذا طلع لح تنطبل البلد فيه مافي شي حيكون مخبى بوقتها بس الزلمة أي الكفو هو يلي بيجيب القرار قبل مايطلع لأنو معلومكن ما حيطلعوا لقبل يومين أول بالكثير أربع أيام وأكيد مابتلحق تدرس شي لأنو الامتحانات كل يوم يعني مدروزة درز وراء بعضعا

وهذا هو الدليل

بعدين خلونا نفكر شوي ليش الدورة الاستثنائية ليش مو من الأول بالامتحانات الشهر الماضي وزعوا العلامات من جيبة يلي ما خلفهون ونجحوا الطلاب بدون بهدلة وشرشحة ومثل ماقالوا الشباب هذا بيشكك بمصداقية الشهادة أنو حضرتنا طالعين دفش هو أكيد بكليتنا مافي حدا علقان بأي سنة بس بالحقوق مثلاً والاقتصاد فحدث ولاحرج بس ....بتضل المشكلة قائمة والله لايوفق يلي كان السبب

إن شاء الله ما حدا يحتاجها

إنشاء الله بس والله الحقيقة إذا حدا بيطمني أنو في دورة استثناشية يمكن بكون مرتاح

بس والله بدعي أنو أنجح بباقي المواد والله لايحيجني للدورة الاستثنائية [-o< [-o<

تكرم أول ما شوف القرار رح نزله هون
بس ليش رأفت مثلاُ :

أول شي الله يكرمك
تاني شي بدي اسألك سؤال
إذا بتعرف واحد خدومي وكل يوم بالجامعة وبدك منو طلب من هونيك ومعشرو طيب "وبدك تتحركش فيه "وبتعرف انو كفو ومتيقن انو ما رح يخذلك وطلبك ما (بتعتقد) انو رح يدايقو
وإذا لبالك ياه رح تدعيلو انت والسامعين عفوا (القاريين).......................لسه في عندي كمان بس مشان ما تطلع المشاركة "سئيلة"
بقا إذا بتعرف هيك واحد بتطلب منو ولا لاء
بعتقد انو ما بدك سبب مقنع أكتر من هيك
على أمل كون أقنعتك

سلام شباب
إذا في واحد قدم مادة في الفصل الأول وجاب 45 ، ونجح في كل مواده في الفصل الثاني بدون تقديم تلك المادة فلا يتم تنجيحها له
طيب إذا جبت 45 في الفصل الثاني ونجحت في باقي المواد وكان هنالك دورة استثنائية فشو بيصير بها المادة
وشكرا

حسب مابعرف أنو مابيمشي الحال والمادة مابتطلع لأنك مقدمها بالفصل الأول..

هلأ بهي الحال المفرض أنو يرفعولك المادة ...... والله أعلم .