CSC - SY

خلينا نبلش بسؤال صغير.

أنا مثلاً عم بعمل موقع بيحوي أخبار، طيب بدي أحفظ هالأخبار بـ Database، طبعاً بدي النص يكون منسّق، يعني بيحوي <br/> (إنترات ).

فهل من المعقول أنو أحفظ الأخبار بالديتابيس وجواتها <br /> وووو (تاغات HTML)!

شغلة تانية، بدي ضيف الأخبار من خلال الموقع، فهل من المعقول مرة تانية أني لما أكتب الخبر أكتب معو <br />! أكيد في شي حلّة مو؟

وشكراً يا شباب

أي ليش وين المشكلة؟! كل الناس هيك بتشتغل

ما عرفت شو المشكلة بس أنو لنفرض أنو طلبك هو أنو بدك تضيف الخبر من الموقع فلازم تستعمل HTML Editor يلي هو بيتكفل بتنسيق الخبر على شكل HTML Text, أما إذا كنت ما بدك تستعمل HTML Editor فبدك تستعمل مثلاً طريقة تنسيق خاصة فيك أو طريقة عامة متل BBCode يلي مشهورة بالمنتديات, أو إذا لا هي ولا هي فما بدك تعمل تنسيق بس بدك تبدل كل إنتر بـ <br /> قبل ما تخزن الكود بالداتابيز.

غالباً بيتم تخزين النص متل ما كتبو المستخدم بعد ما ينعمللو فلترة للـ SQL Injection ووقت الإظهار بينعملو فلترة تانية منشان تنسقو وتطلعو راكز وتقيم منو مثلاً تعليمة <script /> وهيك شغلات

طيب حلو كتير، الـ HTML Editor من وين بدي جيبو، فكرتو Control! بس لقيت شي بيشبهو بالـ WebParts..

شغلة تانية، أكيد في خطر من تاغ الـ Script، بس في شي تاني كمان ممكن يئزي "يؤذي"؟ يعني لما قلت أنت: "وهيك شغلات " شو هنن؟ كـ Security بقصد.

شغلة تالتة، أنا بشكرك عمو عبد الله، وأدامك الله زخيرة حية لهالوطن

دور عالنت بتلاقي كتير, أشهر شي بتلاقيه هو FCKEditor و Free Text Box.

يعني ممكن ببساطة يجيك واحد حربوق يحط بقلب الخبر </html> وقتها بتوقف الصفحة عند هالتعليمة عن الإظهار في كتير شغلات, يعني أسهل شي أنك تخرب موقع بالشكل إذا المطور تبعو مو آخد هالشي بعين الإعتبار, بس سكر تاغات DIV وتاغات TD و TR وشوف المناظر المرعبة

أكيد قصدك يا ذخراً يا ذخيرة, لأنو زخيرة ما حسيتها عربية

والله الواحد ما بينتبه لهالشغلات أنا عم حاول سد فيهون، بس في شغلات والله ما بيتوقعها الواحد

بالنسبة للزخيرة، فأنا يا بحب أحكي عامية يا فصحى، تنين سوا مو "ظابطين"

اوعالي هاشم . اجا دوري

احم احم

هلق انا عم حاول اعرف اذا المستخدم مسجل دخول ولا لأ . وعم خزن bool  بقلب الـ session بقلي هذا الشي

المشكلة انووقت عم حاول استخدم الـ session   عم يقلي انها disabled ولازم فعلها

دورت بالـ msdn قام طلع في شغلة بدي حطها بالـ web.config  مشان يمشي الحال . بس لسوء الحظ ماعم تظبط . بقى ممكن حدا يساعدني ويقلي شلون فيني فعل الـ session

حسب ما بذكر انو اذا انت ما مغير شي بالإعدادات الافتراضية، بتقدر تستخدم الـ SESSION بدو مشاكل

بكل الأحوال إذا عندك مشاكل شوف هالموضوع من منتديات ASP.NET

http://forums.asp.net/p/1068180/1551012.aspx

لا تدفّش

طيب والله غريبة، حتى الـ web.config عندي ما فيه إعدادات لتفعيل الـ Session، لك لتكون عم تكودها غلط؟

كتوب مثلاً عالزر يلي بيسحبك عصفحة تانية:

Session["MyKey"] = 3;

وبالصفحة التانية بالـ Load Event كتوب:

int n = (int)Session["MyKey"];

بعرف أنو حتقلي هيك عامل، وشغلة بايخة وتضرب على هالإجابة شو مفكرني مدري شو!!! بس ما بعرف بركي كبوة جواد

يسلمهون شباب مشي الحال.

