ابحثاسم المستخدمقائمة التنقلالموجودون الآن
يوجد حاليا مستخدم واحد و 6 ضيوف متصلون.
الأعضاء الجددملفات للتحميل |
أنتــم ونحــن.... ولكــن!نشره Ray في الأحد, 21/02/2010 - 9:08م
نتعرض للكثير من المواقف التي نجد فيها هذه الضمائر... أنت.. أنا.. نحن وأنتم... وشتـــــان بيننا! المواقف التي تقارن بين عملي وعملك... مجال اختصاصي ومجال اختصاصك... دراستي ودراستك.. هي من المواقف التي ألفت مواضيع ملأت المنتدى هنا... ولكني سأقف اليوم عند "ولكن"... لعل آخر هذه المواقف التي قرأتها اليوم، والتي بصدق أضحكتني جداً، هو موضوع أو تعليق يقارن بين الجامعات، جامعة فلان وجامعة علان، ولنكن أكثر تخصيصاً، الجامعة الحكومية والجامعة الخاصة، الجامعة الخاصة، يالها من جامعة، جامعة الأحلام، الجامعة التي تدرس فيها على مقاعد، ألا ندرس على مقاعد أيضاً في الجامعات الحكومية؟ الجامعة الخاصة هي الجامعة التي تدرس فيها من أشياء مستطيلة الشكل، بيضاء اللون، عليها نقشات سوداء، وأحياناً ملونة، يسمونها كتباً 8O ، "واااااااو" والعجب أننا ندرس من كتب أيضاً في الجامعة الحكومية... وإلى آخره من هذه الصفات الوردية.. ولكن لماذا هذه المواقف التي تكتب لتظهر الفرق بين الطرفين على الرغم من أن كل من الطرفين راض على حاله، أو أقنع نفسه بأمره! فكرت كثيراً في فائدة واحد منها، ولكنني لم أجد! من المواقف الأخرى.. دراستي ودراستك... وهذا بعد أن انتهينا من عقدة الجامعة التي ينتمون إليها... أنا أدرس طب، الأطباء هم بناة المجتمع، الأطباء هم الأهم، وبدونهم الحياة إلى زوال... "اسمحولنا لهون وبس" مهندسو المعلوماتية هم بناة المجتمع، وهم الأهم، والحياة بدونهم إلى زوال... "أنتو التنين تجاوزتو حدودكن" مهندسو المدني هم بناة المجتمع وهم الأهم ووو... ولكن، هل بحياتكم صدفتم مريضاً :puke: ذهب إلى مهندس المدني أو العمارة ليقوم برسم مخططات لتدعيمه من جديد وتدعيم عوارضه وأعمدته، أو سكان البناء الذي شارف على الإنهيار جاؤوا إلى مهندس معلوماتية [-o< ليطلبوا منه بناء نظام خرافي ليدعم عوارض البناء ويحميه من السقوط، أو شركة هندسية للتسويق طلبت من طبيب أن يكشف على برنامجها الذي يبدو أن قاعدة معطياته تعاني من آلالام حادة في العلاقات بين جداولها تلك الإختصاصات وغيرها وغيرها، لافضل بينها لأنه لا طريقة للمقارنة بينها، لأن من يقارن بينها كأنما يقارن بين السيارة والممحاة، أيهما أفضل!؟ لايمكن لمجتمع أن يعيش دون هذه التخصصات الثلاث والتي طرحتها هنا فقط كمثال، ولكن لن يستطيع النهوض دون كل التخصصات الأخرى! لامشكلة إن قارنا عمل فلان1 من الأطباء مع عمل فلان2 من الأطباء لأنو المجال هو نفسه... ولكن لماذا هذه العقدة موجودة لدى أغلب الطلاب؟ لماذا لا يفكرون بمبدأ "القناعة كنز لايفنى"؟ موقف أخير، يالكم من مساكين ياطلاب كلية المعلوماتية، تقضون 5 سنوات في شيء نأخذه نحن في سنة أو سنتين، وبعبارة أخرى... شهادتكم هذه بطولها وعرضها وإرتفاعها لا تعادل قشة! ليتنا كنا هنا قبل أن تدخلو هذه الجامعة... ونصحناكم... بصراحة حالتكم تثير العواطف والبكاء بما أنكم يا أصحاب شهادات البرمجة مقنعون أشد الإقتناع بما لشهادتكم من علو وشأن، لماذا تريدون أن تظهروا هذا التفوق عندنا؟ ولما تحاولون دائماً "طبعاً إلا من رحم ربي" التقليل من شأننا وشأن تعليمنا وعلمنا! لما لايعمل كل منا بما يجده الأجود والأحسن من وجهة نظره ويدع الآخرين وشأنهم؟ أم أننا لا يمكن أن نظهر أنفسنا على أننا الأكفأ والأجدر إلا في حالة قارنا أنفسنا مع الآخرين؟ وذلك من العلم أن لكل منا سواء طبيب أو مهندس أو مبرمج أو شخص غير متعلم مكانه في المجتمع، وفي حال لم يكن موجوداً فإن ذلك بشكل أو آخر سيؤثر علينا جميعاً... دعونا نترك هذه الأقوال والتي هي أقوال بلا أفعال... ونلفت للعمل... لأن العمل فقط هو من سيحدد حقيقة من الأجدر والأكفأ!
