بحثالمحتوياتتسجيل دخولفي الموقع حالياهناك حاليا 4 أعضاء و 26 ضيوف في الموقع.
الأعضاء المتصلون |
هل تؤيد فكرة العمل مع الدراسة ؟أرسل من قبل Abo_Elkhell في السبت, 2006/01/14 - 12:59am.
نعم (بشكل عام) 41% (62 تصويتات) نعم (ضمن مجال الدراسة فقط) 49% (75 تصويتات) لا 8% (12 تصويتات) غير ذلك (يرجى التعليق وتبيان وجهة النظر) 2% (3 تصويتات) إجمالي التصويتات: 152 ( )
 هلق بالنسبة للي بيدرسو برا  نعم (ضمن مجال الدراسة فقط) بس على شرط ما يسبب العمل ضغط اضافي كون ضغط الجامعة (الحمد لله) ما مقصر أبداً و حسب تجربتي الشخصية احتمال التوفيق بهيك شغل كتير قليل بس ممكن  لهيك نصيحة إذا ممكن يتسبب أي شي اضافي بضغط على حساب الجامعة (ما بس شغل) بلاه لاحقين عالدنيا .... المستعجل رح يندم وبالنسبة للتركيز على (ضمن مجال الدراسة فقط) ميشان إذا (لا سمح الله) أثر عالدراسة و أكل من وقت الجامعة يكون هالطالب اكتسب خبرة بالتعامل مع الناس و خبرة عملية بمجال المعلوماتية انشالله بتفيدو بعد التخرج لأنو الحياة العملية بتفرق كتير بالممارسة عن الحكي  الشغل مهم كتير باعتقادي...فشو الفائدة إذا طلع الواحد ملم باختصاصه (أياً كان) و جاهل بالأمور العملية والأخذ والعطاء..ما حيستفيد شي من علمه..  بأيد الشغل يلي الو علاقة بالدراسة  الشغل ضروري سواء كان مضطر الطالب إلو ولا لاء ..مشان يكتسب خبرةبالتعامل مع الناس على أرض الواقع ويقدر يطبق المعلومات اللي عم ياخدها من الكلية بشكل عملي أكتر..بس المشكلة الوحيدة أنو صعب كتيير تلاقي شغل مافي ضغط زيادة خصوصا بمجالنا...  المشكلة أنو ما حدا بيقدر الشغل ... و ما في تنظيم للسوق و لا شركات برمجية جدية .. الشغل ولاّ غيرو أكيد بالدوام رح يعملوا مشاكل 
حسب الفرع ..يعني بظن طلاب الهندسات و الطب و شلتهم ..ما بيكون عندهم وقت متل طلاب الآداب و الحقوق و غيرهم ... و إذا كان في وقت رح يكون على حساب المحاضرات و الدراسة .. لهيك بيبقى وقت الصيف و هاد دوبه الواحد ياخد نفس و يريح .. منكون رجعنا من جديد عالدوام .. بس مع كل هيك حلو الشغل ... برأيي الشخصي أنو العمل يبني شخصية الإنسان بغض النظر إن كان في الاختصاص أو لا.. يعني وقت الواحد بيشتغل بيكتسب خبرة ما لا قليلة أبداً وخصوصاً بالتعامل و التواصل مع الناس، و إذا كان الإنسان مستعد أو مؤهل للعمل ضمن مجال اختصاصه فبيكون أحسن و أحسن. و بيكفي الشعور بأنك قادر على كسب مصروفك أو حتى جزء منه!  العمل خير كله, فهو يمنح الإنسان المعرفة و الحنكة و الدراية, و يوقظ فيه حواسه, و يجعله يشعر بأنه إنسان حقاًَ. جاء في الحديث الشريف: " إن الله يحب العبد المحترف, و إن الله يبغض الصحيح الفارغ ".  أنا واحد من الأشخاص يللي كانت إلهن أكتر من تجربة بالعمل (غير الإختصاصي) .... وفعلاً متل ما قالوا الشباب .... الشغل بيقوي شخصية الشخص وبيخللي يعرف يتعامل مع الشرائح المختلفة من الناس ... بعدين بيخلي الشخص يحس بإنو فعال و منتج بالمجتمع مو عبأ عليه (للمجتمع) ...... الله يوفق الجميع ...... أبو الخل . عجتني كلمة اذا ما في مصاري ما ممكن الواحد يدرس 
نعم ولكن بالنسبة لنا الأفضل لو يكون العمل ضمن مجالنا وبظن أنو الأفضل أنو يكون قبل السنة الرابعة بالذات فقط .....
