CSC-SY

Watermarking قبل ما استلمه كمشروع تخرج و اللي هوي بالعنوان العريض software watermarking كنت كل شي بعرفه عن الموضوع هوي الاسم و ليش بيستخدمه التقنية .. بس اكتشفت بعدين إنه حتى هيك أحسن من غيري لأن كتير طلاب حتى من السنة الخامسة بيسألوني عن مشروع التخرج و بقول الاسم بيفكروني عم قول watermarketing "تسويق الماء" .. و ما عندهم أي فكرة عن الاسم watermarking ..ولهيك حبيت شارككم بالفكرة أساسا أناالموضوع تعرفت عليه أول مرة بموضوع طرحته Nadia بالموقع من فترة طويلة .. فهي تقنية بيستخدموها لحماية الملكية الفكرية إن كان لصور أو audio أو vedio و بحالتنا نحن و الأهم ال software بعد ما انتشرت أعمال القرصنة .. و ببساطة بيخفوا حقوق الملكية اللي بتمثل ال watermark ضمن كود البرنامج سواء إن كانت سلسلة أو رقم أو حتى ممكن تكون صورة أو تسلسل تنفيذ معين للبرنامج أو كود صغير متل switch cases هي بأبسط الحالات ..

و نحن هلا بدنا نشتغل على البرامج المكتوبة بلغة جافا و ال watermark رح نضمنها بملفات ال bytecode و اخترنا جافا لأن أغلب التقنيات المشغولة و المدروسة و اللي لقيناها مطبقينها على كود جافا و غير هيك نحن ذاتنا منعرف بجافا أكتر من غيرها ..

الفكرة جديدة عنا و ما بعرف إذا في بالكليات هيك فكرة مطروحة أو انطرحت من قبل كمشاريع تخرج بس بيضل بالأساس بسوريا في مشكلة و ضعف بصناعة البرمجيات لهيك بالأساس يمكن ما في مشكلة بالقرصنة عليها لحتى حاليا نستخدم ال watermark مشانها .. بس على الأقل لازم نعرفها وقت نسمع فيها

ِشكرا لألك على هالموضوع ،، وفعلا متل ماقلتي إنو في لبس كبير بالفكرة وكتير ناس مابتعرف اساسا شو المقصود من الموضوع

أنا بعرف هالشغلة تابعة لقسم معالجة الإشارة وبالأخص ببرنامج الماتلاب في تطبيقات واسعة لهالشغلة..
و بعرف الترجمة للكلمة هي العلامة المائية وهي عبارة عن علامة بيحطا المبرمج مثلا" بصورة ما تضاف هذه العلامة للدلالة على حقوق النشر مثلا" قد تكون العلامة إشارة ضجيج ..

الترجمة مزبوط العلامة المائية بس نحن ما استخدمناه لأن كمصطلح علمي غير مستخدم و بيضحك و بعدين لاء مو شرط يكون خاص بقسم معالجة الإشارة لأن هالحكي بيخص ال audio و ال vedio و ما بعرف على شو بيشتغله أكتر شي .. أما ال software فهي اختصاصنا و مشان شو بيستخدموها فما اختلفنا أنا و ياك ..

How about biometrics?

قرأت المقالة و ما فهمت شو إلهم علاقة ببعض .. لأن المقالة بتحكي عن استخدام تقنيات لتمييز سلوك الإنسان و المواصفات الفيزيولوجية و شرط يكون في مكون فيزيولوجي للإنسان ضمن العملية متل البصمة العادية أو بصمة العين ... أما ال watermarkinf شي تاني تماما ..

يمكن الفكرة المشتركة بس ..إنه هون عم يتعرفوا على الإنسان و بال watermarking  عم يتعرفوا على ملكية البرمجية .. يعني بس إنه عم يستخدموا أدوات ليتعرفوا عليهم ...

