CSC-SY

السلام عليكم ورحمة الله وبركاته

أنا طالبة مبتدئة جدا في عالم البرمجة ومطلوب منا مشروع قاعدة بيانات لشؤون الموظفين في مستشفى معين
اول اشي لازم نعمل التحليل (SRS) للقاعدة ونسلمه مطبوع خلال اسبوع
وبعدين رح نعمل التصميم ونبني النظام على الأكسس

وما عندي اي فكرة كيف نموذج التحليل لازم يكون ولا حتى شفت نموذج جاهز لنظام آخر

هلأ لما نروح نعمل المقابلة مع المسؤول في المستشفى شو الاسئلة اللي ممكن نطرحها
وبعدين كيف بدي اتاكد انه المعلومات كاملة وكيف بدي ارتبها عشان اعمل التحليل واطبعه في الفترة المحددة

ارجوكم بدي مساعدتكم خطوة بخطوة وفي اسرع وقت ممكن
لاني ما عندي تصور كافي عن الموضوع وعن البرمجة بشكل عام

بعض المعلمومات التي حصلت عليها من المقابلة

1)كيان الموظف
رقم الموظف
الاسم الرباعي
الجنس
الحالة الاجتماعية
رقم الهوية
التحصيل العلمي[أمي- اعدادي- توجيهي- دبلوم- بكالوريوس- ماجستير- دكتوراة]
القسم
العنوان
الهاتف
الجوال
تاريخ الميلاد
سنوات الخبرة
ساعات العمل
رقم الحساب
الراتب
تاريخ بداية العمل
تاريخ بداية العمل سابقا
تاريخ نهاية العمل سابقا
الاولاد>اذا كان متزوج
أبناء ما دون ال 16 >اذا كان متزوج
اسم الزوجة>اذا كان متزوج

2)كيان الاقسام
التمريض[نسائية- اطفال- باطني- الجراحة- العمليات- العناية المكثفة]
المعاونين
الادارة
الاطباء

3)كيان الابناء

4)بطاقة موظف
الاسم
صورة
الوظيفة
القسم
الجوال
رقم الهوية

5)كيان الراتب
ما عندي فكرة كافية عنه بس بقدر احط بعض الملاحظات:
*الراتب الاساسي
*كل سنة بزيد درجة خبرة --> العلاوة : 50 شيكل/ سنة خبرة
*واذا كان عنده درجات خبرة من قبل >>بزيد على الراتب الاساسي حسب عدد السنوات>>50 شيكل/سنة خبرة
*اسماء بنوك أو نقدا

*الضريبة تكون

&اجمالي الراتب الشهري
*أعزب/متزوج 4000 ------> الراتب الاجمالي =4000 شيكل
*متزوج وزوجته تعمل 3738 -------> الراتب الاجمالي = 3738 شيكل

&الضريبة المستحقة
مثال
*اعزب 140 ------> اذا كان اعزب بدفع ضريبة 140 شيكل
متزوج 0+ > 119
متزوج 1+ > 113,3 -------> اذا كان متزوج وعنده ولد واحد بدفع 113,3 شيكل
متزوج 2+ > 109,8 --------> متزوج وعنده ولدين
متزوج 3+ > 106,3 --------->متزوج وعنده 3 اولاد
متزوج 4+ > 102,8
متزوج 5+ > 99,3

هاي تقريبا المعلومات اللي عندي
بتمنى تساعدوني باسرع وقت

وهلأ الراتب كيف بدي اعمله انا مش عارفة بالمرة
وكيف بدي ارتب المعلومات
وهل يوجد نقص في المعلومات
بليز انا محتاجة التحليل للمشروع

أخذنا فقط الخطوة الاولى في بناء النظام وهي تحليل المتطلبات requirement analysis
والمطلوب هو كتابة وثيقة تخصيص متطلبات النظام system requirement specification..srs
الطريقة لكتابة الوثيقة هي الطريقة العالمية الماخوذة من IEEE

الخطوط العريضة (جدول المحتويات أو أجزاء ال good srs)

