CSC-SY

1) الغاء المنتدى العام فكرة غير حسنة...ممكن اذا احتوى المنتدى العام مواضيع دون المستوى فلازم تنحذف

2) انا معي هالشي

3)الشق الاول انا معك.....والشق التاني كمان.....بس حاسس في تمييز مدري ليش؟؟!!

4)هاد يلي لازم يصير....يعني مو اي واحد لازم يكون عضو فعال (حتى ولو كنت انا) ..وكل هاد من اجل الحفاظ على السوية العلية للموقع

 

اتمنى كل خير 

3) ﻷنو الهدف الأساسي من الموقع هو الفائدة العلمية، ما التسلية، لهيك التسلية مانا حق عام و إنما مكتسب للمشاركين الفعالين.

بالنسبة لإلغاء المنتدى العام مابأيد هالشي ، بيضل في افكار ومواضيع عامة ومقبولة ممكن إنو تنطرح فيه ، ممكن نزيد عليه الضوابط بشكل أكبر

باقي النقاط جيدة ومقبولة

) نلغي المنتدى العام.

ما بأيد الفكرة بنوب .

2) نخلي مشاركات التسلية للمدونات و منتدى الأعضاء الفعالين.

رح يصير تمييز كتير بين الاعضاء الفعالين ولمو فعالين .

3) نحدث قواعد المنتدى وفقا لهالشي، أي مشاركة غير جدية بالمنتدى تحذف، و الأعضاء الفعالين بس إلون حق ارسال مشاركات تسلية.

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الأعضاء الفعالين .

4) تحديث شروط الانضمام لمجموعة الأعضاء الفعالين بحيث يكون على العضو إضافة عدد معين من المواضيع العلمية للويكي أو المنتدى و المتابعة بشكل دوري (دورو طويل شوي).

حكي واقعي ....                                              ......أبو الخل .

أكيد مع التطوير بالنسبة لقواعد المشاركة و انضمام أعضاء فعالين
أما المنتدى العام فأنا من قيل قلت:

عندي اقتراح مشان الاعضاء الغير فعالين : فينا نزيد حماس العضو للمشاركة العلمية بأنو مقابل عدد معين من المشاركات ((العلمية)) بيقدر يضيف موضوع واحد للمدونة ((بدون ما يكون فعال))و بيتكرر الوضع عند كل رصيد معين للمشاركات المفيدة (( هلأ هاد الشي شوي صعب التطبيق )) بس ما بيمنع انو ممكن اذا لاقت الفكرة استحسان المدراء

أنا كمان من المعارضين لفكرة إلغاء المنتدى العام  ..فكرة Renwar بالنسبة إله مقبولة أكتر ..

التشدد وحذف المشاركات التافهة ضروري بس هيك رح يهلكوا المشرفين و المدراء و هنن عم يركضوا و را الأعضاء و مشاركاتهم .. لذلك أنا مع فكرة طرح مواضيع التسلية من قبل الأعضاء الفعالين بس ... أما المشاركة فيها فتكون عامة ..لأن مستوى الموضوع هوي اللي بيحدد مستوى المشاركات و بيضطروا الأعضاء الغير فعالين يلتزموا بها المستوى ..و هون الأعضاء الفعالين بيتحملوا مسؤولية تجنب المواضيع التافهة .. و بظن لهلا ما صدفت إنه في أعضاء فعالين فتحوا مواضيع تافهة ...

و بظن الكل موافق على تغيير شروط الإنضمام لقائمة الأعضاء الفعالين .. و أنا منهم .. 

برأيي مافي داعي لإلغاء أي منتدى
ببساطة تعديل صغير على قواعد المشاركة متل:
"كافة المشاركات سواء كانت مواضيع علمية أو ترفيهية أو صور أو ملفات أو مدونات... إلخ يجب أن تكون ذات صلة بالمعلوماتية أو الدراسة والطلاب"
بتصير كل المشاركات مفيدة أو مسلية وبدون ماتتعارض مع أهداف الموقع يعني مو معقول الواحد يفوت على موقع اسمه "الهندسة المعلوماتية في سوريا" يلاقي موضع عنوانه "أي فريق كرة قدم تشجع" مثلاً. وبالتالي بظن هالقاعدة كتير مهمة.
أنا كنت طرحت هيك شي مسبقاً هون.