نعم ولكن بالنسبة لنا الأفضل لو يكون العمل ضمن مجالنا وبظن أنو الأفضل أنو يكون قبل السنة الرابعة بالذات فقط ..... و لا بس لأنو السنين الاولى ممكن تسمح بوقت لهالشي؟  أنا من ناحيتي مع فكرة SG، لأنو شفت حالي كتير مضغوط هالسنة ومن الصعب العمل مع الدراسة، بس في نقطة مهمة، إذا بدي ادرس شو معطي بالكلية بس (حفظ بصم كالببغاء) بنجح .. وفي وقت كمان لأشتغل .. بس إذا بدي حاول طور حالي شوي أكيد ما بكون في وقت ... يا ريت نسمع أكتر من الطلاب اللي عم يشتغلوا وبيدرسوا، وخصوصا الرابع والخامس .. شكرا  أنا رح قلك ببساطة مافيك تشتغل بدوام كامل 8 ساعات (وهاد الشي الي بيطلبوه معظم الشركات) و تداوم 6 ساعات بالكلية وترجع عالبيت تشتغل وظايف ومشاريع و دراسة شي 4 ساعات و تنام 8 ساعات وفي عندك أكتر من ساعتين كل يوم مواصلات
دوام كامل مع الدراسة مستحيل .. هلأ متل ماكنت عم قول بالسنين الثلاثة الأولى ممكن يلاقي الواحد وقت لحتى يشتغل ويطور حالو بس لما يصير بالنسة الرابعة والخامسة ماعاد يلحق فهدول السنتين الضغط فيهم كبير ولو كان دوام جزئي وعلى قولة المثل اسأل المجرب ولا تسأل حكيم . ومتل ماقال derarief مابدنا نحفظ كالببغاوات ..  السلام عليكم أنا الوحيد لهذا الوقت يلي صوت لا لأنو أنا بشتغل وتقريباً مجال كثير بحبو وببدع فيه بس يا أخواني إذا بدك تدام بالكلية وبعدين تروح على المكتب تشتغل حتى لو كم ساعة بس حترجع على البيت ما حتقدر تدرس بالنسبة لي مابعرف مو تعميم أكيد؟ ايش انتو بالعادة بتدرسو باليومي ... ما فيكون توقفو الشغل إيام الفحص (إجازة أو شي) أنا الأسبوع الماضي قدمت C.V على وظيفتين ....... واليوم قدمت على وحدة (عبر النت لأنو اليوم الجمعة والمكاتب مسكرة) ..... و بكرة بدي قدم وحدة رابعة ..... دعولي ....... أبو الخل . أنا الأسبوع الماضي قدمت C.V على وظيفتين واليوم قدمت على وحدة (عبر النت لأنو اليوم الجمعة والمكاتب مسكرة) .....و بكرة بدي قدم وحدة رابعة ..... دعولي ....... أبو الخل . 
اليوم كان عندي مقابلة .... والحمد لله كانت موفقة ........ و لقيت كتير شباب من الكلية (شي متخرج وشي لسا ما تخرج) كتير انبسطت بشوفتهون ............ ورح نباشر العمل عم قريب ........... أبو الخل . طريق الألف ميل بيبدا بخطوة..الله يوفقك يا أبو الخل بس ياريت تشرح أكتر عن نوع الشغل .. هلأ الشغل ضمن مخدم انترنت جديد عنا بالبلد و انشاء الله رح احكيلكون بالتفصيل عن الموضوع ....... بس لحتى باشر العمل ............. أبو الخل .
و انشاء الله رح احكيلكون بالتفصيل عن الموضوع ....... بس لحتى باشر العمل ............. أبو الخل .
كان لازم يكون التصويت : هل تؤيد عمل أبو الخل أم لا .لما تحكيلنا بالتفصيل عن الشغل حاول ما تنسى شي .
|
© 2004-2008 CSC-SY
أنا رأيي اذا كان الشغل ما بيأثر على الدراسة فما في مشكلة ..........
لأنو ممكن يكون الشخص مضطر أو حتى ما عم يلاقي شغل (ضمن نفس الاختصاص) أو لسا ما عندو قدرة إنو يشتغل باختصاصو (السنوات الأولى الدراسية) .......... فليش لأ ..........أبو الخل .