CSC-SY

أنا عندي كرت ديجيتال على جهازي و قد قرأت في إحدى صفحات الإنترنت أنه يمكن إستقبال الإنترنت المجاني عن طريق الأقمر الصاعية و بسرعة هائلة عن طريق هذا الكرت ......بس المعلومات كانت ناقصة و مو كافية ..........فقلت ما إلي إلا الشباب اللي بالcsc-sy.........

ملاحظة:الإنترنت المجاني و ليس الإنترنت الفضائي تبع الجمعية...............و شكرا

الانترنت المجاني اللي عما تحكي عنو بيكون مجرد استقبال للمواد اللي بيطلبها المشتركين ،،،، يعني باختصار مابتقدر إلا تشوف غيرك شو عما يستقبل واللي بغالبو بيكون بدون أي فائدة

عندي للأسف شوي خبرة بالموضوع :

في كتير حكي على هذا الموضوع بالمواقع المتخصصة :

www.xdvb.net موقع ممتاز في كتير شروحات و في منتديات منيحة, و حكي عن الانترنت الفضائي بالإشتراك و بالقنص.

www.stardvb.com موقع منيح و في شغلات ظريفة.

لاحظ أنو المواقع عربية, ﻷنو هالشغلات مو كتير منتشرة بالبلدان الناطقة بالانجليزية,  لهاذا كمان أكتر المبرمجين اللي بيشتغلوا على هيك شغلات (على حد علمي) ألمان و روس..و البرامج تبع القنص غالبا واجهاتها أو ملفات المساعدة تبعها بالألماني أو الروسي..

على كل القنص فكرة مو منيحة, ﻷنو أولا غير قانوني (هي قلناها ) , و أكتر اللي بينزل عن طريق القنص porn من نوعية رديئة. لا تأمل بشي كتير أحسن,  و لا تأمل مطلقا بكتب أو برامج أو أي شي متل هيك ..و كمان نقطة, البرامج لويندوز حصرا و كتير رديئة, و غالبا تسبب أنو الجهاز يعلق, و بدها سرعات معالج عالية, و غالبا ما بتوقف ﻷسباب صعبة الفهم, و ما معها ملفات مساعدة حتى نفهمها.

بنصحك نصيحة أخوية أنو لا تعذب حالك, اشترك فضائي مع شركة منيحة, و أنا لو كان معي هلأ المصاري كنت اشتركت, و في عروض منيحة بالسوق, تبع الجمعية معقول بس غالي (شو خمس آلاف بالشهر؟ مصارينا ما كنسناها من الأرض !) , و تبع الإتصالات عرض نوعا ما مقبول (ألف ليرة لكل غيغا) بس عروض الشركات الأجنبية أحسن بكتير, و معها ميزات أكبر (مثلا تنزيل مجاني لكتير شغلات للمشتركين بدون رسوم , مثلا توزيعات لينوكس الجديدة أو حلقات anime أو برامج تجريبية أو demos لألعاب جديدة ) و سعرها كتير كتير مقبول. بس بدك بطاقة إئتمان, كان بدي اشتري بطاقة eze-shopping من الجمعية العلمية (6000 ليرة) و هي متل بطاقة ماستر كارد مدفوعة مسبقا, و بعدين اشترك بعرض الbasic مع شركة opensky بمبلغ 1300 ليرة أو هيك شهريا, و هدا في كل التنزيلات المجانية من القائمة, و تصفح بحجم 300 ميغا بسرعة ثابتة, و بعدين تتدهور السرعة على حسب الضغط. أكيد الADSL أحسن كقيمة, بس هون في قيمة مضافة أكبر, و بما أنو في التجهيزات راكبة و خالصة ..يمكن هي فكرة منيحة, بدي جربها ان شاء الله بس يصير عندي حق البطاقة.

صار هدا الإرسال طويل زيادة عن اللزوم, و بعتذر عن الإطالة الزائدة, بس الواحد بس تجيه فرصة يحكي عن شغلة تورط فيها, بدو يحكي إجباري,  و لهدا كل الناس بيحكولك عن أوجاعهم ...على العموم بنصحك نصيحة أخوية صادقة أنو لا تتعب حالك بالإنترنت المجاني, ﻷنو أنا ضليت أسابيع عم حاول أفهم البرامج الرديئة المستخدمة فيه, و بعدين طلعت الشعلة مو سويانة وجع الراس..حطلك على شي إذاعة موسيقا و انسى الموضوع ..