( )
|
!!
!
والله كان بدنا ياها من زمان
والله كان بدنا ياها من زمان هالمدونة
يعطيكي العافية Ray.
كتب Ray: دعونا نترك هذه
دعونا نترك هذه الأقوال والتي هي أقوال بلا أفعال...
ونلفت للعمل... لأن العمل فقط هو من سيحدد حقيقة من الأجدر والأكفأ!
أحسنت في هذه العبارة ..فعلاً هذا ما يعوّل عليه بالنهاية، و هذا ما يصدّق قول أي أحدٍ أو يكذبه
سلمت يداك , من زمان ما شفت شي
سلمت يداك , من زمان ما شفت شي بيفش الخلق متل هالمدونة
من يومين كنت فكر أنو لازم يتعدل تعريف مفهوم الغباء ليشمل كل الظواهر يلي عم نشوفنا بوقتنا الحالي , اذا كان تعريف مفهوم الغباء بشكل عام ومختصر جداً نقص الذكاء والقدرات العقلية , فلازم نعدل هالتعريف ليشمل وجود القدرات العقلية وقدر لابأس به من الذكاء لكن استخدام هذه القدرات بطريقة ومنهجية غبية للوصول لنتائج أغبى
من فترة مليت الدخول بمهاترات و جدالات مع محدودي الفكر يلي بينظرو للموضوع بهي الزاوية الديقة وبيطرحو تسؤلات لاتنم إلا عن ضعف الوعي والأدراك لدى طارحها
وهي Like
وهي Like
شكرت كتييير لطرحك هالفكرة
شكرت كتييير لطرحك هالفكرة وعفكرة هي جزء من أهم عيوب البشر هالأيام وهيي أنو ماحدا مقتنع بنعمة الله والتنوع والاختلاف سر جمال لوحة الحياة=D> 8-[
شكراً كتير عهالمدونة ..
شكراً كتير عهالمدونة =D> .. وعنجد الحكي كتير بالصميم لأنو طريقة المقارنة بمجتمعنا من بعيد لبعيد بدون معرفة حقيقية للأشياء كتير منتشرة سواء بين المتعلمين أو غير المتعلمين وبين أشياء كتير ما في فائدة من المقارنة بيناتها
ياريت لو الواحد بيشتغل باللي هو فيه بقناعة ومحبة وبيترك حكي الناس والمقارنات اللي بلا طعمة
..
بالنهاية نحنا بدنا عمل يرفع هالمجتمع مو شغلتنا نقول مين أحسن من مين . ..
وأخيراً لا يمكن الاستغناء عن أي أحد في الحياة مهما كان عمله و فكره :ismile:
شكرا Ray... شباب أول ما حدى
شكرا Ray...
شباب أول ما حدى بيشوف تنين بلشو يتخانقوا بالموقع على هيك شغلات متل دراستي و دراستك و جامعتي و جامعتك حدى يحطلن بالموضوع لينك لهالمدونة
رح حاول ساويها أتوماتيكية
رح حاول ساويها أتوماتيكية
(No subject)
هلا وشكراً لتعليقاتكم
هلا
وشكراً لتعليقاتكم جميعاً...
