CSC-SY

اتعرضنا انا ورفقاتي من فترة لشغلة غريبة وهية انو الالعاب ما بتتحرك الا اذا ضغطنا زر SHIFT يعني اذا بدي العب FIFA اللاعب مابيتحرك الا اذا ضغطت زر SHIFT ، مابتوقع انو شغلة Virus بقا يا ترى شو السبب؟!!!

القصة قصة virus وهي هي الشغلة يلي كانت عم تصير معنا بس بالباسكال وانا كانت عم بتصير معي بال need for speed
والحل كتبو الشباب بس نسيتو ونسيت شو كان الموضوع
بس إذا بدك حل عملي وعلى السريع (لبين ما حدا يذكرنا) ساوي userجديد وبيمشي الحال إنشاء الله

متل ما قال أبو البيس المشكلة في فيروس أسمو
copy.exe
كاسبرسكاي منيح بيقضي عليه على الخالص

الحل ببساطة هو التالي:

أول شي فوت على الtask manager حتلاقي process اسمها sqlserv.exe شغالة ووقفها

وحتلاقيها موجودة على الstartup كمان الغيها وممكن تلاقي ملفات من نفس الاسم عندك بالسواقات (أحياناً)كمان قيمهن

أنا لقيت منهن بهادا المسار عندي

 C:\Documents and Settings\All Users\Application Data

قيمهن copy.exe ,sqlserv.exe,autorum.inf,desktop.inf 

وعيد الإقلاع وبيمشي الحال.

شكرا الكون شباب ، جاري التجربة ....

هاني ممكن تعيد الحل تبع شوي شوي
لأنو الباسكال عندي صرلو معلئ شي 3 شهور\
و الوضع من غير شي مأساوي
بليز

أول شي اعملي scan بشي anti virus محترم متل avg untivirus أو kaspersky 

وبعدين روحي على task manager

(alt+ctrl+del)

بتلاقي بال processes :

sqlserv.exe شغال

اعمليلهend process   

ووين ما بتلاقي ملف بنفس الاسم  احذفيه

أنا لقيتو بهادا المسار

C:\Documents and Settings\All Users\Application Data

ممكن تلاقي الملفات التالية

sqlserv.exe

copy.exe

autorun.inf

اعمليلهن  shift+delete

لأنو كلهن فيروسات

بعدين روحي على إبدأ وبعدين

run

واكتبي msconfig

واختاري من الخيارات يللي فوق startup

 بتلاقي نفس الفيروس أي  sqlserv موجود بيناتن قيمي الصح من جنبو 

ممكن لتلاقيه مرتين أو تلاتة

وبعدين عيدي الإقلاع
 

وهيك ممكن يروح من جهازك

وبالنهاية شكراً ل mpcabd لأنو هو يللي دلني على هالطريقة العجيبة 

بس ملاحظة صغيرة أنو ممكن ما تكون الملفات المخفية ظاهرة عندكم وبالتالي لا يمكن الوصول إلى المسار التالي وما فيكم تشوفوا الفيروسات كمان لأنن بيكونو ملفات مخفية كمان 

 C:\Documents and Settings\All Users\Application Data

لذلك فوتو على خيارات المجلد واختاروا اظهار الملفات المخفية  

وإذا ما قدرتو تقيموهن فاعرفو أنهن لساتن عم يشتغلو بال task manager  

أسف كتير بس مدري شو صار اتكرر الرد معي مرتين لأو الانترنت كتير محششة اليوم 

لا تؤاخذوني

بصراحة انا خلص يئست
انو جربت الطريقة بس كل ما برد بقتح الtask manager
برد بلائي للفيروس
و انو كيف بدي احزفو من كل مكان لأنو عندي ا لكاسبر سكاي و ما كان يكشفو
و انو صرت مفرمتة الكمبيوتر مرتين و كان يرد الباسكال يعلئ

لازم تفوتي على ال registry أول شي و تدوري على copy.exe راح يطلعلك كثير و لازم تحذفيهن كلهن , و بعدين تحذفي الملفات الموجودة بكل سواقة وهيي copy.exe , host.exe , aurorun.ini و راح تلاقي هاي الملفات ب C:\Documents and Settings\All Users\Application Data بعديها مثل ما خبروكي الشباب روحي على msconfig - startup و وقفي sqlserv و svchost لأنو ال virus بيصيبو كمان
اعملي اعادة اقلاع بيمشي الحال

هلأ الحكي يللي حكاه as_els صح بس بدال ما تدوري على الفيروس من الregedit فيك تعمليلو إنهاء من الstartup متل ما شرحت فوق يعني نفس العملية بتصير من هون وبتصير من هنيك 

مشان ال  الregedit

حقلك المسارات يللي ممكن تفوتي عليهن مشان تقيميه من الstart up

my computer >HKEY LOCAL MACHINES>software>Microsoft>windows>current version>run

المفروض أنو تلاقيهن هنيك وبتعمليلهن إزالة

وأكيد لازم تمحيهن من فلاشتك لانو كل ما بتحطيها بالكمبيوتر بينتقلو عليه (مشان تراعي هالناحية)

بصراحة هالمشكلة صايرة مع كل طلاب الهندسة المعلوماتية بدمشق... يعني عنجد شو هالقصة؟؟ والله كرهوني الكمبيوتر على كتر الفيروسات... أنا قمت الفيروس من الـ start up ومن الـ process و رد رجع طلع.... يعني شو هادا فيروس ولا مو فيروس؟؟ بيضرب الجهاز؟ شو بيعمل؟؟ و ليش الانتي فايروس ما بيشوفو؟؟؟؟؟؟ شو قصتو؟؟ و كيف بمحيه من الفلاشة؟؟؟ أنا ما بشغل الفلاشة قبل ما أعملها scan ... لاء عنجد الشغلة صارت غليظة كتير و ما بتنحمل...
و بـ application data ما لقيت اي شي مثير للشبهات عندي يعني كلون مجلدات عادية مالها مخفية...
بليز اذا حدا عندو الحل الجذري لهالغلاظة من كون ممنونين لتعاونه...

