أزمة تخرج :)

نشره The Tornado في الأربعاء, 05/08/2009 - 11:47ص

أول شي الحمد لله اني اتخرجت وبقي المعدل فوق 70 (جيد جداً)

حبيت شارككون باللي صار معي بالكم يوم الماضيين مشان ما حدا يصير معو نفس الشي وينتبه عالموضوع قبل فوات الأوان

من فترة نزلت كل موادنا والحمد لله كانوا كلون مترفعين ومن كم يوم نزل مشروع التخرج وجبنا 87 والحمد لله

وبانتظار مسودة قرار التخرج، بتفاجأ انو أحد الأصدقاء بيحكي معي وبقلي "خبروه الامتحانات مشان يوصلي انو لازم جيب براءة ذمة من التدريب الجامعي خلال 24 ساعة كحد أقصى أو بيروح تخرجي للتكميلية"!!!

ما كذبت خبر ونطيت بعز الظهر من الشغل عالتدريب الجامعي بالتوجيه وقلتلون بدي براءة ذمة فال لبعد يومين... رحت عالجامعة وطلعت عالامتحانات قلتلون انو وصلني بدكون براءة ذمة وهيك صار معي بالتدريب الجامعي وإذ بتطلع القصة مختلفة تماماً...!!!

بما اني وحيد فما بخدم معسكر التدريب الجامعي وبعمل بالسنة الأولى والتانية ورقة إعفاء من المعسكر (بالتدريب الجامعي) وبيبعتوها للكلية وبتم اعتباري ناجح بالمادة... المشكلة هي انو ورقة السنة الأولى واصلة وورقة السنة التانية ما واصلة وما مسجل قرار الإعفاء بالامتحانات ومع هيك كنت عم اطلع من سنة لسنة "ناجح" وليس "منقول" (مشان هيك كنت مطمن انو ما في مشاكل بالتدريب الجامعي)

رجعت مرة تانية عالتدريب الجامعي وطلعت على شؤون الطلبة قلتلون بدي صورة عن قرار إعفائي من المعسكر سنة 2006 لأني وحيد مشان آخدها للامتحانات... وإذ بقلي الرقيب انو كتير صعب نطلعها وصارت كتير قديمة وبجوز ندور عالفاضي ومن هالحكي... قلتلو أنا بدور عليها وبعد جهد طويل و10 دقايق من الأخد والرد طلعلي مصنف فيه شي 2000 ورقة وقلي دور هون على اسمك

بلشت دور بيأس بس الحمد لله لقيت ورقتي وقلتلو هلأ بس بدي صورها مشان آخد نسخة من القرار للكلية... قلي ما بيمشي الحال ممنوع!!! هي موقع عليها اللواء القديم (مدير إدارة التدريب الجامعي) ولازم يوقع عليها اللواء الجديد وهلأ هو ما هون... ارجع بكرا الظهر بكون وقعها وبتاخدها من عندي... قلتلو طيب.. ورجعت للكلية بآخر الدوام قلتلون بالامتحانات هيك صار معي... قال ما مشكلة جيبها بكرا الظهر... هون حسيت انو انتهى الموضوع وارتحت

تاني يوم الظهر منتفاجأ انو اللواء ما اجا وما وقع شي والامتحانات بدون ينزلو قرار التخرج... ورح اتأجل للتكميلية وبعد عذاب طويل وبواسطة قدرنا نطلع الورقة وناخدها للامتحانات... هون حسيت للمرة التانية انو انتهى الموضوع

بعت الورقة مع أحد الأصدقاء (ما مستاهلة اطلع من الشغل بس مشان وصل الورقة للامتحانات) وإذ بقولو لهالشب انو هالقرار بتاريخ 4/7 والقرار تبع السنة الأولى (اللي واصلون) بتاريخ 10/7 معناها هاد نفسو تبع السنة الأولى، نحنا بدنا تبع السنة التانية...!!! الغريب بالموضوع انو بعد 4/7 بيجي 2006 وما بعرف ليه ما كلفو خاطرون يقرو السنة علما انو كل إعفاءات المعسكرات بتطلع بهالوقت من السنة!!!

