CSC-SY

يعني شو بده الواحد يقول غير الله لا يعطيكم العافية ..و إذا جد كل هالشغل عم يصير بقصد نية التخريب و الإزعاج و إبراز العضلات المفسودة (و أكيد ما في غير هيك ).. فالله لايوفقكم .. حر بدن و خناقات و تعصيب مشان بس حضرة جنابهم يحسوا بالعظمة ..على كل ما عم تربحوا غير الدعاوي عليكم من كل مين انضرب نظامه بها الفترة ....

مبارحة بس أخدت صورة عن النظام خوفا من الهجمة الشرسة للفيروسات بالكلية ... و اليوم بس انضرب النظام بفيروس لسا ما عرفت شو إسمه و لا من أي صنف بس اللي بعرفه إنه الMcAfee ما بيكشفه ..و إنه أجهزة الكلية مليانة فيه و ما عاد نقدر ننسخ و لا محاضرة و لا حتى نسلم وظيفة أو نحط فلاشاتنا بالأجهزة ..و إنه أي ملف تنفيذي بيتشغل رح يعيد إقلاع النظام .. اليوم انقضت على هيك استعادة صورة للنظام بدون فرمتة و وجع القلب اللي بعدها .....بس بكرى إلنا علقة مع المخبريين يا بيزبطوا الوضع ..يا أما ....

على كل اللي ما فيه  إحساس بالمسؤولية تجاه الآخرين ..فنحن ما بيشرفنا يكون بيناتنا .. فشوفوا حالكم وين بتحبوا تكونوا غير بيناتنا لأن نحن مو فاضيين لحتى بس نقعد نصلح اللي عم تخربوا العقول الفاضية ....

طيب وين مشرفي المخابر، ووين ال Network Administraors 

نايمين ولا ملاقيين شي شغلة تانية برا الجامعة

وينهم ؟؟؟؟؟؟!!!!!!!!!!!!!!!!!!!..عندهم شغلة وحدة ..يضلوا لاحقيننا مشان حضور  العملي ..

أما إنه شبكة ال wireless  عطلانة و إلنا 3محاضرات عملي  ما أخدنا E المعلوماتية -5- مشان هيك ..فهي ما إلهم علاقة فيها ..و إنه المهندس قال لهم ينزلوا windows server 2003 بالمخبر الخامس فهي ما إلهم علاقة فيها .. فكيف بده يكون إلهم علاقة بالأجهزة خربت و لا ما خربت ..

مو شرط يكون المخربين هني يللي نشروا الفيروسات قد تكون نزلت من الأنترنيت
أو بدون قصد نشرها الطلاب

بس للوقاية من الفيروس يلي حكت عنه imessa7 :

هالفيروس بينقل حالوا عن طريق الفلاش بينسخ شي أشبه بالمجلدات و لكنها بالحقيقة ملفات تنفيذية بتفكرها مجلدات إذا حاولت فتحها بيكون العوض بسلامتكم

هالمجلدات الوهمية بتاخد عدد و أسماء المستخدمين يلي معرفين على الحاسب يلي نقل الفايروس للفلاش

قبل استخدام أي فلاش اعملوا بحث عن (*.exe) و احذفوا هالمجلدات بكل بساطة

أما إذا نزل الفايروس؟؟؟؟

كل شي حكيتوا مبني على أول تجربة إلي مع الفايروس و ما في شي مؤكد بس هالطريقة للوقاية ناجحة بإذن الله

آخر شي الله يجازي يلي كان السبب

فعلا اللي حكتو imessa7 واقع مرير عما يضرب أطنابو عنا بالكلية وبالمخابر

على كل حال يمكن الحل اللي بعملو أنا هوي إنو افتح الفلاشة على linux وبتأكد إنها سليمة بشكل يدوي

على أمل إنو يتحسن الوضع ،،

أنا صار عندي على الفلاشية كل ملف إلو نسخة تانية exe. و الله ستر لأني رحت و اغلط و افتح الملفات التنفيذية بس يلي خلاني شك بالأمر إنو كل الكتب الالكترونية صارت بتملك الاحقة exe. وشغلت anti virus avg و الحمد لله استطاع إنو يزيل الفيروس و كل الملفات التنفيذية راحت

وحلت لعنة الفيروس ع جهازي
شو شباب ما في حل لهادا الفيروس غير مضي يوم العطلة بالفرمتة و تنزيل البرامج

شكرا كتيير imessa7 لإنو أنا اليوم استخدمت الفلاشة في الكلية و كنت على وشك إنو أستخدما على جهازي بس لما قرأت الموضوع فحصت الفلاشة و فعلا لقيت الفيروس عليها...........يعني لو تأخرت بالمشاركة شوي كنت أضيت عيد الأم بالفرمتة و تنزيل البرامج............

