CSC-SY

قام أحد الزملاء سابقاً بطرح موضوع حول الراتب الشهري المتوقع لخريج كلية الهندسة المعلوماتية ...

وقد تشعب الموضوع بقدر كبير حتى أصبح في الردود الأخيرة مجرد الحديث عن اختصاص الشبكات : ما له وما عليه

فأحببت -بناء على طلب من الأخ hunter - أن أخصص لذلك موضوعاً نشرح فيه ما هي الميزات التي يتمتع بها اختصاص الشبكات ونظم التشغيل ...

أرجو من ذوي الخبرة في هذا الموضوع موافاتنا بكل التفاصيل !!! ذلك أن هذا الموضوع هام جداً لطلاب السنة الثالثة (وأنا منهم) والذين يتيحرون في هذه الأيام حول الاختصاص المناسب ...

نتمنى من الزملاء المشاركة والإفادة حتى يتسنى لنا تحديد الاختصاص المناسب لنا ...

بس افضى شوي بحكيلكم عن اختصاص الشبكات

بس اوعا تعمل متل الأخ. مشان ماتكون النتيجة عكسية

لكان هذا يلي طلع معاك يا سيد فؤاد إمهلني شوي بس لأفضى و منتحاسب قال إحنا "حفارين حيطان"

من فترة كنت عم فكر اطرح موضوع بيناقش كل الاختصاصات ، بيوضحولنا في طلاب الرابعة والخامسة كل شي عن الاختصاصات ( كل واحد حسب اختصاصو )

مابعرف ازا فينا نعمل الموضوع هاد لنفس الغرض أو هاد حصرا للشبكات ؟

مشي الحال وعملت متل مابدك

أنا كمان بس خلص فحص إن شاء الله بشارككم برأيي ووجهة نظري بالموضوع

للرفع ..

بانتظار مشاركاتكم

كتب همام:

بس افضى شوي بحكيلكم عن اختصاص الشبكات

ما شفنا شي !!!!

يا ريت تشاركونا رأيكم بهالموضوع

همام

hunter

helwanif

الموضوع له 9 ايام ولا احد فيكن رد

ارجو المساعده يا شباب ما بقى في وقت

آسف ياجماعة على التأخير

بس مثل ما قلتلكم الموضوع بدو وقت منيح لينحكى عنه وحالياً الجميع مشغولين بمشاريع التخرج ....

بس أكيد ماني نسيان الموضوع ورح حاول اليوم أو بكرة فضي حالي شوي  

بعتقد أنو هلأ الكل خلص من المشاريع والامتحانات ومن كل هل المصايب ..
يا ريت ينفتح النقاش مرة تانية لأنو كل ما قرب وقت التقديم على الاختصاص كلما زادت الحيرة ... بصراحة الموضوع جدي كتير ولازم نتناقش فيه
ننتظر خبرة طلاب الرابعة والخامسة وأي واحد عندو معرفة بهل الموضوع.

إذا حابب تشتغل و تتعب ويكون عندك عدة خيارات بعد التخرج إن شاء الله(يعني إما تشتغل أو تكمل دراسة) تعا لعنا
وعنا بدك تشتغل غص من عنك أو بتضيع...

أما إذا كنت حابب البحث العلمي وكمان في شغل بس من الأفضل تكفي دراسة بعد التخرج وإذا اشتغلت فمو باختصاصك ساعتها فوت ذكاء وكمان مقدار التعب بإيدك يعني على قد ما بدك بتشتغل

و إلا فوت شبكات

كمان هالسطور ما بتكفي الحديث يطول...

