CSC-SY

انا قد سجلت هذا العام في كلية الهندسة المعلوماتية في جامعة دمشق,,وعندي بعض المقومات الرديئة لهذا الفرع,فأرجومن الأعضاء المشاركون ان يزودوني ببعض المعلومات عن هذا الفرع و مستواه العلمي الدراسي من حيث الدراسة العملية,لانو أخوكم بيحب العملي كثيراً,وارجو أنبائي عن كل مايتعلق بهذا الفرع..لانو لحتى الآن انا بحس حالي قد ارتكبت خطأ في أختياري لهذا الفرع......فأرجو من الأخوة الاعضاء الكرام مؤازرتي والشد على عزايمي ,لانو قد تنهار في فترةً او اخرى. ( أخوكم:سلمان محمود فرج , من مدينة جرابلس عروس الشمال السورية,عروس الفرات)

تم تعديل العنوان (الرجاء وضع عناوين واضحة ومعبرة raafat) 

أهلا وسهلا فيك كطالب جديد في المعلوماتية أنا برأيي أنو انت ماغلطت لما سجلت المعلوماتية فرع كتييير حلو عنجد والعملي عنا بدمشق كمان امنيح كتير بس أنا مافهمت عن شو بدك تستفسر ...؟؟
إذا حابب تعرف أنو اختيارك صح ولا لأ فأنا شخصيا بقولك مبروك القبول بكلية الهندسة المعلوماتية....

أنا صاحب هذا الموضوع,,كما انني لاأعرف الكثير عن محافظة دمشق,بأختصار,لا أعرف اين الجامعة,واين تقطن كليتي في دمشق,,فارجو من الاخوة الاعضاء المساعدة,لانو يوم الخميس انا نازل لدمشق من اجل التسجيل في الكلية,,فأنتم لاتعرفون من اين أنا,فأنا أقطن مدينة جرابلس,في الشمال الاقصى على الحدود السورية التركية.رجاءًمن الاخوة الكرام الأعضاء تزويدني بالمعلومات الكافية فيما يتعلق بموقع الجامعة وعن كلية الهندسة المعلوماتية من حيث الموضع(في اي منطقة هي أو مثلاً كيف أذهب اليها بعد نزولي في منطقة السيدة زينب)...كما اريد من الاخوة الأصدقاء بعض النصائح فيما يتعلق بالسكن الجامعي.(فأنا من أهل الطبقات المتوسطة غنىً)....أرجو الرد منكم أخوتي الاصدقاء.
وأرجو من الله ان يعرفني بصديق وفي وعيد مخلص,فانا ساكون وحيداً في دمشق.اصدقائي كلهم سجلوا بحلب..انا كنت لسجلت في حلب,ولكني قصدت دمشق طلباًللدراسة الأفضل , ولكي أحس اني ادرس جامعة...يكفينا مالقيناه في البكالوريا...على فكرة:اخوكم معيد بكالوريا سنة ثانية(السنة الاولى 219 والثانية اكيد230 )
أخوكم ديناً ودراسةً سلمان محمود فرج. شكرألتعاونكم......
على فكرة رقم موبايلي:098702422 .منزل:7940313\021

السلام عليكم
أهلا و سهلا فيك أخي سلمان و مبروك الفرع الرائع الي طلعلك, الفرع كتير حلو و ممتع و لا تخاف من شي
أنا جاهز بأي وقت باذن الله للمساعدة
بعدين لا تهكل هم الغربة لأنو بالشام ما حدا بيحس فيها

أود ان اشكرك أخي الكريم فراس على الرد على موضوعي(ايدوني و ازروني),ولكني اريد منك ان تطلعني على عنوان الجامعة في دمشق ان سمحت. وهل دراسة المعلوماتية تتطلب ان يكون دارس المعلوماتية لديه حاسبه الشخصي للمتابعة.(أقصد انا مثلاً هل ضروري أن أخذ حاسبي الى دمشق) مع الشكر الجزيل لك اخي فراس أخوك و صديقك ان شاء الله:سلمان.ولكن اخي فراس لم تجبني على اسئلتي.وان شاء الله مانحس بالغربة.