1. introduction المقدمة
1.1. purpose الهدف
1.2. scopeالمجال
1.3. definftion,acronyms,and abbreviationsتعريفات,مصطلحات,اختصارات
1.4. referencesالمراجع
1.5. over viewنظرة عامة او تمهيد

2. overall description الوصف العام او العرض
2.1. product perspectiveالهيئة العامة
2.2. product functionsالاجراءات
2.3. user characteristicsخصائص المستخدم
2.4. constraints القيود
2.5. assumptions and dependenciesالاقتراحات والاعتمادات

3. specific requirement التخصيصات
3.1. appendixes الملحقات
3.2. indexالفهرس

هاد هو اللي لازم نعمله يعني كيف المعلومات اللي فوق نحللها بهاي الطريقة؟؟

هاد هو المطلوب

شو صار منشان اقتراح انو كل شخص عندو اقل من 20 مشاركة ما يكون مسموح الو انشاء موضوع؟

لو سمحت اتوقع انو الموضوع هو تحليل لمشروع
مو موضوع اقتراحات
يعني اذا حابب تقترح شي في عندك منتدى كامل اقترح زي ما بدك
واذا ما بدك ترد على هاد الموضوع ما عندي مشكلة بس ما تفتح مجال لمناقشات خارج الموضوع
شكرا للمساعدة هههههه
والسلام عليكم

الحقيقة انو ملينا من حل وظائف الطلاب العرب. يعني مفكرة انتي اول وحدة بتشلح وظيفتا بوشنا وبكل جرأة بدا يانا نترك شغلنا ونحللا ياها؟ ايه كل يوم بالقليلة في 1 أو 2 من هالنوع بيسجلو بالموقع و ما الون شغلة غير "يتحدونا" بحل وظايفون اللي بيسنحي اي طالب هندسة يحكي فيا اصلا.

Sorry من شواربك skeeter ... بس وين المشكلة !!!! مو الموقع مخصص لمساعدة الطلاب .بمكن مو تماماً بالطريقة يلي عم تصير فيها بالموقع, بس أنا برأيي مافي مشكلة أنو يسجل الطالب بالموقع لحتى يسأل وبعدين يشارك بمشاركات تانية...
بالمناسبة .... فكرة فرض قيود على الأعضاء -متل عدد المشاركات, وإرسال رسائل بعد عدد معين من المواضيع- أثبتت فشلها , لأنو صارت المواضيع بالمواقع تافهة جداً وكثيرة بحيث لم يعد يتمكن المشرفين من ملاحقتها لحذفها ... طبعاً هل العدد كلو من المشاركات لحتى يتمكن عضو جديد بالموقع أنو يسأل شي سؤال.
خليك رايق وطول بالك شوي .... لا تواخذنا

kobaitari
كلامك مزبوط 100%
شكرا كتير

الوظيفة بتنعطى للطالب حتى هو يحلها، ما لحتى يطلب من حدا تاني يجللو ياها بمنتدى

لو أنو الطالب بحاول يحل المسألة و بيجي على المنتدى و بيسأل عن تفصيل معين لما بتواجهو صعوبة معينة، كان الأمر مقبول. أما أنو يجي و يحط السؤال متل ما هو و يتوقع أنو حدا تاني يحللو ياه بدون ما يبذل أي جهد، هادا برأيي اسمو كسل.

بالمناسبة، القيد الوحيد المحطوط على أعضاء الموقع هو عدم امكانية ارسال رسالة خاصة قبل وصول عدد المشاركات لحد معين، و بتوقع أنو بهالشكل قللنا من كتير من الازعاجات الي كانت توصل لبعض الأعضاء.

أي عضو مسجل جديد بالموقع و ما عندو ولا مشاركة بيقدر يفتح مواضيع بالمنتدى، و يبعت أخبار و تصويتات، و يعدل بالويكي.