طلعت المشكلة انو عامل New Empty Web application  بدل ما كون عامل New Empty Site  مع انو مدري شو الفارق بيناتهون

http://www.google.com/search?q=what+is+the+difference+between+a+website+and+a+web+application+in+ASP.NET&ie=utf-8&oe=utf-8&aq=t&rls=org.mozilla:en-US:official&client=firefox-a

شكرا كتير

في عنندي كم سؤال ثايين من بعد اذنكون

هلق اذا كان عندي Dataset  وعبيتها بـ DataAdapter . واذا كان عندي بالـ database  شي مليون record    .

وقت لح عبي الـdataset  لح ينسخو المليون record  للـ memory شي ؟؟؟؟؟

واذا كان الجواب اي . كانو صارت الـ dataset مو كتير عملية .يعني كانو صار عنا memory managment disaster

___

صار عنا كتير ادوات للـ data access  وعنجد انا ضعت وماعم اعرف شو استخدم

هلق عنا ado.net  . وعنا Entity Framework  وفي Linq To SQL  . وفي LINQ to Entity......................

هلق انا عملت مشروع صغير واستخدمت فيو ado.net  and SafeType DataSet  . تعزبت شي يومين بس بعدين اخذت ايدي عليها وعجبتني 

بدي اخذ رايكون ببقية الادوات . حدا مجربهون . وشو وضعهون

ومتذكر انو قرية شغلة وهي LINQ TO SQL IS DEAD  .  بس هي المقالة كانت بالـ 2008 مدري باول الـ 2009  بقى عنجد ماتت الـ linq to sql بالدوت نت 4

____

سؤال اخير وبوعدكون

اذا بدي استخدم الـ dataset بصفحة الويب تبعي . فهل انا لازم عبي الـ dataset  كل ما المستخدم يعمل load  للصفحة ؟؟

طيب اذا كان عندي شي 1000 user  عم يطلبو الصفحة بنفس الوقت . فهيك انا لح اعمل 1000 access  للـ database ممشان جيب نفس الـ data  صح؟؟

ما ممكن اني حسن الاداء بشي طريقة تانية

______________-

بعتذر على هل الجريدة يلي كتبتها . بس محسوبكون فايت على المصلحة من جديد

وشكرا كتير سلفا

هلأ أول شي انت بتعبي عن طريق الـ DataAdapter وليس بـ DataAdapter

تانيا اي بينسحبوا عالرام...

اذا عم تعمل مشروع صغير وب Data بحجم صغير استخدم الأسهل بس للمشاريع الكبيرة والـ Data الكبيرة أكيد بدك تستخدم شي عملي أكتر (أنا بفضل ADO.NET) وفينك تعمل مكتبة صغيرة خاصة فيك تستخدمها بكل مشروع وتطورها مع الزمن

هلأ اذا فرضنا انو الكود تبعك تعقيدو بسيط يعني عم تعمل وصول واحد للـ DB مثلا وعم تجيب معلومات بسيطة وما عم تحتفظ فيها عالسيرفر بمكان معين متل SESSION وقتها ما بتصور في مشكلة لأنو بس خلصت معالجة المعلومات رح تنكب كل هالمتحولات من الـ RAM بس بكل الأحوال انت لما تعمل موقع لازم تدرس شريحة زوار الموقع لتعرف تعمل الشي الأنسب لاحتياجاتك

بـ: اسم ناقص بمعنى باستخدام مجرور وعلامة جره الكسرة الظاهرة

طيب اذا كان عندي db  كبيرة مالح يعملي هذا مشاكل

شكرا

عم اقرا عن entitiy framework and linq to entity  بهل كم يوم و شكلهون شي سهل وقوي كمان . مجربهون شي ؟

مم. حلو كتير . يسلمهون

Hello World Again

عم بعمل شيئاً كالـ Quiz، وحأحكي شوي بالـDB والـ Saving State..

