CSC-SY

السلام عليكم ممكن أعرف لماذا تم حجب حساب العضو : SVU sudent وشكرا جزيلا ...

--------------------------------------------------

جرى تعديل العنوان ونقل الموضوع للمنتدى المناسب - الرجاء مراجعة قواعد وآداب المشاركة - ANATHEMA

عليكم السلام .. 

السبب هو مخالفات واضحة ومتكررة لقواعد و آداب المشاركة :

1- اضافة مواضيع ليست لها صلة بالكلية أو بالمعلوماتية: صديق جديد، برنامج للهاتف النقال يمكنك من إرسال البريد الإلكتروني عبر الهاتف النقال، من اغرب حالات الوفاه على مستوى العالم.

2- اضافة مواضيع تتحدث عن أفعال غير قانونية: فتح الهوتميل ماسنجر (كسر بروكسي)، موضوع رهيب أدخل وشوف بنفسك (الحصول على قوائم بريدية).

3- اضافة مواضيع بدون فائدة علمية أو لا تصلح للنقاش: دليلك للاستخدام الأمثل لمواقع جوجل وياهو وإم إس إن، مسح رسالة التنبيه بعدد رسائل البريد إلكتروني غير المقروءة، التي تظهر أول الدخول إلى ويندوز إكس بي، كيف تحصل على 1000.000 زائر في خلال فتره زمنيه بسيطه، استكشف عالم الغرابة عبر الانترنت.

الإصرار على مخالفة القواعد حتى بعد ارسال رسالة تنبيه للعضو المخالف.

بصراحة نحنا تعبنا من svu student .... صحيح بعض مواضيعه كانت حلوة, بس ما كان يلتزم على الإطلاق بآداب المشاركة, و هي اللي بتعطي لهادا الموقع خصوصية...

تعديل: رجاء .. بلا مشاركات فيها مسخرة ومخالفة لقواعد الموقع

أنا بعتذر عن الحذف, بس لازم نحافظ على جو حضاري للمناقشة.

إذا عندك شكاوى على الموقع أو إقتراحات لتحسينة أو غير ذلك يا ريت تحطها بموضوع أو تبعتها للمشرفين أو لمؤسيين الموقع. بس بصراحة النقد بدون تقديم إقتراحات تحسين ما حدا كتير بيحبّو. و بتصور هادا أمر طبيعي و عادي. أنا مهتم إسمع آرائك للتحسين.

أكرر كلامي مرة أخرى إذا لم يرجع تفعيل حساب العضو SVU sudent سيتم تهكير الموقع وقد أعذر من أنذر ....

تباً! لقد عاد خالد بن الوليد الى الحياة في هيئة Hacker.

مرحبا...
للتوضيح بس ...
انا عبرت عن رأي بطريقة حضارية .... ماقذفت ولا جرحت ولا شهرت ولم اقم بالاستهزاء بأحد من الأعضاء أو المشرفين .
كل يلي حكيتو انو فكرتك كتير حلوة ...شوفيها... وين المخالفة لقواعد الموقع ..
ولا كلشي بتلزؤ بضهر قواعد الموقع والمشاركة ..
والله من شوي دورت وبحبشت بكل قونين المنتدى وماللأيت أي فقرة او مادة بتمنع انو الواحد يعبر عن رأيو بفكرة دون التشهير او التجريح بأحد ...
برجع وبأكد على كلامي انو الحسابات الشخصية عم تدخل بكل أفعالكون .... خلص مو انا نحط على نقطة سودة ... خلص شو ما بكتب أو بعلق بيصير خروج عن القواعد مع انو مشاركتي هي مافيها شي ابداً ....
وللتوضيح انا حأكتب نص المشاركة قبل ما يتعدل عليه وخلي باقي الاعضاء والمشرفين يحكمو اذا مشاركتي بتخالف قواعد المشاركة ..
نص المشاركة قبل التعديل :
------------------------------

-----------------------------

حبيبي هدا مو أول مرة بتحكي مثل هيك تعليقات
سواء هون أو على الماسينجر

أنا وجهتلك تنبيه أكثر من مرة .. وفي حال التكرار رح نضطر نوقف لك حسابك .

طيّب, معك حق, بس حابب قول إنو لازم نحنا نتسامح شوي مع بعضنا البعض و نحاول نتحمّل بعضنا.

