كتب stormrider: يعني يا ridaa78 ألف كلمة شكر ما بتكفي على هالمعلومات البالغة القيمة 
لا شكر على واجب مو لحنا ولاد بلد واحد الشام الحبيبة(المقصودبالشام كل سوريا  ) ح جاوبك بعد ماكمل الحل التاني 
هلق بالنسبة للماستر ميزتو الاساسية انو مابتعدل شي بتجيب شهادتك و بتبلش دغري بالماستر و في ميزة تانية انو ممكن تدرس بالانكليزي بس انا بعتبرها سيئة ليش
لانو خيارات موضوعات الماستر كتير قليلة بالانكليزي بالمقارنة اذا كانت بالالماني
ولانو انت المفروض مع الدراسة تشتغل و الافضل بمجالك و هالشي صعب كتير اذا لغتك مو قوية
ولانو المعيشة هون بتحتاج اللغة لانو هون الناس بيحبو لغتون وبيفتخروا فيها (مو متل عنا هاي و باي ووو) يعني لتستفيد من اقامتك هون لازم تحتك  بالناس بعني لغة
هلق بالنسبة لاسئلة stormrider 
ا متحان ال DSHلازم يكون معك ساعات لغة بين 400-600 ساعة ليحقلك تعملو
اما امتحان الTestdaf ف مو شرط يكون معك اي ساعة لغة هالحكي نظريا لانو اذا معك اقل من 600 ساعة ما رح تنجح و سمعت انو بحلب فيك تساويه و نصيحة هامة لاتطلع لتنجح بهاد الامتحان هالحكي من الخبرة و تجارب الاخرين
يعني ياstormrider اذا معك هي الشهادة ما بدك اي ساعة لغة بالمانيا بتدرس مباشرة
بالنسبة للمواد هون الدراسة مقسمة لمرحلتين
1-المرحلة التاسيسية( Grundstudium) و بدها بتاخد شهادة اسمها(Vordiplom)
2-المرحلة الاساسية(Hauptstudium) و بدها بتاخد شهادتك الرئيسية ( Diplom)
هلق اذا في عندك مادة من المرحلة التاسيسية لازم تنجح فيها لتبدا بالمواد تبع -المرحلة الاساسية
يعني نظريا ممكن بفصل واحد تقدم كل المواد اللي عليك من المرحلة التاسيسية
و فصل تاني بقدم كل المواد الباقية
هون النظام بتقدم قد مابدك مواد ومن اي فصل هالحكي نظريا
و عمليا انت و شطارتك بتخلص المواد اللي عليك
شو اللي لازم تعدلو هاد بيرجع للجامعة هية بتقرر  :
بعات وراقك للجامعة و شوف شو بيعترفو من مواد :
ان شاء الله كون عطيتكم معلومات كافية 
واذا بدكم اي سؤال انا جاهز
و امانة سلمولي ع الشام انا كتير مشتاقلها و بحبها 
ان شاء الله اقدر انزل بالصيف 
يلا سلام 
|
أرسل من قبل 
