CSC-SY

لماذايكون خارج قسمة اي عدد على الصفر يساوي غير معرف ؟ ارجو الاجابة بشكل علمي ومنطق

تعديل: قمت بتعديل العنوان. - ahnaqsh

لانو هالعدد ما بينتج عن ضرب الصفر بأي شي....
نشالله استاذك بصف الخامس (أو الجامعة اذا كنت من احد الاقطار العربية الشقيقة* يقبل هالجواب.

الحقيقة أنا كمان ما كنت فهمانها لهي المسألة, بس من فترة كم شهر توضّحت الأمور معي.

بتصوّر الشباب بيقدروا ينصحوا بكتب رياضيّات منيحة..

السلام عليكم
أعتقد بأن أفضل طريقة للأجابة بالأعتماد على النهاية(limit)
نهــا(1/س)= ∞
س--> 0
وهادا يوصلنا الى حالة عدم تعيين...أي أن قيمة المتحول تبعتد حتى تأخذ قيم غير معروفة في الا نهاية

اما من غير نهاية فهي كما قيل لا يوجد عدد حقيقي إذا ضربناه بالصفر يعطي عدد حقيقي..ولكن أعتقد أن هناك برهان رياضي لهذه المسألة.
تحياتي للجميع

باسم الله الرحمان الرحيم
اولا انا اوافق الاخ hussam_deu فيما قال
فلنأخد على سبيل المثلا الرقم 10 و نقوم بقسمته على على 10
10/10=1
10/9=1.1111111111
10/8=1.25
10/7=1,4285714285714285714285714285714
و هكذا دواليك كلما صغر العدد المقسوم عليه كبرت قيمة الخارج
لهذا عندما نقوم بقسمة عدد ما عى صفر(اصغر عدد هوجب) تكون قيمته مالا نهاية اي اكبر قيمة ممكنة على الاطلاق
و ايضا بالعودة الى القسمة نلاحظ انه لا يوجد عدد حقيقي نضربه في صفر فيعطينا عدد حقيقيا
أي ان قاعدة جداء الطرفين يساوي جداء الوسطين غير معمول بها هنا
فحسب ما نعرفه في الرياضيات
A/B=C/D تعطي A*D=B*C

و شكرا

لنفرض انو قسمة a!=0 على صفر تساوي رقم b
هلق بقى تعينلي قيمة b مشان يكون b*0 = a ؟
اذا قدرت تعينلي قيمة b فساعتها بتكون حليت مشكلة العصر!

ما بعرف بس كأنو سمعت أنو في عالم حل مسألة الصفر يعني صار يطلع جواب قسمة عدد على صفر ووقتها كان محطوط بالموقع أنو في فيديو توضيحي والفكرة بسيطة كتير بس ما تنزل معي الفيديو
حدا سمعان بهيك شي

مرحبا شباب
مع عدم خبرتي في علم الرياضيات إلا أني وجدت ملف الفيديو اللي فيه شرح القسمة على صفر يمكن ينفعكم ..
http://www.bbc.co.uk/berkshire/features/divide_zero_sum.ram
واعذروني إن لم يعمل لانه صراحة اعمل على كمبيوتر يا دوب فيه ويندوز وانترنت بس وماقدرت اجرب الملف ولكن كلي امل ان ينفعكم
على امل اللقاء مجدداً

ما بعرف ما تحمل عندي الملف بس يمكن
لأنو عندي dial-up

great vedeo thanks Mr ALI

قأخي قسمة اي عدد على صفر....

إذا اخذنا العداد العشر1.2.3.4.5.6.7.8.9
وقمنا بالقسمة على الصفر ماذا تجد
أحسب:
10/10=
10/9=
...
...
...
...
10/0

ومنه إن الفاصل او ما وراء العدد لاتستطيع قرائته اخي.

وللعلم فالعرب هم من إخترع الصفر.