أهلاً وسهلاً فيك معنا

أول شي : موقع الكلية هو البرامكة -طريق الهندسات مقابل كلية الاقتصاد .

تاني شي :لما تنزل بالست زينب خود أية مكرو باص بيوصل على جسر الرئيس وبتصير الجامعة كتير قريبة أية شخص ممكن يدلك على الطريق .

تالت شي :مشان الكومبيوتر أكيد لازم تجيب كومبيوترك ,مشان ما تتعذب بالمواد وتضطر تقعد بالكلية كتير و أوقات ما بيكون في أجهزة فاضية .

أهلا وسهلا فيك وبأهل جرابلس و انشالله ما بتحس بالغربة بالشام ,وبكرا بتشوف كيف ان شاء الله بتمشي الأمور برياحة .......

اذا اعتزت أي شي أنا جاهز وان شاء الله بساعدك بأي شي بتحتاجه .

أبو الخل (خالد).

أخي خالد,لم تجبني على أحد اسئلتي , وهو موضوع السكن الجامعي:انا اعرف انو كل الناس بيشتكو من السكن,والبعض بيقول اياك و السكن الجامعي..لكن من ناحية اخرى انت تعرف انو انا رح كون لحالي بالشام,فمن البديهي ان أختار السكن الجامعي,لكي لا أحس بالغربة,,كما اني قد قلت سابقاً انا لا أتحمل أعباء الايجار من ناحية اخرى..على العموم اود منك اخي خالد ان تطلعني بصراحة(لا تفهمني غلط أخي خالد) على موضوع السكن وهل هناك وحدات أفضل من غيرها من حيث الموقع والدراسة وأفضلية من غيرها من الوحدات.على كل حال ارجو منك الرد اخي خالد..لك مني كل الشكر و الامتنان.كمان شكراً على المعلومات.

أخوك:سلمان

أول شي أهلا وسهلا فيك سلمان بكلية الهندسة المعلوماتية وإن شاء الله راح تكون مبسوط ومروق .....
بالنسبة للسكن بالشام :خصوصي هالسنة الإيجارات مرتفعة جدا حتى أصبح على كثير من الطلاب البحث عن سكن لهم في الضواحي مثل قدسيا أو غيرها.....
أما بالنسبة للمدينة الجامعية فأعتقد أنك سمعت عنها بما يكفي وأنصحك بأن تجعلها خيارك الأخير ....
أعرف أن الإيجارات غالية ولكن أنصحك بأن تبحث عن شباب من منطقتك يدرسون في دمشق ثم البحث عن سكن معهم وهذا سيجعل الكلفة أقل بكثير ...

بما أنو كل رفقاتك ما سجلو بالشام وانشاء الله بتتعرف بالشام على غيرهم فمن الصعب تلاقي سكن ايجار مع حدا من بلدك وممكن الأشخاص يلي تسكن معهم ماترتاح معهم وتانيا هلق البحث عن شقةأجار صعب كتير لأنو كتير من الطلاب بأمنوا حالهم من بداية الصيف أو نهاية العام الدراسي السابق المدينة الجامعية امنيحة انا ماسكنت فيها بس عندي رفقات هناك طبعا حتلاقي بعض المشاكل بس بدك تتحمل وتتعود على الجو هناك ما بظن أنو السكن هناك مكلف وبعتقد بلش التسجيل للطلاب المستجدين أنا بعطيك العنوان تبع المدينة الجامعية وانت روح إسأل هناك أنا برأيي إنزل على المدينة واسأل عن مكتب المدير هناك أكيد بيفيدك بكل شيء.... هلق كيف بدك تروح لهناك كالاتي : بعد متروح على الجامعة اسأل على موقف الإقتصاد بيدولوك عليه طبعا بتروح مشي على الموقف وبيمر هناك سرافيس مكتوب عليها(مزة جبل - ...)أي مكرو مكتوب عليه مزة جبل بتطلع فيه وبتقول للشوفير نزلي عند المدينة الجامعية بينزلك قدامها وهناك بتسأل