في شي تاني أنا مو منتبهة عليه ...و إنت حبيت تحكي عنه  

مرحبا imessa7 انا طالب هندسة برمجيات وبدرس بالاردن وعندي مشروع التخرج الفصل القادم وحابب أعمل مشروعي بنفس مجال موضوعك
اذا ما عندك مانع ممكن نتواصل وتزوديني بمجموعة المراجع اللي استخدمتيها وكل ما يتعلق بالموضوع وبكون شاكر الك
(اذا بدك عن طريق الايميل abushusheh2008@hotmail.com)

فكرة حلوة , بس في مجال تعطينا توضيحات اكتر ؟

Watermarking, cool, I think it prevents modifying the .EXE with a hexeditor, doesn't it

هلا التقنية مزبوط بتمنع تعديل البرامج و اللي رح تكون أكيد exe  بس ما شرط البرامج بس ، قلت من قبل إنه أي ملكية فكرية صورة أو فيديو أو أي منتج رقمي ، أنا اللي اشتغلت فيه هوي البرامج . بس ممكن أعرف شو دخل ال hexeditor.

Using a hexeditor you can change some string constants in the exe file so when it runs, it displays the strings that the hacker has inserted...
so the hacker can modify your exe and get a fully functional software that has his name on it
this way some guys translate some programs into arabic,
I have used some programs that can prevent your strings from being hacked likewise,...
these programs used to call this technology "Watermarking"
is this an example of watermarking??

thanks

بمعرض شام السنة الماضية كان في هيك مشروع بالمشاركات الفردية وكانت ع الدلفي على ما اذكر ,,,

موضوع العلامة الرقمية من المواضيع الكتير ممتعة اللي اشتغلت فيها، أخدنا هالموضوع بمقرر العملي الخاص بمادة "وسائط متعددة" بالفصل الأول من السنة الرابعة وعملنا مشاريع لتطبيق خوارزمية Walton وتطوير نسخة محسنة منها، وبحب اشكر هون أيمن و ناديا على جهودن الحثيثة لتدريس مواضيع هالمقرر بأفضل شكل، شكراً كتير الكن.
موضوع العلامة الرقمية بشكلو الأساسي بيهتم بحماية الصورة الرقمية من التلاعب والتعديل، هالشي بيتم من خلال ربط كافة البيكسلات الموجودة بالصورة بمعادلة معينة (أو مجموع تحقق checksum) بحيث أنو تعديل القيمة اللونية لأي بيكسل منها بيغير المعادلة وبينبه على وجود خطأ، وقوة العلامة الرقمية أنو ترميز المعادلة بيتخزن ضمن الصورة نفسها، بحيث أنو الصورة وكود حمايتها بتتخزن ضمن الصورة نفسها (مو بملف تاني مثلاً)، وكمان أنو التأكد من شرعية الصورة بيستلزم الصورة وحدها (مو ضروري وجود صورة تانية للمقارنة ... لأنو وجود صورة تانية أصلية للمقارنة بيخلي الموضوع كلو ما الو معنى )، خوارزمية الحماية بسيطة نسبياً، وطبعاً من الممكن تحسينها وزيادة تعقيدها بحيث ما تعود تهتم بس بألوان البيكسلات، بل تهتم بمواقع البيكسلات النسبية في الصورة، وتنبه إلى مكان وقوع التلاعب بالصورة، بس هالشي ما بيتم دون تكلفة .

أول شي أبدا العلامة الرقمية مو موضوعها الأساسي حماية الصور الرقمية قلت و برجع بقول أكتر من مرة  ممكن تكون على الصوت أو على الفيديو أو على الصورة أو البرامج و أنا برأيي أهم تطبيق بيكون على البرامج لأن هي اللي سرقتها بتكلف الشركات ملايين
و ملايين يعني في إحصائيات بتقول إنه سرقة البرمجيات بتكلف الشركات كل سنة 16 بليون دولار فأي أهم الصور أو البرامج ؟؟!!!
و  شكرا على المعلومات مشان الصورة   بس طريقة التعديل على الصورة أبدا ما بتشبه التعديل على ال exe  كل واحد موضوع لحال مثلا أنا اللي اشتغلت عليه هوي إنه عم عدل بملفات ال class  بجافا عن طريق مكتبة اسمها BCELبتسمح لي بالتعامل مع تعليمات الbytecode
و  إني ضيف  إحذف أو عدل تعليمات يعني هون أنا ما بتعامل مع بايتات هاد الشي مستحيل لأن شو بدك تفهم من مجرد بايتات بملف تنفيذي (يعني هون مو متل الصورة )و عن طريق المكتبة باخد الملف التنفيذي يللي رح يكون jar و بضيف ال watermark على واحد أو أكتر من ملفات ال class و طبعا في خوارزميات كتير ممكن تتطبق .

