CSC - SY

يعني معقول يلي حاملين شعار الحرية وال free يحجبوا موقعهم عن بعض العالم؟
شو هالتناقض!

بدن يحضونا عالابداع

الغريب انو هلأ حتى طبقوا الحظر
مع انو من فترة سمعنا انو كان في رفع جزئي للحظر (حدا عندو معلومات عن هالشي)
بموقع الـ OFAC موجود الوثيقة الأساسية للحظر بتاريخ 05-11-2004 ومافي أي ذكر لوثيقة تانية أو رفع جزئي للحظر!

اي عادي كل الدنيا محجوبة... شي من جوا وشي من برا ومع هيك عم نفوت... ما فرقت كتير تقنياً... ومتل ما قال Nightwolf

كتب NightWolf:

بدن يحضونا عالابداع

سمعنا انو في رفع جزئي للحظر من فترة بس متل ما قلت ما في شي رسمي مكتوب.. أو عالأقل لهلأ ما شفنا هيك شي... بس الظاهر القصة حكي ما أكتر لأنو ما معقول يكون في رفع (أو نية لرفع) جزئي للحظر ويجيك موقع يحجب عننا شي جديد هلأ

وا أسفااااه
اي وبيقولولك ليش الشباب عم تسافر وتهج وما عم ترجع!!

أظن أن المسألة غير مقتصرة فقط على موقع SourceForge، وإنما هي مرتبطة بالمخدم. لأنه توجد مواقع من دول عربية وإسلامية أيضاً يتم حجبها. (مثال: http://www.osun.org/)

كتب i_ReEm:

وا أسفااااه
اي وبيقولولك ليش الشباب عم تسافر وتهج وما عم ترجع!!

يا أخت i-ReEm. الإبداع الحقيقي في هذه المرحلة، أن نعمل في ظروف لا تسمح بالإبداع، وأن نؤسس لإبداع الأجيال القادمة.

نحن لسنا بحاجة إلى الإنسان الذي يعمل فقط في الظروف المواتية. فلو فرضنا مثلاً أن الظروف أصبحت مواتية وأن كل الأمور ميسرة، فعندها ستكون البلاد في ظروف حسنة، وعندها سيكون الخاسر هو من يسافر.

المشكلة الأساسية في رأيي هو أن حب المال والرغبة بالاستهلاك هو المسيطر على أذهان الكثير منا نحن شباب اليوم، وهذا لا يمكن أن يجتمع مع الكفاح والعمل والجد.

هذا رأيي الشخصي، مع كل تقديري لوجهة نظرك.

غريب شو اللي ذكرون هلق بالعقوبات المفروضة علينا
على كل
خليهم ينقعوها و يشربو ميتها
شو ما في بروكسي يعني

كتب الأمجد توفيق اصطيف:

كتب i_ReEm:

وا أسفااااه اي وبيقولولك ليش الشباب عم تسافر وتهج وما عم ترجع!!

يا أخت i-ReEm. الإبداع الحقيقي في هذه المرحلة، أن نعمل في ظروف لا تسمح بالإبداع، وأن نؤسس لإبداع الأجيال القادمة. نحن لسنا بحاجة إلى الإنسان الذي يعمل فقط في الظروف المواتية. فلو فرضنا مثلاً أن الظروف أصبحت مواتية وأن كل الأمور ميسرة، فعندها ستكون البلاد في ظروف حسنة، وعندها سيكون الخاسر هو من يسافر. المشكلة الأساسية في رأيي هو أن حب المال والرغبة بالاستهلاك هو المسيطر على أذهان الكثير منا نحن شباب اليوم، وهذا لا يمكن أن يجتمع مع الكفاح والعمل والجد. هذا رأيي الشخصي، مع كل تقديري لوجهة نظرك.

