|
أهلا وسهلا صحيح الموضوع تكرر أكثر من مرة بس بتمنى نوضح كل شي هون أولا بالنسبة لسياسة الكيل بمكيالين, هدا المصطلح لا يقال هون وماني شايف شو له علاقة بحذف الموضوع المذكور ...
الشي الثاني إذا ممكن ترجعوا إلى الصفحة الرئيسية وتشوفوا شو هو الموقع يلي عم تفوتوا عليه ... الموقع عنوانه : الهندسة المعلوماتية في سوريا, وبتلاقي براس الصفحة الرئيسية: اقتباس: مرحباً بكم في موقع CSC-SY.net، موقع غير رسمي يجمع طلاب كليات الهندسة المعلوماتية والباحثين والعاملين والمهتمين بعلوم الكمبيوتر وتطبيقاتها وتقنياتها في سوريا. بإمكانكم الاطلاع على آخر أخبار الكليات والأخبار التقنية على الصفحة الرئيسية، ويمكنكم المشاركة في إنشاء وتحرير مختلف صفحات الموقع من ويكي ومقالات وأخبار وتصويتات والاستفادة من قسم الملفات للحصول على مجموعة من أسئلة الامتحانات و الوظائف أو لتحميل ملفات جديدة، و يمكنكم أيضاً الانضمام إلى المنتدى لطرح مختلف التساؤلات والمشاركة في مختلف المواضيع. ماني شايف أي سبب لاعتراضك على الحذف طالما عنوان الموقع وأهدافه واضحة للجميع وبتصور واضح أنو موضوعك اجا بالمكان الغلط ... بتوقع في عدد كبير من المنتديات العربية المختصة بالمواضيع الأدبية ومواضيع الحكم والمواعظ والفنون النثرية والشعرية وما إلى ذلك .. رح رد قول أنو الموقع وقت أنشأناه كان الهدف الأساسي منه هو الوصول بموقع ومنتدى عربي إلى مستوى المواقع الأجنبية المتخصصة, ومحاولة تجنب أخطاء المواقع العربية يلي بيغلب فيها طابع عدم التخصصية والمواضيع غير المفيدة والحكي الفاضي وما إلى هنالك .... للأسف حتى الآن لا يوجد موقع عربي بيقدر يوصل إلى جزء صغير من مستوى المنتديات الأجنبية . في حدا من الشباب يلي وافقوا على عدم حذف هالمواضيع gggaes , youstec , TD فات على منتدى لسيسكو مثلاً أو متنديات لينكس أو حتى المنتديات الخاصة ببرامج مايكروسوفت أو أي منتدى أجنبي متخصص في مجال معين ولقى شي موضوع قصيدة مثلاً أو موضوع أدبي وما إلى هنالك !!! ... على فكرة .. لأخذ العلم لو سمحنا فقط للمواضيع الأدبية في الموقع لكان عددها في اليوم الواحد أعلى من عدد المواضيع التخصصية في المنتدى كله.. وهالشي لمسناه من خلال عدد المواضيع من هالنوع "اللي عم تحذف فوراً" بالنسبة لاعتراضك أنو النظام بيتطبق على بعض الناس مو عالكل .... فعدم رؤيتك للمواضيع اللي عم تنحذف لا يعني عدم وجودها (إلا إذا كنت من أنصار المذهب الوجودي مثلا) واعتراضك هذا بيدل على أنو الموقع بحالة ممتازة طالما الأعضاء ما عم يحسوا بوجود مواضيع خارجة عن نطاق المعلوماتية أو الكلية وعم تحذف فوراً  أما المواضيع العروض والخدمات –الدعايات حسب كلامك- والاستفسارات فهي مسموحة طالما في نطاق الكليات أو المعلوماتية وأي موضوع غير هيك يحذف فوراً وفي حال وجود مواضيع ما انحذفت فهدا خطأ منا ويا ريت تخبرنا عنها مشان نتخذ الاجراءات المناسبة. الأعضاء الفعالين هم الوحيدين المسموح لهم بوضع هيك أنواع من المواضيع بما أنهم تعودوا على جو الموقع وفهموا أهدافه وعم يساعدونا لتحسين الموقع بصراحة أنا أتأمل من الجميع أنو ينسوا كيف كانوا يتعاملوا مع المنتديات العربية ويحاولوا يتعاملوا مع هالموقع كموقع اختصاصي للهندسة المعلوماتية وللكليات السورية المتعلقة بهذا المجال .... ومثل ما قال ANATHEMA اذا في اي اقتراحات او نقد ايجابي كلنا إذان صاغية، واذا في أخطاء ما منكررها ان شاء الله. كتب TD: وأنا كمان معك أنا دائما بقول أنو هذا المنتدى يا جماعة لطلاب المعلوماتية مو للمعلوماتية بعدين أذا الشباب المشرفين ما خففوا أيدون شوي عن حذف المواضيع رح يخسر المنتدى هالأعضاء تبعو بتصور الحفاظ على نوعية الأعضاء هو أفضل من تكثير العدد كمان مواضيع الخاصة بطلاب المعلوماتية ما بتصور أنو حدا بيحذفها 
|
أرسل من قبل 
كمان إذا بدّك تحكي عن شي مو متعلّق بالمعلوماتية بدون ما تنشأ موضوع, ممكن تعمل مدخل مدوّنة.
