CSC-SY

من يومين و أنا عم لاحظ شغلة غريبة على جهازي, إني إذا تركتو مطفي فترة برجع و بلاقيه مشتغل لحالو..
أول شي فكرت حالي عم انسى اطفيه أو عم اكبس اعادة التشغيل بدل من الانهاء التشغيل.
بس اليوم صارت الشغلة أمام عيني, كنت طافية الكمبيوتر صرلي أكتر من ساعتين و ما بلاقيه غير عم يشتغل و يقلع لحالو.
أنا لسا ما حركت شي بالجهاز و ما جربت افتح الCase أو غير شي,بس حبيت اسألكم عن رأيكم بالموضوع, و شو ممكن يكون السبب

شكراً

ممكن تكون المشكلة من اعدادات البيوس

لأنو في هيك خيار على ما أعتقد

ممكن يكون من الpower supply او خيار "wake on "X بالBIOS، تأكدي انو كل الخيارات من هل النوع معطلة.

ممكن كمان انو زر تشغيل الجهاز مبلش يعلق، او انو فيش الكهربا (او الUPS) في شي مشكلة و عم يعطي كهربا كتير (او شي من هالنوع) بلحظات معينة.

مبدئيا تأكدي من خيارات الBIOS.

الشغلة عشوائية او لاحظتي انو عم يشتغل باوقات معينة او بعد فترة معينة من اطفاؤو؟

هلأ ممكن يكون الأمر متل ماقال أيمن

بس كمان في ببعض المذربوردات خيار لتشغيل الحاسب بوقت معين

لهيك أولا تفحصي اعدادات البيوس قبل ماتفكي الcase

شكراً كتير
أنا فتحت اعدادات البيوس..
كان في خيار wake up بس غير مفعل..
و كمان كان في هالخيارين
PME Event/wake up: enabled
Modem Ring/wake on Lan: enabled

أنا ما غيرت فيهم, تركت كل شي متل ما هو.
إذا المشكلة من البيوس فهالشي غريب, لإني ما فتحت البيوس و لا عدلت فيها عن جديد..
بالمناسبة الشغلة عشوائية يعني ممكن بعد ساعة أو أكتر يشتغل و ممكن ما يشتغل لحالو أبداً و يضل ساعات..

عطلي التنين.

ممكن كمان تكون تغيرت الاعدادات من ويندوز.

اسهل انو تعطليا من الBIOS، لانو ما بتوقع تنو بتستعملي هالميزات، او ممكن كمان عن طريق ويندوز، معلومات اكتر هون.

إذا كان قصدك أنو الجهاز مطفي "TURN OFF" ما بعرف شو السبب :

أما إذا كان بوضع "STAND BY" فيمكن تكوني من إعدادات الأجهزة HARDWARE مختارة:
ALLOW THIS DEVISE TO BRING THE COMPUTER OUT OF STAND BY
من خيارات POWER MANEGMENT
أنا هيك عامل بخيار المودم عندي

عطلت الخاصيتين
على كل حال أنا حركت الcase شوي و تفحصت زر التشغيل و ما شفت شي معلق..

الجهاز عم يكون Turn off و بعدين عم يشتغل لحالو :
بكل الأحوال اليوم ما عمل معي هيك شي مع اني عم اتركو مطفي بدون ما اطفي الUPS

بركي بكون مشي الحال

بس لهلأ ما لقيت تبرير مقنع للي صار معي..

كتب Nadia:

بس لهلأ ما لقيت تبرير مقنع للي صار معي..