عامل Quiz DB فيها QuestionsTable, AnswersTable, Quiz: جدول للكويزات، جدول للأسئلة (ومربوط بالكويز)، وجدول للأجوبة (إحتمالات) مربوط بجدول الأسئلة.

هلأ السيناريو يلي طرحتو بالـApplication هو كالتالي:

عملت كلاس اسمو Question، بيحوي معلومات عامة عن كل سؤال.

لما المستخدم يختار كويز، عم روح (باستخدام ADO.NET) عالجدول تبع الأسئلة ولم كل الأسئلة المتعلقة بالكويز يلي اختارو، وكلما أختار سؤال روح أعمل كويري تانية على جدول الأجوبة ولم كل الأجوبة المتعلقة بهاد السؤال وادحشون بأوبجكت جديد من كلاس الـ Question، وهيك ساويت List فيها كل الأسئلة وأجوبتها (احتمالاتها).

فهلأ وقبل ما يبلش المستخدم بحل أي سؤال، في List بكل الأسئلة يلي حتعترضو.

أنا ليش هيك عملت؟ لأنو عم بفترض مثلاً أنو أثناء ما المستخدم عم يحل أسئلة يكون الـ Admin عم يضيف أسئلة، فممكن يصير تضارب بشكل ما.

طيب بلش أخونا يحل بهالأسئلة، والـList أنا حاططها بالـSession، وإذ راودني هالراوود ! بركي هالمستخدم قام يعمل شاي، وطول أخينا لحتى راحت الـ Session! صار مشكلة أليس كذلك؟

طيب كحل معاكس، أنو أحفظها بالـ Application! بس هيك كل ما واحد بدو كويز بدنا نعبي الـ Application ليستاية! ما بتوفي.

معقول Cookie! معقول عبي كوكياية بـList؟ كمان أكيد لأ حسب مو شايف!

فشو رأيكون بالموضوع؟ أبقى عالـSession؟!

وسؤال ADO.NET عابر.

الـ SqlReader بكل Read عم تتصل بالديتابيس؟

وبالتالي ما بقدر أستخدم Readerـين (يعني تنين) سوا مربوطين بـ SqlConnection واحد! هيك كأنو صار معي، لحتى اضطريت أعمل لكل واحد Connection خاص فيه!

وشكراً شباب

إذا بدك حل شغال خليك عالـ SESSION تبعك... أما إذا بدك حل معقد فالموضوع بيرجع لطريقة عرض الموقع تبعك

مثلا لو كنت عم تعرض الأسئلة كل واحد لحالو وبعدين بينتقل للسؤال التاني بس يجاوب عالأول فينك ما تحمل كل الأسئلة وتحمل سؤال واحد فقط وبكون الـ ID تبع هالسؤال موجود بالـ Query String وبعدين لما يعمل Post للجواب بتاخد الجواب وبتعالجو وبتنتقل للسؤال التاني وبتحملو من الـ DB

هلأ إذا كتير خايف من قصة انو المدير يكون عم يكتب أسئلة جديدة بنفس الوقت اللي عم يعمل فيه المستخدم الامتحان فينك ببساطة تحط شي متل Published لكل سؤال... ولما المدير يحط السؤال كـ Published وقتها بصير يطلع للمستخدم

طبعا الكلام السابق ما تقني هو مجرد سيناريو للشغل وانت فينك تختار أي شي بريحك حسب متطلبات الموقع تبعك وكيف بدك يطلع بالنهاية

ومشان SqlReader ما فينك تستخدم 2 سوا... وهي من صفحة الـ Documentation تبعو... جرب تستخدم الـ MSDN لأنها سهلة وفيها أمثلة كتير دائما

The default position of the SqlDataReader is before the first record. Therefore, you must call Read to begin accessing any data.

Only one SqlDataReader per associated SqlConnection may be open at a time, and any attempt to open another will fail until the first one is closed. Similarly, while the SqlDataReader is being used, the associated SqlConnection is busy serving it until you call Close.

أوعى هيك عبادة خليك بالماك شيتك أنت شو بدك بالـ ASP ؟؟

أي عمو هاشم, هلأ الطريقة يلي عمتشتغل فيها ظريفة بس فيها مشاكل, متل ما أنت قلت أنو مثلاً أخونا راح يساوي كاسة شاي وطار الـ Session تبعو فطارت عليك البيانات.