حابب كمان إذكر شغلتين.

أولا أنا ما حذفت مشاركتك, بس بتصور اللي حذفها قرى فيها نوع من السخرية أو الإستهزاء و هادا اللي خلّاه يحذفها. بجوز أنا كنت بعمل نفس الشي لو شفت مشاركة بتطعن بأحد الأعضاء و خفت تساوي مشاكل.

كمان حابب قول إنو بحوز الجو العام ساهم بقراءة مشاركتك بشكل خاطئء (على فرض أنّها قرئت بشكل خاطئ طبعا), بإعتبار الإزعاج اللي عمّا بيسببه 'SVU Student' حاليّا بحساباته المتعددة (لسّا عم يبعت مواضيع بالتهديد بإختراق الموقع).

متل ما كنت عم قول,نحنا بدنا نصيحة إذا ممكن, مو مجرّد نقد للشغلات اللي عم نعملها.

شو هادا الإزعاج؟ ليش عم تضيّعلي وقتي بمحي المواضيع تبعتك؟

بالمناسبة, المعنى الصحيح لكلمة هاكر هنا. 

ليش شو فيها تعليقاتي ..... سبيت حدا ؟ شتمت حدا ؟ قذفت حدا ؟ جبت سيرة حدا من الاعضاء أو الموقع بلعاطل ؟
فيها شي بيخالف قواعد المشاركة ؟ ولا لأن واحد من الأعضاء ما عجبو الرأي بيحذف المشاركة و بيهدد بحذف حساب العضو اذا ضل عم يعبر عن رأيو ؟
اسمحلي ألك انو هاد بالقانون يسمى تعسف باستخدام الحق ... لأن عم تستخدم حأك بحذف المشاركة او حساب العضو على اعتبارات شخصية ...
إلا أذا بتعتبرو حرية التعبير عن الرأي جريمة أو تهمة هاد حكي تاني ...

ما بني على باطل فهو باطل .
اذا التنبيه موجه لألي لأسباب غير منطقية ولاعتبارات شخصية .... فتوقيف حسابي كمان حيكون تصرف غير مسؤول ......

أول شي أنا ما في شي بيني وبينك .. ولا حتى بعرفك فمن وين جبت الاعتبارات الشخصية يلي عم تحكي عنها ؟

ثاني شي كان واضح من كلامك أنو عم تستهزئ بالموقع وبمواضيعو وحتى بالأهداف يلي حاطينها ... وبتقلي بالآخير أنو ما جبت سيرة حدا من الأعضاء أو الموقع بالعاطل !!

والله هالسؤال أنا يلي بدي اطرحو عليك وبدي تجاوبني عليه ...
طالما مابعرفك ولا بتعرفني ليش تعليقاتي- الغير منافية لقوانين الموقع - بتحذفها ؟

يعني لا تأخذني , بس مالي ملائي شي غلط بتعليقاتي ....
وكيف عم تفسر من عندك انو استهزاء بالموقع وبموضيعو ..
والشغلة التانية أنو بحياتو القانون ماكان ياخود شعور الفرد كقرينة لإدانة فرد تاني ...
وانت عم تقول واضح .... كيف واضح ...؟

شعور ؟؟؟

بتصور يلي بيقرا ردودك بيبين معو ..
وهالشي أكدته أنت وقت حكيت معي على الماسينجر ... ولا نسيت ؟؟

لا تأخذني ....
لو عم ترفع دعوة قدام شي قاضي وحكيت كل هالحكي تبعك بدون ما تجبلو اي كلمة فيها اساءة وطول الوقت وانت عم تقلو مبين ...
بكل بساطة يبألك تفضل لبرا ...

حتى بالمسنجر انا ما حكيت شي يسيئ للموقع او للأعضاء هو مجرد تعبير عن الرأي ....
ألت انو انا برأي هاد موقع مو متخصص بيجوز يوصل للتخصصية بيوم من الايام بس حالياُ مو متخصص ...
هي بتعتبرها اساءة ......
اذا كان افتراضي صحيح فهاد بيعني انو لازم نناقش شو يعني كلمة اساءة وشو مفهوم كل عضو من الاعضاء لكلمة اساءة ...

