CSC-SY

درس الطلاب المادة جيدا وحلوا جميع المسائل في النوتات وغير النوتات وبعضهم كان ممتازاً في حصص العملي(مثلي كما اعتقد)ولكن...
إجا الفحص العملي وإجت معو المصايب ...3 مسائل ما معروف أرعة أبووا من وين. المسألة الوحدة بدا للتفكير والتمحيص والحل والكتابة والتأكد من الأخطاء والتصويب و...... شي ساعة ونص(إذا كنت فطحل وإذا خطرت الفكرة على راسك فوراً) كيف بدنا نحل 3 مسائل من هلشكل ب ساعتين؟؟؟؟؟
حدا يجاوبني

بدك تطنش و تتعود و تطول بالك و لسا الخير لقدام

عنا السياسة المتبعة بالكلية هي اعطاء وقت أقل من الوقت الكافي مشان الطالب الي فهمان والطالب الي مو فهمان يجيبوا نفس العلامات (مشان مايصير حسد وديقة عين ) وكمان مشان التشجيع على البصم بدل الفهم.
يعني من وين اجى رقم الساعتين ماحدا بيعرف هل من المعقول انك فيك تختبر أداء الطالب بأيى مادة بساعتين؟ الانكليزي والتحليل والخوارزميات كلها نفس الشي!

فحوصات جميع مواد قسم الذكاء الصنعي بحلب (بالاضافة لمواد الانكليزية للمعلوماتية) مدتها ساعتين.

بعتقد أنو بأغلب الأحيان الساعتين كافيين بالنسبة إلي.. خاصة أنو القعدة الطويلة بتنتج مضاعفات مزعجة بالشتة.

إي والله ... الفحص كان بدو أكتر من ساعتين ...حتى الساعتين ما كملوا !!!وزعولنا الأسئلة بعد نص ساعة من الوقت... وقال ما بينتظروا ساعتين لأنو في فحص بعدنا بالقاعة... يعني الوقت الفعلي كان ساعة ونصف فقط !!!! والمشكلة الأكبر إنو آنسة العملي اللي عنا مو هي اللي حاطة الأسئلة ... فسرتلنا طلب بأول الوقت شكل .. وبآخر دقيقتين سألوها مرة تانية وفسرته بشكل مختلف تماما ... بعد ما كنا كاتبين ومخلصين وما باقي وقت !!!!!

مرحبا عفوا يمكن طلب مو بوقته وانتوا متدايقين بس اذا ممكن حدا ينزللنا المتحان اللي اجاه
وشكرا

على فكرة هي الظاهرة منتشرة بالكلية ,لعمى لكان تحليل 2 تتقدم أربع مرات وما تطلع ؟؟؟ والله داق خلقي منها .....

بدكون تتعودو على هالشي منشان ما تنصدمو بالمستقبل ,متل ما قال فراس لسا الخير لقدام .

أبو الخل .

اليوم كان عنا امتحان Database2 وكمان كان ساعتين! يا دوب لحقت معنا! ما بعرف المشكلة مني أو من الأسئلة...
على سبيل المثال، تذكرت امتحان الذكاء من شي 5 أيام، كان في سؤال عن إيجاد تابع المسار الأمثل، قام أوجدت تابع التقويم وتابع الكلفة وكتبت خوارزمية البحث بالعمق بلغة برولوغ ... وهالحكي أخد معي بحدود 20 دقيقة تقريباً ... فلما سألت رفقاتي عن عالتمرين قام طلع الحل "وبكل بساطة" هو المسار ABCD، يعني "وبكل بساطة" بدنا نتطلع على الرسمة و"نشوف" المسار الأفضل! (على ذمة سلالم التصحيح اللي للأسف ما كان عندي اطلاع عليها) ... وساعتها عرفت "وبكل بساطة" ليش ما كفتني الساعتين

وكمان نحنا اليوم بالتحليل 3 كانت الأسئلة طويلة كتير مع العلم انها مستحيلة الحل .. لك اشتهيت حدا يئلي انو المادة بتترفع معه .. و الله كانو رح نرجع نكرر مأساة الدارات

الحمد لله لهلأ فحوصاتنا متناسبة مع الوقت بس الله يستر
يعني بالانكيزي ومبادئ عمل الحاسب والفيزياء كان الوقت مناسب تمام
يمكن لأنو المواد التلاتة مأتمتة!!!!
.
.
.
.
.
.
.
.
.
.
.
.
.
.
حسن
مافي أمل ما في حدا يرد عليك....