هلأ هون الشغلة لازمها شوية هندسة أبو شريك, يعني عادةً بهيك حالة ما بيتم تخزين البيانات بالـ HTTP Session لأنو هو Versatile يعني متطاير, الحل العملي أنك تفتحلو للزلمة Session وتخزنها بقاعدة البيانات, يعني بتعمل شي متل هيك:

طبعاً هاد حل بسيط بيضمنلك لو المدير ضاف شي سؤال جديد ما يطلع للزلمة وهو عميقدم الامتحان, لأنو يفترض ما يتغيرو أسئلة الامتحان وهو الزلمة عميشتغل. كمان بيضمنلك أنو لو الزلمة سكر الإنترنت عشر سنين ورجع فات بيطلعلو شو في Sessions هو فاتحها منشان يقدر يكمل فيها. ممكن تقدر تعقد الحل أكتر على كيفك وحسب الحاجة.

هلأ في شغلة بالنسبة للبيانات, طالما أنت عمتشتغل عالإنترنت ويفترض نظامك يكون عميشتغل على مخدم بإمكانيات مرتبة وعلى خط شبكة مرتب فما بدك تخاف كتير من قصة الدخول على قاعدة البيانات, بس بدك تنتبه لشغلة كتير ضرورية, وهي عدد الـ Connections يلي عمتنفتح وتتسكر كل مرة, لأنو إذا حبيت تشوف شو العمليات يلي بتطول أكتر شي بالصفحة رح تلاقي فتح الـ Connection مع الـ Sql Server وتسكيرو, لذلك بنصحك تستعمل Connection Pooling يلي بيسمحلك أنو أنت ما كتير تولي اهتمام للاتصالات يلي عمتنفتح وعمتسكر وهو بيتولى عملية تنسيق الاتصالات وضمان أنو نظامك ما يستخدم الاتصال لشغلة وحدة ويسكرو بعدين.

شكراً أستاذ The Tornado على المساهمة، شكراً إلك

طيب عمو عبد الله، وأنا آسف على هالسؤال إذا طلع متدني ، أنت بتقصد خزن الـList بالـDB؟ طيب الـDB بقدر خزن فيها Object؟ ولا قصدك أنا صمم حالة State كتصميم، وأنت أطلقت عليها اسم Session؟

وأنت بطريقتك هي مخزن الـQuiz كلو بالـDB وإذا إجى هالمستخدم بعد سنة من مساواتو للشاي محا ييجيه أسئلة جديدة كتبها الـAdmin كانت مو مكتوبة وقت قدم طلب Quiz؟!

أنا بعتذر إذا عم عذب تحملوني، ومنشان الـ Connection Pooling لقيت أنو هية بشكل إفتراضي محطوطة true بالـ Connection String ما لم يتم ذكر خلاف ذلك، يعني يفترض أنو فعالة عندي!

شكراً يا شباب، والله حبابين وهيك إن شاء الله الله بيوفقكون وين ما بتروحو (هي ما جبنا سيرة الذخيرة عبد الله )

لك شو Object ما Object عمو هاشم الله يرضى عليك شكلك بدك دعكة مرتبة, الـ List يلي طلعت من الأسئلة هي بالأصل أجت من أسطر بجداول بقاعدة البيانات, معناها تخزينها شو رح يكون؟ كمان أسطر بجداول, شبنا أبو شريك؟

أي والطريقة يلي قلتلك عليها هيك السيناريو تبعها أنو الزلمة مثلاً دفع حق هالفحص بهالنسخة, مو ضروري والله ياخد ميزات النسخة الجديدة بدون ما يدفع

لك إي إي إي خلص فهمت شبك هدي علي شوي حبيبنا

بس قلت لحالي بركي لافين شي لفة بالـSQL Server بصفتو لمايكروسوفت صاحبة الـ .NET والـ Object Base Class بحيث أنو نخزن Object!

اذا حابب تتعامل مع الDB على انها مجموعة Objects ، جرب استخدم Linq

فيك تخزن Objects بالـ Database على شكل String. بدها تكون الـ Class محققة لواجهة ISerializable وبيمشي الحال وقتها

And That is Exactly what a Database For.

