آراؤكم حول أهمية الويكبيديا و إغناء المحتوى العربي .

farah online

السلام عليكم .. 

كثير منا من سمع حول حملة النشر على الويكي التي ترددت أصداؤها في كليتنا الفترة الماضية ، البعض كان معارضاً أو غير مهتم و القليل جداً بل و يندر من اهتم بالأمر ، أحببت معرفة آرائكم و تعليلات وجهات نظركم حول هذا الأمر .

هل أنت مقتنع بأهمية إغناء المحتوى العربي أم أن جودة المحتوى الأجنبي ألغت هذه الضرورة ..؟؟

إن كنت مقتنع بفكرة إغناء المحتوى العربي ، هل ترى الويكيبيديا هي الوسيلة المناسبة لهذا أم لا .. و لماذا .. ؟؟ إن لم تكن كذلك فماذا تقترح ..؟؟

إن كنت غير مهتم بالأمر .. فلماذا ..؟؟

هل لأنك غير مقتنع بالفكرة ؟

أم أنك مقتنع لكن يوجد ما هو أهم و لا تجد لهذا الأمر ترتيب في سلم أولوياتك ..؟؟

أم لأن لغتك الإنكليزية قوية جداً و غير مضطر لأن تجد محتوى عربي تعود إليه ..؟؟

أم أن لغتك الإنكليزية ضعيفة قليلاً و غير قادر على المساعدة في هذا الأمر ..؟؟

أم ماذا ..؟؟ 

يا دامي العينين و الكفـين إن الليــل زائــل
لا غرفـة التوقيف باقيـة و لا زرد السـلاسل
نيرون مات و لم تمت رومـا بعينيهــا تقــاتل
و حبوب سنبلة تجف ستملأ الوادي سنابل

خيارات عرض التعليق

اختر الطريقة التي تفضلها لعرض التعليقات، ثم اضغط على "احفظ الإعدادات" لتفعل التغيرات.
foaad

كتب farah online:

هل أنت مقتنع بأهمية إغناء المحتوى العربي أم أن جودة المحتوى الأجنبي ألغت هذه الضرورة ..؟؟

طبعاً مهتم. ولكن ليس بهدف إغناء المحتوى!

يعني مابهمني ضيف مقالة ويكيبيديا لمجرد زيادة عدد المقاللات باللغة العربية, أو إضافة مدونة لزيادة عدد المدونات باللغة العربية, أو موقع لزيادة عدد المواقع...

يفترض المقالة أو الموقع أو المدونة تقدم شي مفيد وإلا مافي داعي.

كتب farah online:

إن كنت مقتنع بفكرة إغناء المحتوى العربي ، هل ترى الويكيبيديا هي الوسيلة المناسبة لهذا أم لا .. و لماذا .. ؟؟ إن لم تكن كذلك فماذا تقترح ..؟؟

برأيي قبل مانعمل حملة "رسمية" لإغناء محتوى ويكيبيديا العربية, نعمل حملة لفك حجب موقع ويكيميديا.

بالحقيقة بوجود محركات البحث, استخدام ويكيبيديا أو غير موقع مو كتير مشكلة, المهم يكون المحتوى مفيد.

كتب farah online:

أم أنك مقتنع لكن يوجد ما هو أهم و لا تجد لهذا الأمر ترتيب في سلم أولوياتك ..؟؟

سلم أولوياتي الشخصي؟! أم سلم أولويات مجتمع الانترنت المحلي؟

برأيي لازم يتم التركيز على تقديم خدمات على الانترنت أكتر من التركيز على زيادة عدد الصفحات باللغة العربية.

لأنو هالخدمات هي الي رح تجذب أغلب الناس لإستخدام الانترنت (طبعاً في مشاكل كتير بموضوع الخدمات بدها موضوع لحالها)

كتب farah online:

أم لأن لغتك الإنكليزية قوية جداً و غير مضطر لأن تجد محتوى عربي تعود إليه ..؟؟

بظن 90% من مستخدمي الانترنت العرب بفضلوا يستخدموا المحتوى الانكليزي (أو الفرنسي) ومابيحتاجوا للمحتوى العربي. (لأنو بالأساس أغلب مستخدمي الانترنت العرب من طبقة المثقفين, بسبب ضعف الخدمات الموجهة لباقي شرائح المجتمع)

بس في كتير مواضيع مافي مجال لاستخدام المحتوى الأجنبي (لأنو غير موجود), شعر, أدب, تاريخ, أخبار محلية, إلخ...

