CSC-SY

أكيد أغلبنا سمعان بأغنية (وين مسافر ) لجوليا بطرس ...
حبيت إبدا فيها حديثي لأعرف شو فكرة كل واحد منا عن السفر للعمل خارج سوريا ؟؟؟بما أنو أغلب الطلاب عنا ما بصدقوا إيمتا يتخرجوا ليسافروا ويشتغلوا بره
ليه ما كل واحد فينا بفكر إنو لازم ندور كتير ونتعب عحالنا (ولو واجهنا كتير صعوبات بالبداية) ونحاول بأي طريقة إنو نفيد بلدنا اللي خلانا نصير مهندسين معلوماتية ؟؟ومتل ما أخدنا صار وقت إنو نعطيه ؟؟ وهالشي أكيد بفيدنا إلنا كمان لما نفيد بلدنا ....
وبالذات إنو كلنا محتجين على واقع المعلوماتية عنا لأنو ( أصحاب محلات الصيانة والفرمتة عنا ) مفكرين حالن أهم من المهندسين ؟؟؟
وإنو الناس عنا بفكروا إنو نحنا درسنا مشان تكون أكتر شغلة منفهم فيها _إذا ما كانت الوحيدة_ هي (الفرمتة ) !!!!!
وبسبب هالأشياء عم تكون فرص العمل عنا كتير قليلة
ليه ما منبقى هون لنغير أفكار شعبنا عن المعلوماتية ونخليها من الحاجات الأساسية بحياتهم ؟؟؟
برأيي :
إذا ما نحنا غيرنا نظرتهم وأفكارهم بحياتها ما رح تتغير ورح يبقى الكومبيوتر بكل بيت (للألعاب والأفلام والأغاني ) ما أكتر
وبتبقى محلات الصيانة ومحلات (السيدي بعشر ليرات ) هي الوحيدة اللي عم تشتعل ..... وتضل شغلة اللي مالو شغلة !!!!
وإنو لو تعاوننا وبدينا سوا شوي شوي منقدر نحنا نخلق جو عمل مختلف تمام عن اللي موجود عنا هلأ

وهالشي بينطبق على كتير مهن ومجالات مو بس المعلوماتية ...بلدنا بحاجتنا كلنا نكون إيد وحدة لأنو إذا أغلبنا تخلو عنها وسافروا فلمين تاركينها ؟؟؟ومين بطورها ؟؟؟ والبلاد اللي عم نسافر عليها واللي هي حلم الشباب الدائم ما خلقت متطورة ...أكيد لأنو كان كل واحد فيها بحب بلده وهمه تتطور ساهم ولو بجزء بسيط وبالتعاون صارت بلدهم متل ما هي هلأ ...
صح إنو هالحكي صعب يتطبق دائما بس ما مستحيل وبالإرادة ممكن كل شي يصير ....
أنا عطيت رأيي وبتمنى كل واحد منكم يعطينا رأيه سواء كان (ضد أو مع ) السفر ليشتغل بره وشو الأسباب.. شو ماكان مجال عمله ....

باختصار: انتي بدك تفيدي بلدك، بس بلدك ما خرجا تستفيد منك.

كتب Sana A:

أكيد أغلبنا سمعان بأغنية (وين مسافر ) لجوليا بطرس ... حبيت إبدا فيها حديثي ....

شو يعني جوليا بطرس؟؟؟ آآآآه... لاوالله مالي سمعان بهيك شي

 بدي قلك شغلة سوق العمل بيختلف كتير عن الشي يللي إنت متخيلتي كمان  واقع الشغل هون مو هو السبب الرئيسي للسفر...

بعدين بكير شوي على الحكي بالشغل مو هيك

 بتعرف شو زميل

 لازم تفرق بين الوطن اللي هو انت وأنا وأخوك وأخي ورفيقك ورفيقي وكليتنا الحلوة وبيتك وبيتي وبين شي تاني

اللي بيطلع ع بعض التجارب الناجحة لناس من بلاد معترة متلنا بيتوصل لقناعة انو هالشي اللي قالتو sana مو مستحيل

وعندك تجربة بنك جرامين ومؤسسه البروفيسور محمد يونس اكبر مثال

ياريت لو في عنا محمد يونس واحد بس.... لكان اقتصادنا انقلب 180 درجة

بصراحة أنا كمان مو سمعان بجوليا بطرس.