أنا بظن أنو مافي مانع أو ضرر الواحد يلاقي هيك عنوان...لأنو حتى يللي بيدرس معلوماتية ممكن أيضاً بيهتم بالرياضة..فممكن تشوف هيك شي..بس بالمنتدى..
أما في حال الأخبار أو المقالات..فمعك حق 300%

1- الغاء المنتدى العام ماكتير محبذ لأنو بيبقى في مواضيع الها صفة عامة وببساطة فينا نتأكد اذا كان هالمنتدى مفيد ولا لأ من خلال مراجعتنا للمواضيع اللي فيه .

 2- okay بالآضافة لبعض المواضيع اللي ممكن تكون للكل

3- okay 

4- أو اضافة اية مواضيع أو ردود لها علاقة بالمعلوماتية كسؤال عن شي معين (الأعضاء الجدد قد لايكون لديهم الخبرة الكافية لكتابة مواضيع علمية)

في عندي ملاحظة أنو الـ post count  بظن عم يعمل مشاكل مع الناس الجدد يعني بتلاقيهم بس بدون يزيدوا عدد المشاركات كيف ماكان

فلو مثلا يلتغى أو يكون في طريقة للحساب ... يعني بالنهاية مالنا هون لنشوف مين بيكتب بالمنتدى أكتر المهم هو الفائدة اللي ممكن نحصلها بمساعدة بعضنا البعض .

ماني شايف داعي لحذف منتديات وتغييرات جذرية بالقواعد.. بعتقد حذف مواضيع وأحياناً حذف أعضاء بيفي بالغرض.

أنا مع جميع الشروط

بس مع تحفظ على الشرط الأول .... برأيي المنتدى العام ما لازم يتسكر

بتوقع أنو الحل الأفضل يكون بس للأعضاء الفعالين مع قابلية القراءة بالنسبة لباقي الأعضاء  

فكرة جعل المنتدى العام للقراءة فقط لغير الفعالين معقول كمان.

أنا طرحت هي الفكرة لتشجيع الأعضاء الجدد على المشاركة بالمواضيع العلمية (والي ما ضروري تكون مواضيع متخصصة و عالية المستوى، ممكن يكون سؤال أو بداية نقاش ضمن المعلومات الي بيغرفا) و عدم تشجيعون على ارسال المواضيع البلا طعمة كأول مشاركة الون.

ممكن كمان أنو نحسب الـpost count باستثناء بعض المنتديات.

انا رأيي تعملوا المنتدى كلو للأعضاء الفعالين

أنا بقترح أنو حساب الpost count يصير باستثناء بعض المنتديات لحتى يصير العضو أحد الأعضاء الفعالين و بعدين ممكن نتابع حساب الpost count بشكل طبيعي و متل العادة.

أما عن إلغاء المنتدى العام فهاي الفكرة غير واردة لأنو متل ما قالوا الشباب, بيضل في مواضيع عامة لازم ينحكى فيها.

أما عن باقي الشروط فبشوف أنها واردة جداً.

لسا ما بلش التغيير
ايمتا رح يكون؟

أنا  شايف نفس الشي

وانا من نفس الرأي كمان ..

انا برأيي لازم العضاء الفعالين يستفيدو من ميزة تقييم المشاركات و يساعدو الإدارة ...أنا مع فكرة تنقيص مشاركات المنتدى العام من حساب عدد المشاركات و تحديد المشاركات فيه .. إما بعدد معين بالاسبوع أو كنسبة مئوية من مشاركات العضو ككل ...إذا ما بدنا نلغيه

غالباً "قيمة" الموضوع من "قيمة" أول مشاركة فيها، لكن المشاركة الأولى ما بتخضع لميزة الاشراف على التعليقات لذلك الأعضاء الفعالين ما كتير إلهن دور بتقييم المواضيع يللي ما إلها طعمة..