بحثالمحتوياتتسجيل دخولفي الموقع حالياهناك حاليا 4 أعضاء و 22 ضيوف في الموقع.
الأعضاء المتصلون |
اعلان اعتزال أرسل من قبل Nadia في الأربعاء, 2006/01/25 - 1:35pm.
مرحبا هالموقع قدملي كتير كتير, و عرفني على كتير ناس بتشرف و بفخر بمعرفتهم, و أنا كتير كنت سعيدة بتجربتي كمشرفة, حاولت إني قدم فائدة من خلال وجودي كمشرفة, و لفترة كان هالوجود عم يقدم شي و لو بسيط, بس حالياً عم فكر إني اعتزل الاشراف, لإنو بصراحة حاسة إنو ما عم قدم فائدة بوجودي كمشرفة لإني ما عم أعرف استخدم صلاحياتي بالشكل اللازم و الكافي, و برأيي العدد الموجود من المدراء و المشرفين حالياً كافي جداً , و ما عاد في فائدة من إني كون مشرفة. أكيد هالشي ما بيعني نهائياً إني رح انقطع عن الموقع بالعكس, كل الفرق إنو رتبتي بتتغير, و أنا رح ضل شارك و افتح الموقع متل ما كنت عم أعمل حبيت شارككم بإلي عم فكر فيه. ( معلوماتية )
 شكرا باسمي و اسم الموقع لـNadia على جهودا و تعبا معنا بالاشراف، و اكيد متل ما قالت هي رح تبقى مشاركة بالموقع كعضوة فعالة ملاحظة: حذفت المواضيع الخارجة عن الموضوع. شكراً لكم جميعاً  شكرا إلك Nadia على كل جهودك، والحقيقة رح نستفقدلك دوما بمنتدى الإشراف  هلئ نوعية مشاركاتك سواء بمنتدى الرياضيات والخوارزميات بشكل خاص أو بغير منتديات بشكل عام ما بتدل أبداً أنك لازم تتركي الإشراف، ولكن إذا كانت هيدي رغبتك، فشكراً جزيلاً لجهودك.  شكراً إلك Nadia على جهودك وعلى صراحتك, الشي مو بالاشراف أو عدد المشاركات بل بنوعية المشاركات وانت حتى ولو كنت تنقطعي أحياناً عن المشاركة بالموقع بس لما كنت تحضري كان حضورك دوماً فعال ومشاركاتك مفيدة  شكراً جزيلاً Nadia، لوجودك و جهودك خلال كل الفترة السابقة، يللي كنتي فيها و رح تستمري جزء من روح الموقع  عنجد الموقع بيفتخر بوجود متل هيك أعضاء (مو بس الموقع لأ والمجتمع كمان) ...... موفقة Nadia والله يعطيكي ألف عافية ..... أبو الخل .  الله يعطيكي ألف عافية....  شكراً ناديا ... وشكراً لكل المدراء و المشرفين يللي عم يعطوا وقتون لنجاح الموقع و تميزو  أنا كتير انبسطت وقت اللي رجعنا نشوفك بالمنتدى ... و مادامك هلا رح تضلي موجودة ...و لو ماكان كمشرفة ..فما في مشكلة المهم ما نخسرك .. و لو إنه كمان نحن الصبايا خسرنا صوتنا الوحيد بين المشرفين  شكرا للزميلة Nadia لجهودك , و منتمنالك التوفيق و المزيد من المشاركات شكراً كتير كتير لإلكم كلكم 
شكرا Nadia لكل اللي قدمتيه للموقع ومادام هي رغيتك فمارح نقدر نعمل شي . بس أكيد رح تبقى مشاركاتك موجودة . بتمنالك التوفيق . |
© 2004-2008 CSC-SY
أهلاً بـ Nadia المشرفة والعضوة الفعالة.
برأيي قيمة مساهمات العضو دايماً بقيمة مشاركاتو ووجودو المتواصل بالموقع شو ما كانت رتبتو.. لأنو نحنا بموقع علمي بالدرجة الأولى ما بثكنة عسكرية مع أنو كنا على وشك نتحول لثكنة عسكرية بفترة معينة.