بتصوّر إنو الفرمتة و توابعها فرص عمل مختلفة. يعني هي بيشتغلوها الناس بعد فترة تدريب بسيطة, مثلا شهر أو شهرين. الـ cs و توابعه بدن فترة تدريب أكبر بكتير.

بتصوّر ممكن الواحد يكون مفيد لبلده و يضل فيها, بس صعب. الهجرة حل لكتير من المشاكل, بس المهم الواحد يرجع بعدين, مو يعصى برّه.

وبعرف تمام إنو سوق العمل مختلف تمام عن الدراسة بالكلية وسمعت كتير عن سوق العمل ..وهي من الأسباب اللي كانت تخليني إتردد بإني فوت معلوماتية أو لأ لأني سألت كتير ( ناس عم يشتغلو )وقالولي كتير عن وضع سوق العمل البهدلة ....بس أنا كان قصدي إنو نحنا اللي لازم نغير وضع سوق العمل وقلت هالشي ....
وشغلة تالتة وأخيرة إنو بعرف تمام إني بكير على حكيي بالشغل ...بس لو فتحت موضوع ((حفل التخرج 2006 جامعة دمشق ))
بتعرف ليه عم بحكي عن العمل .. وكنت بقصد اللي تخرجوا واللي قربوا يتخرجوا .. ونحنا طلاب السنة الأولى (لسه بدنا كتيييييييييير لنوصل ) فالموضوع للنقاش مو أكتر

لو كل واحد مننا عم يصحله فرصة عمل بمجال دراستة وبرواتب مغرية ماكان حدا سافر بس الكل عم يتوفرله ببلاد الغربة احسن من بلده وبالاخر كله عم يرجع لبلده

أنا مع فكرة السفر بس ضد الهجرة.
ضد الهجرة لأنو البلاد الي بتعطي جنسيات (أوربا, كندا, امريكا) أنا شخصياً مابقبل عيش فيها والبلاد الي بقبل عيش فيها مابتعطي جنسية وبالتالي رح يعيش الواحد غريب. أما من ناحية الانتماء للأرض أو للقبيلة فهو جاهلية بحتة.
مع السفر بشكل رئيسي للتخلص من خدمة العلم لأنو بتضر الشخص وما بتفيد البلد وأكيد دفع البدل أحسن (مع انو بالحالتين بجوز الي عم يستفيدوا هنن الضباط يعني بظن هالمصراي رح تنصرف على شراء سيارات مرسيدس و أودي أكتر من شراء أسلحة)
من ناحية افادة البلد فسوريا كتير بتعتمد على هالأموال الي عم تدفق عليها من الخارج (ولا فكركون شلون ماشية البلد مع وجود كل هالفساد والهدر) يعني بالحقيقة هالشباب الي عم يسافروا 5 سنين ولا 10 سنين ويرجعوا بشكلوا ثروة اقتصادية كتير مهمة.
بالنسبة لسوق العمل مافي مشكلة بس لازم الطلاب يعرفوا حالهم شو مجال عملهم بعد التخرج بجوز الحق على الكلية الي ماعم توضح هالشي للطلاب من أول سنة, يعني مثلاً طلاب المدني أو العمارة أو الطب بيعرفوا بالظبط شو مجال عملهم بعد التخرج أما عنا فبجوز الطالب يتخرج ولسا مو عرفان شو بدو يشتغل واذا سألته بجوز يقلك "مهندس معلوماتية" في شغلة بالعالم اسمها مهندس معلوماتية! يعني متل واحد عم يقول أنا بدي اشتغل فنون جميلة مثلاَ!
لازم الطلاب يعرفوا انو بالنهاية المنتج الي رح يصنعوه هو برنامج متل ما طلاب المدني بيعرفوا انو المنتج تبعهون هو بناية أو جسر...
الفرق انو نحنا ممكن نكون مسؤولين عن بناء البرنامج من بدايته لنهايته أو عن أي مرحلة من مراحل البناء أما المهندس المدني فشغلته محصورة بالتصميم فقط.
ومن ناحية تطوير سوق العمل بظن هالشي بيعتمد على كفائة الخريجين وبالتالي نوعية البرامج الي رح يصنعوها يعني لنفرض انهون اشتغلوا بشركة محلية صغيرة فايتة بالحيط وبرامجها فاشلة نوعية البرامج الي عم تصنعها هالشركة رح تتغير وبعد فترة رح تقدر تبيع بالأسواق العربية مو بس المحلية وبعد فترة بجوز يفكروا بدخول مجالات برامج تانية (غير المحاسبة) والمنافسة عالمياً (وهالشي حالياً سهل جداً بسبب الوب) كل هالشي بيعتمد على قدرة العاملين بهالشركة (الخريجين) وجودة البرامج الي عم يصنعوها.
(يمكن حكيي ما بينطبق على مهندسي الشبكات بصراحة لازم يكون الهون كلية لحالهون مستقلة عن كليتنا )