ممكن نبدا بهالمواضيع هي, ومع الوقت بفرض صار في خدمات أكتر وانتشر استخدام الانترنت أكتر ممكن يصير في فائدة لترجمة المحتوى الأجنبي للغة العربية.

farah online

كتب foaad:

كتب farah online:

هل أنت مقتنع بأهمية إغناء المحتوى العربي أم أن جودة المحتوى الأجنبي ألغت هذه الضرورة ..؟؟

طبعاً مهتم. ولكن ليس بهدف إغناء المحتوى!

يعني مابهمني ضيف مقالة ويكيبيديا لمجرد زيادة عدد المقاللات باللغة العربية, أو إضافة مدونة لزيادة عدد المدونات باللغة العربية, أو موقع لزيادة عدد المواقع...

يفترض المقالة أو الموقع أو المدونة تقدم شي مفيد وإلا مافي داعي.

 بالتأكيد .. ما قصدي بكلمة إغناء " زيادة عدد " لأنو عنا كتييير مواقع و منتديات عربية عم تقوم بهالشي بدون الاهتمام أبداً بالنوعية ... 

إغناء == زيادة الأشياء المفيدة فقط 

كتب foaad:

كتب farah online:

إن كنت مقتنع بفكرة إغناء المحتوى العربي ، هل ترى الويكيبيديا هي الوسيلة المناسبة لهذا أم لا .. و لماذا .. ؟؟ إن لم تكن كذلك فماذا تقترح ..؟؟

برأيي قبل مانعمل حملة "رسمية" لإغناء محتوى ويكيبيديا العربية, نعمل حملة لفك حجب موقع ويكيميديا.

بالحقيقة بوجود محركات البحث, استخدام ويكيبيديا أو غير موقع مو كتير مشكلة, المهم يكون المحتوى مفيد.

البعض بشوفو الموضوع من وجهة نظر أخرى ... ما بشجعوا الويكيبيديا لسبب إداري أنو ممكن بأي لحظة لسبب أو لآخر تنحجب الويكيبيديا .. 

فلو عملنا شي خاص و نحنا المسؤولين عن إدارتو ممكن يكون أفضل ...

بالإضافة لقصة الويكيميديا و حجبها عنا و حتى لو ما عادت محجوبة كأنو سياستها باستخدام الصور مبالغ فيها ..!!

كتب foaad:

برأيي لازم يتم التركيز على تقديم خدمات على الانترنت أكتر من التركيز على زيادة عدد الصفحات باللغة العربية.

لأنو هالخدمات هي الي رح تجذب أغلب الناس لإستخدام الانترنت (طبعاً في مشاكل كتير بموضوع الخدمات بدها موضوع لحالها)

خدمات متل شو ..؟؟ 

القصة متل ما حكيت مو زيادة عدد صفحات .. 

بس في مستخدمين حاليين بيهتمو بالإنترنت بغض النظر عن الخدمات الغير متوفرة ... هدول يمكن بيفضلو يكون عندون محتوى عربي مفيد .... 

كتب foaad:

بظن 90% من مستخدمي الانترنت العرب بفضلوا يستخدموا المحتوى الانكليزي (أو الفرنسي) ومابيحتاجوا للمحتوى العربي. (لأنو بالأساس أغلب مستخدمي الانترنت العرب من طبقة المثقفين, بسبب ضعف الخدمات الموجهة لباقي شرائح المجتمع)

بس في كتير مواضيع مافي مجال لاستخدام المحتوى الأجنبي (لأنو غير موجود), شعر, أدب, تاريخ, أخبار محلية, إلخ...

ممكن نبدا بهالمواضيع هي, ومع الوقت بفرض صار في خدمات أكتر وانتشر استخدام الانترنت أكتر ممكن يصير في فائدة لترجمة المحتوى الأجنبي للغة العربية.

