CSC - SY

نعم وبدون تفكير إنشاء الله

طبعاً لسببين الأول:
نعم, لتحسين مستواي العلميّ
ونسبتو أعلى
والثاني:
نعم, للتخلص من خدمة العلم

نعم لحتى ضل عايش كبني آدم

رح أستغل كل الخيارات المتاحة إلي و نقي الأفضل , يعني إذا كان السفر متاح رح سافر , بس ما أعتقد إني ما أرجع ...
... لإنو طموحي هون .

و أكيد كمان حتى أحسن الوضع العلمي...لان التقدم العلمي للشخص هو بعطيه فرص عمل ذات مردود مالي أكتر مو بالعكس

بلدنا في القلوب متشالة
ومهما ديق عليها الحالة
ولادها ادها ورجالة ماتعرفش الهزار
قصاد كل الظروف نتحدى ونثبت تاني بعد الشدة
ودا بسر الدعا والسجدة ونية الانتصار
بلدنا وحبنا بقلها وجوة عيونا منشلها
عشنها المايلة نعدلها
حلفنا بربنا عبادة
سنين عملين لها خاطر ونبعد عنها ونسافر ونرجع ليها في الاخر
وبرضو نحبها زيادة
ساعات ايامنا تيجي علينا
بتخطفنا وتلعب بينا
ساعات الصدمة بتقوينا لو قدامن مين
(لؤي - العلمي )
بلدنافي القوب متشالة
لازم تسمعوها وخاصة NightWolf
انا كان عندي افكار بتشبة افكارك بس !!
وعلا فكرة انا صوتت اني ارغب بالسفي من شان زيد تحصيلي ومستواي العلمي

نعم ،منشان أول خيارين مع بعض أما التالت فبالأصل ماعندي مشكلة.

صح مو بإيدك وإيدو لحالكون .. بس لو كل حدا قال لحالي شو بعمل كان مافي شي بهالدنيا تغير من أول ما انخلقت

مظبوط بس الواحد بيحسب انو في شي بينقدر عليه وشي لأ

أنا صوتت من أجل الكسب المادي

بس بالحقيقة كان التصويت مشان بس أفوت على الموضوع وأشوف الآراء

رأيي من رأي NightWolf لحتى الواحد يعيش بني آدم وبس

خدمة العلم

احترت صوت على أنو نعم
التلاتة بيشتغلوا : تحسين الوضع العلمي و المادي و الهروب من خدمة العلم
و اختصرهن NightWolf بـ "العيش كبني آدم"

بس أنا بحب ضيف أني مع الرجعة إذا صارت ظروفي مناسبة بعد السفر لمدة

أنا بدي سافر للهروووووووووووووووووووووووب
بس كمان بحب ارجع بعدين مشان حسّن الوضع هون لأنو الشعب هونيك ما بيستاهل الواحد يتعب مشانو، الأفضل الواحد يحاول يحسّن ببلده

أنا صوتت للدراسة بس كمان اذا صحلي شغل برا (وقرشين ظراف) أكيد ما بقول لاء

اي بس الله ما انشاف، بالعقل انعرف

في شي منقدر نعملو

بس ما هالشي الكبير

عن تجربة ما عن حكي

وأنا رأيي من رأي محمد انو الموضوع بايد ناس أكبر بكتيييير

بس انا ما مخطط للسفر هلأ بعد التخرج وإنما بعد فترة معينة والهدف الأول التحصيل العلمي والهدف التاني الكسب المادي

أنا برأي هذا التصويت بالذات لازم يكون خيارات متعددة (CheckBox) و ليس اختيار وحيد (RadioButton)
التحصيل العلمي بس أكيد ما رح كون عالة على حدا فلازم التحصيل المادي كمان ، و شو عليه اذا خلصنا من "خدمة العلم" كمان ؟

صح بس مافي ولاتغير بالدنيا كان سهل وبسيط وطريقو مفروش ورد ..

