CSC-SY

يعني أنا عندي رأي صغير بالنسبة للي بيصمموا مواقع كاملة عالفلاش
أي واحد بيدخل عالأنترنت كتير، بيلاحظ أنو كل المواقع المحترمة و المشهورة ما بتسخدم الفلاش، يعني أكبر شركات الانترنت ما بتشوفو فيها ملف فلاش واحد. متل هالمواقع
Yahoo, Hotmail, netscape ICQ, Amazon, eBay, Microsoft, Oracle, Sun, Intel, IBM, BBC, CNN, CSC-SY ..etc
و حتي مواقع الجامعات (غير السورية)
مثلاً موقع كلية المعلوماتية في جامعة MIT eecs.mit.edu أشهر جامعة للمعلوماتية في أمريكا.....
.......صدمة!؟ حتى خلفية الشاشة لونها رمادي!! (أريح للعين!)

بس ليش؟

أولاً لأنو نص الناس سرعة الانترنت عندهم بطيئة كتير، أنا ما عم أحكي هون، بأمريكا الاتصال عبر المودم analog بكون سريع إذا جاب 28.8Kbps (أحياناً كتير بينزل لتحت 10Kbps !)(أخي عايش هنيك) مشان هيك ما بتلاقو بموقع منل Yahoo.com بالصفحة الاولى غير يا دوب صورة صغيرة! (شو هال الوقع الفاضي!؟)

ثانياً الفلاش ما بجيب زوار، الناس ما بتدخل علموقع مشان بس تعقد تتفرج عالفلاش
الفكرة أنو الناس بيدخلوا عالمواقع مشان الخدمة اللي فيها... مثلاً ملايين الناس بيستخدموا الhotmail مو لأنو فيو فلاشات حلوة و بتنط بوشك مدري شلون، بل لأنو فيو خدمة حلوة و استخدامها سهل و سريعة (يعني الايميل)

ثالثاُ الفلاش مو Standard ومشان هيك ما كل الناس عندها ياه (flash plugin) بشكل افتراضي، مو متل JavaScript مثلاً..

أخيراً حتى ما أظلم كتير الفلاش، بعترف أنو أخيراً لاقيت موقع معمول عالفلاش، اللي هو موقع ( العفو منكم!)... هيفاء وهبي ( ما حدا يسألني عنه!)
حدا عندو رأي تاني؟

فعلاً وأنا معك بكل يلي قلته

أرى أن الفلاش رغم من جماله بس ببطئ الموقع بشكل كبير جداً

وأنا كمستخدم أفضل الدخول الى المواقع الأسرع وليست الأجمل على الرغم من سرعة الانترنت الكبيرة لدينا
ممكن يكون بالموقع فلاش صغير بيعطي جمالية بس مو أكثر

وهذا رأيي

عفواً يا شباب بس أنا قرأت مرة في احصائية أنو 93% من مستكشفات الانترنت بالعالم مزودة باحدى نسخ flash plyer
بعدين هي موقع msn في بنرات فلاش :
http://www.arabia.msn.com/

nawwar أنا بدي زوار لموقعي وبدي استخدم الفلاش إيش رأيك

آخر الإحصائيات:
بالنسبة إلي أنا 99% من الصفحات اللي بلاقيها فلاش ما بكمل فتحها...
والـ 1% البقايا بكملو بالغلط

وانا كمان اغلب المواقع الي بتكون فلاش ما بكمل فتحا أو بعمل skip للفلاش وبكمل

كلامك صحيح أخي جمال، وحتى مصممي الفلاش بيعملوا حسابن انو ممكن الفلاش يطول ليتحمل لهيك نسبة كبيرة منهم بيوضعوا على المقدمة لملف الفلاش زر SKiP .

أنا بفضل الفلاش للبطاقات (المعايدة وغيرها)...

انا ما منزل الـplugin تبع الـflash و مرتاح من كل هالوجع الراس

اذا في شي flash movie حابب شوفو بنزلو على الهارد ديسك و بفتحو بالـflash player.

أنو ليش متعقدين من الفلاش .... .
و ليش معظم الـOS الجديدة بتضمن معها الـFlash Player ؟؟ مثل :WinXp و Linux ...
انتو مسكتولي سيئات الفلاش و تركتو مميزاته الرائعة ...
و مثل ما بيقولو :
"الشجرة المثمرة ترمى دائماً بالحجارة .."