مكتبة ال BCEL بتأمن واجهة للتعامل مع بنية ال bytecode  يعني أنا ما مضطرة فوت بتفاصيل متل مواقع الذاكرة و المؤشرات و تعديلها كله المكتبة مسؤولة عنه .

كمان في عنا مشروع تخرج تاني عن ال Image Watermarking  >

و مشان ال hexeditor مشكور Darkscorp ما كنت بعرف عنه ، مزبوط هي الفكرة ذاتها إنه عندك برنامج و ما بدك تخلي غيرك يسرق ملكيته  بس هون تطبيق ال hexeditor  صار أضيق لأنه بيمنع التعديل نهائيا على الكود أما  بال watermarking ما بتمنع التعديل على الكود بس بتضل محافظة على الملكية(متل إني ضمن اسم المالك ضمن اسم method  أو ممكن جزئها و ضمنها ضمن أسماء لمتحولات البرنامج أنا بنشئها ) أو ممكن  تخلي البرنامج يخرب و يبطل ينفذ بمجرد التغيير يعني في أكتر من طريقة و أكيد ال hexeditor وحدة منها.

تطبيق العلامة الرقمية ممكن على أي نوع من الوسائط المتعددة كونها كلها بتتخزن بنفس الأسلوب (يعني قسم header وقسم data) هالحكي معروف وأنا كنت عم اطرح الفكرة الأساسية من العلامة الرقمية (اللي انحطت بالدرجة الأولى مشان حماية المستندات الورقية والأموال الورقية من النسخ غير المشروع).
تطبيق خوارزمية Walton مثلاً ممكن يتطبق على ملفات mp3 لتضمين رسالة صوتية مخفية ضمن غنية بمجرد معرفة تنسيق header ملف الـmp3 القياسي، مشروعي مثلاً كان بيتطبق على الملفات من نوع BMP حصراً.
بالنسبة إلي كانت أول مرة بسمع فيها عن تطبيق مفهوم العلامة الرقمية على الملفات التنفيذية! الفكرة حلوة أكيد، بس متل ما حكيت فوق إذا بدها تتطبق على مستوى متدني (أصفار وواحدات) وبنفس الآلية أكيد رح بتصير مشاكل، أما تطبيقها بأسلوب آخر فلسا ما سمعت فيه -لحد هلأ- وممنونك على التوضيح imessa7.
بالمناسبة، استخدام HexEditor بيكون مشان استعراض الملف التنفيذي بجدولين، واحد بيعرض فيه شيفرة البرنامج بأرقام ست عشرية والتاني بشيفرة ASCII مشان التنقيح أو الكسر أو البحث عن سلاسل محرفية لتغييرها "للتعريب الغير شرعي مثلاً!"... إلخ وما إلو علاقة بالحماية لا من قريب ولا من بعيد.

السلام عليكم

حبيبتي imessa7 ممكن اكلمك على الخاص بليز .. ممكن الايميل ايدي حقك .. انا مهتمة جدا بموضوعك عن مشروع التخرج وحابه اعرف معلومات ..

انا طالب فى الفرقة الخامسة (بكالريوس) هندسة حاسبات جامعة بنها مصر مشروع تخرجى water marking كنت محتاج معلومات تفصيلية عن الموضوع علما بأنى استخدم ماتلاب فلو وجدت أكواد المشروع يبق كدا تمام جدا أرجو الإهتمام ومراسلتى على الخاص للأهمية

رامى الأسود

شكرااختي العزيزه على هذا الموضوع وفي الحقيقة ارجوا المساعده والتواصل معك لكي تفيدينا في هذا المجال بحكم انه مشروع تخرجك..بان تدلينا على المراجع وكذلك لغات البرمجه لهذا الموضوع واكوادها ولكي منا جزيل الشكر
ssa940@yahoo.com