CSC-SY

مرحبا

هل يتوفر بطاقات للدفع الالكتروني في سوريا يتم التعامل فيها عالميا ، لأن أحيانا الواحد بيحتاج يدفع لشغلة بسيطة بس لأن ما فيه بطاقات حسب علمي صعبة الشراء من الانترنت.
و سؤال تاني ، البيع عالانترنت ، البنوك بسوريا فيها خدمات بتتعلق بالانترنت؟

و شكرا.

يا صديقي حطيت ايدك عالوجع
هلق يلي بقلك انو بسوريا مافي بكون عميكذب عليك بس شوف كيف
البطاقة الصادرة من الجمعية العلمية السورية للمعلوماتية 100 دولار ب 6000 ليرة يعني كتير غالية , وفي كمان البطافة الصادرة من التجاري السوري بس المشكلة الأهم بهالبطاقتين انو ال pin code عليهن بكون لسوريا
ولما بتحاول تشتري من الانترنت كثير مرات بتفشل عملية الشراء لأنو انت جاي من سوريا (قانون العقوبات الامريكي , و في شركات ما بتتعامل معنا و .....)
والشغلة التاني المهمة انو نحنا ببلدنا ممنوع تفتح حساب بالدولار و تطالعو لبرا يعني لازم يكون حسابك بالبطاقة محول من الخارج حتي تقدر تتصرف فيه على كيفك

انا من فترة سألت ببنك عودة و عرفت انو هلق عندهن فيزا أو ماستر كارد بس ما بتشتغل عالنت بس حسب حكيهن انو قريبا راح يصير في

بمناسبة هادا السؤال, اشتريت من كم شهر بطاقة jumpin (الموقع www.jumpin.net) و عملت على أساس من عندن حساب ماستركارد (كانوا كاتبينها مساتركارد) و حاولت اشتري في من على النت بس ولا مرة مشي الحال.

تقريبا كل المواقع عم تعطي شي رسالة خطأ و تقول أنو البطاقة مو مقبولة. في حدا صارت معو هي المشكلة؟

في كمان ملحوظة مثيرة للإهتمام, الموقع تبع jumpin عم بيقول إنو عندي رصيد, بس لمّا بنقر على وصلة الـaccount statment بيطلع إنو الرصيد صفر... 

في الإعلان تبع مزود الخدمة cec (تسوق عبر الانترنت) شو وضعو؟

مرحبا جميعا

مشان الدفع عن طريق البطاقات فانا عندي بعض المعلومات و الخبرة الي فيها تساعدكون شوي

انا بصراة عم استخدم هلا خدمة الدفع الالكتروني من مزود سوا

يعني بيع عن طريق بطاقات سوا

الفكرة بسيطة , كالتالي :

بفتح حساب عند الشركة ( سوا )

بيعطوني username و password

و كم تابع لحتى ركبهون على موقع عندي و هدول التوابع بتسمحلي بعمليتين اساسيتين

1- الاستفسار عن قيمة بطاقة
2- حرق بطاقة

لمزدي من المعلومات فيكون تزورو هالصفحة :

www.cec.sy/epay.php

و انا جاهز لاي سؤال .

فيكون تراسلوني على ايميلي

mas.it@hotmail.com

Eng : M.A.Sharaf
Majed@cec.sy

أنا مرة حاولت سجل بموقع paypal لكن لأني من سوريا ما تمكنت، ما بعرف إذا ebay كمان هيك
بالنسبة للـ CEC بطاقاتهم موجودة خارج سوريا في حال استعملناها؟ أنا فهمت أنو للبيع مو للشراء يعني إذا أنا عندي موقع و بدي بيع شي شغلة ممكن اسمح للي بدو يشتري يدفع عن طريقها لكن إذا بدي أنا اشتري من موقع أجنبي ما فيه CEC شو رأيكن فيه حل؟ البنوك الخاصة بسوريا اللي هيي فروع لبنوك صرلها زمان بتشتغل خارج سوريا معقول ما بوفّروا طرق للدفع الالكتروني؟

و شو رأيكن بـ كاش يو؟ حدا مستعملها؟

معناها هادا هو السبب. شكرا كتير.

هلاء صار الموقع تبع jump in

www.ji-payonline.net
بس لساتني مو متطمن منون

وممكن حدا يعطيني فكرة عن بطاقات الشحن تبع jump in ..
يعني الفئات بالدولار وسعرها بالسوري ..

والخطوات اللي لازم اتبعها مشان ادفع لاي شركة

شكرا

رأيي الشخصي..

بطافة JumpIn أسوأ بطاقة من ناحية الدعم الفني، عانيت الأمرييييييين منهم. كمان الدولار بصير فوق ال60ليرة، عدا عن تكلفة فتح الحساب يلي بتكلف 12 دولار!!!!

كاشيو، مو كل المواقع بتدعمها.

ممكن استخدام بطاقات CC من برات سوريا (لبنان، أردن، خليج، ...)

الـ PayPal أنا عن طريقه عم اشتري حساب RapidShare بس لازم يتغير ال IP لإنه ممنوع تستخدم الموقع من سوريا. في برامج تغيير IP كتيرة، وأشهرها UltraSurf.