يمكن اطلعت شوي عن موضوع السفر بس عالقليلة موضوع الكلية والشغل مافيه سياسة

فعلا الخدمة العسكرية هي السبب الرئيسي لسفر معظم الطلاب، وهدول معظمهم عم يسافروا للخليج كرمال الخمس سنين تبع البدل، وصدقوني يا جماعة كمان معظم هدول اول ما يدفعوا البدل عم يرجعوا لسوريا، مصفرين! يعني لا ثروة وطنية ولا هم يحزنون، بس خلصوا من الخدمة العسكرية.

كل السوريين اللي التقيتهم بالغربة عندهم اجماع انو الواحد بالنهاية ما الو غير وطنو، يعني الكل عم يرجع، بس عم يواجهوا مشاكل بالوطن بتخليهن يسافروا مرة تانية، وهي الحلقة المفرغة.

بالنسبة لإختصاصات هندسة المعلوماتية والكمبيوتر والاختصاصات المتعلقة بالتكنولوجيا، فبلدنا بأمس الحاجة لأصحاب هالاختصاصات، بس الحكومة تقدم شوية تعاون وتسهيلات، وما حدا بفكر يسافر كرمال ينجح أو يجمع مصاري.

شخصيا أنا من اللي حابين يرجعوا لسوريا، بس بالإجازة لما بشوف الروتين والبيروقراطية والفوضى برجع بعيد التفكير، كيف الواحد ممكن ينجح بهيك وضع، حتى لو حطينا ايدينا ببعض ما رح نستفيد لأنو الطرف التاني لازم يتعاون كمان.

كلام ممتاز. الامل حلو بس بالنهاية ماحدا بينجح غير الواقعيين.

معك بهالحكي ... بس مع هيك ما لازم نتركها

كليتنا الحلوة ؟؟!! عن مين عم تحكي ؟

على كل أنا مع ANATHEMA و foaad بكل يلي حكوه .. وحتى بالنسبة لي اذا سافرت فالسبب الرئيسي بالنسبة لي هو مشان الخدمة العسكرية

على فكرة ...للتوضيح بس :
أكيد ما قصدت بحكيي اللي بسافر خمس سنين ولا حتى 10 وبيرجع بعدين مشان يدفع البدل لأنو هاد الشخص ما إسمو تخلى عن بلده وتركها....
قصدت اللي بروح وبيعصى وشايل من باله فكرة الرجعة أصلا ....وفي كتير شباب هيك ...

