CSC-SY

لهلق ما عم أعرف تفسير منطقي لشغلة ال60 من 100 حد نجاح للسنة الأولى
بجوز تقولولي كل الكليات هيك. بس بدي اسأل سؤال : ليش كلية الطب البشري فيا كل المواد بدون استثناء أتمتة ونحنا كلية المعلوماتية لسعتنا على النظام الفرنسي اشرح وتحدث وتوسع واستوفي وعرف وبأحسن الأحوال عدد؟؟؟؟؟
يعني أكيد نحنا ما أذكى من طلاب السنة التانية والبقايا لحتا يكون حد نجاحنا 60 ونفس مستوى أسئلتن
حدا يجاوبني؟؟؟؟

الجواب باختصار شديد :
.
.
.
.
.
ما بدن طلاب تفوت نظامي ..... والباقي عليك ...

عم يحاولوا قدر الإمكان من عدد المتخرجين من الجامعة مشان يغطوا التضخم يللي صاير .... بس هي الشغلة ما بتنطبق على كليتنا المفروض لأنو عددنا يا دوب بقدر يرفع سوية البلد من حيث المعلوماتية ...

طول بالك
يعني انت كتير عجبتك الأتمتة خصوصاً تبع الفيزيا؟؟؟؟
خلص كبيس عالجرح ملح وعود ادروس

أصلاً كل هالشي مشان مصلحتك مشان تصير تدرس زيادة وبالتالي يرتفع معدلك.
لا تطّلع على نص الكاسة الفاضي
(أوعى تصدق).

لك شو أصتك يا أخي ما بتجيب غير أصص ممأته و بتوجع الراس

و الله معك حق rain man الله يعينكن
نحنا اشوا ساولنا ياها 50

الجامعات برا اللي بتطبق نظام النجاح من 60
اول شي نظامن تماما غير نظام جامعاتنا عندن نظام مواد مو نظام سنوات عنا اذا حملت اكتر من اربع مواد خلص راحت عليك سنة كاملة.. هنيك لا.

ثانيا الطلاب عندن حرية اختيار للمواد اللي بدن ينزلوها.

ثالث شي كل يوم و التاني بيعملولن quiz مشان يضلو بجو الدراسة.

رابع شي الدكاترة عندن بيختارون الطلاب على مزاجن و كل كورس في اكتر من دكتور بيدرسو و الطالب بينقي الدكتور اللي بيعجبو. و اذا كان الدكتور مو منيح و ما عم يفهمو علي بيخربو بيتو و بيشرشحو.
و الطالب اذا سأل شي أو ما فهم شي بيجاوبو الدكتور بكل احترام مو بيتمسخر عليه و بيبهدلو و بيطرئو منية إذا جاوبو...
عنا نص الطلاب بيخافو يسألو او يستفسرو ما يقوم يتمسخر عليون الدكتور .. هاد الدكتور نفسو شوفو بالجامعات الخاصة متل القملة المفروكة ..المصاري بتعمل مفعولها !!!!!

خامسا بيقسمو الطلاب لمجموعات اعدادها معقولة لتحضر النظري بشكل محترم و الدكتور المحترم يعطي انتباهو و تركيزو للكل.

سادسا و هي الواحد عيب يحكي فيها المقاعد و القاعات عندن بظن مو متل عنا !!
عنا المقاعد بالمدرجات ماساة ما بعرف انو ذكي مصممن المقعد بيبعد متر عن الطاولة و خود على وجع ظهر يعني اجباري بالبريك بدك تفركها لانو القعدة مو مريحة ..
هلا عم نعاني منها بالفحص بتنجبر تقعد ساعتين كاملات على هيك مقاعد...

فلما يصير عنا بجامعة دمشق هيك يبقى من حقن يعملو علامة النجاح من 60 .بس مو بهاد الوضع و النظام اللي ماشية عليه جامعة دمشق العتيدة و اللي ما حدا ما شي عليه من الجامعات برا بيعملو علامة النجاح من 60 .
بس دايما عنا هيك بيطلعو هالقرارات بدون ما يدرسوها .. بس المهم انو طلعو قرار .. ع اساس عم يتشبهو بالجامعات برا ...

التفسير الوحيد هو :
نحن نريد لجميع طلابنا الأعزاء أنا يكملوا دراساتهم العليا لذلك يجب على الجميع الحصول على علامة فوق ال 60
يالله انشالله الدكاترة يتفهمو هالشي ويرفعو العلامات شوي

كل مادة منقول اللي بعدها كملنا الأربع مواد الحمل وباقي أصعب تنتين
بالامتحان عم نحسب علامات النجاح أكتر مما عم نحل وبيدخل الدكتور علامتحان وبيقول المتحان كتير سهل بتسأل سؤال بيجاوب السؤال واضح ومابدوشي

إذا اطلعت عالموضوع من وجهة نظر غير طلابية بتلاقي أنو علامة النجاح 60 كتير منيحة
لأنو بترفع مستوى الطلاب العلمي...أصدي أنو اللي بينجحوا بيكونوا فوق الوسط يعني جيد..وبالتالي ما بيتخرج إلا الفهمان ونحنا بالنهاية ما بيهمنا النجاح بالسنة بحد ذاته ولا ترفيع المواد ...لأ نحنا بيهمنا أنو نطلع فهمانين..
مشان نحسن نعمل شي منيح لهالبلد ..ونحس بقيمتنا بهالدنيا .. والله أنا هيك بحسبا...مشان هيك لحد هلأ حاسة حالي ما بنتمي لكلية المعلوماتية ...لأني لسا ما تمكنت من البرمجة وبعتقد أنها أهم مادة يعني عندي أفهمها أحسن بمية مرة من إني أنجح بكل المواد... وتضل هيي..
انشالله..عم دور على نافذة أمل بهاالدنيا بس .....