و فعلا هاد شخص سخيف و جبان اللي بينزل هيك فيروسات بأجهزة الكلية 

و شو يعني "مشرف المخبر" ؟؟؟ ليكون الشخص اللي بيضل قاعد ورا المكتب بالمخبر يا عمبيشرب شاي أو نايم و أذا طلبت منو طلب بيحكي معك بلهجة رئيس المافيا و بيقول " ما  دخلني دبر حالك ..... و أصلا شو عمبتساوي هون ما بتعرف إنو بعد ساعة و نص في محاضرة سنة خامسة يللا فضولنا المخبر" لازم يسموهن "مشرف روضة المخبر"

إلى كل من أصيب بالفيروس
اسم الفيروس brontok.c
يمكن تنزيل remover له

كيف؟وين؟مين؟ليش؟متى؟شو؟أديش؟......... 

ياسيدي علقت بهالمشاكل حتى نزلت kaspersky  ما خلا فيروس على وش الهارد

شكرا لكل مين قدم نصيحة .. ..أنا فعلا فتحت الملفات التنفيذية اللي كانت على الفلاشة و اللي فعلا كانت آخدة أسماء الحسابات اللي كانت على أجزة الكلية ..بس الفضول كان إله ضريبة كبيرة ...

اليوم على اساس أكلوا  المخبريين كم كلمة من العميد و رح ينضفوا أجهزة الكلية .. و يزبطوا وضعها بعد شكاوي الطلاب الكبيرة ..

أما مشان الفرمتة و البرامج و القصة الطويلة العريضة ..فنصيحة كمان ..ضروري نخلي صورة نظيفة عن النظام موجودة عنا ..شغلة ربع ساعة و بيكون كله تمام و لا منعصب و لا منضيع وقت و لا منبكي  

ممكن تقولوا لي كيف أعمل صورة عن النظام
وبرنامج kaspersky كيف ممكن أحصل عليه
رجاء عالسريع لأنو كمبيوتري يا بلحقوا يا ما بلحقو ؟؟؟؟؟؟؟!!!!!!

نزل Norton Ghost أو Drive Image

باعتبار صارت القصة وصارت وبدكن تعملوا Image عن أحد ال Drives قبنصحكن ببرنامج Acronis True Iamge ، هاد البرنامج فينه يعمل قسم من ال Hard Disk مخفي غير ظاهر وبيحط النسخة الاحتياطية أو ال Image فيه وحتى بيقدر ينزل حاله ضمن ال Master Boot Record بحيث ما في داعي كل ما بدكن تسترجعوا ال Image تحطوا ال CD وتأقلعوا عليه ، لأنه هاد البرنامج بس ينزل ضمن ال MBR بيعطي خيار لمدة ثانية أو ثانيتين أنه إذا كبستوا F11 بتدخلوا عليه لتسترجعوا ال Image قبل ما يأقلع نظام التشغيل اللي منزلينه على ال Hard Disk. وهيك ما حدا بيعود بيقدر يحذفلكن ال Image أو بيخربلكن ياها سواء Viruse أو غيره.

على فكرة أنا كمان عانيت من هالمشكلة ، فتحت فلاشتي اللي نسخت عليها شغلات من الكلية وإذا بالفيروسات تعمر الجهاز

هادا فيروس Brontok.a كان اصعب شي ، أكتر البرامج بتكشفو بس مابتقدر تشيلو وبيسكر كتير شغلات بالنظام وبس بيعمل اعادة اقلاع ،،، بالآخر نزلت AVG Free Edition وكمان removal tool حتى اقدر رجع الريجستري متل ماكان ،،، والحمد لله انحلت كل المشاكل بدون أية فرمتة

إي معناها بدها الحمد لله على السلامة .. .. بس حتى إنت يا helwanif ... و لو ..مرقت عليك كمان ...