بكل الأحوال بالنهاية مشي الحال واقتنعوا اني ما عم كذب عليون وانو هي الورقة اللي بدون ياها بعد ما شافو السنة ومع هيك ما نزل اسمي بمسودة القرار لأني وصلت بعد ما انطبع بس مشي الحال مشان القرار وان شاء الله بنزل بالقرار النهائي...

وطبعا في كتير ناس صاير معون نفس الشي وعم يطلعون بالكلية ناجحين كل سنة بدل "منقول"!!!

هي القصة باختصار بدون العجأة والشوب والشلف تبع الموظفين حبيت اكتبها بالمدونة لشاركها مع أصدقائي بالموقع ومشان الشباب اللي عندون اعفاءات من معسكر التدريب الجامعي يرجعو يتأكدو انو وصلت للامتحانات ومسجلة عندون

ودمتم سالمين

مدونة The Tornado
سجل دخولك أو أنشئ حساباً جديداً لتقوم بالتعليق

(

معلوماتية

)

كتب The Tornado:أول

نشره BEN ADAM يوم الأربعاء, 05/08/2009 - 11:57ص.

كتب The Tornado:

أول شي الحمد لله اني اتخرجت وبقي المعدل فوق 70 (جيد جداً)

مبارك التخرج, وعقبال الفرحة الكبرى

سجل دخولك أو أنشئ حساباً جديداً لتقوم بالتعليق

والله هلي ما

نشره Obaeda يوم الأربعاء, 05/08/2009 - 12:20م.

والله هلي ما شاف راحت عليه
منظر عبادة وهوة جاية عالكلية
ومركب عاشر وحاطط الشر بين عيونو

سجل دخولك أو أنشئ حساباً جديداً لتقوم بالتعليق

مبروك صديقي ع

نشره ridaa78 يوم الأربعاء, 05/08/2009 - 12:30م.

مبروك صديقي ع التخرج و ع قبال الدكتوراه

سجل دخولك أو أنشئ حساباً جديداً لتقوم بالتعليق

عندي صورة عبادة

نشره mpcabd يوم الأربعاء, 05/08/2009 - 1:00م.

عندي صورة عبادة قبل التخرج وبعد التخرج, أرفعها؟ ولا خليها للـ Facebook?

سجل دخولك أو أنشئ حساباً جديداً لتقوم بالتعليق

مبروك التخرج

نشره Black Rose يوم الأربعاء, 05/08/2009 - 1:07م.

مبروك التخرج م.عبادة

وشكرا على التنبيه

سجل دخولك أو أنشئ حساباً جديداً لتقوم بالتعليق

كتب mpcabd:عندي

نشره The Tornado يوم الأربعاء, 05/08/2009 - 1:23م.

كتب mpcabd:

عندي صورة عبادة قبل التخرج وبعد التخرج, أرفعها؟ ولا خليها للـ Facebook?

خليها للـ Facebook

والله يبارك فيكون جميعا وعقبال عند الجميع بس من دون مشاكل

سجل دخولك أو أنشئ حساباً جديداً لتقوم بالتعليق

مبروك التخرج ..

نشره shashi يوم الأربعاء, 05/08/2009 - 1:33م.

مبروك التخرج .. المهم الحمدلله اللي مشي الحال وبسرعة وما اتعسرت القصة أكتر بس عنجد شي بيرفع الراس

سجل دخولك أو أنشئ حساباً جديداً لتقوم بالتعليق

مبروك التخرج,

نشره raafat يوم الأربعاء, 05/08/2009 - 1:36م.

مبروك التخرج, وعقبال ما نشوفك عريس

سجل دخولك أو أنشئ حساباً جديداً لتقوم بالتعليق

مبروك التخرج و

نشره Mr.Ghaith يوم الأربعاء, 05/08/2009 - 2:03م.

مبروك التخرج و عقبال الدكتورا و نفرح بشوفتك عريس .

سجل دخولك أو أنشئ حساباً جديداً لتقوم بالتعليق

مبروك التخرج و

نشره tolipia يوم الأربعاء, 05/08/2009 - 2:18م.

