CSC-SY

السلام عليكم ورحمة الله وبركاته
حبيت اطرح هالموضوع بين أيدين طلاب السنة الأولى لمناقشة بعض المسائل الهامة في مادة الدارات الكهربائية والالكترونية
يعني المطلوب من كل واحد من الطلاب يحل المسائل(مسائل الدروس حالياً) ويرفع الحل بطريقة أو بأخرى عالنت ومنشوف الحلول كلها ومنقرر(الطلاب) الصح من الخطأ ومنعتمد على طريقة الحل المثلى
وهيك بيكون احتمال الخطأ قليل لأنو في عدة آراء عم تجتمع
بإمكانكم تصوروا حلولكم أو تعملولها scan وترفعوا الحلول يللي حليتوها كصور باستخدام أي موقع لرفع الملفات والصور متل
هادا الموقع
أو أي موقع تاني
بقا شباب فرجونا همتكم
بركي منقدر نتجاوز صعوبة مادة الدارات سوا وكلنا مع بعض أحسن من أنو كل واحد يشتغل لحالو

وهي متل ما وعدتكم حاولت اليوم حل التمارين يللي بالفصل التاني والتالت
بس الصراحة الحلول يللي طلعت معي قد تكون مختلفة عن الحلول يللي طالعة مع الدكاترة بس هادا حلي الشخصي ويللي اقتنعت فيه
أولاً
المسألة الأولى صــ27ـ
بهادا التمرين كان عندي لبس كتير غليظ هو أنو ما اقتنعت شلون بدن ينوصلو المولدات يعني وين الموجب ووين السالب وهادا السهم يللي فوق كل مولد ويللي ممكن يكون إلو حالتين:
الأولى :
أنو يكون هادا السهم هو جهة التيار خارج المولد يعني من الكمون المرتفع إلى المنخفض متل أنو يكون السهم في الفرع الأول هو يعبر عن جهة التيار من الكمون المرتفع A إلى الكمون المنخفض B
الثانية:
أنو يكون هادا السهم هو جهة التيار داخل المولد من الكمون المنخفض Aإلى المرتفع B
وفي حالة تالتة قالتلنا عليها الدكتورة :
هدول الأسهم هنن بس للتحقق يعني مالن علاقة لا بجهة التيار ولا بشي ومالن علاقة بكيفية وصل المولد (الموجب والسالب)
المسألة التانية :
سهلة مافيها شي
المسألة التانية
المسألة التالثة فيها غلاظة بحساب المقاومة المكافئة للمقاومات
وبعدين بتصير علاك ما فيها شي
تتمة المسألة التالتة
وهيك بيخلص الفصل التاني
مشان الفصل التالت
حليت التمرين الأول :
هون
بس هادا حلي الصراحة ما اتطلعت على حل الدكتورة لهالتمرين بس طلع معي نفس الجواب
مشان التمرين التاني ما انحل معي
ما عرفت شو بدي طبق فيه كيرشوف ولا تيفنن ولا...إلخ
ما عرفت
بقا يا ريت حدا يحلن ويشرح شوي شلون بتنحل
الصراحة وصلت لهون بس داق خلقي وطقيت ومليت كتير
بقا بركي بكرة بحاول حل التمارين الباقية
بقا شوفو هالتمارين وشوفو حلي وقارنو بحلولكم
ولا تبخلو بالردود والحلول
ملاحظة 1:
حتقولو ليش فتحت موضوع جديد
الجواب أنو هداك الموضوع الأول صار فيه 182 رد والخير لقدام بقا إذا حدا بدو يشوف الحل بدو يطق ليوصل للصفحة يللي فيها الحلول بقا قلت لحالي ابدا موضوع جديد بيكون أحسن

سؤال:
ممكن تطلع معي الاستطاعة سالبة؟؟؟؟
سؤال تاني:
هلأ أنا أيمتى بحط التوتر موجب وأيمتى بحطو سالب يعني أنو إلو علاقة بجهة التيار ولا لاء
سمعت من بعض الطلاب أنو لما بيكون جهة التوتر بعكس جهة التيار بيكون التوتر موجب والعكس بالعكس
هل هالحكي صح ولا لأ؟؟؟؟؟؟؟

