CSC-SY

حدا بيعرف شي مواقع مفيدة لمادة بحوث العمليات
يعني Gragh theory && linear programing

if ( Graph Theory == 1 )
{
     Thank you;
     I want abook about Samplex if you know, please;
} 

روق يا عم وهي ما في سامبليكس بفحص العملي و بالنظري لهلأ ما بلش فيها السيد وائل خنسا فشو توقعاتكم لفحص بحوث العمليات؟؟؟؟!!!!!

كتب hamdi:

روق يا عم وهي ما في سامبليكس بفحص العملي و بالنظري لهلأ ما بلش فيها السيد وائل خنسا فشو توقعاتكم لفحص بحوث العمليات؟؟؟؟!!!!!

معقولة؟؟؟؟؟؟!!!!!!!!!!!!!
ليش شو عم تاخدو بالنظري لحتى ما بلشتو فيها اسا؟

قولوا الله يكون بعوننا أحسن شي
يعني أول أربع محاضرات بالنظري ضاعوا على مفاهيم ومبادىء و حكي فاضي وبعدين بلش الجد وخلصنا قسم البيان بطلوع الروح وهلق بجوز نلحق نخلص البرمجة الخطية بس كله شلف وعالسريع
أما بالنسبة للعملي فالأستاذ مفكر انو نحن عم ندرس عملي بس مشان نقدم لفحص العملي ونسيان إنو إذا ما حلينا مسائل برمجة خطية ما رح ننجح بالنظري وقال هالشي لمصلحتنا ( وقال شو عليه السنة القادمة ما منعطيكم بيان ومنعطيكم برمجة خطية يعني فعلاً كلام بخلي الواحد يتفائل ) وحتى قسم البيان يلي أخذناه ما بيجي قد ربع يلي لازم ينعطى
فلو ماكان بدي رفع هالمادة وأخلص منها كنت تركتها ودرستها منيح الدورة القادمة
يعني رح ندرس هالمادة كلها لحالنا وبخمس أيام

أولا أخ رأفت مو غلط أنكم تاخدوا مفاهيم نظرية ...

وسمعت أنو الدكتور صحيح صعب المراس بس يعني على الأقل عم تاخدوا شي بالمادة

بعدين ماصار شي يعملكم محاضرات اضافية متل مابيساوا كل مرة شو عليه ماحدا أحسن من حدا

هلأ بغض النظر عن شو عم بيصير فنحنا بنحسدكم لأنو كلن في مادة اسمها بحوث عمليات عم تاخدوها

لأنو فيك تسأل الناس اللي اخدوا المادة من قبل كيف كانت وكيف هلأ صارت ...

وأخيرا الله يعينا جميع على بلوانا ......

يعني ما بعرف شو بدي قلك
ما عم اقدر اتخيل شو المبادئ والمفاهيم اللي بدا أربع محاضرات ....يعني عن شو كان عم يعطي مثلاً؟

نحن أخدنا البيان بمحاضرة وحدة ...
حتى أنو أخدنا السيمبلكس المعدلة فوراً .... وخلصنا البرمجة الصحيحة كمان ........
حالياً .... موصلين لـ"مسائل النقل" ....

كتب rima:

كتب hamdi:

روق يا عم وهي ما في سامبليكس بفحص العملي و بالنظري لهلأ ما بلش فيها السيد وائل خنسا فشو توقعاتكم لفحص بحوث العمليات؟؟؟؟!!!!!

معقولة؟؟؟؟؟؟!!!!!!!!!!!!!
ليش شو عم تاخدو بالنظري لحتى ما بلشتو فيها اسا؟

آخر محاضرة حضرتلو ياها للدكتور وائل روح نص ساعة وهو عم يشرح للطلاب ال(conception ( تبع التقاطع!!!!!!
وعم يسأل إذا كان عنصر ينتمي للتقاطع شو يعني مما أثار دهشة الطلاب وعدم معرفتهم ما المطلوب بدقة ويا حزركم شو كان الجواب ؟؟؟؟!!!!

الجواب يا سادة كان انو إذا عنصر ينتمي إلى تقاطع مجموعتين فهو ينتمي إلى كل
من المجموعتين

وأترك لكم أن تتخيلوا ردود الأفعال التي تركت على وجوه الطلاب بعد معرفتهم للجواب الصعـــــــــــــب

بصراحة الدكتور وائل أصاب بطريقة اعطاء المادة بس أخطأ كتير بطريقة تنظيم المحاضرات .
علماً أنو هو أول من بدأ بالأعطاء .!
ما بتصور أنو قسم الـGraph Theory بدو كل هالوقت , بس الدكتور حب يأبحر شوي بالموضوع , و كمان ما بتصور أنو هالقسم بيخلص بمحاضرة وحدة (متل ما عم تقولو.)
تصورو أنو عطانا أسماء ل 7 مراجع أجنبية 3 منها باللغة الفرنسية و كل واحد بيموت زلمة اذا بتضربو فيه.
بالنهاية الدكتور وائل معروف بطريقة تفكيرو , و عندو خلفية علمية ضخمة , و هو أحد الأساتذة المرموقين بمركز البحوث , و الي بيرفع المادة عندو مو متل الي بيرفعها عند غيرو .