أول شي بحب قول إنو كل الأقسام منيحة وبيبقى لكل شخص وجهة نظره بالموضوع.
برأيي كل شخص يدخل للقسم يلي بيرتحله وبلاقي حاله مهتم فيه أكتر بغض النظر عن الآخرين.
كوني أحد طلاب قسم هندسة البرمجيات بحب قول إني بنصح أي طالب بحب يفهم المفاهيم السليمة بتحليل النظم وعنده قدرة على تحدي المشاريع الضخمة, وبيحب يفوت بجو العمل بسرعة إنو يتوجه لعنا بدون تردد.
وكمان بدي نبه على نقطة كتير هامة سمعتها أكتر من مرة وهي إنو قسم هندسة البرمجيات مو بس قواعد معطيات وإلا كانوا سموه قسم قواعد المعطيات, وأغلب الطلاب بيهربوا من هالقسم بسبب الضغط الدراسي الكبير وخاصة وجود مشروع المترجمات وهذا أكبر خطأ لازم الواحد يعود نفسه على ضغوط العمل ويمسك مشروع ضخم يبلش فيه من أوله لآخره وأنا بعتبر هالمادة أهم مادة عنا بالكلية لأنها بتعتمد على معظم مواد الكلية.
بالنسبة لقسم الذكاء أنا كمان بحب هالقسم بس المشكلة إنو الطالب بيضيع فيه بسبب كثرة أسماء المواد وكل مادة منها ما بينعطى فيها غير رؤوس أقلام عنها. وكمان معظمهم بيتخرج ماعنده القدرة على إدارة مشروع برمجي ناجح وبرمجته. ومعظم التقنيات يلي بيتعلموها هي جزء صغير من مشروع برمجي ضخم يحتاج من يديره ويحلله و...
قسم الشبكات هو القسم الأسهل من ناحية الدراسة وأقل بعدد المواد (لايوجد مادة مقابلة للمترجمات). وما بده جهد كبير بالتفكير أو الدراسة بس كمان يلي بيبدع فيه بيطلع معه. شوفوا همام مثلاً.
من ناحية الشغل أكتر الفرص بلامنازع هي للبرمجيات وبعدها للشبكات وأخيراً الذكاء ولكن بالبرمجة.

بحب نبه على إنو بعض الطلاب بيدخلوا على قسم لأحد الأسباب التالية:
1) لأنو عجبه اسم القسم (ذكاء صنعي اسم رنان).
2) هرباً من بعض الدكاترة (دكاترة البرمجيات بيخوفوا) أو حباً ببعض الدكاترة لأنهم بيعطوا علامات
3) هرباً من بعض المواد (المترجمات مادة صعبة)
4) هرباً من البرمجة (كقسم الشبكات).
5) لأنو رفقاته دخلوا على قسم ما فلازم يلحقهم وإلا ماعاد يقدر يشارك حدا بالمشاريع.
6) لأنو معظم الطلاب الأوائل صارت موضة إنو يدخلوا قسم معين (كالذكاء مثلاً بس شوفوا مستوى طلاب قسم البرمجيات السنة الرابعة هذا العام أعلى مستوى بين الأقسام في معظم المواد).
7) عجبه أسماء المواد بدون ما يعرف شو محتواها. (مواد قسم الذكاء)
أسباب أخرى.
لذلك أتمنى إنو ماحدا يوقع تحت تأثير أي من هذه الأسباب ويدخل رغبته.
طبعاً هي وجهة نظري ومتل ما قلت كل واحد له وجهة نظر لذلك بجوز كلامي مايعجب البعض.
وأتمنى كل واحد يدخل الاختصاص يلي بيعجبه.

شكراً يا معلم رأفت على هالمشاركة القيمة و اللي نابعة من خبرة عميقة و بحب علق على شغلة وحدة :
قسم الشبكات هو قسم سهل الدراسة نسبياً ضمن الكلية بس إذا الواحد حب يتوسع و يعمل دورات متل ال cisco مثلاً فحيلاقي صعوبة كبيرة لأنوا منهاج ال cisco صعب وبدو شغل وحتى من الناحية المادية مكلف وبالنسبة للرواتب الللي بياخدوها خريجين قسم الشبكات واللي معهون إحدى شهادات الcisco ccna ولا ccnp فهي رواتب ضخمة جداً حسب معرفة شخصية بإحدى الشباب الللي تخرجوا من كليتنا و اشتغلوا ب syriatel أو areeba
أرجو أني كون كملت إفادتك الكريمة سيد رأفت وشكراً للجميع على هالطروحات القيمة

شكراً لرأفت ولـ Snake_a على هل المشاركة القيمة ...
حلو ..... يعني بفهم كخلاصة أنو الأقسام كالتالي:
الذكاء :وهو فرع حلو كمواد بس ما بينعطا حقها منيح ... اسمه رنان وشغلو مو كتير , على الرغم من جمالية المحتوى وغزارة العلم الموجود فيه كعلم بغض النظر عن الارتباط بالكلية.
البرمجيات: قسم صعب وبدو شغل بس الواحد بيتعلم فيه علم جيد ... وكمان الشغل فيه متوفر وبرواتب منيحة, بس مشكلتو أنو الواحد بدو يتفرغلو تفرغ تام !!! متلو متل الذكاء
الشبكات : فرع سهل وبسيط ومردود عالي .. بس الواحد بدو يتعب على حالو شوي بشغلات خارجية (متل شهادات مايكروسوفت) ... العلم فيه أضعف (برمجياً) من باقي الاختصاصات ...
على هل الحالة ضعنا بزيادة
لا تعليق وبانتظار المزيد من الردود ...