طيب طبقة " المثقفين " لو وجدت محتوى عربي مفيد و غني بالمحتوى و المعنى لح تتركو و تلجأ للمحتوى الأجنبي .... !! ما بعتقد ...

مواضيع الشعر و الأدب و كل شي مالو علاقة بالعلم "المادي إن صح التعبير" ... موجودة عنا بكثرة .... بس اللي ناقص المحتوى العربي هو الشغلات العلمية المفيدة و هي اللي لازم نشجع على نشرها .... 

يا دامي العينين و الكفـين إن الليــل زائــل
لا غرفـة التوقيف باقيـة و لا زرد السـلاسل
نيرون مات و لم تمت رومـا بعينيهــا تقــاتل
و حبوب سنبلة تجف ستملأ الوادي سنابل

foaad

كتب farah online:

خدمات متل شو ..؟؟

كل شي. من تجديد جواز سفر لشراء ربطة خبز.

الأمور الي كل شخص (دكتور, بقال, عتال,...) بيحتاج يعملها وممكن تصير بشكل أسهل عن طريق الانترنت

بس في مشاكل كتير (موضوع تاني) النقد الالكتروني والتوصيل والبريد وإلخ... (نحنا صحيح صار في عنا انترنت بس في تطورات كتير مرت فيها المجتمعات المتقدمة قبل ماتوصل للانترنت نحنا لسا ماعنا ياها, يعني الانترنت بالمجتمعات المتقدمة مفيدة أكتر من الانترنت عنا بسبب وجود هالخدمات والأنظمة التانية)

كتب farah online:

طيب طبقة " المثقفين " لو وجدت محتوى عربي مفيد و غني بالمحتوى و المعنى لح تتركو و تلجأ للمحتوى الأجنبي .... !! ما بعتقد ...

بظن اي رح تلجأ للمحتوى الأجنبي (الانكليزي) لأنو (1) المحتوى العربي بأحسن الأحوال هو ترجمة للمحتوى الانكليزي (2) بحكم العادة. أغلبنا متعود يستخدم اللغة الانكليزية للتعامل مع الكومبيوتر والانترنت و-للأسف- العلم.

كتب farah online:

مواضيع الشعر و الأدب و كل شي مالو علاقة بالعلم "المادي إن صح التعبير" ... موجودة عنا بكثرة .... بس اللي ناقص المحتوى العربي هو الشغلات العلمية المفيدة و هي اللي لازم نشجع على نشرها .... 

برأيي نشجع على إضافة محتوى جديد (عالقليلة بالوقت الراهن) يعني نشوف شوفي شغلات مو موجودة (لا بالعربي ولا بالانكليزي) ونضيفها.

ومابظن مواضيع الشعر والأدب موجودة بكثرة (بالحقيقة مافي شي موجود بكثرة) مثلاً اذا بدنا ناخد ويكيبيديا: قائمة شعراء العربية (كم اسم موجود باللون الأحمر؟ عدا عن الأسماء الغير موجودة أساساً)

الأدب والشعر مجرد مثال, في كتير شغلات مو موجودة باللغة الانكليزية لأنو الها علاقة بمجتمعنا فقط, مثلاً هل في مقاللات عن كافة الشركات العربية والمحلية؟ وعن كافة الجامعات والمدارس والمطاعم وإلخ...

en.karam1989

أنا من جهتي مع Smile

وبدوري بلشت حول كل شي بموقع karam89.com للعربي Smile

بعد ما كان كلو أنكليزي Razz

bLBFE

للأسف احيانا و كتير مرات شفت طلاب كاتبين مقالات علمية او دروس الها علاقة بالمعلوماتية و لكن باالإنكليزي بس لحتى يبين انو هو بيعرف انكليزي او اذا كان بدو يعطيا لشي دكتور دارس بفرنسا مثلا و مانو منيح بالإنكليزي و حتى في مرة عم نشتغل مشروع بهندسة البرمجيات فجينا لنوصف المتطلبات الوظيفية للمشروع و كان معي 3 اشخاص بالمجموعة فطلبت انو نوصفن باللغة العربية لأنو المشرف مانو كتير منيح بالإنكليزي مع انو انا ابدا ما عندي مشكلة باللغة و كان الرد بالرفض القاطع و كانو عيب يعني اذا كتبنا بالعربي! 

