CSC-SY

الإصدار الجديد من متصفح الانترنت FireFox :

بعض ميزاته :
حجم صغير نسبياً (حوالي 5 ميغا بايت).
Tabbed Browsing.
إمكانية التحكم بال Popups .
إمكانية تحميل الملفات.
والعديد من الميزات .

تحميل البرنامج

وهو برنامج مجاني.

الي بستعمل المتصفح Mozilla من حوالي 3 سنوات (او اقل شوي) و من وقتا ما قربت على Internet Explorer، المتصفح رائع و في ميزات ممتازة بس للاسف ما كتير ناس سمعو فيه و خاصة بالمنطقة عنا، يمكن السبب لانو Internet Explorer بينزل بشكل افتراضي مع Windows و يرتبط تسمو مع كلمةThe Internet بقائمة Start.

من ميزات المتصفح انو بيمنع نوافذ الدعايات popups المزعجة كتير، و ممكن عن طريقو منع الدعايات بكل اشكالا.

ممكن من خلال هالمتصفح فتح النوافذ ضمن نافذة البرنامج الرئيسية بدلا من فتح نافذة جديدة، هالشي بقلل من النوافذ بشريط المهام Taskbar و بخلي الامور مرتبة، كمان ممكن تعيين الصفحة الرئيسية لمجموعة من المواقع بدال موقع واحد، او فتح مجموعة من المواقع من المفضلة Favorites دفعة واحدة.

ميزة تانية هي استخدام الزر الوسط بالماوس لفتح صفحات بنافذة جديدة، بدال shift+click بـ Internet Explorer، وكمان اذا انقطع الخط اثناء الdownloadممكن متابعتو بعدين.

كمان مع Firefox ما بعاني المستخدم من المواقع اللي بتنزل برامج بدون علمو او بتغير صفحة البداية، المتصفح امن اكتر بمراحل من Internet Explorer.

بالمتصفح كل الميزات الممكن توقعا منو، متل حفظ كلمات المرور، قائمة بالمواقع المفضلة، المحفوظات History، و ممكن تغيير شكلو عن طريق الthemes.

هي الميزات اللي خطرت ببالي هلأ، في اسا ميزات تانية كتير، نصيحة جربو لاسبوع او اسبوعين، و بس تتعودو على الميزات الجديدة، بأكدلكون انو مارح تفكرو تستعملو Internet Explorer مرة تانية.

حتى انا لما بكون بالمخبر بالكلية، بفضل اني نزلو على اني استخدم Internet Explorer.

حجمو 4.7MB يعني بالكتير نص ساعة download، و هو مجاني تماما و مانو shareware.

موقع المتصفح:
http://www.mozilla.org/products/firefox/

الميزات:
http://texturizer.net/firefox/

التحميل:
http://ftp.mozilla.org/pub/mozilla.org/firefox/releases/0.9/FirefoxSetup-0.9.exe

تعريب الواجهة: (بيكتب و بقرأ عربي بدونا، بتحتاجا بس اذا بدك كل الواجهة تصير عربي):
http://www.4-sms.com/users/mozilla/

أنا بلشت استعمله من فترة

وفعلاً هو متصفح رائع

بيجوز بدو شوية وقت مشان نتعود عليه

بس الشي يلي مضايقني فيه أنو ما فيه مثل الانترنت اكسبلورر بتكتب فرضاً Yahoo وبتضغط ctrl+enter فيتحول العنوان لوحده الى www.yahoo.com - أو بيجوز فيه بس ما بعرف الخاصية -

بتوقع انو عم تستعمل برنامج Mozilla و اللي هو المتصفح + البريد الاكتروني + IRC + محرر صفحات HTML، مظبوط ما في هالميزة.

اما Firefox و اللي هو المتصفح بس من Mozilla بدون باقي البرامج ففي هالميزة، بالاضافة الى:

shift+enter -> www. .net
ctrl+shift+enter -> www. .org

شو رأيك؟

جزء البريد الاكتروني من Mozilla كمان متوفر لحالو و اسمو ThunderBird، و كمان في ميزات ممتازة بتخلي احسن من Outlook.

أنا عم استخدم FireFox اليوم لأول مرة
في شوية مشاكل ( يمكن لأني لسه ما تعودت )
بس بشكل عام لاحظت أنو أفضل من Internet Explorer بمراحل
عندي سؤال:
أنا عندي خطين واحد على الجمعية و التاني على البريد و أنا بستخدمهم بالتناوب
Internet Explorer كان فيه امكانية تحديد اعدادات كل اتصال بشكل مستقل
بس أنا ماعرفت كيف ممكن أعمل نفس الشي بالمتصفح الجديد

بالمناسبة برنامج البريد الالكتروني ThunderBird رائع فعلاً

ميزة تانية لFirefox هي توفر مجموعة كبيرة من البرامج الصغيرة اللي بتضفلو ميزات، اسما extensions.