مرحبا..
أنا كنت هديك السنة متل حالةkobaitari وكنت محتارة كتير ولنفس الأسباب يللي حكاها raafat كنت رح فوت برمجيات مع اني كنت حابة مواد الذكاء أكتر لأنها هيي الأحدث وفيها متعة وإثارة (من وجهة نظري )، وآخر شي تبعت يللي أنا حاببتو ودخلت ذكاء، وانا وتقريبا معظم الطلاب يللي داخلينها مبسوطين ، يعني موادها ممتعة عن جد و مثيرة (يعني جعل الآلة تتصف بصفات يتصف بها البشر وهالصفات متل التعلم -شبكات عصبونية-
المحاكمة -نظم قواعد المعرفة-
فهم الكلام-معالجة الللغات الطبيعية-
تعرف الصور-الرؤية لحاسوبية-ووو)يعني هون أنا مختلفة معraafatوقت قال انو دخلنا مشان الموضة (يعني لو كنا فهمانين ما نا مندخل القسم يللي في أوائل الدفعةلأنو هاد بيأثر على ترتيبنا!!!)وكمان وقت قال عجبنا الاسماء بدون ما نعرف المحتوى وانو بيعطونا رؤوس اقلام وحتىلو عطونا رؤوس أقلام متل ما بينقال(مو كتير صحيح هالحكي)اذاحبينا نتوسع بمجال معين منتوسع لحالنا يعني اذا عجبنا مجال من هالمجالات(مثلا معالجة لغات طبيعية)مناخد مشروع بهالمجال ومنتعمق لحالنا..
هللأ بالنسبة للي قالو raafat(الذكاء ماعنده القدرة على إدارة مشروع برمجي ناجح وبرمجته. ومعظم التقنيات يلي بيتعلموها هي جزء صغير من مشروع برمجي ضخم يحتاج من يديره ويحلله و...)
يعني كمان مو مقنع كللون 4موادفي الفصلين من 12 مادة يللي اختلف فيهون قسم الذكاء عن البرمجيات هيي السنة يعني صرنا ما منعرف ندير مشروع برمجي...
آخر شي بقولو انو الله يختار يللي فيه الخير لكل الطلاب وان شا الله موفقين جميعاُ ...

آسف لتأخري بالرد بالموضوع !!! لاتؤاخذونا

بالنسبة لتعليقي والشي اللي رح احكيه ، فما رح قلك هادا الاختصاص مميزاتو هيك وهادا الاختصاص مابيقدر يعمل هيك ،،، المنتدى بهالنقطة فيه أكتر من موضوع مطروح وكلام أحسن بكتير من الشي اللي ممكن إني قولو أنا

نصيحتي بالموضوع إنك تشوف كل اختصاص شو بيدرس وتختص بالشي اللي بتحبو انت اكتر ،، لأننا مع الوقت عما نتجه لزمن المطلوب فيه الابداع بمجال الاختصاص شو ماكان ، هادا الشي اللي ممكن يأمنلك مكانة منيحة و - بظن - شغل منيح ،، وهادا الشي اللي بيخليك تبدع فيه بمجالك وتكون مميز

نصيحتي بختصرها بكلمتين : احسن فرع لكل مين بدو يختص هو الفرع اللي بيحبو وبيحس حالو بيرغبلو أكتر شي

مو ملاحظ إنك أعطيت عاطفتك جزء كبير من قرارك ؟؟

أنا برأيي كل شخص يدور على كل قسم شو بيشتغل بحياتو العملية و هون يحكم رغبتو

بصراحة أنا ما بعرف شي عن الموضوع

لذلك ما بقدر ساعدك

موفق

غريب إنك انت كمان قلت بتحكيم الرغبة بالآخر مع إنو لمتني لأنو "اعطيت عاطفتي جزء كبير من قراري" !!!!

