CSC-SY

أكتشفت مؤخرا فيروساً جديداً في أغلب مقاهي الإنترنت , وهو فيروس صغير , ألا وهو فيروس AdobeR .
حيث يقوم بنسخ نفسه كما هو معروف عن الفيروسات الى داخل الأقراص المنطقية الخاصة بكمبيوترك ويقوم بتغيير القائمة المنسدلة الخاصة بقتحها لتبدأ بالأمر Autoplay بدلاً عن الأمر OPEN
ولإزالتها ما عليك إلا إدخال الأمر التالي في محث الدوس أو قائمة التنفيذ (RUN) التي توجد في القائمة إبدأ :
(*.*:\attrib -h -r -s c) ومن ثم إضغط Enter
ولمعالجة باقي الأقسام ما عليك سوى تغيير حرف القسم بدلاً عن الحرف c وتنفيذ نفس الأمر
وبعد ذلك ستجد أربع ملفات تخص الفيروس وهي :
1-AdobeR.exe أصل الفايرس .
2- RavMonLog ملف يقوم بتشغيل نفسه في الذاكرة .
3- AUTORUN.bat أمر تشغيل الفايرس وهو من النوع باتش Batch .
4- msvcr71.dll ملف تحكمي يحتوي على مكتبة بالأوامر المستخدمة في الفايرس .
وأخيرا ما عليك سوى حذف هذه الملفات وإعادة تشغيل الكمبيوتر في حالة أن القرص المصاب هو قرص تابع للجهاز
أما في حالة أن القرص المصاب هو فلاش ديسك أو قرص مرن فما عليك إلا إزالة الملفات المذكورة وإخراج القرص المرن أو الفلاش ديسك ومن ثم إدخاله مجددا ولكن أيضا بعد إزالة الفيروس من باقي أقراص الكمبيوتر لأنه طبعا ستكون قد أصيبت بهذا الفيروس
وشكرا لكم

تعال عنا على المخابر
في منه كتير
Copy.exe,sql.exe,....
بس الحمد لله عندي ال Kaspersky بيقدر يكشفون

على سيرة ال copy.exe
أنا عندي هاد الفيروس وعندي ال Kaspersky
وما قدر يكشفو

عملي تحديث لل Kaspersky
انا كل كو يوم بعمل Update

عم بعمل بس ما عم يمشي الحال
يعني بيعطيني
update failed:cannot establish connection

اعدادات البروكسي عندك بدون تظبيط..

أظنyasamen إنو فترة صلاحية الكاسبر سكي عندك منتهية،ويمكنك تحديثها من خلال الملف التالي

"تم حذف الرابط يمنع التحدث عن أفعال غير قانونية"

ضعيه بالLicense Key

طيب حدا بيعرف شو آثار sql.exe

والله تأثيره على طلاب السنة الأولى: عدم القدرة على الكتابة في الباسكال دون استخدام زر Shift, وعلى ما أعتقد ،و هالفيروس بيمنع الـ Input تبع الـ Keyboard عن أي برنامج FullScreen.

ربي يسلم دياتك , عن جد كنت عم عاني من هالمشكلة عندي
شكرا

يللي بدو يقيمو يأظهر ملفات نظام التشغيل (مو بس المخفية), ويسكر الـ Process تبعو من الـ Task Manager, وبعدين يحذفو من كل مكان بيلاقيهم فيه Copy.exe , sql.exe , autorun.inf.

أو ساوي user جديد وريح راسك

او ما فيك تاظهر الملفات ابدا!!
الفايروس ذكي وبس ينزل بعطل خيارات المجلد ( هي بتطلع بس ما فيك تطبق اي شي بتساوي!!)

أنا عم يصير عندي نفس الأعراض تبع الباسكال... شو يعني؟؟؟ صار عندي فيروس؟؟؟ ولي! شو أعمل؟؟؟

خلص حل ذكي كتيييييييييييييييييييير
الفرمتة ولا شيء سواها
وبلالكم وجعة هالراس

أنا عندي والله لقطو الـ ZoneAlarm دغري وما خلاه يشتغل, جربولكم شي Antivirus راكز أكيد بيقيمو.

انا نزلت ZoneAlarm بس بعد مانزل الفيروس عندي
وما ساوالو شي

أنا كان عندي وب كاسبر سكاي محدث وبتخلص منو

بس في عندي مشكلة أنو سلة المحذوفات ما عم تتعبا أبدا

يعني لما بحذف شي ملف بينحذف نهائيا وما بلا قي بسلة المحذوفات

فيا ترى هالمشكلة من آثار الفيروس شي؟؟؟؟؟؟؟؟؟

في خيار بخصائص سلة المحذوفات بخلي الملفات يلي بتنحذوف تنحذف من دون ما تروح على سلة المحذوفات
تأكدي منو بركي بيمشي الحال

تمام ........شكرا Abo Albess

الفرمتة كتير بتتعب الهارد
ومو دائما بالفرمتة بتقدر تخلص من الفيروسات كان عندي فيروس يلي بيقطع الإتصال النت
وفرمتت كتير و يرجع الفيروس للجهاز لذلك
أنا عن تجربةشخصية بنصح ب kasper sky

هاني العبقري ! بدك يانا انفرمت كل ما دق الكوس بالجرة .شوهالحكي يا شيخ ! ماعندك غير هالكلام

اخي الفرمته تتعب الهارد زي ما قال: razan اضافة إلى ان الفرمته تحذف الملفات في القرص المفرمت فقط ,يعني إذا فرمتت السي فقط تم فتحت أي من الأقراص شو يضمن ان الفيروس مش موجود هونيك (يعني ما نسخ نفسه في هاد القرص)و هيك بتكون ماعملت شي غير انك فقدت بياناتك و بعض البرامج المحملة عند و تعبت حالك على الفاضي .أفضل شي إزالة الفيروس بمكافح فيروسات بعد ما تسوي له تحديث إذا مانجح مضاد الفيروسات بيكون ساعتها الكي آخر العلاج .

طبعا انا بتكلم عن فرمتة قرص واحد مش جميع الأقراص

شو هاد يا هاني "نكستلنا عكالنا"

Zone Alarm & Kasper Sky are the best