انتو حكيتو انو الشباب بسافر مشان البدل و بعد خمس سنين بيرجع و ما الو غير الوطن
هالحكي صح بس مش دائما
انا السنة اتخرجت و كمان دفعت بدل الخدمات الثابتةو لقيت شغل جيد جدا
بس انا مستحيل فكر اني كمل هيك و ظل بالبلد

لأنو بلدنا مثل الرمال المتحركة بتبلع كل شي
و كمان في عنا بالبلد رمال متحركة بتبلع البلد

بعدين الواحد بفكر يسافر أو يظل بالبلد مو بس مشان الناحية الاقتصادية رغم انو الها الدور الاكبر
بس في كثير نواحي بهالبلاد بتخليك تفكر بالسفر بل بالهجرة و من غير رجعة , و يمكن كنا منعرف معظمها

السوق حالياً وضعو جيد إذا مو جيد جداً (ننتظر آراء الخبرات السابقة)

بس كأنكم ماسكينها جد و عم تعلق كل شوي و التانية

بعد ما قرأت وجهات هالنظر هي بظن أنو الكل عم يحكي على نفس الفكرة وهي أنو الكل مو ضد السفر بالمطلق بس ضد انو نترك بلدنا نهائيا وهدا الشي الكل موافق عليه بظن
أنا شخصيا مع السفر وحابب كتير سافر كمل دراسة أو سافر مشان البدل على الأقل بس هادا الشي مختلف تماما عن ترك البلد نهائيا وعدم التفكير بالرجعة ألى أبدا

كتب TD:

بعد ما قرأت وجهات هالنظر هي بظن أنو الكل عم يحكي على نفس الفكرة وهي أنو الكل مو ضد السفر بالمطلق بس ضد انو نترك بلدنا نهائيا وهدا الشي الكل موافق عليه بظن أنا شخصيا مع السفر وحابب كتير سافر كمل دراسة أو سافر مشان البدل على الأقل بس هادا الشي مختلف تماما عن ترك البلد نهائيا وعدم التفكير بالرجعة ألى أبدا

ليش مين قال لك أنو كل يلي سافروا وهجوا .. قصدي ما رجعوا ما كانت عندهم نفس الأفكار

حسب ما شفت في 90% من يلي سافروا بتكون بنيتهم أنو يرجعوا بس للأسف بيصطدموا بالواقع وقسم كبير منهم مابيرجع

فعلاً وضع السوق جيد جداً  حسب معرفتي وومكن راتب الشخص يوصل لل 40 ألف اذا كان حربوق

بس يا ترى هالشي بيكفي ؟ اذا بدو الواحد يشتري بيت يدو يصمد شي 10 سنين  

ليكو مين عم يحكي؟؟؟؟؟!!!

 الواحد صح لازم يصمد شي x سنة بس مو أنت مو هيك حبيبي همام...

ملاحظة

x >= 10

سلام رفاق
حابة اعطي مثال واقعي جدا ولحالو الرأي رح يطفو فوق الحكي
من سنتين حكيت بهالموضوع مع رفاقي واللي أكبر مني وكان رأين (الأغلبية ) مافين يسافروا لأن بدهن يفيدوا وطنهم وكتير ناس بتحكي هيك ومن هالحكي ...
وبمرور السنتين البعض تخرج - ويمكن خلال هالسنتين حدن غيرلن رأين _
المهم هناك شخص كان من أكثر الناس يلي شددوا على ضرورة البقاء
وهيدا الشخص هو الآن مقدم على بعثة للخارج وبالتحديد إلى استراليا ومافي شي كم شهر وبيطلع ولسى ماقرر إذا رح يبقى ولى لاء
طيب هيك ناس شو بينقلن ؟ رح تحتى يشوف حياتو ؟ طيب ليش مابسورية ؟
يمكن الواحد يفكر يروح ويسافر كنزهة برات البلد وبيرجع بس تحتى يطلع برات سورية تحتى يفيد بلد غير بلدو فهيدا خيانة لبلدو
وهناك احتمال إنو شخص يكون حاطط ببالو من الصغر يسافر بمعنى هيدا حلم لإلو ------- فهاد حديث تاني أما هيدا الشخص يلي حكيت عنو فماكان مفكر أبدا يطلع وهلق رح يطلع
بالنسبة إلي اليوم وبكرا وبعدو ما فيي فكر حتى مجرد تفكير إطلع برات سورية لأني بحس حالي متل السمكة يلي إذا طلعت برات المي بتموت وأنا مسؤؤلة عن هيدا الحكي