CSC-SY

اليوم صار فيني نام بسهولة ..ما بس أنا لأ الكل صار فينو ينام بسهولة حطو أيديكم وأجريكن بمي باردة (لك روحو متلجة) اليوم تم نشر برامج التعليم المفتوح في الهندسة المعلوماتية وبصراحة هنن لوحدن فشولي خلقي الأصح أنن كانوا لازم يسموا الفرع مدخل إلى الهندسة المعلوماتية بس التجارة شطارة متل مامنعرف تفضلوا شوفوا هل المعلومات وأنتوا حكموا بنفسكم.. طبعا أنا حطيت برامج السنة الأولى فقط بس اطلعت على بقية السنوات ورح اكتبها لاحقا(كما وردت في لوحة الإعلانات): جامعة القاهرة-برامج التعليم المفتوح-بكالوريوس هندسة الحاسوب والمعلومات المستوى الأول (يعني السنة الأولى): وهي عشر مواد على فصلين:

الفصل الأول: انكليزي-مبادئ الاقتصاد-رياضيات 1-مقدمة في الحاسبات-مهارات الاتصال والتفاوض الفصل الثاني : تفكير ابداعي-إحصاء واحتمالات 1-برمجة الحاسبات 1-تصميم منطقي-أساسيات نظم المعلومات أما بالنسبة للسنوات الباقية فاللي بتذكرو أنو كان في مبادئ المحاسبة-التجارة الالكترونية-تكنولوجيا الانترنت-إدارة المشاريع على كل حال أحسن شي كان موجود هو هندسة البرمجيات 1 وهندسة البرمجيات 2 ونظم تشغيل أما الشي الغريب أنو في مواد مهمة مختفية من التعليم المفتوح وأبرزها (اللي بعرفن):الخوارزميات وبنى المعطيات1 الخوارزميات وبنى المعطيات 2-برمجة 1-برمجة 2-اللغات الصورية-الرسم الهندسي باستخدام الحاسوب الذكاء الصنعي-جبر بول -الفيزياء بكل أنواعها-لغات البرمجة بكل أنواعها(مواد البرمجة)..إلخ .... واللي بخلي الواحد يضحك أكتر من هيك أنو أول أربع سنين مافي اختصاص والاختصاص هو بالسنة الخامسة بس وفيه اختصاصين فقط هندسة البرمجيات والتاني نظم المعلومات يعني مافي لاشبكات ولاذكاء صنعي لك حتى هندسة البرمجيات اللي عم يحكوا عنها متل ماقلتلكن ماإلها علاقة بشي أسمو علم الفرع اللي فتحوه شبيه شوي بالفرع الموجود بحلب تبع الحاسوب ونظم المعلومات في الاقتصاد والإدارة أظن هيك مابقا في حدا بقول أنو هل القرار رح يطور المعلوماتية بسوريا ...بتمنى من يللي عندهن معلومات إضافية يكتبوها واللي عندو برامج السنوات الباقية يكتبها قبل مااكتبها أنا... والسلام وأحلى التحيات ألكم....

مهزلـــــــــــــــــــــــــــــــــــــــــــــــــــــــــــــــــــــــــــة واضحة

بس المشكلة اذا بكرا تخرجوا وعنجد عطوهون شهادة هندسة كالجامعات العادية

لا أنا ولا غيري عم نطلق أحكام مسبقة بس في شي أسمو منطق وعقل وتفكير واقعي
شو رأيك يحذفولك من منهاجك كل المواد اللي ذكرتا سابقا وعلى فكرة ضيف عليهن البرمجة التفرعية ونظم الزمن الحقيقي وبحوث
العمليات شو رأيك ساعتها؟ رح يضل أسمك مهندس معلوماتية بس أظن مارح يكون إلك علاقة فيها لامن قريب ولامن بعيد
بعدين معلوماتية بلا عملي ؟ أحسبها بالعقل ؟
وعلى فكرة يعني في عالم بتقول أنو مافي فرق بين معلم الباطون والمهندس المدني وكمان بتروح أبعد من هيك يعني بتخلي
الدجال اللي بيوصف أعشاب للناس أفهم من مية دكتور فياريت لما تكتب ..تكتب رأيك المنطقي وماتتبع قاعدة خالف تعرف
والسلام..

