CSC - SY

i said: A S U S!

ابو العز
بس بطاريتو مو كتير قوية وهي مشكلة كبيرة بالنسبة للكل

TOSHIBA

HP وبس

أبو الفوز حديثاً

Sony مع إنو جهازي غير نوعية " asus "
في كتير عوامل بتأثر على الإختيار متل السعر و المواصفات المتوفرة ووو ......
بس لو بدي أختار ماركة , أكيد بختار Sony ...

أبو الموز قصدك. أبو الفوز لابتوب أبن عمي, والـ Facebook يثبت ذلك.

لاء مو صحيح
لابتوبي هوة المعلم أبو الفوز
بعدين من إيمتى كان يتاخد بحكي الـ Facebook

SONY بس حلاوته بتصميمه و أشكاله
بس مشاكله كتير بتل ما سمعت ...يعني عل الأقل ما بيحسن السوني يضاين مع طالب مهووس معلوماتية .و فوق منها غالي كمان

أنا برشح التوشيبا ..
..و ليش الشباب مرشحين DELL كتير ما بعرف..الجهاز كتير عادي

أبو العز

أبو الموز و أبو العز و أبو الفوز...
حيسس حالي بقهوة اللابتوبات...هههههه

أنا عندي توشيبا ولهلأ متل الليرة ما شاء الله حوله بس إذا بدي جيب لابتوب جديد ما بجيب توشيبا و بجيب سوني مشان هيك صوتت SONY
بس هلأ ما رح جيب شي

أنا بدي جيب Laptop بس فتت بمليون حيط من كتر ما سمعت أراء ... شي بيقول الـ TOSHIBA غالي عالفاضي وشي بيقول الـ HP أعطالو كتير وشي بيقول الـ DELL مو منيح وشي مدري شو بيقول .... عنجد حترت ...

أنا ببالي يا Sony يا HP  يا DELL حدا يفاضلي بين هدول الأنواع لشوف ...

HP وبس والباقي كلو خس
الـToshiba أيضا جيد بس أنا بحط الـHP بالمقدمة, كان الي تجربة مريرة مع DELL لذلك ما بنصح فيه حدا.
الـSony جيد بس غالي عالفاضي يعني ممكن تلاقي مواصفاتو وأحسن بجهاز HP وبسعر معقول.
لابتوبي الحالي هو لابتوبي التاني من HP ومرتاح جدا جدا جدا من أداءو ومواصفاتو (ومن سعرو كمان ).
كمان الي تجربة سابقة مع جهازين Toshiba وللأمانة كان أداءهم كتير جيد, واحد أخدو أخي ولهلأ معو وما اشتكى بيوم منو, والتاني عطيتو لأحد المعارف وهو لسة شبه جديد رغم أنو موديلو كان قديم شوي.
الحكي فوق عن HP Pavilion وليس HP Compaq لأنو التاني شبيه بمعالج الـCeleron من Intel بينما الأول متل Intel® Core™ i7.

مسعود صرلو سنتين بياخد العقل وشغال 100%، بس :
1- ماتت البطارية"20 دقيقة فقط".
2-انتزع الشاحن، مو دايما بيشحن.
3-خرب الزر اليساري للماوس "ما حدا بيعرف يستخدمو غيري"
4- بقيانة على زر Ctrl واحد بعد ما انقبع الأولاني.

أنا جهازي DELL inspiron 1520 صرلو عندي سنتين و مروق عليه تمام
ما فيه أي مشاكل و البطارية بتبقى ساعتين أو ساعتين و نصف
بس صوتت لـ SONY
لأني بحب تصميمو

أنا بفضل سمي عزوز
my next laptop will be one of these
UX30
U series

اللي قلك الـ Toshiba غالي عالفاضي ... فهاد كلام غير صحيح.. والشباب بيعرفو اللي كان عندي
حاليا معي HP وبرأيي ممتاز (بالمناسبة النسبة الأكبر بالكلية هي HP "هيك لاحظت" !)

TOSHIBA
ومو غالي عالفاضي
صرلو عندي حوالي سنة ومافي منو ..

