CSC - SY

 ظهرت نتائج حملة  إعادة تأهيل المخابر يلي قامت فيها الهيئة الإدارية بمساهمة مجموعة من الطلاب المتطوعين

و متل ما شفتو ... فرق منظر بعض المخابر  بشكل ملحوظ، عدا عن الفائدة يلي عم يجنيها الطلاب من الحملة،و بكفي صارت أغلب الأجهزة شغالة و عم تخدم الطلاب، و يمكن أكتر ناس انبسطوا من الحملة هنن المخبريين 
و الفضل بيرجع لجهود و متابعة الطلاب المتطوعين - مشرفين و متابعين
و بحب قول للطلاب المتطوعين:
أنو تطوعكم للحملة بالأصل؛ إن عبر عن شي؛ فهو بعبر عن حرصكم على مصلحة الكلية ،و عن حس المسؤولية و التفاعل الإيجابي

و إن شاء الله تكون هي التجربة متل نشاطات الهيئة التانية، يلي عم نحاول أنو تكون مستمرة و أنو تصير عرف، يعني مو حالة مؤقتة أو فورة و خلصت
و نحن عم نسعى أنو نفتح باب المشاركة للطلاب بأي نشاط طالما بيخدم مصلحة الطلاب

و كإشراف عام على الحملة، رح يصير زميلنا أحمد عرقسوسي هو المتابع لأمور الحملة، على اعتباروا فعال و متابع و متفرغ أكتر مني، غير أنو هو مسؤول العمل الوطني بالهيئة

و طبعاً ما مننسى نشكر زملاءنا أحمد الخضري و زياد كبريتة يلي ما قصروا معنا أبداً بمتابعة الأمور التقنية للحملة من بدايتها

و بدي خبركم أنو عميد الكلية الدكتور عمار خير بك؛ بعد ما خبرتو عن الحملة و نتائجها، بدو يعمل زيارة ميدانية للمخابر ليشوف كيف صارت و كيف عم يشتغلوا الطلاب فيها