انا مو ضد الواحد يسافر ويحسن وضعو بس بعرف إنو كل اللي بيسافرو بيقولو كم سنة وبنرجع ومابيرجعو غير مقلعين للأسف لما يكون كل خيرون راح وماعاد بقي شي يقدموه بيرجعو لبلدون إيد من ورا وإيد من قدام

مابدي نظر وبعرف قديه وضع بلدنا صعب .. بس بعتقد إنو سوريا مابتستاهل نتركها للي بيكرهوها .. محمد قال بموضوع تاني إنو هو بيحب سوريا وسوريا مابتحبو .. عفواً بس مو سوريا اللي مابتحبك اللي بيكرهو سوريا وماهمون غير حالون وعم يحطو كل مطبات الدنيا بطريقكون هني اللي بيكرهوكن وبس تطلعو وتتركوها لإلون مستحيل شي منيح يصير

بالنسبة للتصويت أنا مع السفر لتحسين المستوى العلمي وبيجوز كمان لتحسين المستوى المادي لتأمين رأس مال لمشروع ببلدك ترجع مشانو بس المهم إنو ترجع

ماليزيا

بلد بتمنى سافر لهنيك "زيارة" لأنه بلد اسلامي و بنفس الوقت بلد متطور كتيير بتجتمع هنيك العلم و الروحانيات

نعم, للسياحة
أنا بدون شي مغترب.

عفكرة بالعكس الشي اللي أنا شفتو ب 15 سنة غربة .. وتستمر المأساة ماحدا شافو منكون مشان هيك مفتكرين إنو عم تستناكون دنيا حلووووووووووووووة والعكس هو الصحيح

كتب N.Sham:

عفكرة بالعكس الشي اللي أنا شفتو ب 15 سنة غربة .. وتستمر المأساة ماحدا شافو منكون مشان هيك مفتكرين إنو عم تستناكون دنيا حلووووووووووووووة والعكس هو الصحيح

اللي بيترك ال AUD و بيجي على جامعة دمشق .... مو غريب يطلع منو هيك دفاع

أي طبعاً... وحالياً في مخطط لسافر خلال الدراسة هلأ ما رح استنى لإتخرج كمان
مو مشان خدمة العلم.. ولا مشان المستوى العلمي .. ولا مشان المستوى المادي كمان..
في أسباب تانية وأهمها انو ما في شي بيشجع عالبقاء هون وخصوصاً بجامعتنا الرائعة

أيا واحد عندو "خدمة علم" أكيد بكون مخطط يسافر يعني مافي مجال حتى للتفكير بالموضوع
اذا ماكان في "خدمة علم" ممكن وقتها يفكر يشتغل هون ولا يسافر ولايكمل دراسة هون ولايكمل دراسة برا...
( وأيا واحد عندو "خدمة علم" ومامخطط يسافر بكون -مع احترامي الشديد الو- ماعندو مخ )

كتب NightWolf:

كتب N.Sham:

مابدي نظر وبعرف قديه وضع بلدنا صعب .. بس بعتقد إنو سوريا مابتستاهل نتركها للي بيكرهوها .. محمد قال بموضوع تاني إنو هو بيحب سوريا وسوريا مابتحبو .. عفواً بس مو سوريا اللي مابتحبك اللي بيكرهو سوريا وماهمون غير حالون وعم يحطو كل مطبات الدنيا بطريقكون هني اللي بيكرهوكن وبس تطلعو وتتركوها لإلون مستحيل شي منيح يصير

بالنسبة للتصويت أنا مع السفر لتحسين المستوى العلمي وبيجوز كمان لتحسين المستوى المادي لتأمين رأس مال لمشروع ببلدك ترجع مشانو بس المهم إنو ترجع

مظبوط حكيك بس يمكن صار لازم ندور على مصلحتنا الخاصة شوي ..
بعدين بذمتك في حدا بيطلع من هون وبيشوف برا ( قد ما كان تعامل الناس هنيك سيء في عنا أسوء بكتير ) الرجعة لهون شبه مستحيلة في ظل الظروف الراهنة لأنو عنجد ما حدا رجع وما اتبهدل !
يمكن فيني فيد بلدي وانا بره اكتر ما فيده وانا جوا

في .. أنا وعالعموم انا ماعم احكي عن تعامل سيء بس بكرا ازا سافرت أول مرة رح تيجي تزورنا واول ماتنزل الطيارة ع المدرج بتعرف شو اللي عم احكي عنو