أييييييييه رجعتني 10 سنين لورا

القصة ما بدها كل هالحكي
بنفوت ببروكسي امريكي وبيمشي الحال

إي سيدي

سماع وسطح

رح يضلوا يستوطوا حيطنا طالما نحن ما عنا احترام لنفسنا

على كل بيجوز لو استنوا شوي كنا نحن حجبناه من عنا !!!

الذي حجب السورس فورغ غبي

لا بد ان الذي حجب السورس فورغ يعتبر ان كل الناس مجرد مستخدمين عاديين للكمبيوتر، طبعا لا اقصد الاسائة للمستخدمين العاديين ولكن يوجد مستويات في استخدام الكمبيوتر
واستطيع ان اراهن ان الناس الذين يستخدمون السورس فورغ جميعهم محترفين او على الاقل الغير محترف على علاقة مع محترفين
محترفين لا تنفع معهم هذه الحيل المستهلكة
اي ان الحجب تم بالنسبة لغير المتخصصين والذين لا يستعملون السورس فورغ اصلا و لا يعرفون بوجوده

وتحية

خلينا نقول الفكرة هي فكرة مبدأ.

يعني بهالطريقة دمروا كل شي شعارات للبرمجيات الحرة!
برأيي لازم نعمل زوبعة اعلامية نخلي العالم يلي برا يلي مو عرفانة ومؤمنة بهالأفكار تعرف شو عم يصير!

لك شبكون علّقتو عالموضوع؟
أنا لا حكيت لا على الحجب الداخلي ولا الخارجي ولا شي بس "هيك شغلات" بشكل عام هية يلي بتخلي "بعض الشباب" ما يرجعوا سواء هالشباب مناح ولا مو مناح سواء عندو حب للمال ولا حب للوطن ولا حب لشو ما كان... أنا قلت بالحرف الواحد "اي وبيقولولك ليش الشباب عم تسافر وتهج وما عم ترجع!!" أنا ما سافرت لسا وما هجيت بس اذا يوم من الأيام سافرت وما رجعت ببقى بقلكون ليش!! بس حالياً إذا بتعرفو أي حدا كان مسافر ورجع (أو اجى زيارة) بيقول شو هالانترنت ليش هيك أنا مالي متعود أبداً على هيك وضع وليش هاد ما فتح وليش هاد مدري شبو ومعقول ما بيفتح عندكون "مدري شو" معقول؟!
على كل حال خلوكون بالموضوع وما لازم نسكت عالموضوع ولازم نتصرف وفوراً وما نأجل الموضوع ونسكت عليه!

موقع SourceForge يحجب سوريا والسودان

في الحقيقة, هالموضوع عم يتم مناقشتو بموقع ArabCrunch.NET (بحاجة لتسجيل دخول)

وفي كم موضوع كمان:

سيبقى الوضع الحالي على ما هو عليه، حتى تغير الدول المحظورة من سياساتها، أو تتغير سياسة الحكومة الأمريكية.

من توضيح الموقع نفسه.

المشكلة كما اتضح لاحقا ً هي من قرار من الرئيس الأمريكي باراك أوباما بفرض الحظر على البرامج مفتوحة المصدر كأنها أي منتج أمريكي:
http://blogs.zdnet.com/open-source/?p=5698
ومتل ما قال أول رد بالمدونة يلي حطها ChArLok_16:

كتب nawwark:

Sorry, I still can’t understand this decision. I understand that the US law prohibits US companies from exporting their products to the “axis of evil” countries. But what I don’t understand is how sf.net considers the project their hosting as US products? It doesn’t make any sense.
SF.net DID NOT create these projects. It just HOSTS them. Most of these projects are got contributions from people around the world including people from these countries. Suddenly they can’t access their own work, because sf.net considers them American products! That’s outrageous
Furthermore, it’s a direct violation of the freedoms of Free Software and section 5 of opensource definition: “5. No Discrimination Against Persons or Groups”.
I hope sf.net reconsider their decision. And at least to stand positively to defend the basic principles of FLOSS.