و أنا صار فيني على فكرة نفس الشي........لكن لما شفت السرعة الفعلية حوالي3.5 ميغا قررت ما استسلم ......لكن إذا ممكن أعرف معلومات أكتر عن عروض الشركات الاجنبية لأنو رفيقي عندوا مقهى إنترنت و ممكن يستفيد كتيير .......و هل لازم يكون في خط إنترنت عادي مفتوح 24 ساعة  و شكرا على المواقع

و الله بالنسبة للأنترنت الفضائي بالنسبة لمقهى انترنت, ما عندي فكرة, بس اعتقد الADSL أحسنلو بكتير, خصوصي مع سرعات ال8 ميغا الجديدة, ﻷنو الفضائي ما في هيك سرعات (على حد علمي أسرع شي 2 ميغا). كمان المقهى ما إلو فائدة بالميزات المضافة متل تنزيل توزيعات لينوكس أو demos ألعاب .. المقهى بدو سرعة منيحة, و الـADSL أحسن بكتير من هالناحية.

كمان ضروري خط أرضي, و هادا بزيد التكلفة كتير.

و كمان في نقطة أنو الأنترنت الفضائي في بطء من ناحية بدء وصول المعلومات, ﻷنو الطلب بيسافر من الحاسب عبر الخط الأرضي لمركز الشركة و هني بجيبوا المعلومات و بيبعتوها عالقمر الصناعي و القمر بيعكسها أو بيرسلها للأرض, و المستخدم بياخدها عن طريق الصحن اللاقط و بتتحول الإشارة لبيانات ..هي قصة طويلة

بالخلاصة, الchat و المحادثات و الشغلات المتل هيك (مثلا ألعاب حركة على الأنترنت متل كاونتر-سترايك) ما رح يمشي حالها..ﻷنو اللاعب رح ينقتل تلت مرات قبل ما ينتبه أنو في حدا وراه. ( في منيح حجم نقل للبيانات, بس ما في latency منيحة)

بالنسبة للعروض للأفراد, بتلاقي مناقشة عن هادا الموضوع بأول موقع (xdvb) بالتفصيل, و تعداد ﻷسماء الشركات و طرق الإشتراك.

ملاحظة: يمكن الحكي مو دقيق كتير .. بس هادا اللي بعرفو عن الموضوع.

(الموضوع تاريخو قديم شوي لكن حبيت انو كمل بنفس الموضوع بدل ما افتح موضوع جديد)

القنص عن طريق النت الفضائي صار شغلة دارجة
وكتير عالم عم تسحب ملفات عمال على بطال
أنا اطلعت على عمل بعض برامج القنص و لقيت انو الواحد ممكن ينتقي نوعية محددة من الملفات لتنزل عندو .. (حسب اللاحقة)
وعندي رغبة اني جرب هالشغلة بس عندي خوف من أمرين:
1-على حسب ما قال ahnaqsh فوق (لا تأمل مطلقا بكتب أو برامج أو أي شي متل هيك) يبدو انو هيك المنفعة صار احتمالها 0%
بس يفترض انو ما في شي مطلق والمواد التعليمية والمفيدة يفترض تكون عم تنال حصتها من السحب متل غير مواد _معقول ما حدا عم يسحب هيك شي!!!!!_
2- سمعت (من البعض القلائل) انو هالشي ممنوع عنا ولو كان مجرد استقبال للمعلومات فقط _ بدون ارسال_ وانو ممكن تنعرف انو عندك سحب نت فضائي ... بس كيف ؟؟ ما فاتت هالشغلة بمخي!!!!!

بقا شو رأيكن ؟ و اذا هالشغلة ما منها فايدة أبدا لحتى اصرف نظر عنها

يا ترى ليش ما حدا جاوبني على سؤالي!!!!!!!!!!!!

اش كان سؤالك

1 النت الفضائي مفيد؟؟
2 النت الفضائي ممنوع؟؟