لازم تأظهري ملفات النظام من خيارات المجلد بأن تفيمي الصح من على الخيار التالي

hide protected operating system files

وبها الحالة ممكن يظهرولك 

لك طبعا مأظهرة الملفات المخفية و مع هيك مافي شي...
بليز لاقولنا حل؟ يعني أنا كل يوم بحذف sqlserv من الـ process و من الـ start up و برجع بلاقيه تاني يوم

اتذكرت شغلة: عندي بالـ process شي اسمو svchost موجود 7 مرات هادا شو ؟ كمان فيروس؟ و اذا عملت لواحد منون end process في خطر؟؟؟

بس شغلة مو بس الملفات المخفية لازم تكون ظاهرة كمان ملفات النظام وهيك بيظهرولك

وإذا عم تحطي الفلاشة أكيد رح ينتقلو منها للكمبيوتر

اي في خطر انو يوقف نظامك هدول processes تبع خدمات النظام 

هاني معليش جبلك الجهاز تبعي كلو تعملوا scan بهاطريقة الخطيرة السهلة والفلاش كمان

السلام عليكم ورحمة الله وبركاته

أول شي الفيروس هاد يللي عم تحكو عنو اسمو Perlovga ("بيرلو في جي آي")

download

هذه الأداة التي أضعها بين أيديكم تقوم :
بإزالة الفايروس المسمى "بيرلو في جي آي" و المعروف شعبياً باسم temp2.exe بالإضافة إلى إزالة كل الملفات الملحقة به copy.exe و host.exe و svchost.exe و xcopy.exe و temp1.exe و autorun.inf ومخلفاتها.

هذه الأداة صممت لتكون عامة بمعنى أنه بغض النظر عن عدد الأقراص الصلبة والمرنة والقابلة للنزع (الفلاش) المركبة بجهازك وأسمائها فهذه الأداة تزيل الفايروس منها بالكامل، وهذا يشمل أي أقراص مرنة موجودة ضمن محرك الأقراس المرنة أثناء بدء عملية الفحص، وكذلك يشمل أية أقراص فلاش مدخلة عن طريق منفذ يو إس بي. (الأقراص المرنة والقابلة للنزع يجب أن تكون غير محمية من الكتابة لكي يمكن تنظيفها)

تزيل هذه الأداة أيضاً مخلفات هذا الفايروس التي يتركها وراءه مثل ملفات autorun.inf كما تقوم بتنظيف الريجستري الخاص بجهازك لكي تنهي ظهور الخيار "autoplay" في قائمة الأقراص.

كيف تستخدم الأداة ؟

شغل جهازك في الوضع الآمن ثم قم بتشغيل الأداة وأنقر على زر Start ثواني معدودة وينتهي كل شيء!

إذا كانت لديك عدة أقراص مرنة أو عدة أقراص فلاش مصابة فيمكنك إدخالها تباعاً وتكرار عملية التنظيف لكل منها.

---------

خلص يسلمو كتير على هالطريقة عمي BEN ADAM 

خلص شباب جربو هالطريقة وبلالكم هالتعقيد تبع الطرائق شياتي

الله يسلمك.

يسلموا إيديك معلم

انو جربنا الطريئة و مشي الحال بس الفايروس عم يرجع و يطلع و برد بلائيه بال سي
و عكل حال شكرا بس انو ازا في طريئة مشان انو ما بئى هالفايروس يرجع
حدى عندو فكرة ؟؟؟؟؟؟؟؟؟؟؟

سؤال:
في بعض الكمبيوترات لما بتفتح شي سواقة متل السي أو الدي
بتفتح بنافذة جديدة أما باقي المجلدات بتفتح بنفس النافذة يعني بس الـ Root لكل سواقة بيفتح بنافذة جديدة
فهل هالشي من نفس الفيروس
أنا الحمد لله ما بيصير معي هيك بس حبيت أسأل لزيادة العلم

آسف بس خربطت بالعنوان

كان بدي أعمل اقتباس من هون وبالخطأ كبست ارسال التعليق 

السلام عليكم

لم أفهم أي طريقة تم تجريبها؟ هل هي الطريقة التي تحدث عنها الأخ BEN ADAM مشكوراً؟ إذا كانت هي نفسها فأنا على ثقة من أن هذه الطريقة ناجحة مئة بالمئة وجربت حول العالم آلاف المرات ويمكنك تحميلها من جميع المواقع الشهيرة مثل :
Cnet download.com
Softpedia.com

هذه الأداة من تصميم العبد الفقير إلى الله وتجد النسخة الأصلية منها على موقعي الشخصي :

http://www.sergiwa.com

إذا كان الفايروس يرجع بعد استخدام هذه الأداة فلابد أن جهازك مرتبط بشبكة مصابة وليس هناك تفسير آخر لأن أداة PRT تقضي على الفايروس وكل مخلفاته من جميع أقسام قرصك الصلب وأقراصك المرنة والقابلة للنزع (الفلاش ستيك)!

مع تحياتي
أخوك عصام سرقيوة