كتب rima:

يعني ما بعرف شو بدي قلك
ما عم اقدر اتخيل شو المبادئ والمفاهيم اللي بدا أربع محاضرات ....يعني عن شو كان عم يعطي مثلاً؟

نحن أخدنا البيان بمحاضرة وحدة ...
حتى أنو أخدنا السيمبلكس المعدلة فوراً .... وخلصنا البرمجة الصحيحة كمان ........
حالياً .... موصلين لـ"مسائل النقل" ....

طيب من وين عم تدرسو simplex اذا في شي الكتروني يا ريت تفيدونا فيه .

انت الصادق اللي بياخد المادة عندوا مو متل اللي بياخدها عن غيروا

أنتو الظاهر أنكون أخدين البيانات كأداة نمذجة رياضية و بس.
موضوع الـGraph Theory واسع نوعاً ما , بس اقتصرت دراستنا عالتالي :
1- تعاريف و أساسيات في البيانات .
2- خوارزميات التجول في بيان .
3- شجرة المسح الصغرى MST و الفرز الطبولوجي.
4- خوارزميات ايجاد أقصر الطرق في بيان .

بتصور أنكون أخدين هيك شي بالخوارزميات 2 !

هالملف بيوضح الخطوط الرئيسية ببحوث العمليات و بيتطرق لـSimplex بشكل جيد :

http://universalt.bizhat.com/miscfr.htm

بتوقع أنو سلايدات الدكتور عماد مصطفى الموجودين في الموقع كافية بالنسبة لسامليكس

بس المهم باقي القصص والخوارزميات لأنو المسائل يلي بيجيبها مو سهلة أبداً

الله يستر

أستاذ عملي البحوث نزل كم ملف على Graph theory و قال انها بتغطي المطلوب.
الرابط :
http://www.geocities.com/phiras84/algo/GraphTheory.zip

والله الملفات حلوين بس المشكلة إنو كل كلمة مكتوبة بدها تفكير ساعة لأنو ممكن تتحول لبرهان رياضي وبتفوت بحلقة لا نهائية من البراهين وما بتعود ولا خوارزمية من خوارزميات البيان بتخلصك من حلقة البراهين يلي فتت فيها
مع إنها كلها مفهومة تقريباً بس الله يستر

thank you any way
i have got abook about it

brother would you please give it to us (if it is ebook )

what do you think about the exam Today
I think it is ok
altho the questions are easy and the time is not enough
but : : :

الحقيقة الكتاب مانو إلكتروني للأسف
أما بالنسبة للفحص فماكنت متوقع تكون الأسئلة هيك
بس المشكلة إنو السؤال الثاني مومفهوم أبداً والوقت غير كافي يعني لازم تستغني عن شي سؤال
بس قلنا المهندس إنو رح يختار سؤالين بس ويحط عليهم العلامة ونحن منقول إنشاء الله يعمل متل ما عم يقول

الأسئلة أبداً مانا صعبة بس كان بدها 10 دقايق تانية .
و طبعاً بالنسبة للسؤال الثالث فضليت 1/4 ساعة لحتا فهمت شو بدو الأفندي, قام طلع السؤال التاني أسهل سؤال بس يبدو أنو الاستاذ ما حبكت الترجمة معو منيح .
أنا بتمنى أنو يحذف الطلبين (1.5,1.6) لأنو أغلب الطلاب مو حالينون و أنا منون طبعاً .

لقد شد انتباهي هذا الموفع ولحبي الشديد بمادة بحوث العمليات انتميت له لذا ارجو من الجمبع مساعدتي وارسال المعلومات عن هذا العلم مهما كانت صغيرة مع الشكر

هاااااي شباب وصبايا انا بنصحكم فيها الماده هي من كتير حلوه وممتعه وعلى فكره انا عم اعمل مشروع التخرج تبعي عن بحوث عمليات في برمجه الخطيه فياريت اي معلومات تبعتولي ياها واذا اي حدا عنده مشكله فيها يخبرني انا انشاء الله بحللو ياها اوكي باااااااااااي

هذا الرابط في كل شي عن بحوث عمليات وبذات عن البرمجه الخطيه وشبكات وكتير اشيا انشاء الله بتقدروا تستفيدوا منه

http://www.me.utexas.edu/~jensen/ORMM/frontpage/contents/methods.html

أصدقائي
عندي برنامج رهيب بالبرمجة الخطية بما يخص semplex
بس ما عم أعرف فك الريجستري تبعو
بالمناسبة البرمجة الخطية كتير مهمة بالصناعة النسيجية
لأنو نحنا مهندسين النسيج <مدراء الإنتاج في معا مل النسيج> بيكون عنا أكتر من صنف
بأكتر من مواصفة وكل هل الأصناف مطلوبة بالسوق بس بنفس الوقت كل صنف ألو ربح مختلف وبستهلك إنتاجية مختلفة على الألة
على كل أنا مهتم جدا بالبرمجة الخطية
يلي بيحب يتواصل معي على الأميل nwylatii@gmail.com
إذا ممكن كتاب حول استخدامات Excel بهلمجال
سلام