CSC-SY

سارعوا ففي مكتبة كلية الآداب، أصبحت الكتب ببلاش (على مبداً فوت ونقي وخود يلي بيعجبك) الكتب ليست فقط أدبية بل يوجد منها علمية (حصلت على كتاب عن الذكاء الصنعي) الكتب بالإنكليزية والفرنسية ويوجد بعضها بالروسية، ولكن للأسف ليس هناك كتب عربية. يوجد كميات هائلة من الكتب (قال جايبينها من أوربا (مطبوع عليها أنها من جامعة King's College بلندن) بس الكتب أغلبيتها قديم، يعني 1980 الى 2003 أكثر حد مع ذلك فإن هناك روايات وكتب عن الكيمياء والعلوم والكومبيوتر حتى!!! (ملاحظة لن يتم طلب الهوية الجامعية عندما تاخذ الكتب، فقط خود وامشي)

اخي طول بالك عن جدي بتححكي ولا مزحة

شو ببلاش اول مرة بسمع اشي عنا ببلاش

؟؟؟؟؟؟؟؟؟؟!!!!!!!!!!!!!!!

وين هي الكتب؟ أي مكتبة بالتحديد؟

بصراحة أنا مالي متأكّد من هادا الموضوع و كان بدّي إحذفو, بإعتبار إني كنت اليوم بالآداب و ما شفت هيك شي... بس على كل بجوز... ببلدنا كل شي بيصير, و أنا بتفوتني كتير شغلات. رح إبقى إسأل وقت روح يوم الأحد.

ممكن حاكم معظم جامعات برا أتمتت مكتباتها, وعم تتخلص من كتبها بالتبرع للجامعات المعترة
بس المشكلة جامعاتنا ما عم تعرف تستفيد
يعني لو هل الكتب تنظمت وتفهرست ووضعت تحت تصرف الطلاب مو أحسن من أنو كل واحد ياخد كتاب ويمشي, ويمكن يستفيد منه وممكن لا

يا شباب،
حصلت الى الآن على 12 كتاب (ما عم احسن احمل أكتر من هيك)

بس يعني الشغلة مظبةطة مية بالمية

مكتبة كلية الآداب، إزا بتوقف ووجهك للباب (الثاني مو الأولاني) فعلى يمينك يوجد مثل ممر، أول درج فيه على اليمين بتلاقو المكتبة، وإذا مالكون مصدقيتن نزلو وشوفوا!)(

واللي ما بيصدق ما بتروح غير عليه، يعني كتب لا تقيم بثمن
!!!!

شو يللي عم بصير هنيك؟!! شو الشغلة سلبطة! يعني كتب ضللوا سنين ليجمعوها بعدين هيك بتروح بكل بساطة؟

أنا رح سكر الموضوع لحتى ahnaqsh يتأكد من الخبر 

الحقيقة فعلا الخبر صحيح.

اللي صاير إنو  في جامعة كندية تبرعت بقسم من مكتبتها إلنا, لحتّى تاسهم الكتب بإنشاء مكتبة لقسم اللغة الإنجليزيّة,على حسب ما فهمت. بس للأسف بسبب سوء التنسيق تم وضع الكتب هي بالمكشوف ضمن مكتبة الآداب, و كانت النتيجة إنو أغلبها راح.

اليوم حاولوا وضع حد للخسائر, و العميد سكّر الدخول للقاعة, و تمكّن دكاترة اللغة الإنجليزيّة من إستنقاذ بعض الكتب اللي كان بدّن ياها.صفيت شوي كتب (زبالة نوعا ما) و هي الكتب المو متعلقة باللغة الإنجليزية, و سمحوا للطلاب يفوتوا و ياخدوا منها. 

أغلفة الكتب بكل محل, و أوراق المجلّات عم يتغطّي الأرض. المشهد اليوم كان بدّو صورة فعلا.

الخلاصة اللي أخد مبروك عليه (عم بسمع قال في ناس معبّين كراتين و طريزينات), و مكتبة القسم راحت عليها (بكرة نحنا رح ننجبر بشراء الكتب من برّه), و اللي مالحّق حالو ما صفيلو شي.

يلّا... 

فيك هيك شي بجامعة تشرين

شفتو شلون كلامي صحيح
على كل حال إذا فيكون تعرفوا اسم الجامعة الكندية, ممكن نكتب لهم حتى يعرفوا شو صار بكتبهم.
نحن كمان قبل سنتين جاءت لكليتنا كتب من جامعة بريطانية, وبسبب عدم وجود مكان لها بالمكتبة تم تخزينها. وحتى الآن لم يتم الاستفادة منها.
يعني والله عيب على الجامعة, تاخذ تبرعات وبالأخير ما تستفيد منها.

بالمناسبة, في دفعات جديدة من الكتب رح تيجي هاليومين, بتصور بكرة و الأحد و الإثنين. الدخول للعموم بيدأ حوالي الساعة وحدة رسميّا,بس فعليّا قبل, حوالي 12 ... بس للأسف ما في شي كتير مميّز ... كلها كتب قديمة, و قسم كتير ضئيل عن المعلوماتيّة. أغلبها عن كندا أو مجلات كنديّة أو السياسة الكنديّة, إلخ.

اسم الجامعة على ما أعتقد أنو King's College بس طلعت كندية مو من بريطانيا متل ما كنت أنا مفكر!

على كلن الكتب يلي كانت موجودة هنيك صحيح قديمة ومو كل هل قد، بس يلي بينقي بيطلعلوا، حصلت على كتاب تعليم ياباني من خارق، أصلاً أنا صرلي عم دور على كتاب تعليم ياباني شي سنة، آم بالصدفة لقيتوا!

يعني أزا ضل الواحد شي نص ساعة عم ينكش بيطلعلوا، ولكن المنظر هناك لا يحتمل، فمتل ما قال ahnaqsh الكتب والأوراق بالأراضي، يعني منظر بصراحة مقرف ومزري، على أساس يعني نحنا واصلين بالعلم لمرحلة خرج نزت فيا الكتب على الأرض، العالم يلي هونيك عم يجوا بس استعراض، يعني يلي بياخد كتب أكتر بيكون أفهم، بس بيكون مو عرفان شو جايب!

إيههه....

يا ريت حدا ياخدلنا شي صورة من هالمهازل يللي عم تصير

والله عيب علينا هكذا تصرفات,
يعني الجماعة متبرعين بالكتب, ومتكلفين بشحنها, ونحن نتصرف بهذا الشكل اللاحضاري.
يعني الجامعة مافيها تفهرس الكتب وتأمن مكان لها حتى يستفيد الجميع,
بعدين أنا متأكد أن معظم الطلاب الذين لطشوا الكتب لن يستفيدوا منها