الاستطاعة كلمة واحدة مقدار ثابت في التيار المتواصل لامعنى للإشارة فيه الاستطاعة في التيار المتناوب متغيرة و أيضاً لا معنى للإشارة فيها انما تغير الاستطاعة قد يكون موجب و قد يكون سالب طبعا هذاالحكي مو أكيد لأني لسى ما درست شي بس هيك بتصور و الله أعلم والسلام عليكم

كنت عم تحكي عن المسائل صفحة (27) بالمسألة الأولى الاتجاهات الموجودة
تدل على جهة الفولط و مالها علاقة بالتيار على حد علمي أنا حليتها كلها على هالأساس و مشي الحال و عطتني أجوبة صح.

مسا أو صباح ...الخير

حبيت كذب الخبر تبع علامات البرمجة ...مشان ماحدا يطرق مشوار عالفاضي عالجامعة يوم السبت
وسامحونا إذا وترنا أعصابكن ..أسفة رشا ..نور...وللكل ..بس انعمل فيني مقلب..

بدي اسألكن طلاب الشام ..شو اسم كتاب الفيزياءللفصل2 عندكن..؟
انا كان بدي حاول شارك بلكي بستفاد..بس نحنا هلأ عم ناخد أنصاف نواقل و الفصل الأول أخدنا فيزياء كهربائية وخلصنا منها
وبتمنى ما تعتبروا تدخل مني لأني من غير جامعة بس أنا ضعيفة بالفيزياء وبدي قوي حالي شوي

  there is something difficult .. but there is  nothing impossible

كتاب هاد الفصل عنا الدارات الكهربائية و في كتاب تاني اسمه الدارات الالكترونية بدنا ناخدو على أساس كمان.... و أخدنا أنصاف النواقل بالفصل الأول كيف ملاقية أنصاف النواقل هلأ؟؟؟ بتجنن مو هيك؟؟؟

السلام عليكم
وينكم يا عالم
شو بدي قلكم
الدكتور نوار شو عطى عطى شي عقدية أو هيك شي وبعدين وين وصلتو بالكتاب خلصتوا الفصل السادس متلنا
ولا لأ
وفتو شي بالحيط
؟؟؟؟؟؟؟؟؟؟؟؟؟
ما بعرف حاسس حالي فايت بالحيط وكلما مناخد محاضرة جديدة منفوت بالحيط أكتر
بدين وين يللي بدو يشتغل مالي شايف حدا
لهلأ حلولي ما عرفت إذا صح ولا لأ

but that is not reason
U have to try MR.morhaf
this subject is really difficult
and if u don;t try solving some question U can;t pass it

i have tried but i donot know if my solutions are right
My friends and i will try to solve it in our spare time in collage because most of us didnot know the right solution and we are very depressed about it so if we find the nearly correct answer ,we will tell you
thanks

متل ما قالت amorti ما حبيت حط الحل القاهر الباهر تبعي مشان ما تنصدموا و مشان يكون في شي إمكانية 0.000001 أنو يكون صح!!!
و بعدين إذا الواحد فينا عم يضل على المسألة 3 ساعات و ما عو يطلع شي قلت لحالي إذا حليناها سوا بركي منختصر الوقت لل3/1

والله ما حدا رح يقتلكم إذذا طلع الحل خطأ
بس نحنا منشوف وجهات نطركم
ومنشوف الحلول
بعدين يعني أنا حلي كتير بيفلج
؟؟
أنا متأكد أنو خطأ بس حبيت أعرف وين الخطأ فيه لأنو أكيد فيه شي من الحل الصح
بس يمكن عندي خطأ بإشارة بشي شغلة تانية ما بعرف
وهيك أنتو لازم تقلولي
وحطو حلولكم ومنعمل نفس الشي منشوف الخلل وين