شكرا

السلام عليكم

الله يعطيكن العافية جميعاً

بشكر الأخ عزمي محمد عالموضوع البسيط والمعقد بنفس الوقت ^_^

وفعلاً الموضوع يستحق النقاش

وأكيد أجوبة الشباب اللي قبلي كانت كلها كافية للإجابة على هالسؤال

بس بتمنى إختم بفكرة إضافية بتأيد الأفكار السابقة اتعلمناها بالبكالوريا

هلأ أنا برأيي إذا حاول أي شخص فينا إنو يبرهن ليش لايمكن قسمة أي عدد على الصفر حيشوفها أمر غير قابل للتفسير رياضيات.. يعني رغم إنو الصفر ما إلو قيمة.. فهو بيضل رقم متل أي رقم آخر.. ورقم ذي تأثير كبير

منشان هيك .. ليش نحن ما منحاول نحسب الموضوع من الناحية الكمية إلو وليس من الناحية الرياضية المطلقة

يعني.. في البداية عرف الإنسان الأعداد الطبيعية وصار يستخدمها للتعبير عن كميات لأشياء تلامس حياته العملية

فلو نظرنا للأعداء بهالشكل.. على إنها ممثلة لقيم كمية غير مطلقة لكان الأمر أسهل للفهم بكثير

ففي الواقع لا يوجد رقم مطلق القيمة.. ونحن إذ نقول عن كمية ما أو مسافة ما أو وزن ما أنه يساوي وزناً معيناً.. نعني بذلك أن قيمته الحقيقة قريبة جداً من هذا الرقم المعبر عن القيمة.. بحيث لا يصبح أهمية للأخطاء الصغيرة جداً في التقريب

بمعنى آخر.. هلأ نحن منقول إنو حجم الرملة بالنسبة للبحر هو صغير جداً جداً جداً.. بحيث يمكننا التعبير عن ذلك رياضياً بالصفر

الأمر نفسه لحجم الإنسان بالنسبة للكون.. فهل حجم الإنسان صفر؟؟؟!!

إن حجم الإنسان هو صفر عندما يقارن بحجم الكون.. في حين يمكننا التعبير عن حجم الإنسان باللانهاية فيما إذا قورن بحجم الإلكترون

وبالتالي مفاهيم الصفر واللانهاية هي مفاهيم لا يستطيع العقل البشري إدراكها.. وإنما تستخدم للتعبير عن قيم لا متناهية في الكبر .. وقيم لا متناهية في الصغر

وحسب مفهوم الضرب.. فضرب القيمة الصغيرة كتير بقيمة كبيرة كتير بيأدي للحصول على قيمة متوسطة

فلو ضربنا الـ 10 بالأس -15 والتي عبارة عن قيمة صغيرة جداً جداً تقترب من الصفر .. ويمكن استخدام الصفر للتعبير عنها.. بـ 10 مرفوعة إلى أس +16 والتي عبارة عن قيمة كبيرة جداً جداً تقترب من اللانهاية الموجبة.. ويمكن استخدام اللانهاية للتعبير عنها (عندما تقارن بالقيمة الصغيرة أو بقية متوسطة)..

لكان ناتج عملية الضرب هو الرقم 10.. واللي هو عبارة عن قيمة متوسطة قابلة للإدراك ويمكن التعامل معها

بالنهاية.. كل هالحكي منقدر نعبر عنو بإنو صفر ضرب لانهاية يساوي عدد معروف ومحدد ويمكن حسابه وفهمه والتعامل معه ولكن لا يمكن معرفته ما لم تعرف القيمة الحقيقية للصفر والقيمة الحقيقية للانهاية

وبما إنو ( ضفر * لانهاية = عدد )

فإن ناتج قسمة أي عدد على الصفر هو اللانهاية
( وطبعاً كلمة عدد تعبر عن قيمة متوسطة ومنطقية )

وآسف كتير على كتر الحكي واللعي اللي ما إلو طعمة.. بس بدكن تتحملوني.. لإني بحب إلعي كتير

وشكراً للي قرؤوا ردي كاملاً

والسلام