الحمد لله متل ما قال هاني عمنلحق تمام , هلأ خلصو المأتمتين .. بقيلنا برمجة وتحليل وجبر ... انشاء الله منلحق.

صحيح حسون ... أنا ما نصحتك بلا وجعة هالراس؟؟؟ بس أنت ما بترد شو بدي أعملك؟؟؟؟

My mobile was stolen, if you gave me your number after 1/4/2008 send it to me again

على فكرة فعلاً التحليل 3 اليوم ,الدكتور ضرب الرقم القياسي بقلة الزوق و الإحساس ...... شي الأسئلة طويلة ومعتة وما بتخلص مستحيل ...... ما بيلحق الواحد .....

فؤاد شو صار معك اليوم ؟؟؟؟؟

أبو الخل .

على
أي اساس بتنحط علامات العملي كتير ظالميناوخاصة انسة المبادئ

أسئلة امتحان العملي برمجة 1:

السؤال الأول :
لدينا مصفوفة ذات بعدين A(n,m) ذات قيم حقيقية والمطلوب أكتب برنامج يتضمن ما يلي :
1. إدخال قيم عناصر المصفوفة A
2. استبدال كل عنصر ذو قيمة سالبة من المصفوفة A بمجموع عناصر سطره (( دون العنصر نفسه ))
3. ترتيب عناصر المصفوفة A باستخدام مصفوفة أحادية B
4. طباعة عناصر المصفوفة A المرتبة بالشكل النظامي

السؤال الثاني :
لتكن لدينا سلسلة محرفية Str المطلوب أكتب الأجزاء البرمجية التالية :
1. تابع يقوم بتشكيل مصفوفة أحادية b كل عنصر من عناصرها يمثل قيمة الأسكي المقابلة لمحرف من محارف Str ويعيد بعد هذه المصفوفة .
2. تابع يعيد مجموع الأعداد الأولية من المصفوفة b
استدعاء التوابع السابقة ضمن التابع الرئيسي main() باستخدام قائمة خيارات .

السؤال الثالث:
أكتب تابع (عودي حصرا )يعيد القيمة العظمى من قيم عناصر مصفوفة أحادية ذات قيم عددية صحيحة.
*********

الله يوفقنا كلنا ويكون حظنا أحسن بالبرمجة النظري .....

[أنا اليوم المسا إن شاء الله بنزل الأسئلة ...
أي لغة بتاخدو ببرمجة 1 ؟؟؟

شكرا كتير انسه sana A
نحنا مناخد باسكال (مو مساكين؟) قال هي تعليميه مو مشكله منتعلم
ايمت امتحان البرمجه النظري تبعكم انتوا؟؟؟
الله يوفقكم ويوفقنا
وشكرا

ما بعرف حاسس كل سنة عن سنة عم يصعبوا الأسئلة أكتر وأكتر ...

يعني كلما بشوف أسئلة دورات السابقة وبحلها .. بجي عالفحص وبشوف مفاجآت جديدة ....

أنا حسبت أنو تكون الأسئلة شااااااااقة وطويلة للتحليل /3/ بس مو لهالدرجة !!!! والأغرب من هيك الأسئلة الغريبة ( الثاني والثالث ) يللي مو حالل منهم منوووب ..... وبيقولوا أنو بيجيب من محاضراته ...والله كلو حكي ....

الله يستر .... كملانة كمان بالخوارزميات الثلاثاء الجاية ...

