CSC-SY

مرحبا شباب , بدي أسألكم سؤال :

إذا اتخرجتو وين بدكم تلاقو شغل بهالبلد ؟ يعني قد ما كان في طلب عليكم بس رح بيحسن كل واحد يتخرج أنو يشتغل فورا ويجيب مصاري بسرعة ؟

معلش سؤالي غليظ بس إذا فتت معلوماتية رح بيكون هالسؤال معي خمس سنين !!!

كتب NightWolf:

Windows Sucks, Ubuntu Rocks

Going Linux

الشغل بيلتقي وين ما كان وكل خريجين المعلوماتية عم يشتغلو و أنا من هلأ عم اشتغل كمان مع اني سنة تانية لسا .

شلون يعني هي ؟؟؟ ما فهمت شو قصدك فيها ؟

بعدين الحمد لله مجالنا كتير منيح واختصاصنا أكتر اختصاص مطلوب والكل عم يلاقي شغل .

سلام ,,.

أبو الخل .

حسب حكي الوالد:
" ال " انو خلال هالسنيتن الجاية حيعملي شركة صغيرة مختصة بنوع معين في مجال الكومبيوتر طبعا فيها خبرات معينة
بقا لنشوف هالوهم اذا حيتحقق
اما بعد التخرج "اذا" كان هالحكي صح ممكن نوسّع عمل هالشركة
واذا طلع وهم في حالتين
يا اما بتوظف بشي شركة اذا صحلي
او منفتح مشروع انا ورفقاتي وفي حكي من هلق على هيك شي
اما الدخل فنشالله بكون منيح

أحلامكون حلوة شباب..........

بس أكيد للناس يلي مو ساكنين باللادئية

عنا بياعين الفلافل عم يشتغلوا بمجال المعلوماتية كمان

وهون ما عنا ولا شركة مختصة تاخد الخريجين

خود هالمثال شركات تصميم المواقع القديمة زمنياً مكتسحة الجو بالبلد بشكل من الأشكال وعم تطلب أسعار خيالية ولنقل فرضاً 50000
وطبعاً هالشركات ما كتير بهمها مختصين بالعكس بهمها مين يشتغل برواتب أقل
بيجي طالب المعلوماتية أو الخريج يلي عم يشتغل باستقلالية
بيطلب فرضاً 10000-15000

بنط بياع الفلافل بيشتغل الموقع ب 2000 فرضاً

هيك بتكون راحت عالمختص
ما الو سوق -ما حدا بشغلو - بياعين الفلافل عروضهم أقل

هلأ أنا حكيت على نقطة تصميم المواقع لأن بعرف جوها أكتر شي
بس بقية مجالات شغل المعلوماتية باللادئية للأسف نفس الشي

شكلنا هون بس نتخرج رح نعمل هجرة جماعية!!!
أو نفتح بسطة سيديات على قولة الشباب!

فكرنا بقصة بياع شاورما بظن أنها أحسن ؟

من ناحيتي رح أشتغل شوا كباب حلبي ورا فرع المرور عندنا بباب جنين..

يا أخي معظم يللي اتخرجوا عم يشتغلو....

حتى نسبة منيحة من طلاب الرابعة كمان عم يشتغلو ...

فرص العمل موجودة ومناسبة بس بدها حدا يركض وراها

إي والله هاد الكلام المزبوط إن شاء الله أنا من السنة الجاية رح بلش إسعى.....ومن هلأ هم أسس ....

كتب strontium90:

من ناحيتي رح أشتغل شوا كباب حلبي ورا فرع المرور عندنا بباب جنين..

بالنسبة للشغل ففرص العمل موجودة بس الواحد عليه أنو يدور

والدفعة الماضية مابقي حدا بنعرفه مالقى شغل وحتى هلأ في عدة فرص عمل متاحة حاليا .

بعد خمس سنين كيف بدو يكون الوضع مابعرف

بس بظن أنو رح يكون في تطور معلوماتي اكتر من هلأ وفرص عمل اكتر بس رح يركضوا ورا كفاءات أكتر .

