CSC-SY

بالتوفيق للجميع

بس ملاحظة مشان الوقت: دائما يطلب الحضور قبل ساعة ودائما الدكاترة بيتأخرو وبيأخرو معون الطلاب

يمكن كان قصدو بعد ساعة بس عالسرعة طلعت قبل

صحي ما دخلني بالقصة
بس على أنو أساس بيتقسموا المجموعات ؟!!!!!!!

عالواسطة

هيك شايف

وقتنا اتأخرت كل مقابلة ساعة أو أكتر أو أقل بشوي...
بس كان في سبب أنو في مشروعين قبلنا نالو الإعجاب وانعرضو أدام العميد "الدكتور نوار"، والسبب التاني أنو كان في مشروع تالت كمان نال الإعجاب ووقتها طلبت اللجنة من الطلاب أنو يعملو شغلة زيادة عليه ويرجعو يفرجون ياه...
بس عادة وقت المشاريع... كل تأخيرة فيها خيرة

أجاني طلب من الكلية بحذف الردود السابقة جميعا ً, لأنها "تسيء" للقسم والمقابلات.
أنا ما حبيت أحذف الردود للأسباب التالية:
1. بحسب سياسة الموقع وآداب وقواعد المشاركة جميع الردود السابقة غير مخالفة.
2. بحسب حرية التعبير فمن حق أي طالب يبدي أي إعتراض على أي شي عميصير بالكلية وبالعلن وأمام الناس, طالما ما قلل أدب وطالما ضل محترم الشخص يلي عمينقدو. وبالتالي أيضا ً الردود السابقة غير مخالفة.
3. الحكي ما أجى من فراغ, لو ما صاير هيك عنجد ما بيطلع هيك حكي, كلنا منعرف قديش بتنشلف المقابلات عنا بالكلية, وين الغلط إذا انتقدنا الكلية بهالقصة؟
بناء ً على ما سبق لن يتم حذف الردود طالما بقيت ضمن الحدود المذكورة.

شكرا ً لتفهم إدارة الكلية وأعضاء الموقع.

إدارة الموقع.

نسيت قول أنو يا ريت من الاعضاء الكرام ما يكبرو القصة أكتر, مانها مستاهلة القصة!
ورجاء يلي حابب يرد على ردي السابق يرد ضمن حدود ما ذكر بالرد بدون إساءة لشخص وضمن حدود الإحترام المتبادل.

تعليقاً على ردك mpcabd
1.التعليقات السابقة مابتصور أنو بتنال من القسم "قسم الذكاء الصنعي" لأنو كل الأقسام بصير فيها نفس الشي... يعني عادي وقت مشروع السنة كان في تأخير، وين المشكلة؟
2.هيك شغلة مالها هالتأثير الكبير على سمعة القسم، لأنو مثلاً اللي بحب قسم مارح يبطل يفوته لهالسبب هاد.
3.عادة بكون التأخير مناسب للطلاب... يعني خلينا نحكي بصراحة.. مين فينا فات على مقابلة مشروع ولا وظيفة إلا وهو عم يدق كود لآخر تكة مو ساعة؟
وطول حياتون الطلاب أول ما تتأخر المقابلة ولو 5 دقايق بقولو الحمد الله أجت منهن أحسن ما تجي مننا... هي اللهم إذا ما طلبو هنن تأخير مقابلتهن..
وحتى أنا علقت فوق بس أنا مالي مزعوجة هلأ من تأخير مقابلتي السنة الماضية مثلاً.. لأنو كان في أسباب وراء تأخيرها.. ولأنو بهالتأخير هاد فينا نجهز حالنا أكتر.

تعليقاً على ردك Ray

القصة مو بالتأخير... القصة بالترتيب

أصدك تنسيق المواعيد؟

هلأ الموعيد مرتبة حسب المشرف (نحنا عند إيهاب مثلاً)
بس هيك مو عدل

طيب القصة بسيطة

يعني راس مالها يتوضح كيف بيتم تحديد ترتيب المقابلات وبتنتهي القصة

رغم إني ارتحت بمشروع التالتة فصل تاني أكتر من مشروع الحسابات لأنو كان دورنا تاني شي وخلصنا من وجع راس هاد شو سألوا وفلان شو صار معو وفلان ضرب معو المشروع والرعب يلي بيخلقوا الطلاب لبعض عن قصد

ومتل ماقالت Ray يعني حتى لو بيعطونا سنة زيادة شغل بالمشروع حنضل نعدل ونغير لآخر لحظة (للأسف)

أي والله إجتنا التأخيرة من السما ....
أنا شخصياً ما عندي أي مشكلة بتأخيرها ابداً ...
عملنا اليوم المقابلة .. و كانت جيدة من ناحية المشرفين و الوقت و بشكل عام ... و النقاش فيها موضوعي ... بغض النظر عن بعض الأسئلة الغريبة !!

و إن شاء الله بتكون النتائج مرضية نسبياً ..

أكيد ما عندك مشكلة بتأخيرها
بس عندنا مشكلة أنو ما تأخرت

غريب .. على علمي أنو أعضاء اللجنة اتأخرو ... !!
مقابلتنا اتأخرت يمكن شي ساعة ، ساعتين .. ما بعرف لأنو ما كنا عم نحس بالوقت ..
إلا إذا كنت من دفعة يوم الأربعا ما بعرف شو صار ...