طبعاً هي من أهم ميزات الـ Database وهي أنو بدال ما تروح تمثل الـ Objects على شكل Tables وعلاقات متل البشر, بتساوي Table واحد وبتحط كل الـ Objects جواتو وخلصت القصة

ضحكت العالم علينا لك هاشم

يا باطل

بس هي فكرة تخزين الأوبجكت حلوة وما كنت متوقعها! كتير حتسهل أمور، شكراً إلكون شباب، وخصوصي الـ"ذخيرة" تبعكون عبد الله

بس يعني أنا لهلأ ما درست MS SQL Server، معلوماتي فقط شوية تعليمات SQL فسامحوني

طبعاً لي عودة إذا ما في مانع

agree...Linq is smart option 

هاشم!!!!

شوف الـ entity framework and linq to enitity   حلوين كتير . قريت عنهون من كم يوم وعجبوني

وبعد عن الـ linq to sql  لانو العوض بسلامتك .شكلها انو عطتك عمرها

شوف هون

السلام عليكم ورحمة الله..

ضفت الـ Free TextBox عالموقع، بس صار لما أعمل Submit يطلعلي خطأ أنو في احتمالية خطر من المستخدم: "A potentially dangerous Request.Form value was detected from the client "

طبعاً السبب هو وجود HTML Tags.

وقدرت -حسب مو كاتبين- أني أتخلص من هالخطأ بأني ضفت بالـ Web.Config هالتعليمتين:

<httpRuntime requestValidationMode="2.0"/>

    <pages validateRequest="false"></pages>

بس قايلين كمان:

However, it is strongly recommended that your application explicitly check all
inputs in this case.

طيب أنا بهالحالة فقدت الـ Validation على كل الـ Http Request على ما يبدو! وأنا أخوف ما أخاف من الثغرات، Cross-site Scripting والـ SQL Injection مثلاً يلي نوه عنها عبد الله فوق..

وصرت لازم أعمل Validate بنفسي، طيب هل من طريقة أني خلي الـ Free Text Box موثوق؟! من دون ما أقضي عالـ Validation تبع الـ Request؟! يعني خليه يغض نظر هون.

أنا لقيت أني بقدر خلي الـValidation مو موجود بصفحة معينة، يعني هي تحسين عن يلي فوق، بس لو في تحسين أكتر بيكون أحسن

وشكراً سلفاً يا شباب

أي هاد الوضع طبيعي أبو شريك

الـ ASP .NET بتمنع المستخدم من إرسال HTML Tags ضمن أي صفحة للمخدم بهدف الحماية, لكن لما المستخدم بدو ينسق النص فالمطور مضطر يقدم حل من تنين:

1. بيقدم للمستخدم طريقة للتنسيق دون استخدام HTML Tags وهالشي يلي وضحتلك ياه سابقاً
   
   كتب mpcabd:

   بدك تستعمل مثلاً طريقة تنسيق خاصة فيك أو طريقة عامة متل BBCode يلي مشهورة بالمنتديات
   
   أنا بلاقي أنو طريقة Markdown من أفضل الطرق يلي موجودة حالياً للتنسيق لأنها بتعطي قابلية للقراءة مع وبدون تنسيق لاحق.
2. بيلغي عالـ Validation الآلي وبيعمل واحد يدوي يسمح للمستخدم باستخدام بعض خصائص HTML بحيث ما يكون عندو القدرة على تخريب التصميم تبع الموقع من ورا مشاركاته.
   وأفضل طريقة لتعمل هيك شي برأيي أنك تساوي طريقة الفلاتر Filters متل يلي بيطبقوه هون بـ Drupal.

السلام عليكم...

أول شي شكراً لإلك عبد الله على آخر مشاركة، آسف لأني بس اكتفيت بالقراءة...

وسؤالي هلأ عن تهيئة الـMail Server! بالأحرى الـ SMTP Host Name.

أنا عم بعمل صفحة Contact us بسيطة، وما توقعت تعصلج معي هالقصة كتير، حطيت بالـ Web.Config التالي:

 <system.net>

  <mailSettings>

   <smtp>

    <network host="smtp.live.com" />

   </smtp>

  </mailSettings>

 </system.net>

طبعاً أنا ما حطيت Attribute الـ From ولا الـ Username والـ Password لأنو فهمت أنو مو ضروريات، وكمان المستخدم هو يلي بدو يرسل مو أنا.. (طبعاً جربت حطهون كمان نفس الشي).