مبروك التخرج و خصوصا بعد كل هالرعبة ..الحمد لله اللي تيسرت والله لا يضيع تعب حدا

سجل دخولك أو أنشئ حساباً جديداً لتقوم بالتعليق

يوم الاثنين وقت

نشره Gardenia يوم الأربعاء, 05/08/2009 - 4:05م.

يوم الاثنين وقت طلعنا عالامتحانات لنجيب علامات الخورازميات شفنا تنين طالعين منها ركض ولح يطيرو شوي تانية . وعم يقولو الحمدلله اللي الله خلصنا من هالكلية , بوقتها قلنا ليش كل هالقد مبسوطين انو خلصو والله كليتنا حلوة , بس هلأ عرفت السبب ...
مبروك التخرج والحمدلله على سلامتك , والله يقدرون تبع الامتحانات ويبطلو أفلام الرعب تبعون اللي بتطلع بآخر دقيقة

سجل دخولك أو أنشئ حساباً جديداً لتقوم بالتعليق

مبروك التخرج و

نشره Deema يوم الأربعاء, 05/08/2009 - 4:49م.

مبروك التخرج و عقبالنا

سجل دخولك أو أنشئ حساباً جديداً لتقوم بالتعليق

كتب Deema:مبروك

نشره vampireheart.69 يوم الأربعاء, 05/08/2009 - 5:04م.

كتب Deema:

مبروك التخرج و عقبالنا

سجل دخولك أو أنشئ حساباً جديداً لتقوم بالتعليق

انشاء الله الف

نشره M-RAY-Y يوم الأربعاء, 05/08/2009 - 5:19م.

انشاء الله الف مبروك عبادة على التخرج وعلى علامة المشروع

سجل دخولك أو أنشئ حساباً جديداً لتقوم بالتعليق

منيح اللي مرقت

نشره lubna يوم الأربعاء, 05/08/2009 - 10:23م.

منيح اللي مرقت على خير
الحمد لله على السلامة
مبروك التخرج و عقبال ما يتحقق كل اللي بتتمناه
وأنا عم قول لحالي ما لقيت اسمك مع اني متأكدة انك متخرج أتاري في ورا هالشغلة مغامرات :mrgreen:

سجل دخولك أو أنشئ حساباً جديداً لتقوم بالتعليق

Congratulations on your

نشره L4W4ND يوم الأربعاء, 05/08/2009 - 10:51م.

Congratulations on your survival

سجل دخولك أو أنشئ حساباً جديداً لتقوم بالتعليق

مبروك التخرج,

نشره Syriano يوم الأربعاء, 05/08/2009 - 11:13م.

مبروك التخرج, وعقبال العزابية, قصدي المو متخرجين

سجل دخولك أو أنشئ حساباً جديداً لتقوم بالتعليق

مبروك التخرج

نشره lotus.11 يوم الخميس, 06/08/2009 - 12:32ص.

مبروك التخرج وعقبالنا إن شاء الله

سجل دخولك أو أنشئ حساباً جديداً لتقوم بالتعليق

لك بسييييييطة

نشره Im يوم الخميس, 06/08/2009 - 2:44ص.

لك بسييييييطة عبادة بتهون

مبروك التخرج إلك ولكل يلي تخرجي معك

سجل دخولك أو أنشئ حساباً جديداً لتقوم بالتعليق

ألف مبروك .. و

نشره moustafa-MN يوم الخميس, 06/08/2009 - 8:32ص.

ألف مبروك .. و عقبال ما نفرح فيك ...

سجل دخولك أو أنشئ حساباً جديداً لتقوم بالتعليق

مبارك التخرج

نشره wazzz يوم الخميس, 06/08/2009 - 10:09ص.

مبارك التخرج وعقبال العرس (:

سجل دخولك أو أنشئ حساباً جديداً لتقوم بالتعليق

كتب moustafa-MN:ألف

نشره ThelastCode يوم الخميس, 06/08/2009 - 12:42م.

كتب moustafa-MN:

ألف مبروك .. و عقبال ما نفرح فيك ...

سجل دخولك أو أنشئ حساباً جديداً لتقوم بالتعليق

كتب lotus.11:مبروك

نشره Hadhood يوم الخميس, 06/08/2009 - 3:37م.

