CSC-SY

قرأت اليوم الخبر التالي من سيريا نيوز
فشو رأي الشباب بالموضوع؟

شهادة التعليم المفتوح "ثقافية" وحاملوها لا يمكنهم التقدم للدراسات العليا؟

التعليم العالي

بدأت القصة باتصال من خلدون نجيبة مع سيريانيوز (وهو خريج تعليم مفتوح قسم الترجمة)، الذي تقدم بشكوى تتعلق بمنعه هو و زملاءه من تقديم طلبات للانتساب إلى ماجستير التأهيل والتخصص في الترجمة، بالمعهد العالي للترجمة في جامعة دمشق.

وبعد متابعة سيريانيوز لهذا الموضوع كان خلاصة الجواب الذي حصلنا عليه " غير مسموح حتى الآن أن يتقدم خريجو التعليم المفتوح إلى الدراسات العليا، صحيح أنه لا يوجد قرار يمنع ذلك، لكن أيضاً لا يوجد نص قرار يسمح بهذا " شهادة التعليم المفتوح... شهادة ثقافية ولسوق العمل ولا تعادل الشهادة الجامعية "

يقول نجيبة " إعلان بدء القبول لفحص الماجستير لم يستثن طلاب التعليم المفتوح من التقدم، لكن عندما ذهبنا إلى مديرية شؤون الطلاب المركزية للتسجيل لامتحان القبول، أخبرنا المدير أنه وبناء على أوامر (شفهية) من مدير المعهد العالي للترجمة الفورية د. فؤاد الخوري يمنع استقبال الطلبات من طلاب التعليم المفتوح دون ذكر أي أسباب أو مبررات ، فتوجهنا إلى د.عباس صندوق أمين سر الجامعة فقال أن شهادة التعليم المفتوح (شهادة ثقافية ولسوق العمل فقط و لا تعادل الشهادة الجامعية) ". يتابع نجيبة مستغرباً " رغم أنه وبتاريخ 17 \ 11 \ 2003 صدر قرار رقم 50\ م ت ع من وزارة التعليم العالي يعتبر أن شهادة التعليم المفتوح معادلة لشهادة التعليم النظامي".

وللإجابة على التساؤل بشكله العام " هل يحق لخريجي التعليم المفتوح أن يتقدموا إلى الدراسات العليا "، اتصلت سيريانيوز مع د.أحمد نتوف مدير مركز التعليم المفتوح بجامعة دمشق والذي كان متعاوناًً حيث أخبرنا أن القرار 50 \ م ت ع " لا يزال ثابتاُ وقائماً، لكنه لا يعني أن يقبل خريجو التعليم المفتوح بالدراسات العليا، المعادلة المقصود بها في القرار هي أخذ إجازة جامعية للدخول إلى سوق العمل، بينما التقدم للدراسات العليا فهذا يحتاج إلى قرار من مجلس التعليم العالي يسمح بذلك "، لافتاً إلى أن الأمر بيد وزارة التعليم العالي وليس مسؤولية مركز التعليم المفتوح .

توجهنا إلى المكتب الصحفي في الوزارة لطلب لقاء الدكتور غياث بركات وزير التعليم العالي لأمر مستعجل
( لأن تقديم طلبات ماجستير الترجمة ينتهي في 7 \ 12 )، وهناك أخبرونا أن الوزير لديه اجتماع، وتم تحويلنا إلى د.علي أبو زيد معاون الوزير لشؤون التعليم المفتوح، والذي قابلتنا سكرتيرته قائلة " أنه غير موجود الآن " حاولنا الاتصال بمكتبه عدة مرات وفي كل مرة تكون الإجابة إما أنه مشغول ولديه اجتماع، أو غير موجود " ليبقى طلاب وخريجو التعليم المفتوح يتساءلون لماذا لا يحق لهم التقدم للدراسات العليا...؟؟؟

خبر كتير مثير للإهتمام, شكرا hanisaf.

بالمناسبة, القبول بالمعهد العالي للترجمة على حد علمي  بيعتمد على نتيجة فحص للقبول (فحص ترجمة), و مو على معدّل المتقدّم.

