CSC-SY

مرحبا شباب انا طالب بكالوريا السنة الجاي وعم بدرس بالصيف ألله لا يوريك اللي شفته انا مسجل بثانوية السعادة وكل درس في تسميع وما شابه ذلك ولكي يزيد الطين بلة فقد كنت من المتفوقين بالتاسع (285)كلهم راحوا على العربي تخيل ذلك المهم بالشعبة اللي فتت فيها كل الطلاب متلي والتشديد اكثر من غير شعب لذا فالدراسة عنا اصعب من غيرنا وتقريباً خلصنا المنهاج بالفيزياء من الشكل النظري المهم انا كان عندي حلم وهذا الحلم يتحقق عندما ادخل الكلية المعلوماتية وانا جيد جداً باللغة الإنجليزية وشاطر بالبرمجة شغال على السي (بدون +) كنت حب بوقت فراغي اعمل على دراسة اللينكس و السولاريس والBSD ودرست مناهج متل الA+ ,Network+ linux+
حتى إني عملت في معرض شام 2006 في مختبر الرقميات وتعرفت على طلاب معلوماتية رائعين كانوا يعملون معنا والله كل ما كنت شوف حدا معلوماتية يزيد في نفسي الشوق لدخول هي الكلية
فشعرت بأنني حفر وتنزيل كما يقولون بس المشكلة اني خايف من البكالوريا والعلامات هي السنة نار وخايف كتيير من البكالوريا مع انني لقيت البكالوريا مو سيئة بس التشديد مثلاً شعاع ما بتحطوا راح كم علامة ولك حتى القيم الجبرية عم نتحاسب عليها وفي احد الامتحانت الليي قدمتها في الصيف بالفيزياء كل شيء صح عندي بس شعاع نسته فنقصت علامتي 1درجة وهي مصيبة
ليش كترت حكي انا على كل حال بدي أسألكم سؤالين الأول نصائح من اجل البكالوريا وهل خلصتم شي بالصيف فانا لم انتهى سوى حوالي 65% من كل المواد ما عدا الريضاضيات شغال فيها تمام وبخاصة التحليل

أول شي مرحبا زميل (( أناقدمت هالسنة بالسعادة شعبة 12 وجمعت 235/240 )) بالنسبة للمنهاج لا تخاف ولا تاكل هم , باعتقد أنك شعبة 2 أو 3 يعني أفضل الأساتذة وبتخلص انشاء الله كل منهاج الرياضيات والكيمياء بس الفيزياء صعب , على كل حال أي مساعدة أنا جاهز وإذا بتحب شوف الوصلات النالية إذا بتحب ومنضل على تواصل :
http://www.csc-sy.net/node/3582

http://www.csc-sy.net/node/3545

أولا انا الحمدد لله جيت شعبة الأولى وإن شاء الله مبروك بس سؤالي شو بتنصحوني من شان البكالوريا من حيث عدد ساعات الدراسة و شو المواد اللي بيتعصلج معكم بالشتاء وما شابه ذلك

شوف لا تاكل هم أبدا ً بإذن الله ما في شي بيعصلج أبدا ً بس بالشتاء لازم تدرس كل درس بدرسه (( والله نصيحة مجرب )) عنجد يعني اهتم بالعلوم والعربي (( المذاهب والفنون والقراءة )) والقومية لأنك إذا ما اهتميت فيهون من الأول بيضيعوا من إيديك , لازم تبقى على اتصال دائم مع هدول المواد لأنو متل ما بتعرف فيها تكمن قوة المجموع , بالنسبة للرياضيات ولا أحلى بكرا بتشوف الأساتذة شلون رح بيشربوك ياها شرب وبتلاقي حالك عمبتحل بسرعم متل شربة المي , الفيزياء بدها حفظ 20% وفهم 80% وكمان الأساتذة ما بيتركوك تطلع من الصف إلا فهمان وحافظ كمان , الكيمياء اللاعضوية 75% فهم و 25% حفظ أما العضوية  50% بـ 50% , وأنا عنجد بطمنك أنو مع السعادة ما في شي صعب (( Saade School: Cool Alatool )) .

أما بالنسبة لساعات الدراسة بكرا بتمل من عمار الناشف كل يوم والتاني بيفوت بيقلك لازم تدرس من اليوم ورايح كذا ساعة بيبلش من الـ 6 ساعات وبيخلص بآخر السنة بـ 13 ساعة , على أي حال مو ضروري تتقيد لأنو عدد الساعات بيفرق من طالب لطالب حسب المقدرة الذهنية وانتباهه عالأستاذ وقت الشرح (( ملاحظة : أوعك تشرد بالدرس لأنو كل ثانية فيها فائدة إي والله )) , بس توصل بآخر السنة لشهر المراجعة لازم تكون متمكن من كل شي عملي وعندك فكرة شاملة عن كل شي نظري , أنا درست باليوم الواحد 13 ساعة واحسنت عيد المنهاج بهالشهر 3

 مرات وأثناء الفحص  عدته مرة رابعة (( يعني صرت حافظ الفواصل والنقط )) , وقد ما بتحسن حل تمارين يعني لازم تخلص السنة وتوصل للفحص ومالك تارك أي تمرين , لا تجيب تمارين خارجية إلا يلي بيعطوك ياها بالمدرسة , ولا تقول هي بتجي وهي لا (( شفت رسمة العلوم يلي إجتنا ؟ القرد ما كان بيقول هي بتجي وأجت بس يلي حافظ النظري دغري حلها )) , كل ملاحظة بيقولها الأستاذ سجلها والله ما في أستاذ قال شي غلط .

