CSC-SY

حكمة : ما حدا مرتاح (شو ما كان عم يشتغل)

بس مصيبة المبرمج هي العزلة الاجتماعيه ولازم يكون مركز كل الوقت حتى لو في ويك اند لازم يعمل فيها مليون اصة والكل بيعتب عليه

بما أني هلأ قاعد كل يوم أبي بقللي:
"أهلين أستاذ شو أنت ساكن معنا هون..!!"

بالفعل هي مشكلة كبيرة وهلأ عم حس بمدى حجمها

بس شوبدنا نعمل
فامشوا في مناكبها

الشغل ساعات طويلة (أكتر من 5 باليوم) مو إنساني بالمرّة. شو جابر الواحد؟

تصور من فترة قرأت مقالات بمدونة ان المبرمجين لا يصبحون مبرمجين إلا لأنهم مهمشين أجتماعياً و يعيشون في عزلة اجتماعية .

M-Ramy انا أبي بيسأل انت هو بالشام مفكرك عايش بقبرص

والله ما بعرف شو رأ ي الشباب , بس أنا بعتقد أنو المبرمجين (يلي بيطلعو لحالهم مبرمجين بدون ما ينجبروا عدراستها) من أذكى الناس , والأذكياء ما ضروري يكونو مهشمين إجتماعيا ً , يعني على هالحالة الكلية عنا عبارة عن شوية رماد عمبيحضرو المحاضرات.

القاعدة الي بعرفها بتقول: المبرمج الناجح شخص غير اجتماعي, مو بالعكس يعني مو لأنو مهمش أو منبوذ بصير ميرمج.
بس طبعاً هالقاعدة بتنطبق عالأغلبية مو عالكل.

وهالشي منطقي يعني لحتى تكون مبرمج ناجح معناها كل يوم بتقعد مالايقل عن 10 ساعات ورا جهاز الكمبيوتر بين شغل وغيره, وبالتالي إما انت شخص غير اجتماعي ومبسوط على هالوضع أو مارح يمشي حالك.

بالنسبة لطبيعة عمل المبرمج بظن انها مرهقة من الناحية الفكرية فقط (بجوز من أكتر المهن) حتى لو كان الشخص هوايته البرمجة وكتير بيستمتع بالبرمجة بيضل في أيام كتيرة بكون فيها العمل ممل أو محبط أو معقد لدرجة منحس فيها بالإرهاق وفي أيام قليلة بكون العمل ممتع ومامنحس بالوقت وبجوز نشتغل 12 ساعة يومياً بدون ما نتعب ,هالشي بيعتمد على شو عم نشتغل بالزبط.

كل الشغلات بدها وقت يا شباب
بس الفرق بين المبرمج وغيره أنو المبرمج عم يقعد ورا هالكمبيوتر بينما الباقيين عم يطلعوا ويروحو بس في مثل المبرمج مثلا المهندس المعماري والمدني كمان بدو يقعد ورا طاولته ويرسم ويخطط ...
يعني بالمختصر ومتل ما قلتو أي شغلة إذا بدك تطلع شي حلو وملفت لازم تعطيها وقتها وأكثر شوي كمان

فعلا ،حتى أحيانا بكون قاعد مع أهلي مثلا و عم فكّر بشغلة ما ظابطة معي أو بطريقة أفضل بكتابة تابع أو كود معين.
لكن لو كانت البرمجة متعبة ذهنيا بظن بتبقى أفضل الأعمال المتعبة جسديا(غالبا).

أنا بتفق بالحكي مع NightWolf لأن حتى بباقي الهندسات ليطلع معك شي مميز بدو شغل وتفكير وتحليل كتير ..

بس الله يحميه رفيقك هاد مو طبيعي بسم الله ماشاء الله حولو

بذكرني ببلال الله يذكرو بالخير

هذا صحيح عملنا مرهق

you are wrong

all the great programmers whom i knew are so social

and i think beieng social is a part of being succesfull programmer

ما بدها كتير الشغلة بس الشغل الحلو بده وقت كتير وما بيحس بطعمته الا صاحبه وبالنسبة للعلاقات الاجتماعية شوية تنظيم للوقت بيمشي الحال ولا لازم طلاب المعلوماتية يكونوا فاشلين اجتماعيا"مو بس هيك وما بيعرفوا يحكوا كمان

نحنا بدون شغل عم نرجع الساعة 7 (على الأقل) على البيت
فكيف ما نكون عم نشتغل
الله يعينا ويعينكم