و للأسف هالظاهرة كتير منتشرة انو بعض ضعاف النفوس عمحاربو اللغة العربية و هنن عرب فكيف لازم نعالج هالمشكلة ؟!!!!! اللي انتشرت كتير هالأيام زائد المشاكل اللي حكيتو عنا . 

بشكرك كتير عطرح هيك موضوع مهم و انا جاهز لشارك بأي مشروع ترجمة و عندي اقتراح مبدأي انو نعمل موقع خارص لنشر المقالات و الكتب المترجمة في سبيل تشجيع الناس على هالقصة و شكرا.

computers r like air conditioners when u open window they don't function!

farah online

كتب foaad:

كتب farah online:

خدمات متل شو ..؟؟

كل شي. من تجديد جواز سفر لشراء ربطة خبز.

الأمور الي كل شخص (دكتور, بقال, عتال,...) بيحتاج يعملها وممكن تصير بشكل أسهل عن طريق الانترنت

بس في مشاكل كتير (موضوع تاني) النقد الالكتروني والتوصيل والبريد وإلخ... (نحنا صحيح صار في عنا انترنت بس في تطورات كتير مرت فيها المجتمعات المتقدمة قبل ماتوصل للانترنت نحنا لسا ماعنا ياها, يعني الانترنت بالمجتمعات المتقدمة مفيدة أكتر من الانترنت عنا بسبب وجود هالخدمات والأنظمة التانية)

ممكن .. بس كان هدفي مو التشجيع على استخدام الإنترنت لأي شيء ... إنما للبحث و المعرفة و التعلم .. و هاد الشي اللي بيحتاج إغناء و شغل طوعي كتير أكتر من أي خدمات تانية ... لأنو الشركة اللي لح تقدم الخدمات اللي حكيت عنها لازم تكون كفيلة بتجهيز أي متطلبات لاستخدام خدماتها ... 

كتب foaad:
كتب farah online:

طيب طبقة " المثقفين " لو وجدت محتوى عربي مفيد و غني بالمحتوى و المعنى لح تتركو و تلجأ للمحتوى الأجنبي .... !! ما بعتقد ...

بظن اي رح تلجأ للمحتوى الأجنبي (الانكليزي) لأنو (1) المحتوى العربي بأحسن الأحوال هو ترجمة للمحتوى الانكليزي (2) بحكم العادة. أغلبنا متعود يستخدم اللغة الانكليزية للتعامل مع الكومبيوتر والانترنت و-للأسف- العلم.

ممممم ... وجهة نظر تحتاج لاستطلاع آراء ... بردلك الجواب بعد فترة .... 

كتب foaad:
كتب farah online:

مواضيع الشعر و الأدب و كل شي مالو علاقة بالعلم "المادي إن صح التعبير" ... موجودة عنا بكثرة .... بس اللي ناقص المحتوى العربي هو الشغلات العلمية المفيدة و هي اللي لازم نشجع على نشرها .... 

برأيي نشجع على إضافة محتوى جديد (عالقليلة بالوقت الراهن) يعني نشوف شوفي شغلات مو موجودة (لا بالعربي ولا بالانكليزي) ونضيفها.

ومابظن مواضيع الشعر والأدب موجودة بكثرة (بالحقيقة مافي شي موجود بكثرة) مثلاً اذا بدنا ناخد ويكيبيديا: قائمة شعراء العربية (كم اسم موجود باللون الأحمر؟ عدا عن الأسماء الغير موجودة أساساً)

الأدب والشعر مجرد مثال, في كتير شغلات مو موجودة باللغة الانكليزية لأنو الها علاقة بمجتمعنا فقط, مثلاً هل في مقاللات عن كافة الشركات العربية والمحلية؟ وعن كافة الجامعات والمدارس والمطاعم وإلخ...

