بحثالمحتوياتتسجيل دخولفي الموقع حالياهناك حاليا 9 أعضاء و 29 ضيوف في الموقع.
|
سنة أنا و csc-sy أرسل من قبل Abo_Elkhell في الثلاثاء, 2006/08/15 - 4:57am.
سنة أنا و csc-sy.net فعلاً اليوم هو 15/8/2006 وهاد بيعني انو صرلي سنة كاملة مسجل بمنتدانا الغالي . فعلاً سنة كانت كتير رائعة ....... طبعاً ما بيحلى النقاش و ما بتحمى الاحداث ألا بالخنايق وبوجود أعضاء مميزين و على أتم الاستعداد لهالعمليات النوعية بعدها انا فهمت شو طبيعة الموقع وليش أوقات الأعضاء بيتصرفو تصرف قاسي مع بعض الاعضاء و اكتشفت بعدين انو هالشي كلو لصالح الموقع . و على قولة المتل لا تاخد رفيق إلا بعد خناقة ...... فعلاً صارو كل الأعضاء اللي بالموقع أصحابي و الحمد لله صارت الأمور روعة . بدي قول كم شغلة كماااان ........ فعلاً عن طريق الموقع اتعرفت على كتير أشخاص و قسم كبير منهون صارو أصدقائي بالفعل ان كانو معنا بالشام أو بحلب أو باللادقية (متل DarkSide اللي هوو هلأ مسافر حالياً) أو بحمص . فعلاً جزيل الشكر للي أسسو الموقع وخلونا نجتمع فيه و كل الشكر لكل الأعضاء اللي اتعرفت عليهون وعشت معهون أيام كتير حلوة ان كانت مشاكل وخنايق أو كانت بالاجتماعات الرائعة لأعضاء الموقع أو كانت عن طريق الانترنت فقط وما التقينا فيهون بعد . شكراً للكل ولا تواخذوني طولت عليكون . وبتمنى كون معكون على طول ان شاء الله . أبو الخل . ( CSC-SY.net )
 مرحبا ....  كل سنة و انت سالم و csc بخير  أبو الخل انت من الناس المميزين بالموقع ومشهود الهن بالأدب والأخلاق، لذلك بستغرب انو صار معك مشاكل بأول فترة! 1- أحلى ahnaqsh والله ,و أنا كمان كتيرمسرور بالتعرف عليك . 2- gggaes أهلاً وسهلاً ومرحبا فيك . 3 - Renwar الشرير ؟؟؟ شو حابب تكون أول سنة و آخر سنة إلي 4- ANATHEMA شكراً كتير هاد من ذوقك ,بس المشكل صارت لأنو ما كنت عرفان شو قوانين الموقع مشان هيك صارت المشاكل يعني الحق كان عليي . أبو الخل .  الف مبروك الذكرى السنوية تبعك بالموقع!  كل عام وأنت والموقع بخير ... أبو الخل بتعرف.......الفكرة حلوة ما علينا  ان شاء الله السنة الجاية تكون خالية من المشاكل والخنايق ..  أحلى أبو الخل وألف مبروك الذكرى السنوية وكتير تشرفت بمعرفتك شكراً كتير شباب وصبايا وانشالله دايماً مع بعض وكتير سعيد بالتعرف عليكون وحتى لو ماشفت بعضكون لهلأ .
بالتوفيق .
أبو الخل .  لك الف مبروك عالسنة وعقبال اليوبيل الخشبي والتنكي وغيرون ..  عنجد الموقع الو فضل كتير لانو عرفني على اصدقاء متل ابو الخل .. وطريقة التعارف كانت كتير حلوة ودرماتيكية مشاركة ظريفة من ابو الخل بعدين حذف المشاركة بعدين نقد عنيف من بعض الاعضاء أعقبه جو مشحون وتبادل للاتهامات لمدة يوم وكنا انا وابو الخل وحازم واعضاء تانيين وقتها بجبهة وحدة ..
واذا برسالة خاصة من ابو الخل بقلي فيها انو مستعد لاي عمل انتقامي وهيك تعرفنا وصرنا اصدقاء .. صحيح انو ما سنحت الفرصة انو نشوف بعض بسبب جدول اعمال ابو الخل الحافل بهداك اليوم اللي تأخر فيه عالموعد  بس لسا الايام جاية ..واكيد اللي بيعرف ابو الخل بحس اديش ظريف وبحب ينبسط وبنفس الوقت بحب الشغل وبعتمد عحالو .. موفق بشغلك وبسنتك الدراسية وبشغلات تانية (بجهات المالكي ...)    ان شااااء الله عقبال ميه سنه ياابو الخل بصراحه انت من الاعضاء اللي عن جد شرفني التعامل معهن وبكن الك كل احترام بجد انت من الاعضاء المميزين في هالموقع الراااائع الى الامام ياابو الخل دمت بكل خير انسانه من الوجود كل سنة وأنتم سالمين |
.
© 2004-2008 CSC-SY
المشاعر متبادلة.
و أنا كتير انبسطت و تشرّفت بالتعرف عليك ابو الخل. 