كتب foaad:

كتب Renwar:

بس ما عرفت شو بيدرسو بالتفكير الابداعي !! عندك فكرة ؟ ..

بجوز بيدرسون كيف يتخلصوا من الأفكار المتحجرة و ما يطلقوا أحكام مسبقة

لا أنا ولا غيري عم نطلق أحكام مسبقة بس في شي أسمو منطق وعقل وتفكير واقعي
شو رأيك يحذفولك من منهاجك كل المواد اللي ذكرتا سابقا وعلى فكرة ضيف عليهن البرمجة التفرعية ونظم الزمن الحقيقي وبحوث العمليات شو رأيك ساعتها؟ رح يضل أسمك مهندس معلوماتية بس أظن مارح يكون إلك علاقة فيها لامن قريب ولامن بعيد بعدين معلوماتية بلا عملي ؟ أحسبها بالعقل ؟
وعلى فكرة يعني في عالم بتقول أنو مافي فرق بين معلم الباطون والمهندس المدني وكمان بتروح أبعد من هيك يعني بتخلي الدجال اللي بيوصف أعشاب للناس أفهم من مية دكتور فياريت لما تكتب ..تكتب رأيك المنطقي وماتتبع قاعدة خالف تعرف
والسلام..

لك ليش عم تحكوا عالعالم

بدكم رأيي بصراحة .....

عن جد منيح أنو رح يعطوهم هالمواد اللي انذكرت يعني شو بدك تتوقع أكتر من هيك بما أ،و مافي حصص عملي 

على الأقل بيصيروا بالجو ..... 

بدك تطول بالك شوي يا مهندس سوني
عن طريق الصدفة شفت مشاركتك وحكيك عن التعليم المفتوح
و ماني عرفان ليش مزعوج ومتدايق من هالموضوع
برأيك أنو المعلوماتية لازم تكون حكر على طلاب الكلية بس???????????????
أنا بعرف عالم ليسوا من خريجي معلوماتية بس فهمانين كتير
وبالنهاية دراستنا عبارة عن جهد شخصي والكلية بالأخير مانا عم تقدملك شي
أنت عم تقول أنو ماعندن عملي
بس أنت فيك تكون نايم بحصة العملي
أو تنسخ الوظيفة من شي رفيق
و هذا كتير وارد وعم بيصير
لذلك المشكلة مو مشكلة المخبر يللي رح تاخذ في الجلسة و انما بالطالب يللي مانو داير بالو على حالو
يعني يمكن يكون طالب من يللي عم تنتقدهم أفهم بكتير من طالب مبروز شهادة على الحيط
ولا تاكل هم من هلق لأنو هيك هيك بيجوز ماتلاقي شغل بس تتخرج

أنا بوافقك أنو الاختصاص لازم يكون للمؤهل
بس اذا بتستعرض مسيرتك الدراسية ما رح تلاقي أساس معلوماتي فيها
في البلاد الأوربية إذا بدك تحكي عن شي اسمو تأهيل
يبدأ الطالب من المرحلة الثانوية باختيار الاختصاص يللي بيحبو يعني
يللي بيحب الرياضيات بيركز على مواد خاصة بهالمجال
وبيكمل اختصاص تجارة و اقتصاد مثلا وبيقدر ينجح فيه
وهيك فينك تقول أنو في عندو أساس

صار لازم نتفاهم ياجماعة ونوصل لقناعة مشتركة انتظروني بعد شوي
وياريت تزوروا هل الموضوع كل يوم لتعرفوا كل شي جديد