وبالـ Code Behind حطيت:

MailMessage mailMessage = new MailMessage();

        mailMessage.From = new MailAddress("Hashem.1990@live.com");

        mailMessage.To.Add(new MailAddress("Hashem.1990@live.com"));

        mailMessage.Subject = "Test";

        mailMessage.Body = "Hello World";
        SmtpClient smtp = new SmtpClient();
        smtp.Send(mailMessage);
        mailMessage.Dispose();

طبعاً ما كتبت هون smtp.Host لأنو يفترض ياخدو افتراضياً من الـWeb.Config..

طيب بس أكبس زر الإرسال، عم يطلع Runtime Error ومكتوب:

A socket operation was attempted to an unreachable network 68.178.232.62:25

Description: An unhandled exception occurred during the execution of the current web request. Please review the stack trace for more information about the error and where it originated in the code. 

Exception Details: System.Net.Sockets.SocketException: A socket operation was attempted to an unreachable network 68.178.232.62:25

طيب شو يلي عم يـ went wrong !!؟

يا ترى الـ smtp host name؟ مع العلم أني مستخدم Live؟

طيب شغلة تانية Related لهالـ Topic

شلون هيك مسموحلي أبعت من إيميل بحددو كـString؟ يعني كأني بقدر أبعت إيميل باسم ؟ مو لازم ينطلب مني اسم وكلمة مرور هالمستخدم؟ ما بعرف لهلأ ما عم تضوي معي هالفكرة، كأني بقدر أكتب بالـForm تبع الـContact us اسم إيميل رفيقي وأكتب رسالة على أساس أنو هو يلي حكاها!! في شي من هالشي؟

وأنا بقدر أستخدم أي smtp server بغض النظر عن إيميلي بأنو سيرفر؟ صحيح؟

وشكراً يا شباب   تحياتي.......

بالنسبة لمشكلة الـ SMTP فبدك تتأكد منيح من إعدادات الـ Windows Live, يفضل تجرب على شي مزود خدمة تجريبي لتشوف العطل من وين, فيك تنزل SMTP Server على جهازك وتجرب عليه ليمشي الحال. كمان أغلب الـ SMTP Servers عالنت بدها Authentication فبدك تحط Username و Password أفضل.

أما منشان قصة أنك تبعت إيميل بعنوان مو إلك فشغلة كتير بسيطة, أول شي الـ SMTP Server المحترم ما بيخليك تبعت إيميل عن طريقو إذا الـ Domain مو نفسو, وتانياً المحترمين أكتر بيجبروك تعمل Authentication منشان ما تقدر تبعت إلا من عنوانك الخاص. هلأ إذا نزلت عندك عالجهاز SMTP Server بتقدر تخليه مو محترم وتبعت على كيفك, لكن أغلب الـ Mail Servers بتعتبر رسالتك Junk أو Spam إذا كان العنوان مو موجود أولاً وإذا كان الـ SMTP Server يلي باعت الرسالة مو موثوق تانياً, فممكن إذا بدك تبعت إيميل من Local SMTP Server بعنوانك تبع الـ Hotmail وتشوف كيف أنو رسالتك رح توصل للطرف التاني على أنها Junk لأنو المخدم يلي عندك مو موثوق أنو هو بيبعت من Domain الـ Hotmail

شكراً عبد الله... مشي الحال، طلعت المشكلة من الـPort، كنت عم بستخدم Port معين (مع أنو نظامي) وطلع على حظي فيو مشاكل، حطيت بورت معتمد تاني مشي الحال.

انتظروا مزيدي

السلام عليكم....

شلونكون شباب؟ شوية أسئلة:

- السؤال الأول:

بموقع ما، عم خزن Url الصور بالديتابيس وليس الصورة كـBinary، في شي خلل أو تخلف بهالشي بشكل مبدئي؟

- السؤال التاني:

بالـDataBinding في شي بينكتب بالشكل

<%# ..... %>

هاد الشكل شو اسمو؟ أنا استخدمتو كتير بس حابب أستزيد منو.

- السؤال التالت:

في شي عيب بأنو صفحات عرض المعلومات بتحتاج لشي كويريين تلاتة (بس بسيطين، يعني بيجيبو حقل واحد مثلاً) لحتى تنعرض بشكل كامل؟

طبعاً لاء, وغالباً هاد المستعمل أكتر من تخزين الصورة بقلب قاعدة البيانات بشكل Binary Data.

