مرحبا
انا طالبة متخرجة من الثانوية السعودية و جيت ع سوريا مشان الجامعة ( وعضوة جديدة كمان ) وبدي آخد رايكن
طبعا بتعرفو اللي دارس بالسعودية كيف بيعاملوه متل الأمي اللي عم يتفضلوا عليه ويدرسوه جامعة وحسيت كل تعبي بدراستي راح عالفاضي علما انو نسبتي عالية وبتعبي والله
المهم انه بعد ما قدمت ع جميع المفاضلات وماطلعلي شي غير تجارة واقتصاد ( ياللي هي اختيار ) طلعت مفاضلة السوري غير المقيم من يومين وطلعلي هندسة حواسيب واتمتة
قريت عنها كتير
بس اللي بدي اعرفه شو مستقبلها وو هل هي مطلوبة كتير او لا وو شو المواد اللي بتندرس فيا ؟
وكتير قالولي اذا بدك تدرسي فرع بيتعلق بالكمبيوتر فا افضلك الجامعات الخاصة ! هل هالشي صحيح ؟!
بدي راي اللي دارسين بجامعة دمشق و اللي دارسين بالخاصة
وبشكل عام هل الخاصة معترف فيها بسوريا وخارج سوريا ؟؟
اذا ضليت بدون اجابة رح ضل بدون دراسة فا ياريت تساعدوني 
مافي نصيحة شخصية ؟! 
وسوري ما بقصد شي الجامعة بتجنننن بناء ونظافة وكل شي