صحيح ....كلاك سليم مية بالمية
يعني من في كتير ناس بتنط على مجالنا بس نحنا إلنا الأفضلية
لكن أ،ا بالنسبة إلي ...أول شي رح اسحب حالي وسافر إما لألمانيا أو كندا و ممكن بعدين هنيك أفتح محل سيديهات....بمزح
المهم أ،و عن جد مجالنا كتير مطلوب هون أو بأي دولة خليجية يعني بعرف أحد الأشخاص تخرجو السنةالماضية توظف بداية بالكويت براتب 500 دينار .....و الدينار الكويتي بعتقد حوالي 173 ليرة أو هيك شي ...و على فكرة كتير كتير مطلوبين المهندسين السوريين بالكويت
يعني ألكون خيارات واسعة أمامكن

الآخ ربيع يبالغ عندما يقول بياع فلافل يقوم بتصميم المواقع فإذا افترضنا هذا الكلام صحيح معناها أن بياع الفلافل عنده معلومات عن تصميم المواقع وأنه يعرف كيف يطبقها ولكن ليس لديه مؤهل علمي فقد يكون من هواة تصميم المواقع بالإضافة إلى عمله الأساسي بياع فلافل وهذا ليس عيب لأنه يدل على أن بياع الفلافل عنده طموح وإرادة قوية جعلت منه إنسان يعرف كيفية تصميم المواقع ولو لم يكن يعرف تصميم المواقع صدقوني لن يشغله أرباب العمل لأن مصلحتهم هي إنتاج أو تقديم الخدمات بأرخص الأسعار حتى تكثر الأرباح هذه هي سياسة السوق في كل مكان من العالم وإذا كان تصميم بياع الفلافل لا يعجب أرباب العمل فلن يشغلوه
أهم شيء في العمل هو إرضاء رب العمل وذلك على حساب المصلحة الشخصية للعامل طالما أن رب العمل يطلب من العامل لديه أن يعمل ضمن الحدود القانونية والأخلاقية بالإضافة إلى أن يقدم العامل لرب العمل النصائح لأن رب العمل قد لا يعرف ماهي نتائج قراراته في مجال عمل العامل على العمل
مثلا على المبرمج أن يبين لرب العمل أن البرنامج الذي اقتناه رب العمل من مبرمج آخر فيه أخطاء ولكن البرنامج يعمل بشكل طبيعي ويلبي متطلبات العمل فإذا رضي رب العمل بحدوث هذه الأخطاء والبرنامج يعمل فلا مانع من أن يبقي المبرمج على البرنامج كما طلبه رب العمل ولكن على المبرمج أيضا أن يبين لرب العمل أن هذا البرنامج مع حدوث هذه الأخطاء سيؤثر بشكل سلبي على أداء العمل في المستقبل وأن ينصح رب العمل بتطوير البرنامج للعمل بكفاءة أكبر مع أقل التكاليف وبمردود أكبر عندها حتما سيقتنع رب العمل ويوافق على تعديل البرنامج من قبل المبرمج
نصيحة لكل الشباب على العامل عند أي رب عمل وفي أي مجال أن يفكر بمصلحة رب العمل وبمصلحة العمل حتى ينجح ويتطور في عمله ولو على حساب مصالح العامل الشخصية ولكن طبع ضمن الحدود الدينية والقانونية والأخلاقية و المهنية
تصميم المواقع ليس بالعمل المستحيل طالما أن الأدوات والبرامج متوفرة ولكن يبقى الأساس هو الذوق والإبداع في التصميم وهذه موهوبة منحها الله لبائع الفلافل
ولا ننسى أنه مع تقدم التكنولوجيا ووجود العديد من البرامج أصبح تصميم المواقع عملية سهلة فقط على الشخص الموهوب أن يبدع فيها مثله مثل الرسام أو النحات
أنا أتمنى من كل الشباب أن يكون عندها طموح مثل طموح بياع الفلافل لأن هذا يشجع الشباب على الإبداع والتطور والإرتقاء في مجالات عملهم وحتى التطلع إلى مجالات أعلى بكثير مما خططو له وهذا ليس عيب فلماذا الأخ ربيع متشائم ومحبط لا أعرف
شيئين فقط هم الأساس في إيجاد العمل في المجال الذي تدرسه
1- التوفيق من الله عز وجل وتقوى الله والإتكال عليه أنصحك أن تقرأ الآيتين 2 و3 من سورة الطلاق وطلب الرزق الحلال وأن تنوي أن يكون عملك خالصا لوجه الله ولخدمة إخوانك وليس لمصلحتك الشخصية وإرضاء لرغباتك وهذا قد يقود للكبر والغرور لذلك يعسر الله ذلك الهدف
2- الإرادة القوية على تجاوز المصاعب والتخطيط للمستقبل بوضع خطط أساسية لاتباعها وخطط ثانوية لإتباعها في حال لم تتحقق الخطط الأساسية مثلا الخطة أ ثم إذا لم تعمل الخطة أ نحاول أن نطبق الخطة ب وإذا لم تظبط خطة ب نحاول أن تطبق الخطة ت وهكذا
صدقوني ياشباب الحياة طبعا فيها المتاعب والمصاعب وهذا كله يهون في سبيل إرضاء الله والسعي للعمل الحلال ولو أن البحث عن العمل أخذ وقتا لذلك أنصح الشباب بالصبر والمتابعة وعدم اليأس
وفي النهاية وأهم شيء هو الرضا بقضاء الله وقدره لأن كل شيء مكتوب
مع خالص دعائي لجميع الأخوة بالتوفيق من الله عز وجل وإيجاد الأعمال التي تلبي طموحاتكم وتخدم الأمة وتقدم الخير للمجتمع