اسمو Data Binding Expression Syntax وشوف هون لباقي الأنواع.

لاء مو عيب بس يفضل تعمل Stored Procedure تجيب كل معلومات المستخدم وترجعلك ياهم, وتستعمل الـ Parameters لتحدد المستخدم, لأنو هيك أسرع مما تكون كاتب الاستعلامات بقلب الكود

URL قصدك شي من بره الموقع ولا من مجلد عالسيرفر؟

من بره الموقع مالا كتير محبذة لأنو بركي الموقع هداك محجوب عندو أو صار فيو مشاكل ، أما على نفس الموقع وعم تحط لينك الو ( طبعاً اتأكد يكون Absoulte Link وليش Relative Link  )

لأ أبدا ما في أي مشكلة بكذا كويري بنفس الصفحة ..

شكراً يا شباب، عبد الله ومحمد، يعطيكون العافية..

هلأ أكيد قصدت Url الصورة لمجلد بقلب السيرفر، مو Url خارجي، بس أنا خزنتو Relative بس للـRoot تبع الموقع؛ يعني بالشكل:

~/Images/anything

ممكن يكون في مشكلة؟!

وشكراً شباب..

هاد الشكل الصحيح ويلي بيقصدوا محمد

تماماً

إي شكراً لكما فضلتو الله يجزيكم الخير

طبعاً انتظروا مزيدي.....!!

السلام عليكم ورحمة الله..

أنا الحمد لله عم حط اللمسات الأخيرة "جداً" بموقع شركة عم ساويه، وهذا الشي تم بمساعدة رب العالمين ومساعدتكون، بس صفيان كم شغلة صغار.

صفحة الـ Contact us:

- هلأ لما نشوف إيميل من الشكل ، هادا بيكون شو؟ بقصد الـPostfix هي محجوزة من الـ Mail Server يلي حاجز عندو أنا (بعتذر إذا عم خبص بس ما عندي فكرة عن الموضوع، تحملوني شوي).

- في حال كان الكلام الفوقاني صح، لازم راسل شركة الاستضافة وآخد منهون عنوان الميل سيرفر والبورت ومعلومات إضافية؟ وبطريقكون، شو لازم يعطوني شركة الاستضافة معلومات؟

- بقدر خلي لما يصل إيميل من شي زبون لهالإيميل تبع الـ support أنو تتحول وجهة الإيميل لإيميل شخصي لصاحب الموقع؟

الـ Database:

أنا شغلي كان عالـ SQL Server Express Edition، في شي تحويلات لازم ساويها لما أرفع الموقع عالسيرفر؟ يعني هنن بيجوز يكون عندون SQL Server نظامي وليس إكسبريس، في شي لازم ساويه؟ (ولي شو بكره شغلة تلبيق الإصدارات).

الـ References:

استخدمت الـ ASP.NET 4.0 (مع أني مالي محتاج شي كنت من التقنية الجديدة)، بس هلأ بيلزمني حسب ما فهمت أني أرفع بعض الـdlls، وأكيد ملفات الـdll تبع الـ Ajax toolkit لازم ينرفعو، مو؟ ولا مو مو؟

شكراً يا شباب، تحياتي....... وادعولي

سلام

أي Host بيجي معو Mail Server راكب جاهز فما في داعي تحكي معن على شي ، انت بتحط الايميل يلي بيناسبك وكلمة المرور يلي بتناسبك وفيك تعطي ايميلات ليلي بيناسبوك كمان

فيك تعمل Forward ؟ هادا حسب الميل يلي فوق اذا فيو هالميزة ولا لأ.

دائما من الصغير للكبير ما في اي مشكلة ، المشكلة بتظهر لما تكون فوق وعم تنزل

ما شفت في Host بيعطي أكتر من ال .net 2  وهالقصة بالذات بدها تعزبك شوي ( عالأغلب صار ممكن تلاقي 3.5 )  ، خصوصي حسب "ما سمعت" مع Go Daddy Host.

بالتوفيق أخي هاشم.

شكراً كتير محمد الله يجزيك الخير..