هوي الفكرة حلوة كتير بس يفضل نتأ:د منا على workbench بعدين نحطا هيك أضمن

شو رأيكن نحل هالقصة كلها لأنو بصراحة المسائل كتير معقدة وفي أفكار عنجد مو موجودة ببالنا
من شان هيك رح إقترح اقتراح ,بدنا كم طالب أوطالبة يروحو عند العميد بمكتبو ويقلولو بلطف ومنتهى الذوق والإبتسامة الشفافة حتى يحللنا مسائل كل فصل بكتاب الدارات على ورقة أو على نوطة ينزلها بشي مكتبة ,لأنو بهي الحالة يمكن نكتشف أفكار جديدة ما بنعرفها ونفهم النظري أكتر
وبأسوأ الأحوال إذا ما ظبطت منكمل مناقشة بالموقع, والطلاب يلي عمناقشو بمسائل الدارات الله يعطيهن العافية

والله اقتراحك حلو.....
و فيه وجهة نظر و هيك إذا ما ظبطت معنا منكمل الحل على الموقع و كأن شيئاً لم يكن.... بس لازم نتحرك بسرعة قبل أن يفوت الأوان...

والله فكرة كتير حلوة أنو نشوف العميد
ونقلو متل ما قالت رشا
بس مين رح يتبرع ويحكي معو ؟؟؟
طيب وبما أنو عنا بعد بكرة عطلة
تعو نعمل استنفار ونحط حالنا ونحل
شو ؟؟

والله حكيكون كتير منطقي لانو عنجد الاسالي كتير صعبي وفي افكار جديد حسب ماني شايفي وهاد هوي الحل وازا مارضي العميد كمان بنسال مدرسة الشعبي التانية يمكن ترضا هي على الاقل بكون بين ايدينا الحل الصحيح والسليم والمقبول بالفحص ميمكن حلولنا مايرضوا مثل مابنعرف

لااااااااااااااااااااااااااااااااااااااااااااااااء
مش ممكن نسأل نداء
إذا ما حلن العميد مو مشكلة بس ما تحلن هي
ناقصنا تعقيد
إذا هي بالمحاضرة عم تعقد حالا ناقصنا كمان نفوت بالحيط بالتمارين

لازم نتفق....
لازم نلحق حالنا يعني المطلوب هلأ أنو نشكل group فوت لعند العميد، الشغلة ما فيها شي لا فيزيا ولا كيميا ...
اليوم لازم نبت بهالقصة لأنو الخميس عطلة يعني لازم ندق الحديد وهو حامي ، بقا شو؟؟
على فكرة اليوم حاولنا نحل مسائل الفصل التاني أول وحدة و ما طلع معنا شي، بس حلينا المسألة الأولى بالفصل 3 و أن شاء الله بتنزلها اليوم amorti

والله إذا قدرنا نقنع الدكتور ينزل نوطات حل للمسائل بيكون إنجاز لأنو الفيزيا طول عمرها النظري تبعها ما بينفهم وبينحفظ إلا بحل المسائل ,ومسائل الكتاب هيئتهن فيهن أفكار جديدة و بتفيد. خلونا نعجل لأنو علمكن خلص الفصل, ومين بدو يروح ما منختلف عليها إلا ما يكون في متطوعين

just kidding of course we will work together 

but what do u mean by decision every thing we want just two or three contributors to meet Prof.Nwar 

خلص طولو بالكم شبكم
خلص أنا معكم
بس بدنا حدا لسانو حلو مشان يحكي لأنو الشغلة لازم تكون بلطافة وبأهلا وسهلا
شو رأيكم

و أنا ما كان قصدي شي Morhaf,
I know that you are kidding
المهم أنو نستفيد كلنا و نخلص من هالمشكلة ( مسائل الدارات) لأنو إذا كان في أكتر من واحد عم يجل كل واحد بيطلع معو شي و ما حدا عرفان الصح من الغلط