CSC-SY

شوفو الرابط : http://www.syria-news.com/edu/readnews.php?sy_seq=22188

بدون تعليق ..........

فعلاً مهزلة .....

بس بيستاهل الردود اللي انكتبت ...

أبو الخل .

شو شكله كتير مصدق حاله (هو بس لو كان أسلوبه بطرح الفكرة محترم شوي كان ممكن الناس تتعاطف معه شوي وتصدقه).
بس والله ما قصروا فيه بالردود بنوب
شو Sony صرنا نقول إن شاء الله يطلع شي قرار جديد بخصوص التعليم المفتوح لحتى نشوفك

برايي لا التعليم المفتوح ولا العادي ولا اي شي بيثبت كفاءة انسان

أد العمل وارض الواقع هي اللي بتبين هاد الشي ....
والردود عليه برايي هي غلط أكبر من غلط صاحب المقال ...

ولو حكينا من تجربة واقع ... لقينا في كتير مهندسين تخرجوا مالهن علاقه بالهندسة .. يعني مو التقييم الشهاده اللي بايد الواحد لو انو التقيم السائد هو من خلال وزن الشهادات اللي مع كل واحد

وهي الفكرة لازم نتخلص منها حتى نكون متقديمين صح ونقدر نتعاون و تختفي الانا اللي بتحطم الشخص نفسو أبل اي حدا تاني ..

و ما حدا بينكر معاناة طلاب المعلوماتيه و طلاب هندسة الكمبيوتربكفي تخطي الاختبارات التعجيزية ..

ولا حدا بينكر انو في ناس ممكن تشتغل على حالها وتتفوق وما تكون بكليه الهندسه او حتى يكون اسمهم مهندسين ..

أرجو تتقبلو رايي بدون تحيز

في شي صح بكلامه
بس كان لازم يقول أفضل من الناحية العملية فقط (لاتنسوا انو بعد التخرج ماحدا رح يستخدم التحليل أو الأتومات أو بحوث العمليات)
وحتى طلاب المعهد المتوسط بجوز يكونوا أفضل
هالحكي بينطبق عالطلاب أثناء فترة الدراسة, بعد التخرج بجوز يختلف الوضع.
وطبعاً هالحكي بينطبق على نسبة (بجوز الأغلبية) من الطلاب مو عالكل
برأيي هالشي بيرجع لطبيعة الأشخاص (مو المنهاج) الي دخلوا هالفرع بما انوا علاماته كتير عالية أكيد كانوا طول المرحلة الثانوية عم يهتموا بدروسهون فقط وماعندهون وقت لحتى يتعلموا عن الكمبيوتر والبرمجة وحتى بعد مادخلوا عالكلية بسبب المنهاج الغلط كمان مازاد عندهون وقت (أو بجوز زاد عندهون وقت بس ماحبوا كمان يضيعوا وقت فراغهون عالكمبيوتر) لحتى يتعلموا ويجربوا ويبرمجوا.

متل العادة Sony منلتقي بحكايات التعليم المفتوح

هي رقصة الموت (لطلاب التعليم المفتوح بالهندسة المعلوماتية في مدينة اللاذقية)

حابب أعرف مين هالدكتور

بشك انو يكون (ن م)

وافق شن طبق

نلتقي في مغامرة جديدة مع الكابتن (تعليم مفتوح)

للأسف ولا مرة قرأت تعليق أو مقال بيوحي لمؤشرات إيجابية لطلاب التعليم المفتوح من قِبل الطلاب النظاميين وكأنون ضراير ...
يأخي الكلية محا تدوم لا للمفتوح- يلي طلعوا تسلل بأنو مافي غير هاالدورة- ولا للنظامي والكل بالنهاية مستقبلو واحد بيحددو كفائتو العلمية والعملية بالمستقبل والشهادتين علىحد علمي صادرات بموافقة وزارة التعليم العالي فخففوا حماسكم شوي أما بالنسبة للمجموع الثانوية العامة موأقل من 180 علامة يللي سجلو فيه والأغلب من الطلاب خريجين معاهد كمبيوتر يعني خبرتهم موجودة وفي طلاب مجموعهن 200 علامة وتركوا هندسة الزراعة وإجوا على الفرع وبالنهاية كلنا من شريحة الطلبة في وطننا الغالي *سوريا* لنقدم كل الخبرات الأكاديمية بالمسقبل لبلدنا لنرفع مستوى المعلوماتية مع أساتذتنا فيه ... لنلحق قطار الغرب السريع وبعضنا بعدو ناطر شي مقال منشور بحق زميلو ليسيغو علكة ........
وفهمكم كفاية

بشكرك أخي على هالموضوع،وإن كان متأخر بعض الشيء عن المقال الأصلي، حقيقة أنا علقت على المقال الأصلي لهيك ما عندي كتير كلام قولو غير إنو طلاب التعليم المفتوح - في معظمهم - لديهم شعور مسبق بالدونية مقارنة مع الطلاب النظاميين وهذا ما يجعل صاحب المقال يكتب الكثير من العبارات المضحكة مثل (نحن الأفضل بإقرار أساتذتنا!!! )

أنا بلوم صاحب المقال لأنو كأنو مو عاجبه الطلاب النظاميين اللي كل واحد طقيت روحو و طلعو عيونو و هو عم يحفظ فيزيا ولا يحل رياضيات أقل شي بقا يعني بعد هالعذاب كله أنو نفوت نظامي وعلى فكرة في كتير ناس بيفوتوا على هالفرع عن محبة أو بيحبوا بعد ما يفوتوله وأنا منهن

السلام عليكم...الصراحة أكبر غلط أتخذ توقيف برنامج التعليم المفتوح وخصوصا الهندسة المعلوماتية اللي كانو طلاب الثانويات الصناعية مهنة تقنيات الحاسوب معلقين عليه أمال كبيرة بعد ما إنفتح قدامهن هالبرنامج وفجأة تسكر !!!!!وبعتقد بحجج مو كافية ومو مقنعة ما بعرف إذا بتوافقوني الرأي ؟؟؟؟