وازا فيك تفيد بلدك انت وبرا الله وإيدك

انا صوتت لتحسين المستوى العلمي
واكيد اذا في تحسين المستوى المادي ما بقول لأ
بس انا مع كل واحد بيفكر يضل بهالبلد او بيفكر بالسفر والرجعة بعدين لنحسن كلنا ونحط ايدينا بايدين بعض ونرفع من وضع البلد اولا والوطن تانيا ونرجع خير امة اخرجت للناس

ورجيني شو رح تقدري تعملي معون

رح انتظرك كذا سنة وابقي ارجعي ردي بهالموضوع وقليلي شو قدرتي تعملي معون

كتب BlackSigma:

كتب The Tornado:

رح انتظرك كذا سنة وابقي ارجعي ردي بهالموضوع وقليلي شو قدرتي تعملي معون

 

بس مين هنن

هو هون القصة

اما انو N.Sham ما عرفانة مين هدول أو انو بتعرف بس ما مقدرة العواقب

كتب Syriano:

كتب "N.Sham":

بس بكرا ازا سافرت أول مرة رح تيجي تزورنا واول ماتنزل الطيارة ع المدرج بتعرف شو اللي عم احكي عنو

عمتحسسيني أنو بحياتي ما اغتربت ولا سافرت لبرا
بشو بدو يحس؟ أنا بقلك أول مرة رح يحس بفخر وبعزة, رح يضل 10 تيام بسوريا بعدها رح يزهق ويصير يطلب يرجع علغربة بأسرع وقت ممكن.
تاني مرة رح يختفي الشعور السابق نهائيا ويصير مجرد ما نزل ممن الطيارة حب يشوف أهلو وقرايبينو ويدير درب طريقو ويرجع.
خصوصا إذا كون صداقات بالغربة وحب المكان اللي قاعد فيه.
على فكرة, أخواتي صغار لساتن بالمدرسة, نزلو يقضو الصيفية (شهر ونص) بسوريا, بعد أول جمعة صاروا يبكوا بدن يرجعو لهون!!, بقا إذا الصغار هيك, نحن الكبار كيف :)؟.
رغم هالشي الانقطاع عن البلد غلط كبير, يعني كل 6 أشهر زيارة 15 يوم, أكتر لأ وأقل لأ بظن بتكفي وزيادة.
هلأ أنتي بجوز كنتي مغتربة وإحساسك غير عن 98% من المغتربين, لذلك حالتك استثنائية .

ايه بيجوز الإحساس بيختلف حسب الانتماء .. عالعموم انا ولمدة 15 سنة كل مرة كانت تنزل الطيارة كان يكون الإحساس نفس الشي وكل مرة كنت انزل منها كنت بوس الأرض وكل مرة بتقلع فيها كنت حس كإنو تاركة روحي وراجعة

مع إنو كلشي بعرفو بالدنيا موجود بالإمارات .. بتبقى شغلة محبة للبلد مو للي فيها

لحالي مارح اقدر اعمل شي أكيد بس رح حاول .. وانا اللي زاعجني إني شايفة عالم بعتبرها من أحسن العقول عنا بالبلد والمفروض تقدر تساعد بهالشي وكلشي عم تفكر فيه إنو تطلع وتترك البلد

ولاتقلي صعب على نطاق كتير ضيق وبعرف قديه آكل جهد ووقت بس الشباب من لما استلمو الهيئة قلبو الكلية قلب ولو إنو تغير صغير وعلى مستوى كلية وفي 100 معضلة قدامون بس في أمل ولو 0.0000001 % إنو نقدر نغير شي

كتب The Tornado:

كتب BlackSigma:

كتب The Tornado:

رح انتظرك كذا سنة وابقي ارجعي ردي بهالموضوع وقليلي شو قدرتي تعملي معون

 

بس مين هنن

هو هون القصة

اما انو N.Sham ما عرفانة مين هدول أو انو بتعرف بس ما مقدرة العواقب

ليش شو شايفيني ولد صغير

any way بعرف ومقدرة العواقب ومابخاف غير من ربي اللي خلقني

اي طولة بالك، يعني عم نتناقش وبالتالي من دون ضرب كفوف بيمشي الحال

عالعموم أنا من أنصار الواحد يسافر ويكمل دراسة برا ويشتغل وياخد خبرة برا وبعدين يرجع إذا حابب يساهم ببناء بلدو