برجع وبقول الموضوع بحاجة للابداع والتميز ، وهادا الشي مابيصير بدون عاطفة ومحبة للفرع والاختصاص وموادو ومجالات تطبيق الاختصاص العملية

أنا بنصحكم بالطريق يلي اتبعتها السنة الماضية وهي إنو كل واحد يعمل مفاضلة لحاله بين الاختصاصات بحيث إنو يضع علامات لأولوية كل شي عنده وهذا يتضمن
المواد التي تدرس في كل قسم (مقدار محبة المادة, ومقدار الفائدة المتوقع أخذها), ميول الطالب, مجالات العمل, السفر, الدراسات العليا, المعدلات في القسم, دكاترة القسم (بقصد مستويات الخبرة بأي قسم أعلى), وخيارات أخرى ترغب بها.
وبعد جمع علامات أولويات كل قسم فالقسم يلي حصل على أعلى علامة لاتتردد بالدخول إليه.
بس بنصح إنو يكون وضع العلامات دون محاولة الميل لقسم أكثر من آخر لأنو في علامة للميول, وإنما تحكيم المنطق.
إلا إذا كان الواحد مقرر وحاسم أموره وعنده ميول كبير لقسم فلايتردد والله يوفق.

**

الصياد

أول الشي لازم أشكر كل مين شاركنا برأيو بهل الموضوع, لأنو فعلاً استفدت كتير من النقاش ...
يعني هلأ صار في عندي أولوية بين الأقسام ... على الرغم من رفضي التام له سابقاً, بس استنتجت أنو هل الفرع بيجمع بين معظم احتياجاتي .
طبعاً ما رح أحكي شو هو القسم مشان ما يكون تحيز, بس أنا بعد هل النقاش صار عندي قناعة أنو الواحد (متل ما قال raafat وباقي الشباب) لازم يحط كل شي على جنب ويبلش يعيد حساباتو ...
يعني الدكتور يلي ما بتحبو رح يدرسك مادة او مادتين أو حتى ثلاث مواد بالكتير .... مو شرط تتعقد من وراهم
أما رفقاتك, فهاد باعتقادي شي ثانوي إذا تقارن مع مستقبلك, وعلى كل حال ممكن تقنع رفقاتك بالفرع يلي بدك تفوتو مشان تاخد العنب والسلة.
بتمنى أنو نتوسع أكتر عن موضوع :مواد كل قسم واختصاصاتو ... يعني أنا لسّا ما بعرف تمام كل فرع شو بيساوي بس يتخرج وشو هنن المواد يلي بيدرسها
شكراً مرة تانية للزملاء يلي شاركونا ... وإن شاء الله بنفرح بتخرجكم

إذا أنت هيك فهمت.....
فوت برمجيات

مرحبا شباب
كنت قد شاركت في هذا الموضوع بمقال صغير بعنوان "إلى قسم الشبكات في جميع الجامعات وخصوصاُ دمشق"
بإمكانكم قراءته في منتدى الشبكات ونظم التشغيل
سلام

عاملين يتحكمون باختيار الإختصاص
1- رغبة الطالب باختصاص معين مثلا طالب يحب دراسة الشبكات أكثر من دراسة البرمجة
2- حاجة السوق وما هو المطلوب للعمل مثلا مطلوب مبرمجين أكثر من مدراء أو مهندسي شبكات
كل منا سيختص اختصاص معين والهدف النهائي من ذلك هو العمل بما يتعلمه الشخص حتى يعيش ويكسب الأجر لمصاريف المعيشة
وأنا أرى أن العامل الثاني هو الأقوى في اختيار الإختصاص لذلك كثيرا ما يتنازل الطلاب عن رغباتهم في دراسة اختصاص معين من أجل مواكبة حاجة السوق ولأجل العمل وهذا فيه مساوئ ومحاسن
لذلك من باب الخبرة في هذه الحياة أنصح الطلاب بأن يكونوا متلائمين Adaptable or Flexible مع حاجة السوق لأن في النهاية الهدف يجب أن يكون خدمة الناس والمجتمع ولو على حساب المصلحة الشخصية للطالب
وكما يقول المثل حسب السوق منسوق