من بعد إذن الشباب:
أنا من رأي المعلم فراس

أنا مع nawwar! بس يا ريت طلاب الرابعة عنا يستوعبوا هالحكي كمان؛ الشباب طايرة عقلون عـ"الفلاش" (باللفظ الحلبي!).

من جهتي، المواقع اللي بزورها يومياً (sourceforge.net, freebsd.org, groups.google.com, boost.org, trolltech.com, الخ.) ما بتستعمل ولا نتفة فلاش، واصلأً لو أخي ما موجعلي راسي مشان الـflash pugin for IE ما كنت بنزلو لسبب بسيط اني ماني مهتم بتصميم الموقع بقدر ما مهتم بالمعلومات اللي ممكن حصلها طالما تصميم الموقع المعني ما بتسببلي مشاكل أو صعوبة تصفح.
بعدين مو كل الناس فيها تأمن اتصال سريع ISDN, DSL الخ، وكمان حتى لو تأمنت، مو كل الناس مستعدين ينطرو المتصفح حتى يحمل movie معين.. وأنا مننون على فكرة.

ومتل ما تفضل أيمن، إذا كان لا بد من الملف، بنزلو وبشوفو بعدين..

أنتو عم تظلموا الفلاش كتير كتير .. كتير كتير كتير كتير .. كتير

الفلاش بيعطيك القدرة على إنتاج رسوم و حركة بحجوم كتير صغيرة بالمقارنة مع اللواحق التانية متل jpg, animated gif, mpg....
و انا بشوف استخدامو بالنت كتير كبير ..بس حسب الموقع ..
يعني المواقع اللي عم تحكوا عنها هيي مواقع خدمية و كل اهتمامها ( او اهتمام روادها ) هوي المعلومة السريعة .. لهيك ما بتشوفوا فيها غير المعلومات

المطلوبة ...
أما مواقع الشركات و الدعاية متل موقع Pepsi مثلاً رح يكون كلو فلاش .. لأنن همون جذب الزوار ...

فأنا بشوف عنوان الموضوع كللوووو غلط ( بعد إذنك خيي ) .. يعني المعروف جداً كثيراً أنو الفلاش يستخدم لجذب انتباه المتصفح ..
أما المواقع اللي عم تحكي عنها شي تاني .. و موجهة لمستخدمين تانيين .. متل Google Groups موقع بسيط جداً مو

بس ما فيه فلاش و لا حتى dhtml و لا شي إلا كام سطر بتتكفل تجذب عدد كبير من الزوار ..
فإنت إذا بدك زوار لموقعك ( متل ما قلت أنت لا تستخدم فلاش ) بس اكتبلك كام سطر من هدول تبع مجموعات جوجل أو اعمول خدمة إيميل و مسنجر متل

الهوت ميل أو الياهو أو متل eBay... و بعتقد فهمتوا قصدي ؟؟؟

يعني أنت عم تقول " إذا بدك زوار لموقعك" و بعدين ضربت المثل بمواقع من وزن مايكروسوفت و ياهو و هوتميل .. بتشوف هالحكي منطقي ؟؟
أخي abdlwahhab إذا بدك زوار لموقعك حط فلاش ..

و كمان إذا بتحب بعملك صفحة فلاش (نفس صفحة مجموعات جوجل و بحجم أقل شي 2 أو 3 كيلو ..شو رأيك؟)
بعدين الفلاش فيو لون رمادي إذا بتحب ... مشان العين ..

الفلاش مو standard تعا نعمل استفتاء مين منزل flash plug-in و مين لاء ..
بعدين سكربتات الجافا standard ؟!!!!!

موقع هيفا ... كتر خيرك والله ...عزيتنا الله يعزك
--

الفلاش مو بس animations ..
نسيتوا شي مهم بالفلاش و هوي البرمجة !
و خاصة مع الإصدار الجديد Macromedia Flash MX Professional 2004 ver7
يعني البرمجة بالفلاش عم تطور كتير و خاصة بعد زيادة التفاعل مع الدوت نت ..و تطور دعمو للـServer-Side Applications
و التوجه لبرمجة الموبايلات و غيرها .. و هادا متل ما بتعرفوا بدو حجم تطبيقات صغير!
و بعدين ما تنسوا مقدرة الفلاش بالمواقع التفاعلية أكتر من غيرو ..
و الدليل بداية ظهور بعض المنتديات بالفلاش كاملاً ..
و Video Chat/Message Center
فضلاً عن Flash Remotion MX اللي بيسمحلك التعامل مع ColdFusion, ASP.NET, Java, PHP or SOAP-based web services ..