(الخلاف كان على كلمة تغيير) لذلك إذا منحذفها ومنحط بدالها كلمة (يرجع يضيف شي على بلدو) بكون أحسن ورأيي لازم كلنا نعمل هيك

لأنو عنجد كلمة تغيير كتير كبيرة ولا أنا ولا انتي منعرف شو معناها عنجد حتى لو كنا شايفين كتير او منعرف كتير

لأنو التغيير هو تغيير استراتيجية يعني تخطيط لإحداث تغيير بوضع معين على المدى البعيد

أما المشاريع الصغيرة فهي شي إيجابي طبعا ما حدا عم يقول لأ بس بتبقى محاولات صغيرة

والموضوع الأهم هو التخطيط الاستراتيجي والخطة البعيدة

مين قال ضرب كفوف

عالعموم اقتنعت إضافة مو تغير المهم ماتمر عالدنيا وتروح بدون أثر مشان اللي بعدنا مايدعو علينا متل مانحنا عم ندعي على اللي قبلنا واللي وصلونا لهون

بماذا نختلف عنهم؟
وما بدكم تسافروا!

يهاجمون كما نهاجم ويدافعون كما ندافع ... والهدف السادس

يا لطيف
مليت وانا عم بقرأ
حاسس متل يلي عم يحاكي حيط او ينفخ بإربة مقطوعة
-----
بالمختصر: كل الشباب بدون يسافرو لانو عندون جيش وسنتين كفيلات بأنو يخلو الواحد يتخلف عقليا 10 سنين
والبنات ما بيحسو بهالشي طبعا.
أما مشان نصلح الوضع بالبلد !!!!
لاء يا عمي خليه متل ما هو وبصلح وضعي اسهلي واضمنلي
والناس يلي برا ما بتستاهل الواحد يتعب منشانها؟ يا ترى يلي هون بيستاهلو ؟
وبذكر بيلي قالو فؤاد

كتب foaad:

وأيا واحد مامخطط يسافر بكون ماعندو مخ

كتب Renwar:

يا لطيف مليت وانا عم بقرأ حاسس متل يلي عم يحاكي حيط او ينفخ بإربة مقطوعة ----- بالمختصر: كل الشباب بدون يسافرو لانو عندون جيش وسنتين كفيلات بأنو يخلو الواحد يتخلف عقليا 10 سنين والبنات ما بيحسو بهالشي طبعا. أما مشان نصلح الوضع بالبلد !!!! لاء يا عمي خليه متل ما هو وبصلح وضعي اسهلي واضمنلي والناس يلي برا ما بتستاهل الواحد يتعب منشانها؟ يا ترى يلي هون بيستاهلو ؟ وبذكر بيلي قالو فؤاد

كتب foaad:

وأيا واحد مامخطط يسافر بكون ماعندو مخ

شو قصدك يعني البنات مابيحسو بهالشيء ؟!!!

أنا بعترض على الجملة

وتصحيحها كما يلي  :

بشكل عام ماحدا بيحس شو معنى السفر والغربة لبرات البلد إلا يلي مجرب يتغرب ويسافر

وفعلا كلامك صح للأسف سنتين سفر بيخلو الواحد يغيب 10 سنين

مو مشان الجييييييييش  ..... لاء

بس لأنو بصراحة برا أحسن من هوووووووون

بتحس حالك بني آدم شوي مو كتير

راح تقلي ليش ؟ راح قلك لأنو هناك بيعاملوك على انك أجنبي غريب وهاد أسوأ مافي الموضوع

هو قصدو انو اذا الواحد غاب عن الجو سنتين ( جيش ) بدو يرجع متخلف عقلياً ونفسيا وعلمياً

مممممممممممممممم

بيجوز مو حاسين بمعنى الجيش .. بس فيك تسافر وتأمن بدلك وترجع وتكون ماتخلفت

بس اسمحلي " من جرب الكي لا ينسى مواجعه "