CSC-SY

اليوم يا شباب كان حفل التخرج تبع دفعتنا
ما بعرف كيف بدي أوصفلكن الروعة اللي عشناها بهالساعتين زمان
الكل كان بقمة سعادتو والكل كان كأنو عيلة واحدة
شي أكتر من رائع
عن جد عقبالكون

مبروك لكل الخريجين و عقبالنا ان شاء الله

جد كانت كتير حلوة

عقبالنا السنة الجاية

أهلين زميلة
شفتي أديش كان الجو بيجنن وأديش كان الطلاب مع بعض وكأنن أخوة

اي والله نيالكون خلصتو من الهم..
ان شالله الف مبروك وعقبال عنا

مبروك و عقبال الجميع.

ألف ألف مبروك للجميع و خصوصاً إليك زميل TD
و إنشالله منشوفك بأعلى المراتب

يا ريت زميل TD تخبرنا شو صار بحفلة التخرج
لأنو ما تمكنت أحضرها

الف مبروك للكل عقبال الشهادات الأعلى
بس اذا سمحتولي اقتراح
يلي عندو صور جماعية للخريجين يحطها لأنو انبارح ما اقدرت اخد صورة جماعية
و حتى الصور الفردية يلي بحب كمان يحطها منحتفظ فيها ذكرى للأيام الحلوة

ألف مبروك لكل يللي اتخرجو

.....يللا هانت

شفناكم البارحة وأنتو عم تتصورو ... عن جد الفرح معبي وجوهكم.

اشتهيتنا التخرج ... أي واللله

ألف مبروك التخرج يا رب .. وعقبالنا

يا الله كنت بدي روح ,بس نسيت الموعد

انشالله ألف ألف مبروك للجميع وانشالله هيك عقبال ما تشتغلو بأحسن الوظايف و بأعلى المراتب .

وعقبالي أكيد

أبو الخل .

ألف ألف ألف مبروك لكل الخريجين
عنجد فرحة حلوة وعقبال عنا يا رب وعقبال الكل
عنجد فرحة ما بتنتسى

شكرا ألك زميل وان شاء اللعقبال ما نحضر فرحتك السنة الجاية

أول شي كلمات بلا طعمة متل ما بتعرف بعدين بلشت الأغاني تبع الفرح والنجاح بلشو الخريحجين يلوحو بالطواقي ويزتوها بعدين بلشت عمليات التصوير مع الأهل والأصدقاء والمباركات وهدا أحلى شي
يعني أظرف شي تحس أنو الكل كان عيلة وحدة

أي والله يوم من الأحلام

ألف مبروك وإن شاء الله بتكونوا من اللي بغيرو كتيير إشيا طبعا للأحسن وأكيد كانت حلوة لأني حضرت حفلات تخرج لأختي ولرفقاتي كمان رح تذكروها على طول ويمكن بيوم من الأيام تحسوها شغلة عادية بس رح يرجع شعوركن نفسو مهما مرت الأيام رح تبقى ذكرى ولا أروع
وألف مبروك مرة ثانية

ألف ألف مبروك التخرج إلك TD ولكل الدفعة
وانشالله عقبال ما نباركلكم بشغل ممتاز كلكم وتصيرو أصحاب شركات
( وادعولنا نحنا كمان وخاصة _طلاب السنة الأولى_ إنو نتخرج متلكم
لأنو باين إنو الطريق طويل وفي دكاترة عنا ما بطمنو وما ببشروا بالخير بنوب

شكرا إلك وعقبالك

كتب Sana A:

لأنو باين إنو الطريق طويل وفي دكاترة عنا ما بطمنو وما ببشروا بالخير بنوب

فرحة هدا اليوم بتنسيكي كل شي

حبيت قول كم كلمة بتمنى تقبلوها من أختكم الصغيرة
لكل اللي تخرجوا واللي بدهم يتخرجوا طلاب هندسة معلوماتية : نحنا أكتر طلاب ومهندسين ببلدنا لازم نفكر بهدف التطوير بسوريا وتخليها تصير أحسن ونفيدها بعلمنا قبل أي مكان تاني بالعالم ولو شو ما لقينا صعوبات بالبداية بس إذا ما نحنا غيرنا أصلا كل نظرة مجتمعنا وحاجتهم للمعلوماتية بحياتهم بعمرها ما بتتغير وبتصير فرص الشغل عنا مفقودة..لأنو للأسف أكتر الطلاب اللي سمعت عنهم تخرجوا وخاصة الشباب عم يسافروا وييأسوا بسبب قلة الشغل عنا والشغل الكتير اللي عم يلاقو بره ...وهو صح مو كل الناس هيك بفكروا بس الغالبية..
عفوا إذا طولت بالحكي وبتمنى ما يكون حكيي تقيل ونظري وبعرف إنو صعب ينطبق على الحياة العملية دائما...بس بالفعل بلدنا بحاجتنا ولازم نفكر بإنو ننفعها متل ما منفكر بنفعنا الشخصي (The future is ours)...
ما بعرف إذا بتأيدوني بحكيي أو لأ ...

أحلى تحية لك زميلة Sana A
و إنشاء الله نرى سوريا (بلدنا الغالي) في أعلى المراتب

شكراً لك مرة أخرى

الف مبرووووووووووك.....................
و عقبال الجميع ان شاء الله
وعقبالنا نحنا السنة الاولى مع انو لسى بكير كتير

ألف ألف مبروك شباب عنجد فرحتلكون خيرات الله, وعقبال الكل انشاء الله (( ونحنا معهون )), ونبني سوريا سوا إيد بإيد.

للأسف الزميل foaad يتعامل مع أي موضوع له علاقة بوطننا العزيز سوريا بدرجة عالية من السخرية و التهكم
و هذا أمر غريب و مستهجن

تفضل زميل foaad و أخبرنا عن الأشياء التي لا تعجبك في وطنك سوريا ، كلنا آذان صاغية

بتصوّر إنو ممكن التطوّر إذا كل واحد حاول يصلح المشاكل اللي بيواجهها و بمقدوره يحلها. بتصوّري إنو أغلبيّة مشاكلنا مو سببها الرغبة بالإذى, بس الإهمال و التسيّب و الغباء.

"التطور عبارة عن سلّم ، ان لم نضع قدمنا على اولى درجاته ، لن نتمكن ابدً من وصول قمّته"
فيجب علينا ان نمر بدرجات الجهل التي سبق وقد مرّ بها غيرنا، خطوة خطوة سنصل الى درجات متقدمة ان شاء الله.