يعني شي بيرفع المعنويات

كتب SG:

فكرنا بقصة بياع شاورما بظن أنها أحسن ؟

كتب NightWolf:

Windows Sucks, Ubuntu Rocks

Going Linux

بالنسبة لكلامك أخي ماهر في شي كتير من الصحة...بس مو دائماً

بياع الفلافل يلي حكيت عنو ....كان مجرد رمز لتجربة تقريباً شخصية....

أنا مو متشائم بس كمان مو متفائل......
يعني حالياً وفق الشي يلي عم نتعلموا بجامعة تشرين للأسف هلأ ما خرجي اشتغل شي لأن ما بعرف شي

أما الشي يلي بفترض اني قادر عليه فهو بجهد شخصي قادر أي شخص يقوم فيه.....

وهيك ما رح يكون في فرق بين الجامعي وغير الجامعي سوى ما يقال أنه شهادة اختصاص

بالشام كلامك أكيد صح .....
بس بالمدن الصغيرة الشغل بهاد القطاع محدود...
وهاد الشي المزعج

وبالنسبة لسياسة الخطط لا تخاف عامل شي
1000000 خطة بس وفق المخططات كلها فاشلة......!

والله أنو فكرة أنو مجموعة يعملو مشروع كتير حلوة
لأنو لازم نتعاون وشغل المجموعة أفضل من شغل الفرد
لأنو كل واحد بكمل التاني ...

بسسس !!!! نتخرج بالأول على خير !!!!

طيب يعني يا شباب برأيكم أني إذا فتت عالمعلوماتية ودرست منهاج تقريبا بعرف نصفه واتخرجت مع شهادة بعتقد أقل من الشهادات الدولية وذلك لتدني مستوى المنهاج يلي عن ( يعني معقول أنو الدكاترة ما بصير تجيب سيرة الفيجوال بيسك أدامهم مع أنو اللغات كلها صارت بنفس القوة من سنة الـ 2005 ؟؟؟ )
http://www.csc-sy.net/node/2841

طيب شو بعمل بهالحالة أنا بكب خبرة 7 سنين بالبحر ؟؟ يعني صحيح أنو

يعني ممكن يفتحو دكتوراة بالمعلوماتية بعد ما فتحو الماجيستير .

بس أنا باعتقد أنو مع كل هالشي رح بيضل في عنا نقص وقصور في المنهاج , فيعني بلأخير طلعت المفاضلة ولحد هلأ ما بعف شو رح بفوت , يعني رح بكتب الطب أولا والمعلوماتية ثانيا ( والله مو حبا بالطب عن المعلوماتية بس مشان ما تغضب أمي عليّ ) وباعتقد كمان أنو الطب رح بيرتفع للـ 237 وأنا مجمع 235 فما رح يطلعلي وأنا مالي مستعد أني سافر لأدرس مادة مجبر عليها رغم كرهي الشديد إلها وللحفظ .
على كل حال باتمنى أنكم تضلو متاابعين بردودكم عاالموضوع .

كتب NightWolf:

Windows Sucks, Ubuntu Rocks

Going Linux