مسخرة
قالوا انو شهادة التعليم المفتوح متل العادي و بعدين رجعوا بكلامون
عنجد عيب و الله عيب يكذبوا ع العالم مشان يقصوا مصاري

بس ماني شايف علاقة بين كون الشهادة بتعادل النظامي وبين الدخول للماجستير!
يعني اذا كان الشخص خريج جامعة خاصة فيه يقدم عالماجستير؟!
وحتى لو كانت الشهادة من جامعة دمشق بس فيك تعتبرها من غير كلية, يعني مثلاً لوفرضنا في "أدب انكليزي" و "أدب انكليزي - تعليم مفتوح" بالأولى في ماجستير وبالتانية مافي (وبالحقيقة في اختلاف بالمنهاج والاسم "قسم الترجمة").
اذا كان هالماجستير بيقبل طلاب من غير جامعات أو غير كليات فلازم يقبل طلاب المفتوح أما اذا لأ بظن الشغلة عادية.

الماجستير بيقبل طلاب من جامعات تانية، هيك قللي عميدكن الدكتور نوار، بس ليكون التعليم المفتوح مو معترف فيه وبدو امتحان معادلة؟

أحسن شي أنو الجامعة تفتح ماجستير مفتوح

بتصوّر ANATHEMA قصده من الجامعات الحكوميّة تبع حلب و حمص و اللادقية...

لأ أنا سألتو عن جامعتي بالامارات، هالحكي من شي سنة، قللي رح نعمل ماجستير بنظام الساعات بالتعاون مع جامعة فرنسية، والاختصاصات هي ذاتها شبكات وذكاء وبرمجيات، والماجستير للطلاب من الجامعات الأجنبية بمصاري (شي 100000 ليرة بالسنة)، بعتقد بيحسبوها موازي.

بس هل هو هادا الماجستير نفسو اللي عنكن هلأ؟ بالضبط مابعرف

يعني والله الطلاب عنا لو تعملن دكتوراه بالتعليم المفتوح ليسجلو فيا
عنجد مسخرة ..
يعني المهم عنا أنو الواحد ياخد شهادة انشا الله يكون مابيعرف شي بفرعو
بعدين طالما هنن كتير أذكياء لدرجة يسجلو ماجستير وين كان ذكاهم بالثانوي
أحسن شي ماكمل حكي أحسن مانغلط فيهم أكتر من هيك ....

بس ملحوظة بسيطة, طلع التقديم على هادا الفحص (و على المعهد العالي للترجمة) مسموح في لخريجين عدد من الكليّات, يعني مو بس أدب إنجليزي و فرنسي, الظاهر كل الكليّات مسموح إلهن التقديم و بياخدوا اللي بينجح بالفحص و المقابلة. الظاهر هي أخيرا خطوة على الطريق القويم بهادا البلد, بإعتبار الترجمة حاجة لكل الإختصاصات.

بصراحه شي غريب

انا عم ادرس بالتعليم المفتوح والماجستير متاح والدكتوراه

كمان وشهادة جامعتي شهاده معترف فيها محليا في دولتي ودوليا

بحكم انها معتمده من قبل الجامعه البريطانيه المفتوحه

بس مااعرف ليش هيك صاير عندكون

تمنياتي بالتوفيق للجميع

انسانه من الوجود

طيب أحب أن أسأل هل ما حدث بخصوص التعليم المفتوح ينطبق أيضاً على خريجي الجامعة الافتراضية السورية في قسم كهندسة النظم المعلوماتية أم ماذا ؟؟

شكرا لكم

طيب هل ياترى كمان اللي عم يكمل بالتعليم المفتوح لحتى يعدل شهادتوا ما بتتعدل ولا شو

وقتها خلي كل العالم تسجل ماجستير وتقعد عشر سنين

انا براايي مستكترين على طلاب التعليم المفتوح يدرسوا سنة ببلاش بقى اكيد عم يستنوا لحتى يعملوا ماجستير بالعملة الصعبة

يبعتلن حمى إنشاالله هنن و.............

المصاري صارت كل شي بهالإيام.. حضرت محاضرة نائبة الدكتورة بالإعلام يوم الجمعة وروّحت محاضراتي مشان احضر هالبياخة
والله وكيلكم كل شي علاك بعلاك ( أنا بدي ابني بناء خاص للتعليم المفتوح......... أنا بدي ساوي التعليم المفتوح بنية.... أنا وأنا وأنا .........و كلو كوم ومداخلات الطلاب كوم تاني مابيسمحو لمين من كان يسأل إلا وقت يعرفو شو بدو )
بس حسبي الله ونعم الوكيل فيون
مالنا غير رب العالمين نلجألو... لإنو كلو وبلا استثناء ماخرج نلجألو
بس يارب .. الشكوي لغير الله مذلة