أما بالنسبة للبرامج اللي بتاخد صورة عن النظام فأنا جربت ال NortonGhost و الAcronis و بناء على تجربتي بنصح بال Ghost لأن أسلس بالتعامل و حتى بالخيارات ... و شغلة حط السيدي و شيلته ما بتعذب شي ..أما ال Acronis  الله يعطيه العافية .. استخدمته مرة و تأملت خير فيه ..و لما وقعت الواقعة و اعتزت الصورة ..طلعت مضروبة .. فما عاد دخلته على كمبيوتري ..

طيب لنفرض أنك أخذتي Image على أي برنامج كان بغض النظر ونزل فايروس عندك بيضرب الملفات وكان من بين الملفات المضروبة هال Image اللي عادة منخزنها على Drive غير ال Drive الخاصة بالنظام وقتها شو بتعملي؟
بينما برنامج ال Acronis True Image بيقدر يعمل قسم (Partition) من ال Hard Disk مخفي بيسميه Security Zone و بيحط ال Image اللي بتاخديها عن طريقه ضمن هي ال Security Zone وهيك لا فايروس ولا غيره بيقدر يعمل شي حتى لو انضربت كل الملفات اللي على ال Hard Disk بتقدري تسترجعي ال Image من ال Security Zone باعتبار ال Image ليست ملف يخزن على القرص الصلب كباقي البرامج، وحتى ال User-Interface تبع ال True Image أقرب ما تكون لأي برنامج Win32 منها إلى برامج ال 16bit متل ال Norton Ghost.

هيك ما إلي علم بالموضوع .. و ما بعرف إنه الAcronis فيه هالميزة .. معناها بتراجع و بصوت لل Acronis ..

أما الخبر الجديد ..(يمكن ردوا على رسالتي ).. و بما إنه الوضع طلع من الإيد ..فهلا الكلية بعتت نداء إستغاثة للطلاب بالسرعة القصوى  مشان نعمل فريق صيانة (للي بيحب طبعا ) و نرد نزبط وضع الأجهزة من كل النواحي (فيروسات و برامج و أنظمة ..و بظن شبكة) .. فاللي بيحب بفيد و يستفيد يسجل إسمه عند الهيئة الإدارية قبل يوم الأربعاء بظن ..

أنا مبدئيا أكيد مشاركة ...

ان تصل متأخراً افضل من ان لا تصل ابداً

علاج الفايروس هو برنامج AVG 7.1 وبس

بعد جهد جهيد توصلنا - بفضل الله وحده - لحل لهذه المعضلة وهي اختفاء " خيارات المجلد " من كل من أدوات ومن لوحة التحكم ةكذلك عدم التمكن من الدخول للريجيستري للتعديل حيث تظهر رسالة ( تم تعطيل تحرير التسجيل من قبل المسئول )

اما السبب في هذا كله هو فيروس اسمه Brontok-c وهو يصل للأجهزة عن طريق البريد الالكتروني أو عن طريق الجوالات .

ولحل هذه المشكلة وإظهار خيارت المجلد نقوم بالتالي (هذا الشرح للمبتدئ والمحترف ):

الشرح باللغة العربية :

1- اضغط على زر (( إبدأ )) .
2- اختر الأمر (( تشغيل )) .
3- اكتب الأمر التالي في المستطيل gpedit.msc ثم اضغط زر موافق ، فتظهر لك شاشة (( نهج المجموعة )) .
4-اختر من الجهة اليمنى مايلي :

----- تكوين المستخدم :

------ قوالب الإدارة < ---------- ( اضغط على اشارة الزائد التي بجانبها لتنفرد لك قائمة واختر منها مايلي )

------- مكونات windows <-------( اضغط على اشارة الزائد التي بجانبها لتنفرد لك قائمة واختر منها مايلي )

----- مستكشف windows <------------------ ( انزل اسفل وتابع الشرح )

الآن : ( انظر للقائمة التي على اليسار وابحث فيها على مايلي : )

--- إزالة عنصر القائمة خيارات المجلد من قائمة ادوات <----------------------------(((((( ( اضغط على هذا الأمر ضغطتين ))))))

--- الآن تظهر لك شاشة مكتوب في اعلاها تبويبين هما ( إعداد ، التفسير ) ولكل واحد اختيارات هي ( غيرمكون ، ممكن ، معطل )

--- اختر من التبويب ( اعداد ) <---------------------- ( معطل )

---- الآن اضغط زر موافق

واخرج من هذه الشاشات

وستلاحظ عودة خيارات المجلد في كل من (( أدوات ))) وفي (( لوحة التحكم )) .