خليني أشرحلكن شغلة
النقطة اللي كلياتنا متفقين عليها أنو الكلية وحدها مانا كافية ولازم يكون في جهد شخصي خارج
الكلية حلو كتير خلينا انبلش من هون لحتى نتفق كلياتنا على الأقل 80%
هلق إذا كان عنا خريج هندسة مدني ومعلم باطون وخلينا نفرض جدلا أنو الاتنين فهمانين نفس الشي
فينكون تقلولي شو الفرق بيناتون؟
البعض هون عم يقول أنو مافي فرق مهون المصيبة يللي عم أحكي عنها يعني المهندس المدني
ومعلم الباطون اتنيناتون بيعرفوا يبنوا بناية بس واحد على أساس علمي والتاني على مبدأ ماحدا أحسن
من حدا .
بعدين بالنسبة للمعلوماتية بالإضافة للحكي اللي حكيتوا عن منهاج التعليم المفتوح شو الفرق بين مهندس المعلوماتية النظامي يللي آخد مواد زيادة كتير وبين طالب التعليم المفتوح؟
أنا رح جاوب يعني كيف بتخرج مهندس معلوماتية وماآخد برمجة تفرعية؟ ولا لغات صورية ولاخوارزميات ولالغات برمجة ولابحوث عمليات ولا هندسة برمجيات3 ..إلخ
يعني مين برأيو أنو المواد السلبقة ماإلها طعمة؟ يللي رأيو أنو المواد السابقة ماإلها طعمة فيسمحلي قلو أنو ماعم يعرف شو عم يحكي؟
كمان كيف عم يفصلو هندسة البرمجيات عن نظم المعلومات وحطو كل وحدة اختصاص والاختصاص سنة واحدة فقط ياريت تعلقوا على الكلام اللي ذكرتوا ولو ماعجبكن.....

حدا يرد شو عم أحكي مع حالي

يعني انت حكيت ووفيت اوانا موافق معك بكتير شغلات ..

يعني اللي مخلص البكالوريا مدري كيف وحابب يفوت شو مكان واجتو شغلة المعلوماتية (التعليم المفتوح) ..
او اللي فايت تعليم مفتوح عأساس يدرس منهاجو ويتخرج مهندس متلنا ..
بكونو عم يحلمو ..

اما اللي فهمان كتير بالكمبيوتر وبالبرمجة وظروفو ما سمحتلو (يفوت جامعة نظامية) وفات تعليم مفتوح
واعتمد عحالو بتوقع انو عندو امل كبير يكون ناجح كتير وخاصة من الناحية العملية ..

حتى المواد اللي مو موجودة بالتعليم المفتوح ممكن تكون مهمة بس مو اساسية ..
يعني نحن مثلا عم ناخد خوارزميات مشان نفهم البرمجة بشكل كتير كويس ..
بس هادا اللي بحب البرمجة كتير من هو صغير بكون فهمان الخوارزميات وهيك
هو بوصل للنتيجة نفسا بس بغير طريقة ..

مثلا بيل غيتس درس حقوق (بعدين تركها)
وكان عبقري كتير بالبرمجة من شغلو عحالو مو من دراستو او المواد اللي كان عم ياخدها ..

بعدين كأنك سنة تانية بتشرين ؟؟

شو بلشت يالتالتة ؟؟
يعني شو لغات صورية وبحوث عمليات ما ترك شي ما بتعرفو..

صح ولكن:
uses wincrt;
var i:integer;
begin
i:=1;
repeat
writeln('كم نسبة هدول بسوريا');
until i=5;
end.
كل ماخلص تنفيذ البرنامج مرة (؟؟)منضيف واحد على أمثال بيل جيتس يللي بسوريا
وفهمك كفاية......

i:=1;
repeat
writeln('كم نسبة هدول بسوريا');
until i=5;

هي حلقة لانهائية ..
نسيت تزيد واحد للi يا صاحبي ..

للأسف
معظم الذين يدافعون عن هذه الفكرة الاحتكارية , لايعرفون أن يكتبوا برنامج جيد .
ولايملكون سوى شهادة ورقية ممهورة بختم يظنون أنه يعطيها المصداقيه ..

وبرنامج بالباسكال كمان ..
بس ليش حاط 5 ؟
(بضل لا نهائية مع اي رقم ماعدا الواحد)

هو البرنامج ما بخلص ابدا ..
بس اللي عم احكي عنهون موجودين ..

يعني اذا كنت سنة تانية لازم تكون تعرفو ل (ي .ب)
اخد جائزة عمستوى الوطن العربي بالبرمجة ورايح عاليابان السنة الجاي ..