قائمة بالextensions المتوفرة: http://extensionroom.mozdev.org/main.php/Firefox

بالنسبة لموضوع الproxy، المشكلة ممكن تنحل عن طريق extension اسما SwitchProxy، موجودة هون:
http://jgillick.nettripper.com/switchproxy/

نزليا من link اسمو install for firefox موجود بوسط الصفحة تقريبا، سكري المتصفح و ردي افتحى، بيطلع toolbar جديد ممكن من خلالو اضافة اكتر من proxy و التغيير بيناتون.

انا رأيي انو بعد ما تعملي الاعدادات تخفي الtoolbar لانو بياخد مساحة كبيرة، و تصيري تغيري عن طريق قائمة الزر اليمين. في معلومات اضافية على صفحة الextension.

بس ملاحظة صغيرة على الextensions، فريق التطوير غير طريقة عمل الextensions بين 0.9 و 0.8، لهيك في بعض الextensions الحالية يمكن ما تشتغل مع Firefox 0.9 حاليا، لهيك اللي عندو Firefox 0.9 انا رأيي يطول بالو كام يوم لبين ما يحدثو مطوري الextensions نسخون، او ممكن ينزلو 0.8 المتوفرة كمان ضمن الموقع.

ملاحظة تانية: بعض الصفحات ممكن ما تطلع بشكل صحيح بمتصفح Mozilla، السبب مانو مشكلة بالمتصفح، ولكن بكود الصفحة نفسا، برامج Microsoft بتنتج كود فيا شغلات مانا قياسية وفقا للمعايير القياسية اللي بتحطا منظمة W3.org، مثل برنامج FrontPage.

متصفحات Mozilla من اكتر المتصفحات دعما للمعايير القياسية، و هي بتدعم التقنيات الجديدة متل CSS2 و غيرا، بعكس Internet Explorer اللي ما بيدعم العديد من التقنيات الحديثة بتصميم المواقع.

اذا واجهتو هيك صفحات، وكانت غير قابلة للاستخدام ابدا ضمن Firefox ممكن تستخدمو IE مؤقتا، بس ضروري تفهمو هي النقطة، انو المشكلة بكود Microsoft غير القياسي ، اما الكود القياسي وفق معايير منظمة W3.org فبيطلع بشكل صحيح ضمن Firefoxبدون مشاكل.

تعديل:
بالمناسبة اللي ما مصدق انو دعم IE للمعايير القياسية و التقنيات الحديثة بتصميم المواقع سيء، ممكن يشوف هي الصفحة:
http://developer.apple.com/internet/webcontent/bestwebdev.html

او شوية بحث على الانترنت بتطلعلو كتير امثلة عن مشاكل بدعم IE للتقنيات الحديثة.

شكراً كتير على برنامج FireFox , بالفعل غير حياة مقارنة بـ IE , وأنا عم انتظر حل لموضوع تعدد البروكسي يناسب الإصدار 9 .

شكراً أيمن على اللينك
نزلت SwitchProxy و مشي الحال

كتب Nadia:

شكراً أيمن على اللينك
نزلت SwitchProxy و مشي الحال

مافي مشكلة

بالمناسبة، الموقع http://texturizer.net/firefox/ في شرح لميزات اضافية متل البحث بالصفحة عن كلمة عن طريق كتابتا مباشرة بالكيبورد، و شغلات تانية مفيدة.

i've just installed it,
it looks great!

and the tabbed browsing is very handy...

بس يا شباب عم تواجهني مشكلة بال FireFox هي أنو لمن بكون عم حمل ملف لنفرض 10 ميغابايت وبعمل للملف Pause لحتى أرجع كمل التحميل في اليوم التالي ، عند إغلاق ال FireFox يسأل إذا كانت أريد أن ألغي التحميل أو أغلق البرنامج. وإذا أغلقت البرنامج بيرجع التحميل من الأول...

شو الحل : : :

معك حق، حاليا ما ممكن متابعة التحميل بعد اغلاق المتصفح نهائيا، كتير ناس عم يطالبو بهالميزة، بتوقع انو رح يضيفوا مع (او قبل) الاصدار 1.0، المفروض انو تطلع اخر الصيف.

http://www.mozillazine.org/talkback.html?article=4038

انا كمان عم استعلوا ....
فعلاً ممتاز و مريح...