اذا مجرد التعبير عن الرأي - وحتى لو الرأي ما عجب التاني دون ما يجرحو او يسيء الو - يعتبر اساءة فبعتقد لازم نراجع حساباتنا بمفهوم الاساءة ....
حلو يعني اذا شفت حدا من زملائي واعطيت راي بشغلة بتخصو بدون ما اجرحو او سيء ألو بدو يعتبرها اساءة فهي مصيبة ....

والله لو فعلاً قلت هيك فوقتها معك حق .. وهذا فعلا كان ابداء للرأي
أنا مع انتقاد الموقع "النقد البناء" وبالعكس نحنا منرحب بهالشي
بس هالشي أنت قلته بطريقة فيها استهزاء بالموقع وهالشي يلي أنا نبهتك عليه. وحتى بالتعليق الماضي أنا نبهتك على طريقة كلامك يلي فيها سخرية مو على انتقادك لحدا أو للموقع

ليش نحنا قاعدين بقاعة محكمة!

أخي gggaes المسخرة والاستهزاء عم بتكون بتعليقاتك، حتى لما بتكون جدي بتحكي متل محامي عم يقدم مرافعة

من قواعد التعامل الانساني والاخلاقي أساسا الاحترام، أو بالأحرى إظهار الاحترام

ما بعرف ليش بتضل بتثير الموضوع مرة بعد مرة، الموقع مو ساحة إلتقاء اجتماعية، الموقع علمي تخصصي، فليش بدل انت وعم تقضي وقتك بالدفاع عن مشاركاتك المحذوفة، تضيف شي مشاركة علمية قيمة، بما انك طالب هندسة تقنية، يعني مثلا احكيلنا عن مشاريعك وأبحاثك.

وانت بنفسك جاوبت عن سؤالك، بما انو الموقع لسا ما وصل لمستوى التخصص، نحنا عم نحاول نحافظ عالمواضيع المتخصصة ونوضع حد للمواضيع التانية الغير متخصصة، مشان هيك مشاركاتك انحذفت.

بدك تساهم بهالعملية، وتنشر مواضيع علمية ومتخصصة وتحترم الموقع وأعضاءه أهلا وسهلا فيك، غير هيك، لا تضوع وقتك ووقت غيرك. 

كلمة غصيت فيها و بدي أولا:
ياجماعة نحنا كأعضاء يوم اللي سجلنا بهالموقع كنا عرفانين إنو هالموقع هو ملك لمجموعة من الشباب هنن اللي أسسوه وهنن اللي تناقشو ووضعو قواعد المشاركة ونحنا وافئنا عهالشي ضمنياً وأت سجلنا .. لذلك قواعد المشاركة بتكون من وجهة نظرن .. يعني بالقانون وأت بده يحكي عن شي فقرة بيئلك من وجهة نظر المشرّع .. فوأت بدنا نتحجج بقوانين المنتدى بدنا نكون شايفينا من وجهة نظر اللي حطوها ..يعني مو معئول مثلاً واحد يروح على أميركا ويئلن بدي اتزوج تنتين لأني سوري ومسلم وقانون بلدي بيسمحلي اتزوج تنتين .. أكيد هنيك رح يحبسوه إذا عملا لأنو خالف قوانينن مع إنو هو بوجهة نظره ماعمل شي غلط بالعكس طبئ الشرع .. بس أنو شرع ؟؟ هو طبئ شريعته هو مو شريعة المجتمع اللي هو فيه ..لذلك لوم وعتب المجتمع على تصرف إنسان مابيعني غلط تصرفه إنما بيعني مخالفته للمجتمع الموجود فيه والحل يا بيتأقلم مع شروط المجتمع اللي هو دخله بإرادته يا بيروح على مجتمعه اللي بيناسبه..يعني يلي شروط هالموقع وتصرفات أصحابه ما بتناسبه الحل بسيط يترك الموقع ويروح على موقع بيناسبه..هادا الحكي ماحدا يئلي إنو هيك الموقع بيخسر من أعضائه لأنو العضو بالموقع (اللي تركه للموقع خسارة) بيكون متنأقلم مع شروط الموقع ومستوعب قواعده اللي مجمل الأعضاء موافئين عليها ..واللي عنده مشكلة يتراسل مع المدراء وهنن اكيد رح يتجاوبو (من تجربتي) ويساعدوه ويحلوله مشكلته ..
ماحدا يزعل ما بئصد شخص بنفسه إنما بئصد الإعتراضات اللي كترانه بهالإيام على الموقع ..
وشكراً لتفهمكن..
سلام..
lool

طيب يا سادة ...
اعلن مايلي :
* انا حضل عضو (نشيط) بالمنتدى مع الاخذ بعين الاعتبار يلي حكيتو من انو هدفنا الوصول بالموقع لمستوى تخصصي عالي .