طيب بالـ Web.config ما لازم زودو بالـ smtp Server والـ Port تبعو؟ (مرة تانية: تحملني شوي مالي كتير فهمان تركيبة السيرفر).

بس أنا مستخدم Linq، بيصفى أني أنسخ الـ Assemblies للسيرفر، أليس كذلك؟

أنذر كويستشن: في شي Host site مجاني مجربينو أنتو؟ بس لأعمل شوية تجارب؟ في للـ php مليان!

وشكراً يا شباب، جُزيتم خيراً

لحظة يا جماعة من سنتين كان في هوستات asp.net 3.5، هلأ العالم عم تحكي عن مدى توافر الـ 4 وانو في شركات صارت عم تنقل عليها

مليان عالانترنت ما بتصور تلاقي مشكلة بهالموضوع شوف هون مثلا

http://www.hostexcellence.com/index.php/v2/pages.packages

طبعا متل ما قلتلك بتلاقي كتير بس انا هاد مشترك فيه مشان عطيتك ياه...

ومشان المجاني يمكن كان aspspider.info يعطيك تجريبي لمدة جيدة و ASP.NET 4 بس طبعا الميزات قليلة شوي عالعموم جيد جدا للتجريب وهي الرابط

http://www.aspspider.com

بس بدك ترجع تتأكد، ما بعرف اذا لهلأ عم يعطوا فترة مجانية

شكراً أخي.... حجرب فوراً وبشوف، يعطيك العافية.

تعديل:

مشي الحال سجلت، بس للأسف حالياً ما في صلاحيات لإنشاء موقع جديد بشكل مؤقت..... خلص بدبر أموري... مشكورين

بس بكل الأحوال بنصحك طالما بدك تشتري ولسا ما اعتمدت خدلك نظرة على Amazon Web Services لأنو برأيي هي الخيار الأمثل حالياً وكلشي فيها مميز (على كفالتي   )

طبعاً:

<system.net>

	<mailSettings>

		<smtp>

			<network host="Host name" port="25" userName="Username" password="password" />

		</smtp>

	</mailSettings>

</system.net>

صحيح نسيت قللك, هدول جماعة ASP Spider مقطوع الأمل منهم من زمان, شوف هدول أحسنلك: http://www.brinkster.com/hosting/FreeDeveloper.aspx بس هدول عندهم .NET 3.0 مو 3.5 بس بعتقد بيمشي حالك, أنت جرب ما بتخسر شي

شكراً..... عُلِم

مين سمير؟!!

كمان شكراً... بشوفهون إن شاء الله، بس شوي انشغلت للأسف.. (شو مشان كنت 4، ومبارح نزلت للـ3.5، وهلأ عم تقلي 3)

شكراً شباب، عم عذبكون..

قصدو إذا ما كنت آخد سيرفر خاص فيك Dedicated ما بتقدر (تقريبا دائما) انك تعدل بالبرامج الموجودة عالسيرفر...

مشان هيك نصحتك بالـ AWS

وبصراحة أنا بس يخلص اشتراكي آخر السنة مع الـ host الحالي رح الغي الحساب واعمل حساب AWS لأنو بقدملك كلشي ممكن تفكر فيه بالإضافة انو أرخص بكتير

السلام عليكم....

شو التغييرات يلي لازم تطرأ على الـ ConnectionString قبل الـ Deploying ؟

عم تطلعلي رسالة الـ Runtime Error التالية:

A network-related or instance-specific error occurred while establishing a connection to SQL Server. The server was not found or was not accessible. Verify that the instance name is correct and that SQL Server is configured to allow remote connections. (provider: SQL Network Interfaces, error: 26 - Error Locating Server/Instance Specified)

يا هل ترى، اسم السيرفر حاططوا غلط؟ من وين بدي جيبو؟ بحبشت بالـ Help تبع الكونترول بانيل ما لقيت شي مفيد!.

يا ترى الـ ConnectionString تبع الـ ASPNET مو موجود؟ مبلا موجود، تأكدت منو!

يا ترى شغلة Authentication ؟

غوغلت كتير، فتت بالكثير من الحيطان ما عم يمشي الحال!

(بالمناسبة، بالـ ConnectionStrings يلي عندي، خانة الـ Data Source = ./SQLEXPRESS، هون الخلل شي؟)

حبذا لو تساعدوني بسرعة وممنونكون