لسا كان في شغلة تانية من ضمن هي السلسلة تبع المقارنات، اللي هي مقارنة الإختصاصات عنا بالكلية
، يعني مابعرف... هي يمكن لسا متعبة أكتر من من المقارنات تبع فوق لأنو هي بتمس الطلاب اللي قاعدين بكلية وحدة بجامعة وحدة، وأنو أنتو بكرا ياحرام بتروحو بتشتغلو بمحل بالبحصة، أنتو مستحيل تلاقو شغل وأنتو وأنتو....
الحمد الله ماشفت شي كتير من هالمقارنة بدفعتنا "إلا بالمزح بين الطلاب " بس كنا نعمل مقارنة أنو مين بيتعب أكتر ومين عندو ضغط أكبر
شكرا. بس بدي قول شغلة
شكرا.
بس بدي قول شغلة المقارنات اللي بالمدونة "لعب ولاد" مقابل المقارنات الحقيقية بنفوس الاشخاص اللي بيفكرو فيها بين أنفسهم و بين الأخرين بغض النظر عن فكرة الدراسة و التخصص و الكلية ... الخ.
واللي بتخلق نوع من الأحكام المسبقة عالناس متل : "هادا الشخص عم يعمل هيك فهو هيك و هيك" بعض الناس ممكن يحكم على غيرو انو مو واصل حتى لمستوى "انسان" لمجرد انو لاحظ عليه شغلة مو عجبتو
Don't compare yourself with
Don't compare yourself with anyone in this world. If you do so, you are insulting yourself .
أحلى شي أنو الكل بيحكي حكي بس
أحلى شي أنو الكل بيحكي حكي بس من جوا الكل بفكر نفس التفكير ...
المشكلة هي موبس بموضوع الإختصاصات و الدراسة، ولكن بأدق تفاصيل الحياة حتى السخيفة منها.
النظرة الدونية للأخرين والحكم عليهون من المظاهر أو التمسك ببعض العادات السخيفة لمجرد التمسك، او أنو يتاخد موقف من الشخص لأنو سمع عنو شي شغلة....
كنت أول شي أحكي أنو هالتصرفات أو هالأفكار موجودة بس عند الأهالي والكبارية بس...
بس للأسف عرفت أنو من يتغنى كثيراً بتحرره الفكري و تقبله للأخر واحترامه للإنسان من خلال عمله هو أول شخص يتعامل مع الشخص الاّخر وفق نتائج المقارنات الإجتماعية و الوظائفية وكل شي بيخطر ببالكون من مقارنات و معايير...
بس الأسف الأكبر ع الناس يللي بتكون واصلة لمستوى عالي من الدراسة وبتحسا أنو فهمانة هالحياة واخر شي بتكتشف أنو كلو حكي فاضي ومخ مافي
جزاكم الله كل خير
جزاكم الله كل خير
هو صاير في عقدة عند يلي ما
هو صاير في عقدة عند يلي ما بتحله فرصة يفوت واحدة من أعلى المؤسسات الأكاديمية عنا بالبلد في مجال المعلوماتية ( كلية المعلوماتية - جامعة دمشق )
بنفس الوقت هي العقدة سببت عقدة لطلاب هي الكلية :mrgreen:،
نتيجة الهجوم أحيانا على مؤسستهم أو مقارنتها بغيرها من التعليم الخاص أو الفردي أو الاستخفاف بمحتوى مناهجهم أو بمالقارنة بين المصائر بعد التخرج
مشكورين على هالتدوينة بتعرفو
مشكورين على هالتدوينة
بتعرفو ذكرتوني بشي كتير بيضحكني
وقت لاقي بالاعلانات انو واحد كاتب انا ادرس مثلا تجارة واقتصاد او الكترون + تصميم مواقع انترنت
وبالاخص هي تصميم مواقع انترنت البركة كلو صار يفهم فيها
بس وقت الجد بنشوف وين الشغل الاحترافي
وشكرا