كتب lotus.11:

مبروك التخرج وعقبالنا إن شاء الله

سجل دخولك أو أنشئ حساباً جديداً لتقوم بالتعليق

كتب lotus.11:مبروك

نشره mukram_sh يوم الخميس, 06/08/2009 - 3:58م.

كتب lotus.11:

مبروك التخرج وعقبالنا إن شاء الله

سجل دخولك أو أنشئ حساباً جديداً لتقوم بالتعليق

مبروك التخرج و

نشره زهرة الكاميليا يوم الخميس, 06/08/2009 - 6:06م.

مبروك التخرج و عقبال الماجستير و الدكتورا...

سجل دخولك أو أنشئ حساباً جديداً لتقوم بالتعليق

كتب mukram_sh:كتب

نشره hiba.th يوم الخميس, 06/08/2009 - 9:51م.

كتب mukram_sh:

كتب lotus.11:

مبروك التخرج وعقبالنا إن شاء الله

سجل دخولك أو أنشئ حساباً جديداً لتقوم بالتعليق

أهم شي مبروك

نشره eng.samar يوم الجمعة, 07/08/2009 - 9:56ص.

أهم شي مبروك على التخرج وبمعدل جيد جداً.

سجل دخولك أو أنشئ حساباً جديداً لتقوم بالتعليق

الله يبارك

نشره The Tornado يوم الجمعة, 07/08/2009 - 10:20ص.

الله يبارك فيكون جميعاً وعقبال عند الجميع

عقبال ما نكتبلكون مغامرة مصدقة التخرج

سجل دخولك أو أنشئ حساباً جديداً لتقوم بالتعليق

لك عادي يا زلمة

نشره همام يوم السبت, 08/08/2009 - 2:20م.

لك عادي يا زلمة ...
بزمناتهم رسبوني بمشروع السنة الرابعة بس لأنو اسمي طويل

سجل دخولك أو أنشئ حساباً جديداً لتقوم بالتعليق

مبروك التخرج

نشره msoos يوم الاثنين, 10/08/2009 - 7:13م.

مبروك التخرج ومبروك ثانية لبقاء المعدل فوق 70 وعقبال الدراسات العليا إن شاء الله

سجل دخولك أو أنشئ حساباً جديداً لتقوم بالتعليق

هي صار عندك سبب

نشره HammooD يوم الاثنين, 10/08/2009 - 10:06م.

هي صار عندك سبب جديد مشان السفر

سجل دخولك أو أنشئ حساباً جديداً لتقوم بالتعليق

كتب I Does:هي صار

نشره The Tornado يوم الثلاثاء, 11/08/2009 - 10:20ص.

كتب I Does:

هي صار عندك سبب جديد مشان السفر

بكل الأحوال ما عم دور على سبب

والله يبارك بالجميع

سجل دخولك أو أنشئ حساباً جديداً لتقوم بالتعليق

كتب The Tornado:كتب I

نشره HammooD يوم الثلاثاء, 11/08/2009 - 11:01م.

كتب The Tornado:

كتب I Does:

هي صار عندك سبب جديد مشان السفر

بكل الأحوال ما عم دور على سبب

والله يبارك بالجميع

السبب موجود سواء دورت عليه ولا ما دورت

سجل دخولك أو أنشئ حساباً جديداً لتقوم بالتعليق

أول شي مبروك

نشره Snake_a يوم السبت, 15/08/2009 - 1:30ص.

أول شي مبروك التخرج و عئبال الدرجات الأعلى
تاني الشي أنا صار معي موقف غريب كمان بيتعلئ بالتخرج
هادا بعد ما عرفت أنو رفعت المادة اليتيمة يلي وائف تخرجي عليها (خوارزميات 1) .. حمدنا ربنا أنو تخرجنا .. و إذو بعد طول انتظار بتنزل مسودة قرار التخرج وما بكحل عيني بإسمي .. راجعت الامتحانات بعد ما سلت ئلبي .. طلع ما عندون معلوماتي الشخصية !!! 6 سنين و ما بيعرفو معلوماتي الشخصية إنو عند جد شو مشانون ؟!!