هلأ دائما" لازم يكون في مواد دخيلة وطفيلية مشان الطلاب ينزعجوا ولو ...
ومعك كل الحق عالفيزيا ما أنا رسبت فيها وبعلامة بتخجل مع إني مو فهمتها لأ بصمتها
وما تاخدي كلامي مقياس أنا كل هالحكي مشان البرمجة لأنها أهم مادة عنا والباقي مالو طعمة ولا شو رأيك؟؟؟؟؟

معكن حق بللي عم تحكو لأنو 60% علامة مو سهل تنجاب وخاصة لإلنا (السنة الأولى) مو عرفانين الله وين حاطتنا.
واللي بيزعجك أكتر لما تلاقي حدا مثلاً جايب نفس علامتك ورفع المادة أنا بصراحة ما صارت معي الحمد لله بس شفتها بغير جامعة وكلو ليش لأنو نال شرف حمل المادة السنة الماضية
وهي نقطة حلوة لإلنا لأنو انشالله (بعيد الشر)السنة الجاية بيعطونا مواد السنة الأولى يللي حاملينون عل 50

ما شاء الله ع ها ذكاء لك منين جايبوا يا Nigeria شلون طلع معك انو نحنا بنتحاسب عل 50 يا فهمان نحنا بلشنا بهادا النظام لذلك بنكمل في اما السنوات الأخرى (بلا معنى) مانو مطبق علين حاليا بس

بالمناسبة: طلاب الطب هنن رواد التغيير! كل ما بيكون في شي شغلة جديدة بيجربوها عليهم. من شان هيك احمدوا الله على الفرنسي.
اللي بيشوف مصيبة غيره بتهون عليه مصيبته.

واووووووو
الله يبشركن بالخير يعني شي بيخلي الواحد يتفاءل كتيييييير!!!

السلام عليكم ايها الاخوة في جامعات الجمهورية العربية السورية في الحقيقة ان هناك الكثر من الاخطاء في نظام التعليم والتدريب والمخابر واوقات كثيرة في العلامات و كيفية النجاح التي حكما وحتما لاتعبر عن الطالب ولا حتى عن مقدراته او فهمه للمادة التي نجح بها أو حتى رسب بها
وهذه في الحقيقة مشكلة كبيرة سوف يعاني منها الطالب بعد التخرج هو انه درس كثيرا وتعب كثيرا ولكن مع الاسف سوف لن يجد في جعبته سوى الشيء القليل .
لان مواضيع البرمجة وان تكون محترفا او ان تكون ان صح التعبيرمبرمجا تتقن شيئا ما هذا ليس بالامر السهل ولا بالامر الصعب ايضا
مع القليل من الجهد في الجامعة من قبل مدرس النظري وكذلك مدرس العلمي يمكن ان تكون مثل هذه المواد عدا انها غطيت بشكل ممتاز من المتعة بمكان بحيث انك سوف تسحر بها ولا يمكنك ان تتوقف عندها ,
ارجو من السادة الدكاترة وكذلك المهندسين ان يعطوا دروسهم ومقرراتهم حقها
وكذك الامر بالنسبة لكل اعضاء الهيئة التعليمية والتدريسية ان يستقبلوا اسئلة الطلاب بصدر رحب

والله الموفق

دعها لربك وضعوا لنا ستين مع الجامعة السيئة التعليم
نعم ستين قليل جدا ً يالمقايس العالمية ولكن على الجامعات السورية الخاصة فبل العامة هذا كثير جدا ً بسبب سوء التعليم

يستر عليكن حاجة تفتحوا مواضيع قديمة......

انا ما قهرتني الستين قد ما قهرتني انو59بكون الواحد راسب يعني بمعنى آخر أنا ما بستاهل انجح بالمادة على علامة يعني انا بدي اعيد دراستها كرمال الدكتور مايشوف ب8ورقات اجابة ويلاقي علامة ولا هيك بكون الواحد رسب بجدارة

والله يا شباب عنا نحن شي روعة والله بتسال الدكتور بكل صدر رحب بجوبك وحتى لو طلعت لبرا وسالتو بجاوبك وتبعتلو ايميل انشا اللله مية سؤال بجاوبك ما عندو مشكلة ما بعرف ليش انتو يك يمكن المصاري بتلعب دورها وب النسبة ل المقاعد والشغلات التانية تبع الراحة بحس حالي بجامعة امريكية الل وكيليكو شي روعة ومريح يعني كل طالب الو مقعد لحالو وطاولة ومكا ن يحط فيه الكتب ويا عيني على هيك سبورة ويا عيني على الاستراحة بين المحاضرات ملعب سلة وقدم ومية وفي وخضار شي بحذر بيعين الله شباب لحتو تطلعة قبضات انتو هيك عم يسواو فيكو الله يوفق الجميع

ع قولة رفيقي:

عطيني تلاتمية ألف بالسنة لضل جاوبك لبكرة الصبح.