وسوف اشرح لاحقا - بإذن الله - طريقة حذف الفيروس والدخول للريجيستري الذي عطله الفيروس .

الشرح باللغة الانجليزية :

open the group policy editor
Start\Run type gpedit.msc

now move through the left pane to:
User Configuration\Administrative Templates\Windows Components\Windows Explorer\

now to the right find the key: Removes the Folder Options menu from the Tools Menu
double click and select disable

وهو نفس الفايروس الذي تعانون منه الان

أنا عندي بالكمبيوتر فيروس brontok.a كيف بقدر أتخلص منه
والطريقة اللي ذكرها مكافح ما عم يمشي حالها
لأنو الكمبيوتر عم يعيد التشغيل مباشرة
وشكرا كتير

الفيروسات عنا بحمص مو طبيعية انا من اول سنة لهلأ صرت متعرفة على جميع انواع الفيروسات و ما بعرف كأنو حدا بيعمل للفيروسات download
لانو الغريب انو حتى بمحلات الانترنت يلي بضل 24 ساعة ما في فيروسات
و السبب هو اهمال المخبريين بالاضافة لوجود المؤذيين
و الاحلى من الفيروسات الملفات يلي بتكون على الجهاز يلي ما بتدل ابدا على مهندسين
تخيلوا انو في ملف كان على سطح المكتب اسمو update
و طبعا انا فتحتوا و إذ بها صور ما لها علاقة بشي
المهم في فيروس جديد بالكلية حتى بعد كل عمليات الصيانة
اسمو batman
و بالإضافة لكل شي بيعملوا بتلاحظوا انو بيكتب لحالو بالملفات و بيفتح كتير شغلات لحالو و .... ما في اي مضاد فيروسات كشفوا و ما تخلصت منو إلا بالفرمتة
وشكر خاص لكل من ساهم بتقليل الفيروسات بالمخابر بس لازم المخبريين يحافظو شوي على التعب يلي تعبتوه و يتابعوا احسن ما يصير بدنا حملة جديدة

la;,,,,,,,,,,,,,,,,,,,,,,م
مشكوووووووووووووووووووووررررررررررررر

انا لا استطيع اشتغل على اي جهاز في المخبر 9 لانو الجهاز بتشتغل فيه شوي بعدي بصير متل كومة الحديد الفاضية بس حابب اسل الجنة المشرفة على الأجهزة وينكون انا كل يوم في بفلاشة دودة او فايروس خطير انا بصراحه مليت من هذه الكلية

عنا ما شاء الله يا معلم بتلاقي على الجهاز كل أنواع antivirus شي بتعرفو وشي مابتعرفوا يعني كل واحد الantivirus يللي بيعجبوا بنزلوا وبعدين بيستحوا يعملولوا update

الموضوع عادي كتير شبكن ازا سيرفر الجمعية كان يبعت فيروسات مع الايميل ..نحنا صاير تعايش بينا وبين الفيروسات بعدين هي خبرة اضافية ... يلا بعين الله شو بدكم تعملو

على حد علمي ماحدا هون إلو علاقة باللجنة المختصة بإصلاح الأجهزة !! وكلنا عم نعاني من هالمشكلة !!

والله انا حاسك عم تحكي عن الوضع عنا ....

فعلا الواحد ما عاد امن يحط الفلاش ديسك على جهاز بعدين يحطها على جهازوا الا بعد ما يعملها شي عشرين سكان....

بالنسبة لمشرفي المخابر.....هههههههههههههههههههههههه
بس حطون مشان الماسنجر والهوتمايل

... على كل حال اخي imessa انا بنصحك بال Kaspersky
لانو فعلا من اقوى ال Anti-virus