ممكن ... بس هو كل واحد بيشتغل بمجالو .... يعني ما بعتقد مهندس معلوماتية لح يفتح موضوع عن الشعر الشعراء و لا خريج أدب عربي عم يكتب موضوع عن لغات البرمجة ...  (قصدي غالباً بس هو اكيد في هيك ناس )

بس مواضيع الأدب و الشعر بعتقد أنو هية من أكتر المواضيع انتشاراً في المنتديات العربية مو بالضرورة تكون بالويكي بيكفي وجودها باي موقع عل النت لإغناء المحتوى العربي ....

مع ذلك لساتني مقتنعة أنو نشر مواضيع العلوم أهم من نشر مواضيع الأدب Smile

كتب bLBFE:

للأسف احيانا و كتير مرات شفت طلاب كاتبين مقالات علمية او دروس الها علاقة بالمعلوماتية و لكن باالإنكليزي بس لحتى يبين انو هو بيعرف انكليزي او اذا كان بدو يعطيا لشي دكتور دارس بفرنسا مثلا و مانو منيح بالإنكليزي و حتى في مرة عم نشتغل مشروع بهندسة البرمجيات فجينا لنوصف المتطلبات الوظيفية للمشروع و كان معي 3 اشخاص بالمجموعة فطلبت انو نوصفن باللغة العربية لأنو المشرف مانو كتير منيح بالإنكليزي مع انو انا ابدا ما عندي مشكلة باللغة و كان الرد بالرفض القاطع و كانو عيب يعني اذا كتبنا بالعربي! 

و للأسف هالظاهرة كتير منتشرة انو بعض ضعاف النفوس عمحاربو اللغة العربية و هنن عرب فكيف لازم نعالج هالمشكلة ؟!!!!! اللي انتشرت كتير هالأيام زائد المشاكل اللي حكيتو عنا . 

بشكرك كتير عطرح هيك موضوع مهم و انا جاهز لشارك بأي مشروع ترجمة و عندي اقتراح مبدأي انو نعمل موقع خارص لنشر المقالات و الكتب المترجمة في سبيل تشجيع الناس على هالقصة و شكرا.

يعني شي متل ويكبيديا محلية أو خاصة ... ؟؟ حلو ... 

إذا عندك أفكار تانية يا ريت تضيفها مشكوراً .. Smile 

يا دامي العينين و الكفـين إن الليــل زائــل
لا غرفـة التوقيف باقيـة و لا زرد السـلاسل
نيرون مات و لم تمت رومـا بعينيهــا تقــاتل
و حبوب سنبلة تجف ستملأ الوادي سنابل

bay_mhd

مع إغناء المحتوى العربي عالنت مو ضروري بس عن طريق الويكيبيديا.

كتب farahonline:
مع ذلك لساتني مقتنعة أنو نشر مواضيع العلوم أهم من نشر مواضيع الأدب

هي بتفرق حسب اختصاص الشخص و اهتماماته Smile

Ray

المحتوى العربي على الانترنت undefined variable!

ياحسرة على المحتوى الموجود، إذا الواحد فكر يوماً ما أنو يجرب يجري بحث باللغة العربية، فالمرة التانية بالتأكيد مارح يعيد هالتجربة =; "متلي اليوم مثلاً"!

للأسف...
محتوى عربي مقتصر على المنتديات "في أغلبه"، أد ما كانت المعلومة اللي عم تبحث عنها بسيطة أو سهلة، فمارح تلاقيها إلا بشي منتدى ولا بشي تعليق!

وسبحان الله، مدري ليه بتلاقي الشي اللي عم تدور عليه "في حال لقيت شي مناسب" موجود بكم تعليق بالبداية... أما الباقي فهو الأسطورة المعتادة copy + paste

وين المواقع الطبية، ولا المواقع التقنية، ولا مواقع الجامعات... لسا منتدى فلان ومنتديات أبو فلان!
Brick wall

مع الملاحظة أنو تعليقي هون ليس نوع من الذم والنقد الهدام، ولكنه ناتج عن ألم من الحالة اللي شفتها اليوم!

رضيت بالله ربـاً
وبالإسـلام دينـاً
وبالقـرآن كتابـاً
وبسيدنا محمـد صلى الله عليه وسلم نبيـاً ورسـولاً.