كتب أيمن:

كتب kobaitari:

Sorry من شواربك skeeter ... بس وين المشكلة !!!! مو الموقع مخصص لمساعدة الطلاب .بمكن مو تماماً بالطريقة يلي عم تصير فيها بالموقع, بس أنا برأيي مافي مشكلة أنو يسجل الطالب بالموقع لحتى يسأل وبعدين يشارك بمشاركات تانية... بالمناسبة .... فكرة فرض قيود على الأعضاء -متل عدد المشاركات, وإرسال رسائل بعد عدد معين من المواضيع- أثبتت فشلها , لأنو صارت المواضيع بالمواقع تافهة جداً وكثيرة بحيث لم يعد يتمكن المشرفين من ملاحقتها لحذفها ... طبعاً هل العدد كلو من المشاركات لحتى يتمكن عضو جديد بالموقع أنو يسأل شي سؤال. خليك رايق وطول بالك شوي .... لا تواخذنا

الوظيفة بتنعطى للطالب حتى هو يحلها، ما لحتى يطلب من حدا تاني يجللو ياها بمنتدى لو أنو الطالب بحاول يحل المسألة و بيجي على المنتدى و بيسأل عن تفصيل معين لما بتواجهو صعوبة معينة، كان الأمر مقبول. أما أنو يجي و يحط السؤال متل ما هو و يتوقع أنو حدا تاني يحللو ياه بدون ما يبذل أي جهد، هادا برأيي اسمو كسل.

بالضبط. يعني لو السؤال نفسو مبين انو في شوية صعوبة وانو صاحبو حاول يحلو بس ماقدر لكان الموضوع مختلف.  

طيب خلص ****** شكرا كتير لهالمنتدى الرائع

انا مشترك جديد بالموقع و حبيت اني كون من اهل الموقع عشان مفكر انو انتو ناس علم مو ناس حكي بس للاسف انا لما شفت هالمحادثة الشيقة بيناتكم انصدمت عشان انو مو وصلت الامور انكم تنتقدوا بعض في مكان خصص لكتابة شي مفيد للطلاب انا معك انو مو لازم نحل الواظائف للطلاب و انو لازم يدوروا و يقرءوا لحالهم حتى يوصلوا للي بدهم اياه بس لما بكون الانسان باول الطريق لازموا شوية مساعدة و كلياتنا فس حدا ساعدنا اول مرة شو ما كانت المساعدة فلازم ما تكون قاسي كتي صديقي
اما بالنسبة للي الشخص يلي كاتب هالجواب انا كتير بتاسف اذا قلتلو انو اسلوبك بالمساعدة غلط لازم بعتذر كمان مرة انت كنت لازم تعطيها عنوان كتاب او مرجع او اي شي فيه حكي عن system analysis وتخليها تقرى حتى توصل للفكرة لحالها هيك بحياتها كلها ما راح تسال عن الموضوع كمان مرة وكمان بكون اتعلمت كيف تقى بالمراجع و تستخص يلي بدها اياه فورا
و اخيرا انا بعتذر اذا انزعج مني حدا بس انا حابب يكون المنتدى مهتم بشغلات تفيد الطلاب مو بنقد الاخرين

أنا برأيي أنو حكي أيمن صحيح يعني ممكن يكون الطالب عم يحاول يحل المشروع بس واجهتة مشكلة و حاول يستفسر عنها هادا كلام مقبول بس أهم شي ما ينزعج حدا من حدا لأنو بالأخير نحنا رح نصير زملاء ولا شو؟

انتو الظاهر ما عم تفهمو الفرق بين مساعدة شخص و بين حل وظيفتو. واللي ما بيعذب جالو يدور بالـ google ما بيساهل حدا يساعدو، بصراحة.

هلأ بغض النظر عن إذا كان الطلب بيستاهل أنو يتساعد في ولا لأ
بس أنا بشوف انو كل واحد من حقو يطلب اللي بدو يا ومن حق أي واحد تاني يرد عليه أو لأ كمان
ما في داعي كل ما حكى واحد شغلة يطلعلو كم واحد يهاجمو
خلص اللي مو شايف أنو الموضوع بينرد عليه لا يرد

اسمحلي ياسيد sketeer قلك انك شخص اناني ولا تزعل من الحق
لانو لو انت هلأ محترف هذا الشي ما بقول انك مابحياتك غشيت من صاحبك وقت الامتحانات
ولا حاولت تستخدم رشيتات لك ياعمي طالبة مبتدئة وصلت لطريق مسدود وجاء زميلها ووضحلها نقطة معينة لشو كتر الحكي
هذا الشي اذا دل بدل على انك مأروء من الشخص يلي ساعد زميلته لانه عندو قدرات اكتر منك
العما على حال هالعرب شو ما بحبو الخييييييييير