موفق انشاء الله , بذكرك مرة تانية أي مساعدة بتطلبها أنا جاهز .

الحمد لله وجدت مين يفهمني كل شي بتصدق سألت كتيير بس ما كنت لاقي جواب شافي متل الخلق والعالم وانت زلمة متفوق يعني كلامك شغلة على كل حال شكراً لك كتيير وبالنسبة للتطويل لا تاكل هم انا استمتعت بنصائحك وقد ما بتطول انا ما عندي مشكلة
بس عندي مفهوم شو رايك فيه :
انو ادرس كل يوم بيومه متل ما كنت بالتاسع هذا اول شي ما مختلف عليه بس بالعطلة يوم الخميس (كمالة اليوم) والجمعة والسبت هل اعيد مراجعة سابقة لما سبق والمصيبة انو بالسعادة بعطوك كل اسبوع اوراق مذاكرة كم واحدة لمادة واحدة فقط اام اكثر ؟؟
وهل ادرس بالعطلة الانتصافية لان بعض اصدقائي يقولون انهم سيرتاحون فيها شو رأيك هل ارتاح عندها ام لا
بالنسبة للرياضيات ملاقيها سهلة وابسط ما تكون والفيزياء كمان بس في مشكلة الافكار الجديدة هي والكيمياء وسؤالي يكمن هل الأسئلة كلها تعرف نمطها ام تعطى انماط جديدة اثناء الامتحان كوني بتصدق اني بالحادي عشر تجيني اسئلة اول مرة بشوفها بحياتي والحمد لله اساتذة عدم لحتى تكمل فتكونت عندي عقدة من هي القصة حيث طول عمري كنت متعود اني اعرف النمط على الاقل
وبالسنبة للعربي صحي انو الاسئلة بتجي اصعب من الادبي
والمذاهب ما فيها مشكلة بدها اعادة بين الحين والآخر مو اكتر لحد الآن خلصت مذهبين وبدي ادرس الثالث على كل حال المواضيع انا عندي خوف منها كونها تأتي كربط وكيف لي ان اتذكر فكرة من هون وهنيك ؟؟؟
شو رأيك
والإنجليزي حاسس حالي خلقت وعندي مجال فيها وهي سهلة كتتيير شايف انا اللي طولت عليك هي المرة وهي آخر تساؤلاتي وشكراً لك كتتير على مجهودك معي وإذا بدك دعوة للجي ميل ابعتلي رسالة على wase39@gmail.com
ولح ابعتلك لحتى تسجل (انت بتعرف شي هي ميزاته 2700 ميغا للستوريج و حماية من السبام مو حماية مطلقة بس ممتازة مقارنة مع الهوت ميل
على كل حال شكراًَ لك وانا بشكرك كتتير مرة اخرى
اخوك وسيم

أولا ً : أيام العطل :
بالشتاء السعادة بتعطي من بداية تاني شهر المذاكرات الأسبوعية يلي بتعملك مراجعة لمادة وحدة كل أسبوع , لازم أول ما ترجع يوم الخميس ترتاح شوي وبعدين بتدرس المادة يلي عطوك ياها من أولها لعند ما وصلت , تسكر كل شي وتبلش تختبر حالك ........ متل ما قالك أ. عمار أول مرة فات لعندكم , إذا خلصت كل المذاكرة رح يزيد معك وقت وهذا شي أكيد , بتدرس فيه كل شي مقصر في أو حاسس حالك مالك فهمانو أو حافظو , ما في أي مشكلة بالمراجعة أيام العطل بس أنا بقول أنو تبلش شوي شوي مشان ما تتعب حالك من أول السنة و تمل آخرها (( الملل بالباكالوريا قاتل )) .

على فكرة أنا عندي حساب GMail وهو نفس الـ Username تبعي هلأ شكرا ً عالدعوة .

شكرا جزيلاً والله يوفقك اينما ذهبت

الله يكون بعونكون يا بكلوريا ....زكرتني بحالي أيام مجدي بالبكلوريا
بس انشاء الله ما بينخاف عليك...و على فكرة أنا ما درست ربع دراستك بالصيف و جبت 234 طبعا من أبل كذا سنة.....و أنا بتمنالك تجيب علامات منيحة كتييــــــــــر و الله يوفقك

الله يوفنا ويوفق الجميع

الله يوفقك يا وسيم , وأنا ما عملت غير واجبي , إذا بدك أي شي ابعتلي عاإيميل أي يوم بالسنة أنا جاهز .

انا قد ما شكرتك يا عبد الله ما لح كون غير مقصر معك والله يوفقك بالمعلوماتية وبتلاقيني هونيك كمان السنة الجاي وبلاقيك من المتفوقين