و سامحونا إذا جرحنا حدا بكلامنا ...
بس نزلوا flash plug-in أحسلكون ..

طولو بالكم شوي ، هلأ كل شي إلو شي ، ونحنا لما نحكي عن الفلاش بالمواقع اللي مابيهمها العرض أكتر من الخدمة ، أكيد رح يكون الفلاش بهيك مواقع فاشل كتير ، بس هادا مابيمنع إنو الفلاش برنامج حلو كتير وفيه امكانيات ضخمة ،

مثلا من فترة عملت موقع رئيسي نزل على intranet، ماكان كل الموقع على الفلاش بس كمان كان فيه أجزاء كبيرة منو على الفلاش ، وطلع الموقع حلو بخدماتو وبشكلو كمان ،

علشان هيك شي طبيعي إنك تلاقي المواقع الكبيرة من ياهو والهوتميل مابتعمل بالفلاش إلا الإعلانات والدعايات مثلا ، بس في مواقع تانية من الببسي ومتل موقع هيفا وهبي (الحق على نوار ) أكيد رح تكون فلاش لإنو الهدف من الموقع بالدرجة الأولى هوي العرض

أنا من ناحيتي لما بفتح موقع و بلاقيه معمول كله بالفلاش بسكرو و ببطل افتح, و خصوصاً إذا ما كنت مضطرة عليه, يعني ما اختلفنا إنو شكلو حلو و بيجذب النظر, بس كمان في شي على حساب شي, يعني بدك تعرض شي يجذب ما بيمنع intro صغيرة بالفلاش ممكن تجاوزها..
أنا من الي بحبو الفلاش بس ما للمواقع, على الأقل طالما وضع الانترنت هيك.
بس بضل هادا رأيي , و ممكن يخالف رأي كتير ناس.

على كل حال أحلى المواقع هي الي معمولة على الفلاش, ما حدا عم يقول غير هيك..
و الي بدو يعمل عرض أو دعاية فالفلاش يمكن يكون أكتر شي بيجذب, بامكانياته الكبيرة و تفاعله مع المستخدم.
بس الي بدو المعلومة أو الخدمة السريعة, فالفلاش اختيار خاطئ.

بالنسبة إلي أنا من محبي الفلاش بشكل عام و لكن لأحبه كثيراً في المواقع لأنه خاصة عندنا في سوريا يكون التحميل بطيئ نسبياً و هذا الشي بيخلبك تكره حياتك وتكره كلشي أسمه فلاش على كل حال ممكن نستخد في المواقع فلاشات بسيطة جداً كواجهة أسمية متحركة أو أي شيئ فيه حركة بسيطة والابتعاد عن التحميل الزائد لذلك .

سؤال: كام مرة بتفوت على موقع بيبسي باليوم، بمقابل كام مرة بتفوت على Google او TomsHardware او Microsoft او...

من بيستعمل Flash و مين لا؟

Flash مفيد للالعاب و البرامج الصغيرة الي بتفتح من صفحة ويب (متل محاكاة شي شغلاة مثلا). اما استخدامو ضمن موقع بقدم معلومات غير ممكن او غير عملي.

بالنسبة لجذب الزوار، العملية ما بتم من خلال الالوان و الحركة، ولكن من خلال المعلومات و الخدمات الي بقدما الموقع.

بالمناسبة JavaScript هي standard، نعم:
http://www.ecma-international.org/publications/standards/Ecma-262.htm
ECMAScript هو الاسم القياسي الا، بس بقي الاسم JavaScript شائع.

من بين المواقع الاكتر شعبية على الانترنت:
http://www.alexa.com/site/ds/top_sites?ts_mode=lang&lang=en
المواقع الي بتستخدم Flash لغير الدعايات قليلة كتير.

أول شي أنا كتير آسف لأسلوبي بالرد ..

بعدين اتفقنا ...
المواقع الفلاش معروف أنو لجذب زوار للمواقع ..
بس أكيييييد المواقع اللي عم تحكوا عنها مانا بحاجة للفلاش لأنها عم تقدم خدمات كفيلة بجذب الزوار ...

بس كموقع شخصي او موقع بسيط بعتقد الفلاش هوي الخيار الأنسب ..

على فكرة موقع بيبسي دخلت عليه مرتين ...
مرة كان مطلوب مني موقع شبيه إلو .. و المرة التانية اليوم حتى إتاكد أنو معمول بالفلاش