ليش في شي الو تبرير مقنع بكل شغلتنا ؟؟؟

أول الشي هاي يمكن أول مشاركة لإلي بالهاردوير فبتمنا انها تكون مفيدة
المشكلة هذه صارت معي و متل ما بقولو سأال مجرب و لا تسأل حكيم
أتوقع إنو عندك البورد Asus بس ما علينا
المشكلة من ال MainBoard و بما انه تغذيتها ATX فالكهربا واصلتها عطول و لكن أحيانا البورد أحيانا بتجي حساسة للكهربا و تغية معينة "متل عندكون بالبيت" ممكن ما تناسبها فتسوي مشاكل و كدليل لو أخدتي جهازك لمكان آخر "حارة تانية" فإحتمال كبير ما يعمل مشاكل لإنو التغذية هونيك غير
الحل لا بتغيير خصائص Bios ولا شي و انما في أحد إحتمالين:
1- تجربي تركبي منظم و احتمال نجاحو غير أكيد
2- و للأسف تغيري البورد لإنو ما لقيتلها حللة
و بما إننو الغريق بيتعلق بقشة جربي تبدلي ال Power supply
بالنهاي المشكلة Hardware و لا توجعي راسك ببيوس أو غيروا -أصلا شغلة غير منطقية يتغير البيوس لحالو و يصير يشغل الجهاز

بعد هذا الإحباط لإحكيلكون شو صار معي:
صارت معي انو اجي أيام ألاقي الجهاز شغال لحالو فمرة ببهدل أخي و بحط الحق عليه و بقله انو نسيانه شغال و مرة على الماما
لحد ما يوم كنت بالليل لحالي بالبيت عم اشتغل شغلة ادام الكمبيوتر و اذ.... اشتغل لحالو و طار عقلي....

فكرت شي جني شغلو لإني هالحركة مو طبيعية بس بعدين قلت بحالي: "إنت طالب هندسة معلوماتية لازم يكون عندك نوع من ال Abstraction - التجرد- يعني ما لازم أؤمن بهذه الأشياء بالفعل فمن وقتها بما إني كنت اشتغل بمحل تصليح و بيع أجهزة ما خلليت قطعة ما بدلتها لحد ما قررت بدل البورد و اشتريت وحدة جدية رائـــــــعة بكل معنى الكلمة

Asus nue2

صحي كلفتني غالي بس حقها معها

طولنا عليكن بالحكي و لا تواخذونا بس حبيت ريح راسي شوي من الخوارزميات و اتسلى معكون شوي و ساعد قدر الإمكان
موفقة اختي و نصيحة بدلي البورد اذا بتقدري...

أنا ما بتفق معك Mighty_Angel
لأنو ال UPS بيجي عادةً مع منظم للفولتاج
يعني المشكلة ممكن تكون بال mainboard أو بإعدادات ال bios
بس بالتأكيد إضافة المنظم بوجود ال UPS مارح تعطي نتيجة

برأيي ما بقي احتمال غير اللي ذكروه الشباب إلا الغبرة
يعني إذا ال mainboard حساسة لهالدرجة ما بيمنع تصير تنضيفة مرتبة لل slots كلون بالإضافة للكروت
لأنو الغبرة مع شوية رطوبة-عنا منها كتير باللادقية- ممكن تعمل نوع من الناقلية!

في حال ما مشي الحال مافي حل غير فصل الجهاز من الفيش لبينما ينعرف السبب
و أذا اشتغل كمان فبظن أنو راكبو شي جنّي ما في مجال

الجهاز فجأة رجع طبيعي, و ما عاد عم يشتغل لحالو..
على كل حال جهازي من عوايده يعمل هيك حركات مالها طعمة, و غالباً بتكون الغبرة هي المشكلة ..

شكراً للجميع

هاي ندا المشكلة اللي صارت معك يمكن يكون إلها علاقة ببرامج الusb لأنها مرة صارت معي و الحل إما بالفورمات أو بإزالة البرنامج و شكرا لقراءة الرسالة

اعرف ان الموضوع من زمان كتير بس للإفادة للجميع انا اعرف الحل؟؟
بصراحة انا مهندس زراعي ومعرفتي بالكمبيوتر اكثر من معرفتي باي شيء بالدنيا

السبب بسيط جداً يشتغل الجهاز كلما رن الهاتف لأنه يكون مفعل خاصية تشغيل الجهاز من البيوس عند رن الهاتف (بسبب المودم ) وذلك لبعض من يكون قد فعل خاصية الفاكس في الويندوز

مع تحيات المهندس الزراعي

بسم الله الله الرحمن الرحيم
هل شفتي خيارات الطاقة من لوحة التحكم
افتحي لوحة التحكم
اضغطي على خيار خيارات الطاقة
من خيار انضمة الطاقة
اختاري always on
الخيارات التي في الاسفل ضعيها على ابدا او none
واغلقي الجهاز
سلام