انا بفضل SONY بالمرتبة الاولى لانو صناعة هالشركة دائما متقنة
بس كمان الTOSHIBA ظريف و مابدو صيانة كتير

أنا حصرت خياراتي بين الـ DELL و الـ HP بدي جهاز يلقى دعك , مين بيصوت للـ HP ومين بيصوت للـ DELL ؟
أنا شايف هاد الجاهز Pavilion HDX16-1255P8600 16" شو رأيكون في ؟

هو يمكن كل واحد عم يصوت للماركة الي عندو بس السؤال أيا تفضل.
أنا عندي HP بس صوتت لـ Apple
مع اني دائماً بحكي ضد Apple كجهاز مكتبي لأنو مواصفاتو ما بتبرر سعره, بس كلابتوب عم يكون سعرو مناسب نوعاً ما لمواصفاته بس المشكلة انو الخيارات المتاحة عندهم كتير قليلة وكل الموديلات High-end تقريباً.

عنا بالبلد , انا حبيت ال DELL اكتر الشي
رخيص ومتقن مقارنة مع غيره ,
جربت ال Toshiba بس ما حبيتوا كتير مع انو خدم منيح معي
بس صارت القطع الجديدة مو منيحة كتير وغالي
اما لو تحدثنا بشكل عام , لقلت ال Apple ..

طيب مين اخترع ال name convention
أبو العز و أبو الموز و مسعود

أنا بصوت ل hp
ما عندي ياه هلأ .. بس الأسبوع الجاية بيوصل لأحضاني

بالفعل أجهزة الـApple من أحلى الأجهزة ...وغريب إنو ما كتير عالم بتفضلها ّ!!!

لأنو هي العالم ما سمعانين فيها أو ما بيعرف شو فيها

Toshiba انا ماالي زمان جايبتو بس سألت ناس كتير عم يستعملوه من زمان وشجعوني كتير وانا شجعت اخي وجاب متلي
بصراحة انا بحس الهاردوير تبع هالشركة كتبر ممتاز وبيتحمل ...
بس الsony كمان ممتاز (الله يرزقنا ..

ال Apple قرايبتي عندها ياه
وطبعا الجهاز أكتر من ممتاز وتصميمو كتير حلو بس ما بفضله لأني ما بتصور ممكن جيب منو

لأنو ماعندهم خيارات كتير يعني اذا واحد بدو جهاز تحت الـ50000 فمابيقدر ياخد Apple
أو مثلاً أنا عندي Tablet 12.1" عند Apple مافي Tablet ومافي 12.1"

ليش ظالمين ال DELL والله عندي من 3 سنين ومتل الليرة
والشي الحلو ب DELL انو بتقدر تجيب مواصفات جيدة بسعر معقول
وهالمواصفات بتعطي أداء جيد
وأنا لو بدي غير جهازي ....بعتقد اني رح جيب DELL كمان

طيب و ين ال acer

هلأ بعرف أنه هو لو وجد هالخيار بياخد المرتبة الأخيرة

بس من كذا يوم شفت بالبحصة جهاز جديد عند محل نسيت أسمه ، جهاز خارق و سعره عالي كتير

يعني نا عم أحكي من ناحية التصميم "خارق"

اذا حدا مجرب هالماركة يخبرنا عنها

والدي عنده ASER صرله سنتين و مافي منه
و أهل الخليج أكثرهم عم يستخدم ال ASER

بس أنا من محبي ال TOSHIBA

i,m very satisfied with my lovely VAIO

لإنو إذا ما أخدت الماركة اللي عندو منها أصوات كتير هيك "بشعر" الواحد إنو خيارو كان غلط أو جهازه نوعيته تعبانة

مو هيك القصة..

بس مثلاً أنا عم استخدم نوع معين و ملاقيتو ظريف و مرتاحة عليه كتير فأكيد بصوتلو
أما إذا استخدمتو و طلع فيه مشاكل مو معقول صوتلو بس مشان ما أشعر أنو خياري كان خاطئ !!!