سلام للجميع

يعني انا متفاجأ بل مصدوووم من أنانية السيد sketeer
يعني ياسيدعم تحكي وكأنك وصلت لأعلى مستويات العلم وانت لساتك بأول الطريق
حضرتك بدك تقنعنا انك مابحياتك غشيت وقت الامتحانات ولا حاولت تكتب رشيتا بالفحص اشو هالانانية
بنت عم تستعين بزميل الها بعد محاولات عديدة
اشو احتلت كلية المعلوماتية بدمشق ولا قلبت الكلية لمطعم نجمة ونص
حكيك غير مقبول ومرفوض تماما

وبالتوفيق انشالله للجميع

اولا وقت بكون قادر ساعدها ماكنت بقصر

بس انا يلي مزعلني هو مبدأ النقاش يلي دار بهالمنتدى والاسلوب يلي
هو غير راقي ابدا

مناسبة التعليق ياسيد هو

الاستهان باللآخرين

والرؤية من الأعلى فقط

والرجاء عدم أخذ الموضوع بسخرية

لإنو انا شخصيا ماعم ابرز عضلاتي

فياريت ترأفو بزملاءكم

وانا على العموم مو مبرمج واضح من اسمي انا شو بعمل ومو بسوريا اصلا

بس بصراحة ماحبيت اسلوب المرمجين بهاالمنتدى

الموضوع قديم كتير من 10\11\2006 هذا هوي قصدي من شو مناسبة التعليق مو المسخرة

دي عالم صايعة يابا

إذا إردت فكرة على مشروع قواعد بيانات ولكن باستخدام أوراكل فيرجاء مراسلتي على البريد الألكتروني algasheeri2007@yahoo.com وأيضاً يرجاء كتابة موضوع الرسالة بأسم (طلب مشروع قواعد بيانات)فقط هذا للتنبيهي فقط لاغير
وسوف يتم إرسال مرجع بسيط في قواعد بيانات + مشروع قواعد بيانات صغير لإدارة شئون الموظفين في المؤسسة الأقتصادية

مرحبا ... انا بتمنى من ادارة المنتدى انها تسكر الموضوع هاد وما تقبل اي تعليق بشكل نهائي لانو اي تعليق ما راح يكون مشان الفائدة المرجوة من المنتدى ...
اما عن رايي فبحتفظ فيه لنفسي بس ما بيصير انو نتهجم على طالب لساتو اول مرة بيدخل عالمنتدى ،ممكن نرحب فيه اول شي وبعدين نشرحلو انو ما بيصير انو نحللو وظيفتو وهو عليه يسلمها وكل شي ضمن الاحترام المتبادل القائم عليه المنتدى وشكرا

والله بصراحة انا اصدمت كتير لردكم الهجومي عل الاخت الكريمة
معليش لو كان صيغة سؤالها اجا بطريقة انو انتو فهمتوها انو بدها تحللولها السؤال بس هي قصدها انو تساعدوها ولو باي طريقة ولو حتى كل واحد يحط طرف صغير من حل الموضوع ومابظن الاخت كفرت يعني لما سالت
وهون المجال مفتوح لاي طالب معلوماتية او هندسة انو يسال اللي بدو ياه وبكل حرية ومابظن انو هاد شي حرام او ممنوع
عكل بتمنى من ادارة المتدى لما تشوف اي رد جارح على الاخوة الزملاء انو تحذف الرد لانو شي مهين للمنتدى وللزملاء لانو بالاخر كلنا ممكن نكون بمكتب واحد وبوظيفة وحدة
بتمنى يكون في احترام متبادل للجميع
هاد هو ايميلي اختي الكريمة اذا اردتي مساعدة باي موضوع برمجي وللكل ايضا لمن اراد
hamwi.b@gmail.com
تمنياتي للجميع بالتوفيق ودمتم بفائق الود والاحترام