ذكرتيني بجروحاتي لما شفت أسئلةالعملي وبالعلامة سألت المعيدة بعد ما تخانأت معا بنص الفحص سألتا: لازم الواحد يجيب علامة محددة بالعملي حتا يقدم نظري ؟قالتلي: لاء بس فحص العملي أصعب من هادا.
يكتر خيرك والله طمنتينا

شكرااااا يا شباب كتير على مشاركتكن مشكلتي اللي هيي مشكلة كل طلاب المعلوماتية متل ما شفت.
الله بعيين
على فكرة أخدت بالعملي 16 من 30 وما بعرف من وين بدي جيب ال44 لحتا انجح
الله يستر

يعني لكن هي اسئلة بحطها الفهمان غسان كويتر يعني مافي ولا سؤال مساعدة من اةل سؤال والخوذأة بلشة .... العفى يا...
قلنى لحالنا جبنى بالعملي منيح أكلنا هوى بالنظري

من أول الفحص وأنا الخوذأة مبلشة معي كل ما بطلع بقول المادة الجاية انشالله أحس
بس حيخلصوا المواد وما كنت صير أحسن يا العطل مني يا من الأسئلة؟؟؟
والمشكلة ماحدا عمصدق من أهلي لسه مفكرين أنا بنتهن الشاطرة يلي زعلانة بشان النص والعلامة, بس هيك أسئلة مو لطالبة ماصار إلها معرفة بالبرمجة أكتر من شهرين لك ما كنت إسمع عنها حتى!!!!!!!بصراحة ماعرفت غير مسألة التشفير لأنو أعدت عليها نص نهار بالعيد مو ساعتين لخمس مسائل

يعني أحلى شي أنو تبلش معك الورقة بسؤال ما بتعرفوا
ووشوف نفسيتك طول الفحص وخصوصاً لما بتتطلّع على هادا تمرين المصفوفات يللي تحت وبدك تفكر فيه يا سلام .....
والأحلى من هيك أنو الدكتور ما عجبتوا طريقة الجمع 4+2=6
قال بدو طريقة جديدة
وعود خلال 5 دقائق كحد أقصى استنتجها بذكاءك الخارق

براي الأسئلة كانت كتييييييييييير صعبة و مو متناسبة مع الوقت (السؤال الرابع والخامس كل واحد منهم بدو شي تلت رباع الساعة) و في أسئلة مو مفهومة (الجمع العودي؟؟؟؟؟؟؟!!!!!!!!!!!!!!!!).

الاسئلة ما كان فيها شي صعب غير الجمع العودي بس الباقي مو سهلين لكن بينحلو بس كمان بدن وقت طويل يعني بالنتيجة الأسئلة صعبة

الأسئلة ما كتير كتير صعبة بس صعبة وبده وقت مو ساعة ونص

لا حول ولا قوة إلا بالله ... شو هالأسئلة ؟؟؟!!!
كنت مفكرة فيدكم بالأسئلة تبعنا بس شكلو نحنا مساكين أكتر منكم ...
نحنا لسه لا أخدنا تشفير ولا وراثة ولا مؤشرات ((يعني أكيد لقيتو الأسئلة اللي حطيتها بايخة بالنسبة للي أخدتو إنتو لهلأ !!!))
وحتى العودية ما كان عنا أمثلة كتير عنها وانعطت بالآخر ...
الله يستر من الفحص .. لأني لما شفت اختراع ((تابع الجمع العودي وتبديل متحولين بلا وسيط )) خفت أكتر ما كنت خيفانة
كيف يعني بدها تخطر للطالب وهو بالفحص ومتلبك كيف يبدل متحولين بلا وسيط!!!
الله يعينكم وانشالله بترفعوها كلكم (ادعولنا ... فحصنا الأحد )

إذا بتريدوا .. ممكن حدا ينزل مسألة المصفوفات ؟؟((إذا مو طويلة كتير وبتاخد وقت معكم ))