يعني حسب شو مقصود بالسؤال لانو في عدة اسباب لحتى اختار الجهاز المناسب مثلا
1- السعر
2- الجودة و المواصفات
3- خدمة ما بعد البيع (طبعا هاد الشي بقابلو بسوريا خبرة اخوانا يلي بالبحصة على تصليح الجهاز وتامين القطع البديلة )
وشغلات تانية بس اذا كانت الميزانية مفتوحة مناخدو Sony
واذا نص نص مناخدو يا HP او Asus او Toshipa
واذا الميزانية قليلة مناخدو ACER وفعلا انا يلي عندي ACER ويخزي العين قربان عيد ميلادو التاني وما قال اخ ووقت اختو كان اي جهاز من اي ماركة تانية غيرو في فرق بالسعر 23
طبعا كسعر مقابل اداء مافي غيرو الاختيار المناسب انا هيك شفت

كإني قريت كم عضو كاتبين إنو عندن لابتوب * بس ناويين يشتروا نوع آخر و قريت واحد كاتب إنو لابتوبو الأول كان * و التاني ** و الثاث مدري شو .

و حرصا مني على إغناء الموضوع أقول :
اللي ناوي يبيع لابتوبو (الأول أو الثاني) _بسعر شعبي _ يخبرني مشان بركي أحكيلكو شو نوع لابتوبي المنتظر ...

Apple to death!

نفس السؤال خطر على بالي
انا برايي ما فينا نتجاهل الـACER بالسوق السورية
اضعف الايمان مواصفة "السعر"فيها منافسة أما بالنسبة للبقية فانا بشهد انو لأ
خدمة ما بعد البيع مع قطع التبديل هون بسوريا كتير محترمة (هادا رأيي) وفي تنافس بين شركات كبيرة لتأمين هالخدمة
صوتت لـToshiba لانو عنجد مو كل يوم و التاني بتاخده عالصيانة وهالشي بتدفع حقو أول ما بتشتري اللابتوب ----متل مو صاير معي ----D:

التفضيل بكون حسب نوع الإستخدام، وإذا عم نحكي على السوق السورية، هي الخلاصة:

HP هو الأفضل للتسلاية و الترفيه المنزلي، لأنو رخيص وتصميمو جميل ومواصفاتو الترفيهية جيدة (ريموت كونترول، كاميرا)، بس فيه مشكلة بالبورد احتمال كبير تعطل خلال سنة! ومع انو ال Compaq كان الأفضل بالأجهزة المهنية، بس هلأ موديلاتو المهنية من الHP ما بتنزل بسوقنا لأنها غالية.

Toshiba هو الأفضل للعمل والدعك، بحكم انو مواد تصنيعو أجود وسعرو معقول، كمان أعطالو قليلة وقطعو متوفرة بالسوق.

DELL شركة بتقدم كل الخيارات من حيث الجودة، وعندها موديلات قوية جدا وعملية بس ما بتنزل عنا بالسوق لأنها غالية.

Asus بناسب الطلاب لأنو الأرخص نسبيا والو وكيل معتمد وجيد بسوريا.

Sony للفخفخة بس، حتى الموديلات المصنعة باليابان موادها رديئة الصنع، بس تصميمو رائع مو أكتر.

وفي كمان Samsung مو موجود بالبلد بس هو رقم 1 بأوروبا وسمعتو كتير منيحة، بس قال شركة Samsung ما بدها تدخل بالمنطقة بسبب المنافسة غير الشريفة والتخبيص اللي بصير بسوريا (على لسان الوكيل).

كيف وصلت لهي النتيجة !؟ , كيف فينا نعرف جودة المواد يلي داخلة بتصنيع أي منتج ؟

في تقارير رسمية , أبحاث , مواقع متخصصة ؟

في تجربة عملية، بكفي

أذا هيك ..... اقنعتني !

أكيد Sony

صوتت ل APPLE ... بس يمكن مشكلتو الوحيدة هي سعرو المرتفع

بعتقد كخيار إقتصادي وأداء جيد ال HP

ومالي من مناصرين Toshiba لأنو بياخدو تقريبا 20% سعر الأسم .. و Sony لأنو صفيان موضة وأسعارو بنوب مو معقولة .. مالنا هون بنوب

معناتو خلينا ع ال HP

الله يخليلي HP

أنا عندي توشيبا A300 و كويس كتير

بس حابب جرب الأبل

منافسة قوية بين HP و TOSHIBA

بس أنا بصوت ل HP ....

لعما ليه الناس كلا كرهانة سوني غريب والله

هلق أنا ماني مجرب كل الأنواع وما فيني أحكم بس اللابتوب اللي عندي HP و مريحني كتير

HP forever