اما بالجامعة فحامل 4 مواد ..

سوني بدو ياها حلقة لانهائية ..
يعني برنامجو صح ..

منيح فهمتو علي
أما بالنسبة ليش حاطت خمسة فحبيت تكون على عدد سنوات المعلوماتية

ماكنت حابب توصل لهون بس هادا يللي صار....
هيدي رجعتي من أحد مقاهي الانترنت وياريت مارحت لحتى ماينسم بدني على الكلام يللي سمعتو
أنا ماكنت حابب أكتب هل المشاركة بس ماقدرت أضبط حالي وآسف يمكن كبر كلام شوي...
تفضلوا اسمعوا....
طالب معلوماتية تعليم مفتوح يقول"فرعنا أحسن من النظامي لأنو هنن مابيفهمو شي بالمعلوماتية وكل فرعنارياضيات وبس"
أنا رح قول"مالحق عليك.. صارت فرصة لتاكلونا بلا عضم ياكـ..."
مع الأسف ..اللي خايف منو صار ..
بسيطة منتحاسب بعد التخرج ومنشوف مين الأحسن ومين الأسوأ ..........
لاحول ولاقوة إلا بالله...
آسف من أصدقائي بالمنتدى على كلامي الغير لائق....

طول بالك اخي Sony
ليش لتعصب وتنحمق.............شوف المنطق شو بيحكي
بس لاتقولولي الجامعات الخاصة متل المفتوح...منزعل نحنا بعدين
لاني جمعت 221 بعد مارحلي 15 علامة بالعربي

وشو بدك بهالعالم صرلا فرصة صغيرة تعرض حالا قام ما اكتفت بالعرض وبس بل شافت حالا احسن الناس

و الله معك حق أخي Sony بهالكلي يلي حكتوا ......و أنا متابع لموضوع التعليم المفتوح من أول ما انحكى فيو...و معك  في أكثر مواقفك ...

بس هالشيء يلي صار كلو ناجم عن جهل الناس بالفرع الجديد ....

وبما أنو فرع جديد .... كل الشباب العاطلة عن العمل ..... صار عندها فضول لحتى تتطلع على هالعلم .....

فصار أي واحد بدو يتعلم الكمبيوتر و المعلوماتية ..... و لسه ما بيلحق بدخلوا على كم موقع الانترنت و يقرأ شيء مقال فيه كم معلومة مفيدة إلا بيقول عن حالو صار معلم كمبيوتر ...... و بساويها صنعتوا ....

هادا الشي طبعاً مو مبشر؟؟؟؟ أبداً .... لأنو إذا تمت هالنظرة الغلط عن علم الكمبيوتر .... ما رح نتطور أبداً..

أنا متأكد أنو القلائل جداً يلي رح يدخلوا هذا الفرع في التعليم المفتوح ..... رح ينجحوا ...  و رح يمشي حالهن بس بعد ما بيكونوا تعبوا على حالهم بشكل كبير......

بس سمعت أنو هالفرع خاصة في التعليم المفتوح مدعوم أكتر شيء .... يعني على المادة 6000 بخلاف باقي الفروع يلي هي بـ 3000 و كمان بدهن نسبة 70% من المجموع بتع البكالوريا .... و كمان بيقبلوا طلاب معهد الكمبيوتر يلي معدلهن أكتر من 60% يعني بيتم هيك عراقيل منيحة ......

بس بدي أسأل أنو اسم الفرع هندسة ..؟؟؟؟؟ يعني 5 سنين .؟؟؟؟

بالأخير هالشيء لازم يكون حافز إلنا لحتى نشتغل بشكل كبير ... لحتى ما نخلي لصاحبك تبع المقهى أي وجه يحكي فيه .....

 وهنن بتم اسمهن مفتوح .......بأه لا تاكل هم أبداً .... شهادتك بتم أقوى من أي شهادة تانية....

أخي سوني ليش ما كتبت باقي المواد ياريت بس لنشوف المواد الكاملة لكل السنين أنا ما شفت غير مواد أول سنة و هي مواد عادية كتير موجودة بأي جامعة أو معهد