انا عندي النسخة 9.3 على ويندوزxp ...و في مشكلة انو لما بكون على شي صفحة و بفتح صفحة تانية ب tab جديد بينتقل الfocus تلقائياً على الtab الجديد لما بخلص تحميل (مع إنو الصفحة الأولى بتبقى هي الظاهرة)

كمان في مشكلة بالمتصفح Mozilla FireFox
أنو لما أفتح صفحات و بعد ما إقطع الإتصال ما بعودو الصفحات متوفرين بدون إتصال بعد فترة قصيرة حتى لو كنت حاطت work offline
جربت مدد ال history و كبرت سعة ال cache ومامشي الحال
بهذه الشغلة تحديداً المتصفح Internet Explorer أحسن

صحيح كلامك!
في مشاكل كتيرة على ما يبدو بموضوع الصفحات المحفوظة. يعني حتى إذا صفحة فاتحها من دقيقة ورجعت فتحتها مرة تانية غالباً بيعيد تحميلها من أول وجديد مو متل internet explorer.
وبعدين إعداداته محدودة. يعني في أمور أكتر كنا نتحكم فيها من internet explorer مو موجودة نهائياً بإعدادات الـ firefox. بس عموماً سرعة أداءه لقيتها أفضل وأريح وقت اللي بتكون فاتح عدد كبير من الصفحات، بس للأسف في العديد من المشاكل لسا بدها حل.

كنان: كل الصفحات ولا موقع معين؟ غيرت شي بالاعدادات او نزلت شي extension الا علاقة بالموضوع؟

صلاح و سالم: لحتى تبقى الصفحة بدون اتصال، لازم ما تحاول تفتحا قبل اختيار work offline، و لازم تسكر المتصفح بشكل عادي (يعني ما بانهاء مهمة، او ترك النافذة مفتوحة و طفي الجهاز)

بس على كل احسن انو الواحد يفضي الcache من وقت لوقت، والا بيبطأ كتير.

بالنسبة لفتح الصفحة بعد وقت قصير، المفروض انو يرد يحملا و ما ياخدا من الcache، هو بياخد الصور من الcache بس، تخيل مثلا انو عم تفتح موقع اخبار كل شوي و كل مرة بيطلع نفس الصفحة و ما بتتحدث.

اما لما بتستعمل ازرار للامام و للخلف، Firefox بياخد الصفحة من الcache، اما IE بحملا من جديد.

تعديل:
نسيت ما قول انو المطورين ما مهتمين بالوضع بدون اتصال، لانو الاغلبية بالعالم صارو على اتصال سريع، احسن ينزلو الصفحة من انو يستخدمو الcache، و لانو اضافة ميزات جديدة غالبا بصير عن طريق التصويت.

اذا في مشاكل تانية، ممكن نضيفا لBugzilla، الي في بخبر المستخدمين عن مشاكل، موجودة ضمن موقع موزيلا، بس قبل، بدنا طريقة محددة لنطلع المشكلة على المتضفح، يعني ما بكفي نقول انو الtab الجديد عم ياخد الfocus، لازم تقول مثلا:
افتح صفحة csc-sy.com بالtab الاول
اضغط بالزر الثالث على الlink المنتديات
بعد انتهاء تحميل صفحة المنتديات بصير الfocus عندا

المتوقع انو يبقى عند الصفحة الرئيسية.

لانو اذا ما لقى المطورين طريقة لاعادة حدوث المشكلة ما بيقدرو يحلوا.

هدا الي بميز البرامج الopen source، لو في مشكلة بIE، ما في غير تنتظر نسخة جديدة كل كام سنة، او تحديث كل كام شهر لينحل، و يمكن ما ينحل ابدا.

هو فعلاً الFirefox ما كتير فينو الواحد يعتمد عليه بشغلة الcache بس بالمقابل في ميزات بتخلي الواحد يغض نظر عن هالشغلة

غالباً موقع csc و hotmail و gmail....في extension نازل عندي اسمو DOM inspector ما بتذكر إني نزلتو وما إلو uninstall ...أنا عندي النسخة 0.9.3

شوف Tools > Options > Advanced، و اذا في صح جنب select new tabs from links شيلا.

غير هيك مما عندي فكرة، اذا ما انحلت، عمول uninstall و حذوف مكتبة الprofile تبعك، ورد نزلو، و رجع ملف الbookmarks و هالشغلات، بيرجع وقتا لسلوكو الطبيعي.

إذا واحد عمل adblock لشي مكتبة أو صورة ...كيف ممكن يرجعا...

Tools > Adblock > Preferences

علم الصورة و اضغط delete.

hiiii
i've aproblem with fire fox........
when i sign out from my e_mail &press on the(back icom) it will back to th e_mail without asking about the password
help me please

hiiii
i've aproblem with fire fox........
when i sign out from my e_mail &press on the(back icom) it will back to th e_mail without asking about the password
help me please

hiiii
i've aproblem with fire fox........
when i sign out from my e_mail &press on the(back icon) it will back to th e_mail without asking about the password
help me please

الموضوع قديم جدا ً يرجى نقل النقاش إلى موضوع جديد.

كتب NightWolf:

Windows Sucks, Ubuntu Rocks

Going Linux

please answer my q

المتصفح رائع لكن توجد فيه مسكلة صغيرة وهي انه لايدعم بعض الوصلات(الروابط) في بعض مواقع الويب..لقد واجهت مثل هذه المشكلة حينما كنت اتصفح موقع syriatel

ما في حدا رد على سؤالي يل شباب

السلام عليكم

  there is something difficult .. but there is  nothing impossible