* اختلاف الأراء لا يعني انو أحد الأراء خطأ انما الطبيعة البشرية تحتم على المفكرين الاختلاف بالاراء , لكون كل انسان تجربة فريدة بالمجتمع .

* احترامي لرغبات السادة المشرفين نابعة عن حرصي بالاستمرار بهيك موقع بعتقد انو كل اعضاؤو يستحقون الاحترام والتقدير

* من منطلق الاعتراف بالخطأ فضيلة , فبأمكاني الاعتراف بعدد من الاخطاء يلي ارتكبتها بالموقع والاعتذار عنها بكل مسؤولية حرصاً على ابقاء المنتدى ساحة للحوار الحضاري البناء .
لذلك بوجه اعتذار لكل يلي فهمو حكي غلط أو اعتبرو اني وجهت اهانة او اساءة الون .
أما عن ناحية اني عم احكي كمحامي يرافع في محكمة فلا تأخذوني أنا بالإضافة لأهتماماتي العلمية و الأدبية عندي كتير أهتمام و أطلاع على الكتب الحقوقية والقانونية ..

* أما عن الناحية الأدبية بالمشاركات فأنا حأعمل بنصيحتكون ودور على منتدى يهتم بالموضيع الأدبية وانشر فيه كل موضيعي الخارجة عن اطار المعلوماتية .

* أما فيما يتعلق بمشاركاتي التقنية او المعلوماتية فبوعد الجميع بأني كون عضو نشط بالمجال التقني المعلوماتي بما انو مجال دراستي .

مع تحياتي لكل اعضاء المنتدى و لنفتح صفحة جديدة ...

همام و ahnaqsh لا كتير اتضيعوا وقتكون بحذف الردود والمواضيع الي فيها تهديدات سخيفة, بينحذفوا بعدين مو مشكلة, يعني خلولنا شغلات نضحك عليها شوي كمان
تاني شي معليش تركوا مجال للأعضاء لحتى يتمسخروا على الموقع أو قواعد المشاركة أو حتى المدراء و المشرفين بدون تحديد أسماء لأنو هالشغلات من أساس الديمقراطية ومالازم تاخدوها بشكل شخصي بالدول الديمقراطية المسخرة على المسؤولين و الرؤساء شغلة عادية وحتى لوكان هالمسؤول ملاك بدون يتمسخروا عليه أما مدح المسؤولين أو النظام فما في منه أي فائدة وماحدا بيعمله (بالدول الفهمانة طبعاً) مو دائماً بكون النقد بناء وفيه مقترحات منيحة بس بكل الأحوال ما لازم ينحذف لحتى ماينفهم هالشي ديكتاتورية

أنا أؤيد فؤاد.

طول بالك شوي ..
فؤاد ما عم يحكي عن أي رد من هالموضوع
يلي صار أنو صاحب هالموضوع DODI صار يحط عدد كبير من المواضيع والردود تحتوي على تهديدات بتهكير الموقع ومن هالحكي
لحتى حذفت حسابه ومنعت الأي بي تبعه لفترة معينة وحذفت كل مواضيع التهديدات يلي حطها .. وهذا يلي قصده فؤاد, وما كان قصده عن الردود يلي صارت بهالموضوع, علماً أنو بهالموضوع ما صار فيه تهديدات .

تعديل : بعتذر من كل يلي حاولوا يفوتوا مبارح المسا وما قدروا .. العنوان يلي منع كان لأحد بروكسيات الجمعية

يعني هل برأيك وصفي للردود الي فيها تهديدات باختراق الموقع بانها سخيفة وبتضحك, فيه مخالفة لقواعد المنتدى؟!!!

و أنا أؤيّد كلام anathema و lool و foaa.

أنا أؤيد ahnaqsh في تاييده لكلام anathema و lool و foaa
<أنا أطالب بحذف حساب ahnaqsh لأن كتابة foaa هي إهانة >
<إذا بدكن مشرف مكانه أنا بتبرع >