أخ سلمان أهلا وسهلا فيك بالكلية وإن شاء الله بتتوفق وبتنبسط فيها وسواء سجلت بحلب أو الشام أو غيرها بكل الأحوال بدك تسافر
بالنسبة لكيفية الوصول من السيدة زينب للكلية أول شي بتركب سرفيس السيدة زينب وبنزلك بكراجات الست وبعدها بتركب بأحد السرافيس التالية (مليحة-برامكة, أو الدوار الجنوبي, أو مهاجرين-صناعة) كلهم بروحوا عالبرامكة والخيار الأفضل هو مليحة برامكة لأنو بنزلك عند مفرق كلية الإقتصاد وهنيك مين ما سألت عن الكلية بدلك.
أمكا عن السكن أنا بنصحك تسجل بالمدينة الجامعية لعدة أسباب (الأول إنو الأجارات هي السنة بالذات كتير مرتفعة بشكل مو طبيعي, وتاني شي المدينة الجامعية قريبة من الكلية, وتالت شي يلي بيسكن بالمدينة الجامعية بحس بجو الجامعة أكتر وبيتعرف على ناس أكتر وطبيعة الحياة فيها كلهم طلاب بتكون أجمل).
وبالنسبة للكمبيوتر كتير ضروري يكون عندك وإلا بدك تعاني بعد فترة.
وأهلا وسهلا فيك بالكلية وبالتوفيق.

شكراً جزيلاً لكم ايها الأخوة ..وان شاء الله نتعرف عليكم بالجامعة ونحظى بصحبتكم,,,اكرر شكري و امتناني لكم.

بالتوفيق إن شاء الله, و أكيد اسبوعين تلاتة بتتعوّد على الوضع.

بالمناسبة, المعلوماتيّة أحسن من كتير خيارات تانية, و أكيد أحسن بكتير من طب الأسنان, على الأقل الواحد ما بيقضّي يومو عم ينكّش بتمام العالم.

أخوتي الكرام,,بتمنى ماكون ثقلت عليكن باسألتي,كما اتمنى ان تجيبوني على سؤالين من فضلكم,ان تكرتم والله خير المكرمين,لكي لا أواجه صعوبة في التسجيل,فأنتم كما تعرفون انا من منطقة بعيدة جداً عن الشام, اي من غير الممكن ان أذهب للشام وفجأةً اجد ان اوراقي غير مكتملة للتسجيل في الكلية,وأضطر ان اعود مثلاً لمدينتي لاستوفي الاوراق المطلوبة.
السؤال الأول:هوعن الاوراق المطلوبة للتسجيل في الكلية (الاوراق المطلوب مني أحضارها من مدينتي وليس من الشام,
السؤال الثاني: الاوراق المطلوبة للتسجيل في السكن الجامعي(كذلك الوراق المطلوب مني أحضارها من مدينتي.
أرجو من الأخوة الأعضاء المسجلين سابقاً,ممن لهم معرفة بهذا الامر الرد السريع,لانو غدأ الخميس انا نازل للشام.وشكراً لكم.
(هل يوجد تسجيل في الجامعة و السكن يومي الجمعة و السبت أيضاً؟)
أخوكم:سلمان

تسجيل الجمعة والسبت أكيد لأ
أما عن الأوراق المطلوبة فبسألك وبرد عليك ان الله راد

ببساطة لازم تجيب معك كل أوراقك الثبوتية (هوية, دفتر خدمة العلم)
بس ما بعرف اذا كان السكن الجامعي بدو شي تاني (بس على كل الأحوال ماعاد اتلحق اتطلع أي شي اذا نازل اليوم)